הזוהר הקדוש

(שמות כ) אָנֹכִי ה' אֱלֹהֶיךָ, בְּהַאי פְּסוּקָא שָׁאַל רַבִּי יֵיסָא זְעִירָא דְּמִן חַבְרַיָיא מֵרִבִּי שִׁמְעוֹן בֶּן יוֹחָאי, וְאָמַר לֵיהּ, אִית לִי לְמִשְׁאַל שְׁאִילְתָּא חָדָא מִינָךְ, וּמְכַשְׁכְּשָׁא לִי בְּלִבָּאי, וַאֲנָא דָּחֵיל מִלְּמִשְׁאַל מִינָךְ. וַאֲמִינָא, אִי נִשְׁאַל, דָּחֵילְנָא דִּילְמָא אִיתְעָנֵשׁ. אִי לָא נִשְׁאַל, מְשַׁבְּשָׁא לִי בְּלִבָּאי. אֲמַר לֵיהּ רַבִּי שִׁמְעוֹן, אֵימָא. אָנֹכִי ה' אֱלֹהֶיךְ (שמות כ), בַּפָּסוּק הַזֶּה שָׁאַל רַבִּי יֵיסָא, הַקָּטָן שֶׁמִּן הַחֲבֵרִים, מֵרַבִּי שִׁמְעוֹן בֶּן יוֹחַאי, וְאָמַר לוֹ, יֵשׁ לִי לִשְׁאֹל שְׁאֵלָה אַחַת מִמְּךְ וּמְשֻׁבָּשׁ לִי בְּלִבִּי, וַאֲנִי פוֹחֵד מִלִּשְׁאֹל מִמְּךְ, וְאָמַרְתִּי, אִם נִשְׁאַל - פּוֹחֵד אֲנִי שֶׁמָּא אֵעָנֵשׁ, אִם לֹא נִשְׁאַל - מְשֻׁבָּשׁ לִי בְּלִבִּי. אָמַר לוֹ רַבִּי שִׁמְעוֹן, אֱמֹר.

אָמַר לֵיהּ הַאי דּקוּדְשָׁא בְּרִיךְ הוּא מַדְכַּר לְהוֹן לְיִשְׂרָאֵל בְּכָל אֲתַר וַאֲתַר, אָנֹכִי ה' אֱלֹהֶיךָ אֲשֶׁר הוֹצֵאתִיךָ מֵאֶרֶץ מִצְרַיִם. (ויקרא יט) אֲנִי ה' אֱלֹהֵיכֶם אֲשֶׁר הוֹצֵאתִי אֶתְכֶם מֵאֶרֶץ מִצְרַיִם. מַאי רְבוּתָא אוֹלִיף הָכָא. תְּנָאָה שְׁלִים הוּא, הֲדָא הוּא דַּאֲמַר לְאַבְרָהָם, (בראשית טו) כִּי גֵר יִהְיֶה זַרְעֲךָ בְּאֶרֶץ לֹא לָהֶם וְגו' וְאַחֲרֵי כֵן יֵצְאוּ בִּרְכוּשׁ גָּדוֹל. אִם כֵּן, לָמָּה לְאַדְכְּרָא לְהוֹן מִילְּתָא דָא בְּכָל אֲתַר וַאֲתַר. אָמַר לוֹ, זֶה שֶׁהַקָּדוֹשׁ בָּרוּךְ הוּא מַזְכִּיר לְיִשְׂרָאֵל בְּכָל מָקוֹם וּמָקוֹם אָנֹכִי ה' אֱלֹהֶיךְ אֲשֶׁר הוֹצֵאתִיךְ מֵאֶרֶץ מִצְרַיִם. (ויקרא יט) אֲנִי ה' אֱלֹהֵיכֶם אֲשֶׁר הוֹצֵאתִי אֶתְכֶם מֵאֶרֶץ מִצְרַיִם. מָה הַחִדּוּשׁ שֶׁמְּלַמֵּד כָּאן? תְּנַאי שָׁלֵם הוּא, זֶה שֶׁאָמַר לְאַבְרָהָם (בראשית טו) כִּי גֵר יִהְיֶה זַרְעֲךְ בְּאֶרֶץ לֹא לָהֶם וְגוֹ' וְאַחֲרֵי כֵן יֵצְאוּ בִּרְכֻשׁ גָּדוֹל. אִם כֵּן, לָמָּה לְהַזְכִּיר לָהֶם הַדָּבָר הַזֶּה בְּכָל מָקוֹם וּמָקוֹם?

אָמַר לֵיהּ תָּא חֲזֵי בְּרִי, קוּדְשָׁא בְּרִיךְ הוּא לָא אַתְנֵי עִם אַבְרָהָם, אֶלָּא דְּיַפֵּיק יַת יִשְׂרָאֵל מִן גָּלוּתָא דְמִצְרַיִם, וְלָא מִתְּחוֹת שִׁעְבּוּדָא דְּדַחֲלָא אָחֳרָא. דְּוַדַּאי יִשְׂרָאֵל כַּד הֲווֹ בְּמִצְרַיִם, אִסְתְּאָבוֹ וְאִתְטְנָפוֹ גַּרְמֵיהוֹן בְּכָל זִינֵי מְסָאֲבוּ, עַד דַּהֲווֹ שָׁרָאן תְּחוֹת אַרְבָּעִים וְתֵשַׁע חֵילֵי דִּמְסָאֲבוּתָא. וְקוּדְשָׁא בְּרִיךְ הוּא אַפֵּיק יַתְהוֹן מִתְּחוֹת פּוּלְחַן כָּל שְׁאָר חֵילִין. אָמַר לוֹ, בֹּא וּרְאֵה, בְּנִי. הַקָּדוֹשׁ בָּרוּךְ הוּא לֹא הִתְנָה עִם אַבְרָהָם אֶלָּא שֶׁיּוֹצִיא אֶת יִשְׂרָאֵל מִגָּלוּת מִצְרַיִם, וְלֹא מִתַּחַת שִׁעְבּוּד שֶׁל יִרְאָה אַחֶרֶת. שֶׁוַּדַּאי יִשְׂרָאֵל, כְּשֶׁהָיוּ בְּמִצְרַיִם, נִטְמְאוּ וְטִנְּפוּ עַצְמָם בְּכָל מִינֵי טֻמְאָה, עַד שֶׁהָיוּ שְׁרוּיִים תַּחַת אַרְבָּעִים וְתִשְׁעָה כֹחוֹת שֶׁל טֻמְאָה, וְהַקָּדוֹשׁ בָּרוּךְ הוּא הוֹצִיא אוֹתָם מִתַּחַת עֲבוֹדַת כָּל שְׁאָר הַכֹּחוֹת.

וְעוֹד, דְּאָעֵיל יַתְהוֹן בְּמ''ט תַּרְעֵי דְּסוּכְלְתָנוֹ לְקִבְלֵיהוֹן. מַה דְּלָא אַתְנֵי עִם אַבְרָהָם, אֶלָּא לַאֲפָקוּתְהוֹן מִמִּצְרַיִם, וְהוּא עָבִיד טִיבוּתֵיהּ וְחַסְדֵּיהּ עִמְּהוֹן. וְעוֹד שֶׁהִכְנִיס אוֹתָם לְאַרְבָּעִים וְתִשְׁעָה שַׁעֲרֵי הַשֵּׂכֶל כְּנֶגְדָּם, מַה שֶּׁלֹּא הִתְנָה עִם אַבְרָהָם, אֶלָּא לְהוֹצִיאָם מִמִּצְרַיִם, וְהוּא עָשָׂה טוּבוֹ וְחַסְדּוֹ עִמָּם.

וּבְּגִין כָּךְ תִּשְׁכַּח בְּאוֹרַיְיתָא, חַמְשִׁין זִמְנִין יְצִיאַת מִצְרַיִם, לְאַחֲזָאָה לְכָל בְּנֵי עָלְמָא, חַסְדָּא דַּעֲבַד קוּדְשָׁא בְּרִיךְ הוּא עִם יִשְׂרָאֵל, דְּאַפֵּיק יַתְהוֹן מֵאִינוּן חֵילִין דִּמְסָאֲבוּ, וְאָעֵיל לוֹן לְגוֹ חֵילִין דְּדַכְיוּ, דְּהַיְינוּ חַמְשִׁין תַּרְעִין דְּסוּכְלְתָנוֹ. וּמִשּׁוּם כָּךְ תִּמְצָא בַּתּוֹרָה חֲמִשִּׁים פְּעָמִים יְצִיאַת מִצְרַיִם, לְהַרְאוֹת לְכָל בְּנֵי הָעוֹלָם הַחֶסֶד שֶׁעָשָׂה הַקָּדוֹשׁ בָּרוּךְ הוּא עִם יִשְׂרָאֵל שֶׁהוֹצִיא אוֹתָם מֵאוֹתָם כֹּחוֹת הַטֻּמְאָה, וְהִכְנִיס אוֹתָם לְתוֹךְ כֹּחוֹת הַטָּהֳרָה, שֶׁהַיְנוּ חֲמִשִּׁים שַׁעֲרֵי בִינָה.

וְהָא אִיהוּ דַּאֲנַן מַנָּן לְהוֹ, מִיּוֹמָא טָבָא דְפִסְחָא. וַאֲנַן מַנָּן יוֹמֵי וּשְׁבוּעֵי, וְהָא אִיתְעָרוֹ חַבְרַיָיא, מִצְוָה לְמִמְנֵי יוֹמֵי, וּמִצְוָה לְמִימְנֵי שְׁבוּעֵי. כִּי בְּכָל יוֹמָא אַפֵּיק לָן מֵחֵילָא דִּמְסָאֲבוּ, וְאָעֵיל לָן בְּחֵילָא דְּדַכְיוּ. וְזְהִוּ שֶׁאָנוּ מוֹנִים לָהֶם מִיּוֹם טוֹב שֶׁל פֶּסַח, וְאָנוּ מוֹנִים יָמִים וְשָׁבוּעוֹת, וַהֲרֵי הִתְעוֹרְרוּ הַחֲכָמִים, מִצְוָה לִמְנוֹת יָמִים וּמִצְוָה לִמְנוֹת שָׁבוּעוֹת, כִּי בְּכָל יוֹם הוֹצִיאָנוּ מִכֹּחַ שֶׁל טֻמְאָה, וְהִכְנִיסָנוּ לְכֹחַ טָהֳרָה.

(שמות יח) וְאַתָּה תֶּחֱזֶה מִכָּל הָעָם, בְּשִׁית סִטְרִין: בְּשַׂעֲרָא דְעַל רֵישָׁא, דְּאִיהִי מִתְתַּקְנָא עַל אוּדְנִין. בְּמִצְחָא, בְּשִׁרְטוּטִין דְּמִצְחָא. בְּעַיְינִין, וּבִקְרִיצִין דְּעַל עַיְינִין. בְּאַנְפִּין, וּבִדְיוֹקְנָא דְּאַנְפִּין. בְּחוֹטְמָא, דְּאִיהִי מִתְתַּקְּנָא בְּאוֹרַח מֵישָׁר עַל פּוּמָא. בְּגוּפָא, בְּקוֹמָה דִילֵיהּ, וּבְשִׁיעוּרָא דִילֵיהּ לְכָל סְטַר, לְד' סִטְרִין וּלְעֵילָא וְתַתָּא. הַאי אִיהוּ תִּיקּוּנָא דְּאָדָם. וּלְזִמְנִין אִיתְקְרֵי אַרְיֵהּ, וּלְזִמְנִין אִיהוּ דְיוֹקְנָא דְּשׁוֹר, וּלְזִמְנִין דִּיוּקְנָא דְנְשֶׁר. חסר כאן

וּכְעָן צָרִיךְ לְפָרְשָׁא, כֵּיוָן דְּאִיהוּ יִיחוּד דְּקוּדְשָׁא בְּרִיךְ הוּא בִּסְפִירָן, אַמַּאי אִתְקְרִיאוּ בִּדְיוֹקְנָא דְאָדָם, וּבִדְיוֹקְנָא דְאַרְיֵה, וּבִדְיוֹקְנָא דְשׁוֹר, וּבִדְיוֹקְנָא דְנְשֶׁר. חסר כאן

אֶלָּא וַדַּאי בְּזִמְנָא דְּבָעֵי לְמֵיעְבַּד עֲבִידְתֵּיהּ, וּלְאַנְהָגָא לְיִשְׂרָאֵל דְּאִתְקְרִיאוּ בְּמַזָּלָא דְאָדָם, אִתְלַבַּשׁ בִּדְיוֹקְנָא דְהַהִיא חַיָּה דְּאִתְקְרִיאַת אָדָם, וְאִתְקְרֵי הוּא אָדָם. וּבְזִמְנָא דְּבָעֵי לְאַנְהָגָא לְיִשְׂרָאֵל לְאִינוּן דְּאִתְקְרִיאוּ בְּמַזָּלָא דְאַרְיֵה, אִתְלַבַּשׁ בִּדְיוֹקְנָא דְהַהִיא חַיָּה דְּאִתְקְרִיאַת אַרְיֵה. וְהָכֵי בְּגַוְונָא דָא בְּחַיָּה דְּאִתְקְרִיאַת שׁוֹר. וְכֵן בְּגַוְונָא דָא בְּחַיָּה דְּאִתְקְרִיאַת נֶשֶׁר. וּבְגַוְונָא דָא שְׁכִינְתֵּיהּ. חסר כאן

10.

וּבְּגִין כָּךְ אִתְקְרֵי קוּדְשָׁא בְּרִיךְ הוּא בְּאִלֵּין שְׁמָהָן, וְכָל חֵילִין דִּילְהוֹן. לֵית אֲתַר וְלֵית בְּרִיָה בְּעָלְמָא, דְּלָא שַׁלִּיט שְׁמֵיהּ עֲלֵיהּ, וְאִתְקְרִיאוּ בִּשְׁמֵיהּ. כְּגַוְונָא דָא דִּיוּקְנָא דְאָדָם, י' שַׁרְיָיא בְּרֵישָׁא. ה' ה' בְּעֶשֶׂר אֶצְבְּעָן, ו' בְּגוּפָא. וּכְגַוְונָא דָא בְּנֶשֶׁר, י' עַל רֵישֵׁיהּ ה' ה' עַל גַּדְפוֹי. ו' עַל גּוּפֵיהּ. וְהָכֵי בְּכָל חַיָּה וְחַיָּה. וְכֵן בְּכָל מַלְאָךְ וּמַלְאָךְ. חסר כאן

11.

וְלֵית נִימָא בְּרֵישָׁא דְּלָא שַׁרְיָיא בָּהֶם שֵׁם יהו''ה. וְלֵית עִשְׂבָּא, דְּלָא שַׁרְיָא בֵּיהּ שֵׁם יהו''ה. וְשׁוֹשַׁנָּה, בְּתַפּוּחַ דִּילֵיהּ שַׁרְיָיא י'. וּבְשַׁרְבִיט דִּילָהּ ו'. בְּחָמֵשׁ עָלִין דִּלְבַר, וְחָמֵשׁ דִּלְגַּו, שַׁרְיָיא ה''ה. לְאַחֲזָאָה, דְּלֵית אֲפִילּוּ עִשְׂבָּא דְּלָא אִתְבְּרֵי בִּשְׁמָא דְּיהו''ה. דְּלָא יֵימְרוּן דֵּאלוֹהַּ אָחֳרָא בְּרָא לוֹן. חסר כאן

12.

לֵית בְּרִיָה בְּעִילָּאִין וְתַתָּאִין, דְּלָאו אִינוּן רְשִׁימִין בִּשְׁמֵיהּ, וְכֵן בִּשְׁכִינְתָּא בְּכָל חַד. וּבְגִין כָּךְ אִתְקְרִיאַת שְׁכִינְתָּא שׁוֹשַׁנָּה. וְאִתְקְרִיאַת נִשְׁרָא. פָּרָה אֲדֻמָּה אַיֶּלֶת. יוֹנָה. צִפּוֹר. לֵית בְּרִיָה דְּלָא אִתְקְרִיאַת בִּשְׁמֵיהּ, כַּד אִתְלַבְּשָׁא בֵּיהּ, לְמֵיעְבַּד פְּעוּלָתֵיהּ. חסר כאן

13.

וּבְגִין כָּךְ אִתְקְרִיאַת מַעֲשֵׂה מֶרְכָּבָה. כַּד רֹכֶבֶת בְּהַהִיא חַיָּה דְּאִיהִי נֶשֶׁר, אוֹ שׁוֹר, אוֹ אַרְיֵה, אוֹ אָדָם. וְשִׁבְחָא דְּכָלְהוֹ בְּרִיָּין דִּבְרָא, אִיהוּ אָדָם, דְּאִיהוּ דִּיוּקְנָא דְּכָל עָלְמָא, וּמִכָּל בְּרִיָּין דְּאִית בְּעָלְמָא, וּבְגִין כָּךְ אִיהוּ חָבִיב עֲלֵיהּ מִכָּל בְּרִיָּין. חסר כאן

14.

וְכַמָּה בְּנֵי נָשָׁא אִינוּן בִּדְיוֹקְנָא דְּאָדָם מִלְּגָיו. וּמִלְּבַר לָא אִית בְּהוֹן אֶלָּא אוֹ עוֹפָא, אוֹ אַרְיֵה, אוֹ שׁוֹר, אוֹ חַיָּיא מֵאִלֵּין מַזָּלוֹת דְּאִתְקְרִיאוּ בִּבְנֵי נָשָׁא. וְאָחֳרָנִין בְּהִפּוּכָא, אִינוּן בִּדְיוֹקְנָא דְאָדָם מִלְּבַר, וְלָאו הָכֵי מִלְּגַו. וְעַל דָּא הֲווֹ אָמְרִין מִכָּל מָקוֹם, כָּל מִי שֶׁאֵין תּוֹכוֹ כְּבָרוֹ אַל יִכָּנֵס לְבֵית הַמִּדְרָשׁ. דְּאִתְחֲזֵי בְּאַנְפּוֹי דִּיוּקְנָא דְּאָדָם, וּמִלְּגָיו חִיוָא בִּישָׁא. חסר כאן

15.

וּבְגִין דָּא אֲמַר קוּדְשָׁא בְּרִיךְ הוּא לְמשֶׁה, וְאַתָּה תֶּחֱזֶה מִכָּל הָעָם אַנְשֵׁי חַיִל, מִסִּטְרָא דְאַבְרָהָם. יִרְאֵי אֱלֹהִים, מִסִּטְרָא דְיִצְחָק. אַנְשֵׁי אֱמֶת, מִסִּטְרָא דְיַעֲקֹב. שׂוֹנְאֵי בֶצַע, מִסִּטְרָא דְדָוִד. דְּאִיהוּ רַגְלָא רְבִיעָאָה, וַעֲלַיְיהוּ שַׁרְיָיא יהו''ה. חסר כאן

16.

וְשַׂמְתָּ עֲלֵיהֶם שָׂרֵי אֲלָפִים, מִסִּטְרָא דְּא' מִן אַדְנ''י. שָׂרֵי מֵאוֹת, מִסִּטְרָא דְאָת ד', דְּאִינוּן אַרְבַּע מְאָה שְׁנִין דְּמִצְרַיִם בַּקְּרָא. נ' שָׂרֵי חֲמִשִּׁים. י' שָׂרֵי עֲשָׂרוֹת. חסר כאן

17.

וַאֲנָא בָּעֵינָא לְפָרְשָׁא, גּוּפָא בִּתְמַנְיָא תִּיקּוּנִין אִלֵּין, בְּגִין דְּאִית לוֹן יְסוֹדָא מֵהַאי קְרָא. אַף עַל גַּב דְּר''שׁ לָא פָּרֵישׁ אֶלָּא בְּשִׁתָּא אַנְפִּין. וְרָזָא דִּתְמַנְיָיא אַנְפִּין אִלֵּין, בְּרָזָא דְּיאהדונה''י. חסר כאן

18.

וְאִלֵּין אִינוּן ח' תִּיקּוּנִין לְגַבַּיְיהוּ. וְאַתָּה תֶּחֱזֶה מִכָּל הָעָם אַנְשֵׁי חַיִל. בִּרְאִיָּיה, בְּעַיְינִין, וּבִקְרִיצִין דִּילְהוֹן, וּבִגְוָונִין דִּילְהוֹן, בַּעֲמִיקוּ דִּילְהוֹן, בַּאֲרִיכוּ דִּילְהוֹן, וּבִקְמִיטוּ דִּילְהוֹן. הָכָא רָזָא דְחַיָּה דְּאִיהוּ אַרְיֵה, חֶסֶד פָּעֵיל בֵּיהּ. וְאַרְיֵה דָּא מִיכָאֵל. בְּהִיפּוּךְ אַתְוָון אַרְיֵה, תִּשְׁכַּח לֵיהּ רְאִיָּה. חסר כאן

19.

יִרְאֵי אֱלֹהִים בִּשְׁמִיעָה דְאוּדְנִין, וּבְשַׂעֲרָא דְּתַלְיָיא מֵרֵישָׁא עֲלַיְיהוּ וּשְׁמִיעָה אִיהִי חַיָּה דְּאִתְקְרִיאַת שׁוֹר. שַׂעֲרָא אִיהִי דִינָא. וְכַמָּה נִימִין תַּלְיָין מִינָהּ, דְּאִינוּן צְבָא הַשָּׁמַיִם, קָיְימִין עַל בֵּי דִינָא רַבְרְבָא, דְּאִיהִי גְבוּרָה לִשְׂמָאלָא, דִפְעוּלָתָהּ בְּחַיָּה דְּאִיהִי שׁוֹר, וְדָא גַבְרִיאֵל. חסר כאן

20.

וּבִצְלוֹתָא, צָרִיךְ לְבַעֲרָא לוֹן מִן בָּתַר אוּדְנִין, דְּלָא יְהוֹן מְכַסִּין תַּרְעִין דִּשְׁמִיעָה, לְאָעֳלָא בְּהוֹן צְלוֹתָא. וְאִם לָאו, אִתְקַיִּים בֵּיהּ קְרָא, (משלי א) אָז יִקְרָאֻנְנִי וְלֹא אֶעֱנֶה. וּבְזִמְנָא דִּשְׁמִיעָה אִיהִי פְּנוּיָה מֵאִלֵּין דִּינִין, אִתְקַיֵּים בֵּיהּ (ישעיה נח) אָז תִּקְרָא וַה' יַעֲנֶה. חסר כאן

21.

אַנְשֵׁי אֱמֶת, בִּדְיוֹקְנָא דְּחוֹטְמָא, דְּאִיהוּ רוּחָא דְקוּדְשָׁא, וְדָא תִּפְאֶרֶת אִיהוּ חוֹטְמָא, חוֹתָם אֱמֶת. יַעֲקֹב שְׁלֵימָא. תְּרֵין אַנְפִּין אִית לֵיהּ לָקֳבֵל לֵאָ''ה וְרָחֵ''ל. וְאִלֵּין אִינוּן אַנְפּוֹי דְּרַחֲמֵי, כְּלִילָן חִיוַר וְסוּמָק, מִסִּטְרָא דְּחֶסֶד וּגְבוּרָה. חסר כאן

22.

מִצְחָא מִתְתַּקְנָא עֲלַיְיהוּ, דְּאִיהוּ בִּינָה, בְּכַמָּה שִׁרְטוּטִין, דְּאִינוּן אוֹרְחִין דְּיַמָּא דְאוֹרַיְיתָא. עֲלַיְיהוּ אִיתְּמָר (תהלים כה) כָּל אָרְחוֹת ה' חֶסֶד וֶאֱמֶת. מַאי נִיהוּ דְּעָבִיד אוֹרְחִין אִלֵּין, דְּאִינוּן שִׁרְטוּטִין דְּמִצְחָא. דָּא מוֹחָא, דְּאִיהוּ חָכְמָה. וְאִלֵּין שִׁרְטוּטִין, אִינוּן תְּלָתִין וּתְרֵין שְׁבִילִין דְּיַמָּא דְאוֹרַיְיתָא. חסר כאן

23.

וְחַיָּה דְּרָכֵיב עֲלֵיהּ תִּפְאֶרֶת, דָּא נֶשֶׁר. הֲדָא הוּא דִכְתִיב (משלי ל) דֶּרֶךְ הַנֶּשֶׁר בַּשָּׁמַיִם. וְדָא אוֹרִיאֵל. וּמוֹחָא וּמִצְחָא, וּתְרֵין אַנְפִּין אִלֵּין, דְּכָלְהוֹ עַל חוֹטְמָא. אִלֵּין אִינוּן אַרְבַּע בָּתֵּי דִּתְפִילִּין, דְּאִינוּן עַל רֵישָׁא דְּתִפְאֶרֶת. חסר כאן

24.

וְחוֹטְמָא דְּאִיהוּ יַעֲקֹב, אִיתְּמָר בֵּיהּ (בראשית ב) וַיִּפַּח בְּאַפָּיו נִשְׁמַת חַיִּים. וְדָא בִינָה, בֶּן י''ה. משֶׁה רַבֵּנוּ אִיהוּ לֵיהּ כְּנִשְׁמָתָא דְחַיֵּי. חסר כאן

25.

ל''ב שִׁרְטוּטִין דְּמִצְחָא אִלֵּין, אַחְזְיָין רָזָא דְּל''ב אַנְפִּין, וְגַדְפִין דְּד' חֵיוָן דְּאִינוּן ד' אַנְפִּין, וְד' גַּדְפִין לְכָל חַיָּה מֵאִלֵּין. חסר כאן

26.

דִּיקְנָא דְאַנְפִּין, אִינוּן נִימִין דְּלֵית לוֹן סוֹף. וְאַחְזְיָין עַל סָבָא דְסָבִין דְּאִיהוּ עִילַּת הָעִילּוֹת, דְּלֵית סוֹף לְעָלְמִין דְּתַלְיָין מִנֵּיהּ. חסר כאן

27.

שׂוֹנְאֵי בָצַע, דָּא פּוּמָא, וְאִיהִי מַלְכוּת. תְּרֵין שִׂפְוָון דִּילָהּ, מִתְתַּקְנָן עֲלָהּ, וְאִינוּן נֶצַח וָהוֹד. יְסוֹד, דָּא אִיהוּ לְשׁוֹן לְמוּדִים. חסר כאן

28.

וְכָלְהוּ אָזְלִין בְּקַו הַמִּדָּה, דְּאִיהוּ קַו הַיּוֹשֶׁר, בֵּין עַיְינִין, בֵּין אַנְפִּין, בֵּין אוּדְנִין, וְחוֹטְמָא, וּמִצְחָא, וְשִׂפְוָון. וְאִלֵּין דְּלָאו אִינוּן בְּקַו הַמִּדָּה, דְּנָפְקִין מִקַּו הַיּוֹשֶׁר, וַדַּאי לָאו אִינוּן דְּיוֹקְנִין דִּלְעֵילָא, וְלָא שַׁרְיָיא שֵׁם יהו''ה עֲלַיְיהוּ. חסר כאן

29.

וּבְגִין דָּא אֲמַר לְמשֶׁה, וְאַתָּה תֶּחֱזֶה וְגו'. פּוּמָא וַדַּאי סִיּוּמָא דְאָדָם, וְדָא מַלְכוּת. וְחַיָּה דְּרָכֵיב בַּהּ, הוּא רְפָאֵל. אִיהוּ אֵפֶר, אִיהוּ עָפָר דְּבֵי מַקְדְּשָׁא, דְּאִתְנְטֵיל מִנֵּיהּ אָדָם. וּבְהִפּוּכָא אֵפֶר אִיהוּ פְּאֵר, וְדָא אִיהוּ (יחזקאל כד) פְּאֵרְךָ חֲבוֹשׁ עָלֶיךָ. חסר כאן

30.

הֲרֵי לְךָ ד' תִּיקּוּנִין, דְּאִינוּן, רְאִיָה, שְׁמִיעָה, רֵיחַ, דִּבּוּר. וְהַאי דִּבּוּר, מִתַּמָּן נָטְלִין לֵיהּ נְבִיאִים, דְּאִינוּן תְּרֵין שִׂפְוָון. וְדָא אִיהוּ וְדִבַּרְתִּי עַל הַנְּבִיאִים. חסר כאן

31.

וְעַל אִלֵּין אַרְבַּע תִּיקּוּנִין, שַׁרְיָיא יהו''ה. וְסָלֵיק לַעֲשָׂרָה, דְּאִיהוּ יו''ד ה''א וא''ו ה''א, דְּאִינוּן עֶשֶׂר סְפִירִין, דְּנָהֲרִין בְּמוֹחָא וּבְמִצְחָא וּבְעַיְינִין וְאוּדְנִין וְאַנְפִּין וְחוֹטְמָא וּפוּמָא. מִצְחָא וּמוֹחָא תְּרֵין. עַיְינִין תְּרֵין. אוּדְנִין תְּרֵין. וְאַנְפּוֹי תְּרֵין. וְחוֹטְמָא וּפוּמָא תְּרֵין. הָא עֶשֶׂר. חסר כאן

32.

ה' תִּיקּוּנִין דִּלְתַתָּא, אדנ''י, וְאִינוּן עֲשִׂיָּה בְּיָדִין, נִעְנוּעַ בְּגוּפָא, שִׁימּוּשׁ בִּבְרִית מִילָה, הֲלִיכָה בָּרַגְלַיִם, וְהָכָא שִׁיעוּר קוֹמָה. וְצָרִיךְ לְאַחְזְרָא עַל כָּלְהוֹ. חסר כאן

33.

וְאַתָּה תֶּחֱזֶה מִכָּל הָעָם, אַנְתְּ אִית לָךְ לְאִסְתַּכָּלָא, וְלָא אָחֳרָא. דְּאַנְתְּ אִיהוּ נְהוֹרָא דְּאוֹרַיְיתָא, לְקָיְימָא בָךְ (מלאכי ג) זִכְרוּ תּוֹרַת משֶׁה עַבְדִּי. וְאַתָּה תֶּחֱזֶה, וַדַּאי בִּרְאִיָה דִּילָךְ בְּעַיְינִין, בְּגִין דְּעֵינֵי כֹל אֵלֶיךָ יְשַׂבֵּרוּ, וְאַנְתְּ יְהֵיב לוֹן אֶת אָכְלָם בְּעִתּוֹ, דְּאִיהִי מֵיכְלָא דְּאוֹרַיְיתָא, בְּגִין דִּשְׁמָא דִילִי נְהֵיר בְּעֵינָךְ, וּבְכָל תִּיקּוּנִין דִּילָךְ. חסר כאן

34.

פְּתַח וַאֲמַר, רִבּוֹן הָעוֹלָמִים, בִּרְשׁוּ דִּילָךְ אֲנָא אֵיעוֹל לְגַלָּאָה רָזִין טְמִירִין דִּילָךְ. (תהלים קיט) גַּל עֵינַי וְאַבִּיטָה נִפְלָאוֹת מִתּוֹרָתֶךָ, לְשַׁבָּחָא דְּכַלָּה דִּילָךְ, בְּאִלֵּין תִּיקּוּנִין, וּלְכָל אִינוּן דְּתַלְיָין מִינָהּ. וְאִינוּן רְשִׁימִין מִינָהּ, דְּאִיהִי תַּרְעָא דִּילָךְ לְאַעֳלָא בָּךְ, לְמֶחֱזֵי אַפָּךְ, דְּאִיהוּ תִּפְאֶרֶת. שׁוּפְרָא דִילָךְ, עֲלָה אִיתְּמָר (שה''ש ד) כֻּלָּךְ יָפָה רַעֲיָתִי, (שם) הִנָּךְ יָפָה עֵינַיִךְ יוֹנִים. כְּיוֹנִים וַדַּאי, דְּאִינוּן מְרֻקָּמִין בְּגוּפַיְיהוּ בְּגַדְפַיְיהוּ, וּבִרְקִימוּ דִּילְּהוֹן אִשְׁתְּמוֹדְעִין בִּשְׁאָר עוֹפִין. חסר כאן

35.

וְעוֹד כְּיוֹנִים, דְּלֵית בְּכָל עוֹפִין מְהֵימְנָא לְגַבֵּי בַּעֲלָהּ כְּיוֹנָה. עַיְינִין גַּבְהָנִין, מִסְתַּכְּלִין בְּאוֹרַח מִישׁוֹר לְגַבֵּי בַּעֲלָהּ. גַּדְפוֹי דְּיוֹנִים, אִלֵּין כַּנְפֵי עֵינָא, דִּי בְּהוֹן פָּרְחַת יוֹנָה לְגַבֵּי בַּעֲלָהּ. יוֹנִים אִתְקְרִיאוּ. חסר כאן

36.

מִסִּטְרָא דְחֶסֶד חִוְּורִין. וְסוּמְקִין מִסִּטְרָא דִּגְבוּרָה. וִירוֹקִין מִסִּטְרָא דְּתִפְאֶרֶת. וְאוּכְמִין מִסִּטְרָא דְמַלְכוּת. דְּאִיתְּמָר בַּהּ (שה''ש א) שְׁחוֹרָה אֲנִי וְנָאוָה. חסר כאן

37.

חִוָּורוֹ דִּילְהוֹן, כְּמַשְׂכִּיּוֹת כֶּסֶף. וְאִיהוּ כְּחִוָּורוֹ דְּשׁוֹשַׁנָּה. סוּמְקֵי דִּילְהוֹן, כְּתַפּוּחֵי זָהָב, וְאִיהוּ כְּסוּמְקֵי דְּשׁוֹשַׁנָּה. יְרוֹקָא דִּילְהוֹן, כָּלֵיל תְּרֵי גְּוָונִין. אוּכְמֵי דִּילְהוֹן שַׁפִּירוּ דְּאוֹרַיְיתָא, דְּאִיהִי אוּכְמָא שַׁפִּירְתָּא, כְּמָה דְּאִיתְּמָר שְׁחוֹרָה אֲנִי וְנָאוָה. חסר כאן

38.

בְּגַוָּון חִיוָּר, אִיהוּ יָפָה כַלְּבָנָה. בְּגַוָּון סוּמָק, בָּרָה כַּחַמָּה. אֲיוּמָה כַּנִּדְגָּלוֹת, בִּתְרֵין גְּוָונִין אָחֳרָנִין. רִבּוֹן עָלְמָא, בְּאִלֵּין ד' גְוָונִין, אֱהֵא מִסְתַּכֵּל לְשִׁמְךָ יהו''ה, דְּתִפְרוֹק לַהּ. חסר כאן

39.

(איוב א) רְאֵה ה' כִּי הִגְדִּיל אוֹיֵב דְּאִיהוּ סמאָמַר לֵיהּ, דְּעַיְינִין דִּילֵיהּ עֲקִימִין, וּגְוָונוֹי חֲשִׁיכִין, וְלָא מִסְתַּכְּלִין בְּאוֹרַח מֵישַׁר, לְמֶעְבַּד טַב בְּגָלוּתָא עִם צַדִּיקַיָא, אֶלָּא עִם רַשִּׁיעַיָא, דְּאִינוּן עֲקִימִין בְּאוֹרְחַיְיהוּ בְּכֹלָּא. בְּנוֹי דְּנָחָשׁ הַקַּדְמוֹנִי, דְּקָטֵיל לְאָדָם וּלְכָל בִּרְיָין דְּאַתְיָין מִנֵּיהּ. חסר כאן

40.

גַּוָּון חִוָּור דְּעַיְינִין דִּילֵיהּ, אִיהוּ נָחָשׁ. גַּוָון סוּמָק, שָׂרָף. גַּוָּון תְּלִיתָאי, יָרוֹק. כָּלֵיל מִתַּרְוַויְיהוּ, עַקְרָב. גַּוָּון רְבִיעָאָה אוֹדֶם, צִמָּאוֹן אֲשֶׁר אֵין מָיִם. חסר כאן

41.

כָלְהוֹ גְּוָונִין דְּעֵינָא דְּרַשִּׁיעַיָּיא, קָטְלִין. עֲלַיְיהוּ אִיתְּמָר (משלי כג) אַל תִּלְחַם אֶת לֶחֶם רַע עָיִן וְאַל תִּתְאָו לְמַטְעַמֹּתָיו. וּבְגִין דָּא, אָסוּר לְעַמָּא קַדִּישָׁא לְאִסְתַּכֵּל בְּרַשִּׁיעַיָּיא. וְאוֹרַיְיתָא דִילְּהוֹן, צָרִיךְ לְאִתְכַּסָּאָה מִינַּיְיהוּ. הֲדָא הוּא דִכְתִיב, (תהלים קמז) לֹא עָשָׂה כֵן לְכָל גּוֹי וּמִשְׁפָּטִים בַּל יְדָעוּם. חסר כאן

42.

כְמָה דְיוֹנָה צְרִיכַת נְטִירוּ מִנֵּץ, כְּגַוְּונָא דָּא צְרִיכִין נְטִירוּ, עֵינַיִךְ יוֹנִים דְּצַדִּיקִים, מֵעַיְינִין דְּרַשִּׁיעַיָּא, דְּאִינוּן עֵרֶב רַב, בְּנוֹי דְּלִילִית רַשִּׁיעָתָא, דְּאִינוּן קָשִׁין לְמֶעְבַּד טִיבוּ עִם עֲנִיֵּי בְּנֵי יִשְׂרָאֵל. וְאִינוּן עֲקִימִין בְּכָל אוֹרְחַיְיהוּ, בְּנוֹי דְּנָחָשׁ הַקַּדְמוֹנִי, דְּאִלֵּין אִינוּן זוּהֲמָא דְּהִטִיל חִוְּיָא בְּחַוָּה. חסר כאן

43.

הֲרֵי אַרְבַּע גְּוָונִין בִּישִׁין לְקָטְלָא. וְאַרְבַּע גְּוָונִין אָחֳרָנִין טָבִין לְאַחָיָיא. תְּרֵין כְּרוּבֵי עֵינָא, אִינוּן נֶצַח וָהוֹד. אִלֵּין אִינוּן כַּנְפֵי יוֹנָה. עַיִן דָּא צַדִּיק, אִיהוּ יוֹנָה מַמָּשׁ. דְּכַר וְנוּקְבָא, אִינוּן צַדִּיק וְצֶדֶק. מִסִּטְרָא דְּצַדִּיק אִתְקְרִיאַת יוֹנָה, מִסִּטְרָא דְּתִפְאֶרֶת אִתְקְרִיאַת עַיִן. חסר כאן

44.

נֶשֶׁר, הֲדָא הוּא דִכְתִיב, (משלי ל) דֶּרֶךְ הַנֶּשֶׁר בַּשָּׁמָיִם. דְּלָא דָּחֵיל מֵעוֹפָא דְעָלְמָא, בְּגִין דְּנִשְׁרָא אִיהִי מַטְרוֹנִיתָא עִילָּאָה, וְשׁוּלְטָנוּתָהּ בְּיוֹמִין טָבִין וְשַׁבָּתוֹת. אֲבָל יוֹנָה שׁוּלְטָנוּתָהּ בְּשִׁית יוֹמֵי בְּרֵאשִׁית, וְאִיהִי בְּגָלוּתָא לֵית לָהּ מָנוֹחַ לְכַף רַגְלָהּ. בְּגִין דִּבְנוֹי דְּלִילִית, זוּהֲמָא דְּחִוְּיָא, עֲלַיְיהוּ אִיתְּמָר (בראשית ז) וְהַמַּיִם גָּבְרוּ מְאֹד מְאֹד עַל הָאָרֶץ, דְּאִינוּן יִשְׂרָאֵל דְּאִתְּמָר בְּהוֹן (בראשית כח) וְהָיָה זַרְעֲךָ כַּעֲפַר הָאָרֶ''ץ. אִינוּן מִתְגַּבְּרִין עֲלַיְיהוּ בְּגָלוּתָא, בְּנָשִׁין שַׁפִּירִין, בִּבְנִין שַׁפִּירִין, בְּעוּתְרָא, בִּלְבוּשִׁין שַׁפִּירִין. חסר כאן

45.

וְיִשְׂרָאֵל עֲנִיִּים בְּכֹלָּא, אוּכְמָא בְּכֹלָּא. בְּנוֹי דְּהַהוּא דְּאִיתְּמָר בַּהּ, (שה''ש א) אַל תִּרְאוּנִי שֶׁאֲנִי שְׁחַרְחוֹרֶת, בְּגָלוּתָא. וְאִינוּן בְּנוֹי דְּהַהוּא דְּאִתְּמָר בֵּיהּ, (ישעיה נ) אַלְבִּישׁ שָׁמַיִם קַדְרוּת וְשַׂק אָשִׂים כְּסוּתָם. אִינוּן מִתְלַבְּשִׁין בְּאִינוּן לְבוּשִׁין, בְּגִין אִלֵּין רַשִּׁיעַיָּא דְּמִתְגַּבְּרִין עֲלַיְיהוּ בְּגָלוּתָא, דְּלָא מִסְתַּכְּלִין לוֹן אֶלָּא בְּעֵינָא בִּישָׁא. (משלי כב) וְעָרוּם רָאָה רָעָה וְנִסְתָּר, כְּגוֹן נֹחַ, וְהָכֵי צְרִיכִים יִשְׂרָאֵל לְאִתְכַּסָּאָה מִנַּיְיהוּ בְּגָלוּתָא, בִּלְּבוּשֵׁיהוֹן, בִּנְשֵׁיהוֹן, בִּבְנֵיהוֹן, בְּעוּתְרָא דִּלְהוֹן. וְלָאו לְמַגָּנָא אָמְרוּ מִכָּל מָקוֹם, דְּלֵית בְּרָכָה שׁוֹרָה אֶלָּא בְּדָבָר הַסָּמוּי מִן הָעַיִן. חסר כאן

46.

וְנָחָשׁ וְעַקְרָב, אִלֵּין מוּמִין דְּעֵינָא. עַיְינִין עֲקִימִין דְּבַר נָשׁ, דְּלָא מִסְתַּכְּלִין בְּאוֹרַח מִישׁוֹר, חִוְּיָא, דְּאִיהוּ נָחָשׁ עֲקָלָתוֹן תַּמָּן. בְּהַאי לָא תָּפִיס כְּלָל, מֵאִינוּן דְּקַו הַמִּדָּה בְּהוּ. עֲלַיְיהוּ אִתְּמָר, (במדבר טו) וְלֹא תָתוּרוּ אַחֲרֵי לְבַבְכֶם וְאַחֲרֵי עֵינֵיכֶם אֲשֶׁר אַתֶּם וְגו'. אַף עַל גַּב דְּיִשְׂרָאֵל אִינוּן בְּגָלוּתָא, וּפַרְנְסֵי דָרָא אִינוּן כְּגַוְונָא דְלִבָּא, וְעֵינֵי יִשְׂרָאֵל דַּהֲווֹ סַנְהֶדְּרֵי גְדוֹלָה, כֵּיוָן דְּאִינוּן זוֹנִים וּמְשׁוּטָפִין בְּזִמָּה, לֹא תָתוּרוּ אֲבַתְרַיְיהוּ, דְּהָא לֵית בְּהוּ מְהֵימָנוּתָא. חסר כאן

47.

עַיְינִין עֲקִימִין, רַמַּאי אִיהוּ, וּמְפַתֵּי בְּנֵי נָשָׁא בְּלִישְׁנֵיהּ, כְּגוֹן דְּפַתֵּי נָחָשׁ לְחַוָּה. עֵץ הַדַּעַת טוֹב וָרָע אִיהוּ. אִתְחֲזֵי בְּפוּמֵיהּ וּבְמִלּוֹי טַב, וְלִבֵּיהּ רַמַּאי בִּישׁ, אִיסְתַּמַּר מִנֵּיהּ. עֲלֵיהּ אִתְּמָר, (בראשית ב) וּמֵעֵץ הַדַּעַת טוֹב וָרָע לֹא תֹאכַל מִמֶּנּוּ. חסר כאן

48.

חִוָּורוֹ דְּעַיְינִין, מְכַסְיָיא כָּל גְּוָונִין אָחֳרָנִין. עַיְינִין דִּילֵיהּ אִינוּן רַבְרְבִין, גַּבְהָנִין, וְאִיהוּ גְּבַהּ לֵב, עֲלֵיהּ אִיתְּמָר (משלי טז) תּוֹעֲבַת ה' כָּל גְּבַהּ לֵב. כָּל טָבִין דַּעֲבֵיד, לְמֶעְבַּד לֵיהּ שֵׁם. וְאִיהִי מֵאִלֵּין דְּאִתְּמָר בְּהוֹן, (בראשית יא) הָבָה נִבְנֶה לָנוּ עִיר וּמִגְדָּל וְרֹאשׁוֹ בַּשָּׁמַיִם וְנַעֲשֶׂה לָנוּ שֵׁם. אִלֵּין אִינוּן דְּבוֹנִין בָּתֵּי כְּנֵסִיּוֹת וּבָתֵּי מִדְרָשׁוֹת מִמָּמוֹנֵיהוֹן. וְכֹלָּא לְמֶעְבַּד לְהוֹן שֵׁם, וְלָא לִשְׁמָא דַה'. הַאי אִיהוּ גָּיְיפָא, דִּיוּקְנָא דַּחֲמוֹר נוֹאֵף אִיהוּ. אִסְתַּמַּר בְּרַתָּךְ וְאִתְּתָךְ מִנֵּיהּ, אִם יְהֵא אוּשְׁפִּיזָךְ. חסר כאן

49.

וְעוֹד, הַאי בַּר נָשׁ מִשְׁתַּדֵּל כָּל יוֹמֵי בְּכִשּׁוּף, וְאַצְלַח בְּהוֹן עִם מַלְכִין וְשַׁלִּיטִין. אִיהוּ מְעוֹנֵן וּמְנַחֵשׁ וּמְכַשֵּׁף. וְאִיהוּ רְשִׁימוּ דִילֵיהּ רְשִׁימוּ דְחִוְּיָא, בְּמִדָּה חִוָּורָא. וְרוֹשֶׁם חִוָּור אִית לֵיהּ בְּכַתְּפוֹי, דְּמִתַּמָּן אִתְנְטֵיל נָחָשׁ, וְלֵית שַׂעֲרָא עַל הַהוּא רוֹשֶׁם. וּמַזָּלֵיהּ דְּהַאי בַּר נָשׁ בְּכָל מִלָּה, חִוָּורָא. שַׂעֲרָא דִּילֵיהּ חִוָּור, וְהוּא אָרִיךְ קוֹמָה, וְשַׂעֲרוֹי אֲרִיכִין. חסר כאן

50.

וְעַיְינִין חִיוָּרִין, מִסְתַּכְּלִין בְּאוֹרַח מֵישָׁר. הַאי אִיהוּ מָארֵיהּ דְּחֶסֶד, דְּאִתְיְלֵיד הַאי בַּר נָשׁ בְּיוֹמָא קַדְמָאָה, בְּשַׁעֲתָא קַדְמָאָה, דְמַזָּלֵיהּ טָלֶה. וְחַיָּה דִילֵיהּ אַרְיֵהּ בְּיוֹמָא קַדְמָאָה, כָּל י''ב מַזָּלוֹת, וְז' כּוֹכְבַיָיא, אִינוּן מְשׁוּעְבָּדִים לְכוֹכָבָא דִּילֵיהּ, וּלְמַזָּלָא דִּילֵיהּ. וְהָכֵי כָּל יוֹמָא וְיוֹמָא כְּגַוְונָא דָא. חסר כאן

51.

הַאי בַּר נָשׁ אִיהוּ חִיוָּר, מֵחִוָּורוֹ דִּנְהוֹרָא דְּאִתְבְּרֵי בְּיוֹמָא קַדְמָאָה. הֲדָא הוּא דִכְתִיב, (בראשית א) וַיֹּאמֶר אֱלֹהִים יְהִי אוֹר וַיְהִי אוֹר. אִתְיְלֵיד בְּרֵישׁ שַׁעֲתָא דְיוֹמָא, יְהֵא חַכִּימָא יַתִּיר בְּאוֹרַיְיתָא. וִיהֵא רֵישָׁא דְּמָארֵי מְתִיבָתָא. וְאִם אִתְיְלֵיד בְּאֶמְצָעִיתָא דְּשַׁעֲתָא, יְהֵא בֵּינוֹנִי בְּאוֹרַיְיתָא. וְאִם בְּסוֹפָא דְּשַׁעֲתָא, יְהֵא עָנִי בְּאוֹרַיְיתָא. זָנָב לָאֲרָיוֹת, דְּאִינוּן תַּלְמִידֵי חֲכָמִים. חסר כאן

52.

וְהַאי אִיהוּ בְּמַזָּל רְאוּבֵ''ן, דְּאִיהוּ אוֹ''ר בֵּ''ן, מִסִּטְרָא דְּחֶסֶד. וְסִיהֲרָא דְּאִיהִי מַלְכוּת, נָטְלָא חִוָּורוֹ דִּנְהוֹרָא. דְּמַלְכוּת אִיהִי סִיהֲרָא מִסִּטְרָא דְּחֶסֶד, יָפָה כַלְּבָנָה. וְאִיהִי חַמָּה מִסִּטְרָא דִגְבוּרָה. וְאִיהִי כּוֹכָב מִסִּטְרָא דְּת''ת, הֲדָא הוּא דִכְתִיב, (במדבר כד) דָּרַךְ כּוֹכָב מִיַּעֲקֹב. וְאִיהִי נוֹגַהּ מִסִּטְרָא דְּנֶצַח. וְאִיהִי מַאְדִּים, מִסִּטְרָא דְּהוֹד, דְּאִתְאַדָּם בִּגְבוּרָה. וְאִיהִי שַׁבָּת, מִסִּטְרָא דִיסוֹד. שַׁבָּתָאי דְּמִסִּטְרָא טָבָא אִיתְּמָר בֵּיהּ שַׁבָּת. חסר כאן

53.

אֲבָל מִסִּטְרָא אָחֳרָא שַׁבְּתָא''י, וּבְזִמְנָא דְּהַאי שַׁלֵּיט עַל עָלְמָא אִסְתַּלַּק שַׁבָּת, וְאָמְרִין אוּשְׁפִּיזִין דְּאִינוּן נְשָׁמוֹת יְתֵירוֹת, אֵי שַׁבָּת. חסר כאן

54.

וּבְגִין דָּא, עַיְינִין חִיוְּורִין, נָטְלִין בְּסִיהֲרָא מִסִּטְרָא דְּחֶסֶד. אִלֵּין אִינוּן מָארֵי דַּחֲסָדִים טוֹבִים, מִזַּרְעָא דְאַבְרָהָם. אִלֵּין עַיְינִין מִסְתַּכְּלִין בְּאוֹרַח מֵישָׁר כְּלַפֵּי יָמִינָא. חסר כאן

55.

הַאי בַּר נָשׁ, וַותְּרָן אִיהוּ בְּמָמוֹנֵיהּ, דְּמָמוֹנָא דְנִשְׁמָתָא אִיהִי אוֹרַיְיתָא, וּשְׁאָר עוּתְרָא מָמוֹנָא דְגוּפָא. הַאי בַּר נָשׁ חִוָּור אִיהוּ כְּכַסְפָּא, אָרִיךְ קוֹמָה אִיהוּ. רְשִׁימוּ חִוָּור אִית בְּיָמִינָא דִּילֵיהּ. רָחֵים אִיהוּ מִבְּנֵי נָשָׁא, רָחֵים אִיהוּ מִקוּדְשָׁא בְּרִיךְ הוּא. הֲדָא הוּא דִכְתִיב, אַבְרָהָם אוֹהֲבִי. שַׂעֲרָא דִּילֵיהּ שְׁעִיעַ חִוָּור. חסר כאן

56.

וְתָּא חֲזֵי, דְּלֵית עַיְינִין דְּלָאו אִינוּן כְּלִילִין מֵאַרְבַּע גְּוָונִין. וְאַמַּאי אִתְקְרִיאוּ עַיְינִין חִוָּורִין. אֶלָּא כָּל גַּוָּון דְּשָׁלֵיט עַל אָחֳרָנִין, אִתְקְרִיאוּ עַיְינִין עַל שְׁמֵיהּ. וּבְגִין דָּא כַּד שַׁלֵּיט גַּוָּון חִוָּור בְּעַיְינִין, אִתְקְרִיאוּ עַיְינִין חִוָּורִין. וּמַאן דְּבָעֵי לְאַצְלָחָא בְּאוֹרַיְיתָא, וְאִשְׁתַּדֵּל בָּהּ, עֲלֵיהּ אִיתְּמָר הָרוֹצֶה לְהַחְכִּים יַדְּרִים. חסר כאן

57.

עַיְינִין סוּמְקִין מִסִּטְרָא אָחֳרָא, נָטְלִין סוּמְקוֹ מִשָּׂרָף, דְּאוֹקֵיד לוֹן בְּשַׁלְהוֹבוֹי דְּחַמָּה בִּישָׁא, וּמִתְאַדְּמִין בְּמַאְדִּים דְּסִטְרָא אַחֲרָא. דִּתְרֵין דַּרְגִּין אִלֵּין, אִינוּן מֵאוּמָה דְּעֵשָׂו, אִיהוּ אֱדוֹם מִסִּטְרָא דְּמַאְדִּים, וְאִתְּמָר בִּבְנוֹי דְּמוֹנִין לַחַמָּה, וּבְגִין דָּא כַּד לוֹקָה חַמָּה סִימָן רַע לְאֻמּוֹת הָעוֹלָם. לָקוּתָא דְחַמָּה דְּאוּמִין דְּעָלְמָא. חסר כאן

58.

אוֹרַיְיתָא דְּאִיהִי אוּכְמָא, דְּאִתְּמָר בַּהּ (שה''ש א) שְׁחוֹרָה אֲנִי וְנָאוָה. לָקוּתָא דְשִׁמְשָׁא דִּסְטַר קַדִּישָׁא, שַׁבָּתָאי לִילִית פְּתַיָיא אוּכְמָא. וּבְנָהָא, אִינוּן לָקוּתָא דְּיִשְׂרָאֵל. חסר כאן

59.

מַאְדִּים, לָקוּתָא דְסִיהֲרָא טָבָא דְּיַעֲקֹב. וּמַאְדִּים אִיהוּ עֵשָׂו. וּמַאְדִּים דְּסִטְרָא טָבָא, לָקוּתָא לְסִיהֲרָא בִּישָׁא, דְּמוֹנִין לָהּ אוּמָה דְּיִשְׂמָעֵאל. חסר כאן

60.

לָקוּתָא דְּעַיְינִין בְּסוּמְקוֹ דִּילְהוֹן, וּבַאֲדִימוּ דִּילְּהוֹן בְּבִשְׂרָא, דִּגְבִינִין דִּלְהוֹן. הַאי אִיהוּ חַמָּה דְּאוֹקֵיד לוֹן, דְּאִיהוּ שָׂרָף, וְאוֹשְׁדִּין דִּמְעִין וְאַדִּימוּ. כּוּלְהוֹן לָקוּתָא דְמַאְדִּים אִלֵּין. אִינוּן עַיְינִין קְמִיטִין בְּיַבְשׁוּתָא, דְּשָׂרָף דְּאוֹקֵיד לוֹן וְאִתְקְמִיטוּ, וְעַיְינִין סוּמְקִין דְסִטְרָא אָחֳרָא הוּא. חסר כאן

61.

מָארֵי דְעַיְינִין סוּמְקִין, אִסְטַמַּר מִינֵיהּ, אוֹשִׁיד דָּמִין אִיהוּ. וְאִי הוּא חָזַר בִּתְיוּבְתָּא, אוֹשִׁידוּ דְּדָמָא דִילֵיהּ, יְהֵא בְּפִקּוּדִין דְּאוֹרַיְיתָא. אוֹ יְהֵא טַבָּחָא. אוֹ מוֹהֲלָא. חסר כאן

62.

וְהַאי בַּר נָשׁ, אִיהוּ קָמִיט בְּאַנְפּוֹי, בְּחוּטְמֵיהּ, בְּקָדְלֵיהּ, בְּגוּפֵיהּ, בִּדְרָעוֹי, בְּרַגְלוֹי. בְּהִפּוּכָא דְּעַיְינִין חִוָּורִין, דְּאִיהוּ אָרִיךְ בְּאַנְפּוֹי בְּחוּטְמֵיהּ בְּקַדְלֵיהּ בְּגוּפֵיהּ בִּדְרָעוֹי בְּרַגְלוֹי. דָּא רַחֲמֵי. וְדָא דִּינָא. חסר כאן

63.

עַיְינִין סוּמְקִין דְּסִטְרָא דַּכְיָיא, אִלֵּין עַיְינִין דְּדָוִד דְּאִיתְּמָר בֵּיהּ, (שמואל א טז) וְהוּא אַדְמוֹנִי עִם יְפֵה עֵינַיִם וְטוֹב רֹאִי. שַׂעֲרֵי יְרוֹקִין בְּגַוָּון חַמָּה טוּבָא, אַנְפּוֹי סוּמְקֵי מִסִּטְרָא דְּמַאְדִּים טַב. חסר כאן

64.

בְּשַׂעֲרוֹהִי הֲווֹ ז' מִינֵי גְּוָונֵי דַּהֲבָא, דְּאִיהוּ זָהָב סָגוּר, זְהַב אוֹפִיר, זְהַב פַּרְוָיִם, זָהָב שָׁחוּט, זָהָב טָהוֹר, זָהָב מוּפָּז, זְהַב תַּרְשִׁישׁ. ז' אִינוּן מִינֵי דַּהֲבָא, דִּשְׁבַע סְפִירִין אִתְכְּלִילָן בְּהוּ. וְשַׂעֲרָא דִילֵיהּ קָמִיט. וְכָל אֵיבָרִין דִּילֵיהּ קְמִיטִין. מִסִּטְרָא דִּשְׁבָרִים. וּבְגִין דָּא, דָּוִד הוּא הַקָּטָן, וְאִיהוּ דַרְגָּא דִּילֵיהּ הוֹד, דְּנָטֵיל בִּגְבוּרָה. חסר כאן

65.

אֲבָל עַיְינָא חִוָּורִין, נָטְלִין בְּנֶצַח וְחֶסֶד, וְאִינוּן אֲרִיכִין. וְשִׁרְטוּטִין דְּמִצְחָא כָּלְהוֹן אֲרִיכִין, מִסִּטְרָא דִּתְקִיעָה. אֲבָל שִׁרְטוּטִין דְּמִצְחָא מִסִּטְרָא דְּבַּר נָשׁ קָמִיט, אִינוּן קְמִיטִין בְּרָזָא דִשְׁבָרִים. וְאִית לֵיהּ רוֹשֶׁם סוּמָק תְּחוֹת דְּרוֹעָא שְׂמָאלָא, אוֹ בִּדְרוֹעָא שְׂמָאלָא, אוֹ בְּשׁוֹקָא שְׂמָאלָא. חסר כאן

66.

וּמַאן דְּאִתְיְילֵיד בְּשַׁעֲתָא קַדְמָאָה דְּיוֹמָא תִּנְיָינָא, דְּאִיהוּ דַרְגָּא דִגְבוּרָה. יְהֵא תַּקִּיף בְּיִצְרֵיהּ, אִם יִשְׁתַּדֵּל בְּאוֹרַיְיתָא דִּבְעַל פֶּה. וּמַלְכוּת אִיהוּ חַמָּה טָבָא, אוֹרַיְיתָא דִּבְעַל פֶּה מִסִּטְרָא דִגְבוּרָה, וְאִיהִי סִיהֲרָא קַדִּישָׁא, אוֹרַיְיתָא דְּבִכְתַב אִתְקְרִיאַת מִסִּטְרָא דְחֶסֶד. חסר כאן

67.

חַמָּה בִּישָׁא אִיהִי גֵּיהִנֹּם, דְּאִתְבְּרֵי בְּיוֹמָא תִּנְיָינָא. וּבְסִטְרָא דְּדַרְגָּא דְּעֵשָׂו, נְפָקַת סוּמְקָא. אַף עַל גַּב דִּנְטִילַת לְבָתַר מִכָּל גְּוָונִין, חִוָּור וְיָרוֹק וְאוּכָם, מַאן דְּאָלִים גָּבַר, וְעַל שְׁמֵיהּ אִתְקְרִיאַת. חסר כאן

68.

וְהַאי אִיהִי תִּיקּוּנָא דְּחָכְמְתָא עִילָּאָה. אֲבָל אִיסְטַגְנִינוֹן לָא נָטְלִין כּוֹכָבָא בְּסִידְּרָא דָא, אֶלָּא כְּפוּם מֶמְשֶׁלֶת דִּילְהוֹן בְּאוֹרַח חוּשְׁבְּנָא. חסר כאן

69.

עַיְינִין סוּמְקִין, אִינוּן מֶרְכָּבָה דְּחַיָּה דְשׁוֹר, דְּאִיתְּמָר בַּהּ (יחזקאל א) וּפְנֵי שׁוֹר מֵהַשְּׂמֹאל לְאַרְבַּעְתָּן, דְּאִינוּן ד' גְּוָונֵי עֵינָא. וְשׁוּלְטָנוֹ דְּאַרְבַּע גְּוָונִין אִלֵּין, אִיהוּ סוּמָק. אֲבָל עַיְינִין חִוָּורִין, מֶרְכָּבָה דִילְהוֹן אַרְיֵה. חסר כאן

70.

וְאַרְיֵה אִיהוּ מִיכָאֵל. שׁוֹר, גַּבְרִיאֵל. וּמַאן דְּאִתְיְלֵיד בְּרֵישָׁא דְּשַׁעֲתָא דְּשׁוֹר, יְהֵא עֲתִיר בְּדַהֲבָא, וּבְכָל מִינֵי סוּמָק. בְּעַיְינִין חִוָּורִין נָהֵיר יהו''ה רַחֲמֵי וַדַּאי, וְאִתְּמָר בֵּיהּ הָרוֹצֶה לְהַחְכִּים יַדְרִים. בְּעַיְינִין סוּמְקִין נָהֵיר אדנ''י, וּבֵיהּ הָרוֹצֶה לְהַעֲשִׁיר יַצְפִּין. חסר כאן

71.

מַאן דְּאִתְיְלֵיד בִּפְלוּגְתָּא דְּשַׁעֲתָא קַדְמָאָה דְּיוֹמָא תִּנְיָינָא, יְהֵא בֵּינוֹנִי בְּעוֹתְרָא. מַאן דְּאִתְיְלֵיד בְּסוֹפָא דְּשַׁעֲתָא, הַאי אִיהוּ בִּזְנָבָא דְשׁוֹר, יְהֵא עָנִי. חסר כאן

72.

וְיוֹמִין דְּכָל חַד מִתְפַּלְּגִין לִתְלַת סִטְרִין, כְּגַוְונָא דְּנִשְׁמָתָא וְרוּחָא וְנַפְשָׁא. נִשְׁמָתָא אִיהוּ מִכָּרְסְיָיא יַקִּירָא, וְאִיהִי מֶרְכָּבָה בְּרֵישׁ כָּל כּוֹכָב וּמַזָּל. רוּחָא אִיהִי מִן מַלְאָכַיָּיא, וְאִיהִי מֶרְכָּבָה בִּמְצִיעוּת כָּל כּוֹכָב וּמַזָּל. וְנַפְשָׁא שׁוּתָּפֵי דִּבְעִירָאן וְעוֹפִין, וְכָל אִילֵּין דְּתַאֲוָה דְּעָלְמָא שְׁפֵלָה, וְאִיהִי מֶרְכָּבָה בְּסוֹפָא דְּכָל שַׁעֲתָא, וּבְסוֹפָּא דְּכָל כּוֹכָב וּמַזָּל. חסר כאן

73.

וּמִסִּטְרָא דְּנַפְשָׁא דִּבְעִירָא, יוֹמוֹי דְּבַּר נָשׁ קְצִירִין, וְאִינוּן מְעַט וְרָעִים. דְּכָל יוֹמֵי דְּבַּר נָשׁ דְּאִינוּן בַּעֲנִיּוּתָא בְּצַעֲרָא וּבְדוֹחֲקָא, לָאו אִינוּן חַיִּים, וְכָל שֶׁכֵּן אִי אִינוּן יוֹמִין בְּלָא תוֹרָה וּמִצְוָה, דְּלָאו אִינוּן חַיִּים. חסר כאן

74.

אִם חָזַר בִּתְיוּבְתָּא, אַף עַל גַּב דְּאִיהוּ בִּזְנַב טָלֶה אוֹ שׁוֹר, בְּכָל מַזָּל וּמַזָּל, קוּדְשָׁא בְּרִיךְ הוּא אוֹסֵיף בֵּיהּ רוּחָא יְתֵירָא דְּמַלְאָכִין, וְסָלֵיק מִזְּנָבָא לְמֶהֱוֵי בֵּינוֹנִי. זָכָה יַתִּיר לְמֵיהֱדַר בִּתְיוּבְתָּא בְּמַחֲשַׁבְתֵּיהּ, קוּדְשָׁא בְּרִיךְ הוּא יָהֵיב לֵיהּ נִשְׁמָתָא מִכּוּרְסַיָיא, וְסָלֵיק לְמֶהֱוֵי רֵישָׁא בְּרֵישׁ כָּל כּוֹכָב וּמַזָּל. חסר כאן

75.

וּבְגִין דָּא אֵין מַזָּל לְיִשְׂרָאֵל. וְאַף עַל גַּב דְּאִתְיְלֵיד בְּרֵישׁ שַׁעֲתָא, וְקִלְקֵל עוֹבָדוֹי, קוּדְשָׁא בְּרִיךְ הוּא נָחֵית לֵיהּ מֵרֵישָׁא לְגוּפָא, לְמֶהֱוֵי בֵּינוֹנִי. וְאִי מְקַלְקֵל יַתִּיר בְּעוֹבָדוֹי, נָחֵית לֵיהּ לְסוֹפָא דְּכָל מַזָּל וּמַזָּל. וְהַאי אִיהוּ תָּלוּי בְּמַזָּל, וּמַזָּל רָכֵיב עֲלֵיהּ וְשַׁלֵּיט עֲלֵיהּ. אֲבָל בְּזִמְנָא דְּנִשְׁמָתֵיהּ שַׁלֵּיט וְרָכֵיב עַל מַזָּלָא, מַזָּלָא אִיהוּ טְפֵילָא לָרוֹכֵב עָלָיו. חסר כאן

76.

וְאִם מַזָּלָא דְּאִיהוּ טְפֵלָה לָרוֹכֵב שַׁלֵּיט עֲלֵיהּ, אִיתְּמָר בֵּיהּ (דברים כח) הַגֵּר אֲשֶׁר בְּקִרְבְּךָ יַעֲלֶה עָלֶיךָ מַעְלָה מָעְלָה וְאַתָּה תֵּרֵד מַטָה מָטָה הוּא יַלְוֶךָ וְאַתָּה לֹא תַלְוֶנּוּ הוּא יִהְיֶה לְרֹאשׁ וְאַתָּה תִּהְיֶה לְזָנָב. וְאִיתְּמָר עַל נִשְׁמָתֵיהּ וְרוּחֵיהּ, (שם) וְהָיוּ חַיֶּיךָ תְּלוּאִים לְךָ מִנְּגֶד. חסר כאן

77.

וְאִם חָזַר בִּתְיוּבְתָּא, יַחְזְרוּן לֵיהּ רוּחֵיהּ וְנִשְׁמָתֵיהּ, וְאִתְקַיִּים בֵּיהּ קְרָא דִכְתִיב, (שם) וּנְתָנְךָ ה' לְרֹאשׁ וְלֹא לְזָנָב וְהָיִיתָ רַק לְמַעְלָה וְלֹא תִהְיֶה לְמָטָה כִּי תִשְׁמַע אֶל מִצְוֹת ה' אֱלֹהֶיךָ. בְּמִצְוֹת זָכֵי לְרוּחָא, בְּאוֹרַיְיתָא זָכֵי לְנִשְׁמָתָא. חסר כאן

78.

עַיְינִין יְרוֹקִין דְּסִטְרָא אָחֳרָא, מִדִּידוּ דְּאִתְמְשַׁךְ מִנֵּיהּ רָזָא דְּתוֹהוּ, דְּאִיהִי קַו יָרוֹק, קְלִיפָּא דֶּאֱגוֹזָא. חסר כאן

79.

וּתְלַת קְלִיפִּין אִינוּן, דְּאִתְחַזְיָין בְּעַיְינִין דְּסִטְרָא אָחֳרָא. תֹּהוּ גַּוָון יָרוֹק, קְלִיפָּא קַדְמָאָה דֶּאֱגוֹזָא. בְּהוּ גַּוָון חִוָּור, קְלִיפָּא תִּנְיָינָא דֶּאֱגוֹזָא, וְאִיהוּ חִוָּורָא דְּעַיְינִין. חשֶׁךְ קְלִיפָּא תְּלִיתָאָה דֶּאֱגוֹזָא, וְאִיהוּ סוּמְקָא, כְּעָשָׁן דְּאִצְטְבַּע בְּסוּמְקָא דֶּאֱשָׁא, וְאִיהוּ סוּמָק חָשׁוּךְ. מָרָה אוּכְמָא, תְּהוֹם, וְאִיהוּ חָלָל דֶּאֱגוֹזָא, וְדָא אִיהִי לְבוּשָׁא דְּיֵצֶר הָרָע. חסר כאן

80.

נָטֵיל מָרָה יְרוֹקָה בְּסִטְרָא דְּתוֹהוּ, וְעָבִיד צִיּוּרִין וְשִׁרְטוּטִין כְּפוּם חוֹבִין דִּבְנֵי נָשָׁא. כָּלְהוֹ צִיּוּרִין וְשִׁרְטוּטִין עֲקִימִין, וְלָאו בְּאוֹרַח מֵישָׁר. וְכֵן חוֹטְמָא וְאַנְפִּין וְעַיְינִין, בְּכָל אֲתַר דְּיֵצֶר הָרָע חִוְּיָא בִּישָׁא שַׁרְיָיא, אִיהוּ עֲקִימָא, וְכָל צִיּוּרִין דִּילֵיהּ עֲקִימִין. חסר כאן

81.

נָטֵיל מָרָה סוּמְקָא מִסִּטְרָא דְּחשֶׁךְ, וְעָבִיד צִיּוּרִין וְשִׁרְטוּטִין. נָטֵיל מָרָה אוּכְמָא מִסִּטְרָא דִּתְהוֹם, דְּאִיהוּ חָלָל דֶּאֱגוֹזָא, וְעָבִיד צִיּוּרִין וְשִׁרְטוּטִין. חסר כאן

82.

וְתָּא חֲזֵי, תְּלַת קִטְרִין בְּבַּר נָשׁ מִסִּטְרָא דְּדַכְיוּ, וְאִינוּן נַפְשָׁא רוּחָא וְנִשְׁמָתָא. נֶפֶשׁ, נָטֵיל עַפְרָא וּמַיָא וְאֶשָׁא וְרוּחָא. הַאי נֶפֶשׁ סְטָא לְיָמִינָא, וְנָטֵיל מַיָא כָּלֵיל בְּפוּמָא דְּאַרְיֵה, וְעָבִיד צִיּוּרִין. וְהַהִיא מַיָא דְּנָטֵיל, אִיהוּ מִמּוֹחָא, וְאִתְפְּלַג לְאַרְבַּע מוֹחִין. וְרָזָא דְמִלָּה (בראשית ב) וּמִשָּׁם יִפָּרֵד וְהָיָה לְאַרְבָּעָה רָאשִׁים. אִינוּן גִּיחוֹן פִּישׁוֹן פְּרָת חִדֶּקֶל. חסר כאן

83.

וּבְזִמְנָא דְּיֵיתֵי מְשִׁיחָא, כָּל חַד וְחַד מֵאֲבָהָן, אַחֲזֵי פְּעוּלָתֵיהּ. הֲדָא הוּא דִכְתִיב, (שם א) תּוֹצֵא הָאָרֶץ נֶפֶשׁ חַיָּה לְמִינָהּ, דְּאִיהוּ חַיְתוֹ אָרֶץ, אַפֵּיק זַרְעָא דִילֵיהּ, כָּל חַד בְּיִחוּסֵיהּ. וְדָא זַרְעָא דְיִצְחָק, דְּאִיהוּ נֶפֶשׁ חַיָּה, דְּאִינוּן מִינָהּ, וְזַרְעָא דִילָהּ בְּאוּמָּה דָּא, זַרְעָא דְּאִינוּן עַמֵּי הָאָרֶץ, דְּחַיָּה דְּאִיהִי שׁוֹר, דַּרְגָּא דְיִצְחָק. חסר כאן

84.

(שם) וַיֹּאמֶר אֱלֹהִים יִשְׁרְצוּ הַמַּיִם, אִלֵּין מָארֵיהוֹן דְּחָכְמָה, דְּאִיהִי נֶפֶשׁ חַיָּה, דְּאִינוּן כְּנוּנִין דְּמִתְרַבִּין בְּיַמָּא דְאוֹרַיְיתָא. וְאִינוּן מִסִּטְרָא דְּאַרְיֵה דְּיַמָּא, דְּאִיהוּ כְּשַׂר בַּיָּם. דְּאַרְיֵה דְּסִטְרָא אַחֲרָא אִיהוּ פָּסוּל בְּיַבֶּשְׁתָּא, וְאַרְיֵה דְיַמָּא אִיהוּ לְיָמִינָא, דְּאַבְרָהָם, וּבֵיהּ הָרוֹצֶה לְהַחְכִּים יַדְרִים. חסר כאן

85.

וְעוֹף יְעוֹפֵף עַל הָאָרֶץ עַל פְּנֵי רְקִיעַ הַשָּׁמָיִם, וְדָא פְּנֵי נֶשֶׁר אִלֵּין זַרְעָא דְּיַעֲקֹב, דְּאִינוּן מָארֵי פִּקּוּדֵי דְאוֹרַיְיתָא. חסר כאן

86.

(שם) וַיֹּאמֶר אֱלֹהִים יִקָּווּ הַמַּיִם מִתַּחַת הַשָּׁמַיִם אֶל מָקוֹם אֶחָד וְתֵרָאֶה הַיַּבָּשָׁה, הַיַּבָּשָׁה, דָּא אָדָם דְּאִתְנְטֵיל מֵד' סִטְרִין דְּעַפְרָא. כַּד אִתְקַיַּים בָּהּ, יָבְשָׁה הָאָרֶץ מִמֵּי טוֹפָנָא, יִפְקוּן מִן גָּלוּתָא. וְרָזָא דְמִלָּה וַיְהִי כֵ''ן, דְּאִיהוּ שִׁבְעִין שְׁנִין. חסר כאן

87.

בְּיוֹמָא קַדְמָאָה, עָבִיד עֲבִידְתֵּיהּ לְאַנְהָרָא לוֹן, הֲדָא הוּא דִכְתִיב, (שמות י) וּלְכָל בְּנֵי יִשְׂרָאֵל הָיָה אוֹר. וְעוֹד (שם יג) וַה' הוֹלֵךְ לִפְנֵיהֶם יוֹמָם וְגו', כְּגַוְּונָא דְמִצְרַיִם. בְּיוֹמָא תִּנְיָנָא, וִיהִי מַבְדִּיל, אַפְרֵישׁ לְיִשְׂרָאֵל מִנַּיְיהוּ, הֲדָא הוּא דִכְתִיב וְלֹא קָרַב זֶה אֶל זֶה כָּל הַלָּיְלָה. חסר כאן

88.

בְּיוֹמָא תְּלִיתָאָה, אַעֲבַר לוֹן בְּיַמָּא. הֲדָא הוּא דִכְתִיב, (בראשית א) וַיֹּאמֶר אֱלֹהִים יִקָּווּ הַמַּיִם מִתַּחַת הַשָּׁמַיִם אֶל מָקוֹם אֶחָד וְתֵרָאֶה הַיַּבָּשָׁה. כְּתִיב הָכָא וְתֵרָאֶה הַיַּבָּשָׁה, וּכְתִיב הָתָם (שמות יד) וַיָּשֶׂם אֶת הַיָּם לֶחָרָבָה. חסר כאן

89.

אוֹר דְּיוֹמָא קַדְמָאָה, מִינֵיהּ נָהֲרִין שִׁמְשָׁא וְסִיהֲרָא, בְּיוֹמָא רְבִיעָאָה. וַעֲלַיְיהוּ אִתְּמָר, (שם יג) וַה' הוֹלֵךְ לִפְנֵיהֶם יוֹמָם בְּעַמּוּד עָנָן לַנְחוֹתָם הַדֶּרֶךְ וְלַיְלָה בְּעַמּוּד אֵשׁ לְהָאִיר לָהֶם. חסר כאן

90.

יוֹמָא תִּנְיָינָא, בֵּיהּ אִתְבְּרֵי יַמָּא. הֲדָא הוּא דִכְתִיב, (בראשית א) יְהִי רָקִיעַ בְּתוֹךְ הַמָּיִם. וְיוֹם חֲמִישָׁאָה, מִינֵיהּ אַפֵּיק נוּנֵי יַמָּא. דִּכְמָה דִּמְאוֹרוֹת דְּיוֹמָא רְבִיעָאָה תַּלְיָין בְּיוֹמָא קַדְמָאָה, הָכֵי נוּנִין דְּיוֹמָא חֲמִישָׁאָה תַּלְיָין בְּיוֹמָא תִּנְיָינָא. יוֹמָא תְּלִיתָאָה, אִיהוּ כָּלֵיל מִכֹּלָּא, אִיהוּ דַרְגָּא דְּיַעֲקֹב, דְּאִיהוּ נִשְׁרָא, כְּלִילָא מִמַּיָא וְאֶשָׁא. וְיוֹמָא שְׁתִיתָאָה, בֵּיהּ תַּלְיָיא, וּבֵיהּ אִתְבְּרֵי אָדָם, מֵהַהוּא עַפְרָא דְּיוֹמָא תְּלִיתָאָה. חסר כאן

91.

יוֹמָא קַדְמָאָה אַבְרָהָם, דְּדַרְגֵּיהּ חֶסֶד, לְקִבְלֵיהּ הוּא נֶצַח, וְאַהֲרֹן כַּהֲנָא נָהֵיר אַנְפּוֹי כְּשִׁמְשָׁא, אִיהוּ לְקִבְלֵיהּ, יוֹמָא רְבִיעָאָה, דָּא בְּדָא תַּלְיָא, הֲדָא הוּא דִכְתִיב, (תהלים טז) נְעִימוֹת בִּימִינְךָ נֶצַח. חסר כאן

92.

יוֹמָא תִּנְיָינָא יִצְחָק, דְּדַרְגֵּיהּ גְּבוּרָה, לְקִבְלֵיהּ יוֹמָא חֲמִישָׁאָה, דְּאִיהוּ הוֹד, דַּרְגָּא דְּדָוִד. חסר כאן

93.

יוֹמָא תְּלִיתָאָה יַעֲקֹב, לְקִבְלֵיהּ יוֹמָא שְׁתִיתָאָה, שְׁלֹמֹה, דְּדַרְגֵּיהּ יְסוֹד, דְּאִיהוּ שָׁלוֹם ה', וַעֲלֵיהּ אִיתְּמָר (במדבר כה) הִנְנִי נוֹתֵן לוֹ אֶת בְּרִיתִי שָׁלוֹם. חסר כאן

94.

יוֹם שַׁבָּת, מַלְכוּת, דַּרְגָּא דְּבֶן י''ה, דְּאִיהוּ ו'. דְּמַהֲלַךְ חֲמֵשׁ מְאָה שְׁנִין, דְּאִינוּן חָמֵשׁ סְפִירוֹת, מָטֵי לִיסוֹד, לְאִתְחַבְּרָא בְּה'. וְיוֹם שַׁבָּת אִיהוּ משֶׁה רַבֵּנוּ, דְּדַרְגֵּיהּ בִּינָה. חסר כאן

95.

וְיוֹם שַׁבָּת כָּלֵיל כֹּלָּא, כְּגַוְונָא דָא, (בראשית ב) וַיְכַל אֱלֹהִים בַּיּוֹם הַשְּׁבִיעִי, דָּא יוֹמָא קַדְמָאָה. מְלַאכְתּוֹ, דָּא יוֹמָא רְבִיעָאָה. וַיִּשְׁבֹּת בַּיּוֹם הַשְּׁבִיעִי, דָּא יוֹמָא תִּנְיָינָא, מִכָּל מְלַאכְתּוֹ אֲשֶׁר עָשָׂה, דָּא יוֹמָא חֲמִישָׁאָה, דְּבֵיהּ אִתְחְרַב בֵּי מַקְדְּשָׁא, וְלָא הֲוָה בִּנְיָינָא בֵּיהּ בְּאֶלֶף חֲמִישָׁאָה. וַיְקַדֵּשׁ אוֹתוֹ, דָּא יוֹמָא תְּלִיתָאָה, כִּי בוֹ שָׁבַת מִכָּל מְלַאכְתּוֹ, דָּא יוֹמָא שְׁתִיתָאָה. חסר כאן

96.

אֲשֶׁר בָּרָא אֱלֹהִים לַעֲשׂוֹת, דָּא גוּפִין לְנִשְׁמָתִין דְּרַשִּׁיעַיָּיא. דְּלָא בָּעָא לְמֶעְבַּד לוֹן גּוּפִין, דְּאָזְלִין כָּלְהוֹ נָע וָנָד. וְדָא רָזָא (משלי יא) יַד לְיַד לֹא יִנָּקֶה רָע. חסר כאן

97.

וְשַׁבָּת דְּכָלְהוֹ, נַיְיחָא דְּכָלְהוֹ, יְהֵא משֶׁה. דְּאִיהוּ דּוּגְמַת בֶּן י''ה, דְּבַת זוּגֵיהּ מַלְכוּת, שַׁבָּת. שַׁבָּת וַדַּאי, דַּעֲלָה אִתְּמָר (תהלים קג) וּמַלְכוּתוֹ בַּכֹּל מָשָׁלָה, דְּאִיהוּ מְלָאכוֹת דְּאַדְכֵּיר בְּיוֹמָא דְשַׁבַּתָּא. חסר כאן

98.

וְלָא כְמָא דְּחָשְׁבִין טִפְּשִׁין, דּקוּדְשָׁא בְּרִיךְ הוּא עָבִיד עֲבִידְתָּא, אוֹ טָרַח לְמֶעְבַּד עֲבִידְתֵּיהּ, וְנָח בְּיוֹמָא שְׁבִיעָאָה, כְּבַר נָשׁ דְּטָרַח בַּעֲבִידְתֵּיהּ, וּלְבָתַר דְּסַיֵּים נָח. חַס וְשָׁלוֹם, אֶלָּא בְּכָל זִמְנָא דִּשְׁכִינְתָּא אִיהִי בְּגָלוּתָא, אִתְּמָר בַּהּ (בראשית ח) וְלֹא מָצְאָה הַיּוֹנָה מָנוֹחַ, דְּלָא אִשְׁתְּכַח צַדִּיקָא, דִּיהֵא לָהּ נַיְיחָא בֵיהּ. חסר כאן

99.

וְנַיְיחָא דִילָהּ, אִינוּן צַדִּיקַיָּיא, דְּנַחְתַת בְּהוֹן, כְּגוֹן אַבְרָהָם וְאַהֲרֹן וְזַרְעֵיהּ. יִצְחָק וְדָוִד וְזַרְעֵיהּ. יַעֲקֹב וּשְׁלֹמֹה וְזַרְעֵיהּ. וַעֲלַיְיהוּ אִתְּמָר, (בראשית ב) וַיְכַל אֱלֹהִים בַּיּוֹם הַשְּׁבִיעִי, וַיִּשְׁבֹּת בַּיּוֹם הַשְּׁבִיעִי, וַיְבָרֶךְ אֱלֹהִים אֶת יוֹם הַשְּׁבִיעִי, וַיְקַדֵּשׁ אוֹתוֹ. יוֹמָא דְּכָלְהוֹ, נַיְיחָא דְּכָלְהוֹ. חסר כאן

100.

יוֹם הַשְּׁבִיעִי, משֶׁה, כָּלֵיל כָּלְהוֹ, בֵּיהּ נָח שְׁכִינְתָּא מִכָּלְהוֹ, וְדָא אִיהוּ וַיִּשְׁבֹּת בַּיּוֹם הַשְּׁבִיעִי, שְׁבִיתָה דֵּאלֹהִים וַדַּאי, דְּאִיהִי שְׁכִינְתָּא, וְלָא אֲמַר וַיִּשְׁבֹּת ה', דְּאִימָּא אִיהוּ דְּטָרְחָא בְּבִנְיָן, הֲדָא הוּא דִכְתִיב, (ישעיה נ) וּבְפִשְׁעֵיכֶם שֻׁלְּחָה אִמְּכֶם. חסר כאן

101.

וּבְגִין דָּא ד' יְסוֹדִין, כָּל חַד עָבִיד עֲבִידְתֵּיהּ, חַד אַרְיֵה, וְהָא אִיתְּמָר. תִּנְיָנָא שׁוֹר, סוּמְקָא כְּוַורְדָא, סָטָא לִשְׂמָאלָא, נָטַל גַּוָּון אֶשָׁא וְעָבִיד צִיּוּרִין וְשִׁרְטוּטִין וְאַתְרֵיהּ בְּלִבָּא. חסר כאן

102.

נֶשֶׁר, אַתְרֵיהּ בְּגוּפָא, נָטַל רוּחָא כְּלִילָא בְּפוּמָא, סָטָא לַאֲחוֹרָא, וְנָטֵיל גַּוָּון חַד מִסִּיהֲרָא, סָטָא לְקַמֵּיהּ, וְנָטַל גַּוָּון חַד מִשִּׁמְשָׁא, סָטָא לְיָמִינָא וּשְׂמָאלָא וְנָטֵיל תְּרֵין גְּוָונִין מִנַּיְיהוּ, אִשְׁתְּכַח כָּלֵיל מִכָּל גְּוָונִין. וְהַאי אִיהוּ נִשְׁרָא רַבְרְבָא, מָארֵי דְנוֹצָה, רַב גַּדְפִין, כָּל גְּוָונִין בֵּיהּ אִתְחַזְּיָין. חסר כאן

103.

אָדָם סָטָא לְעֵילָא, וְשָׁרְיָיא בִּדְיוֹקְנָא דְּאַנְפִּין, וּרְשִׁים תַּמָּן דִּיוּקְנָא דְּכָלְהוֹ חֵיוָן, וְאִתְלַבַּשׁ בְּכָלְהוֹ, וְאִתְחֲזֵי דְּיוּקְנֵיהּ בְּהוּ. הֲדָא הוּא דִכְתִיב, (יחזקאל א) וּדְמוּת פְּנֵיהֶם פְּנֵי אָדָם וּפְנֵי אַרְיֵהּ אֶל הַיָּמִין לְאַרְבַּעְתָּם וּפְנֵי שׁוֹר מֵהַשְּׂמֹאל לְאַרְבַּעְתָּן וּפְנֵי נֶשֶׁר לְאַרְבַּעְתָּן. וּרְשִׁים בְּהוֹן צִיּוּרִין וּגְוָונִין דְּאַנְפִּין, וְשִׁרְטוּטִין דְּמִצְחָא. חסר כאן

104.

בְּהוֹן רְשִׁים תְּלָתִין וּתְרֵין שְׁבִילִין, דְּאִינוּן נְתִיבוֹת פְּלִיאוֹת חָכְמָה. וְכּוּלְהוּ אִתְכַּסְיָין בִּתְלָתִין וּתְרֵין, בֵּין אַנְפִּין וְגַדְפִין דְּחֵיוָן, דְּשֵׁשׁ עָשָׂר אַנְפִּין אִינוּן לְאַרְבַּעְתָּן לְד' חֵיוָן, וְשֵׁשׁ עָשָׂר גַּדְפִין סָלְקִין ל''ב. הָכֵי אִינוּן שִׁרְטוּטִין דְּמִצְחָא, וְשִׁרְטוּטִין דְּעַיְינִין. חסר כאן

105.

תְּלַת עֲשַׂר גְּוָונִין אִינוּן בְּצִיּוּרִין דְאַנְפִּין דְּקַו הַמִּדָּה. וְכוּלְהוּ גְּוָונִין אָזְלִין בְּקַו הַמִּדָּה, בְּאוֹרַח קְשׁוֹט, וְכוּלְהוּ רְשִׁימִין בְּוא''ו. תְּרֵין וּתְלָתִין שְׁבִילִין מְצוּיָירִין בְּיו''ד ה''א ה''א. חסר כאן

106.

תְּרֵין עֲשַׂר גְּוָונִין, דִּתְלַת חֵיוָן, דְאִינוּן ו''ו, וּדְמוּת פְּנֵיהֶם פְּנֵי אָדָם, א דְּמִתְלַבֵּשׁ בְּהוֹן וְאִיתְכַּסֵּי בְּהוֹן. ו' לְתַתָּא, ו' לְעֵילָא. ו' לְעֵילָא, שִׁית גְּוָונִין עִילָּאִין. ו' לְתַתָּא, שִׁית גְּוָונִין תַּתָּאִין. בְּשִׁית גְּוָונִין עִילָּאִין פָּרַח לְגַבֵּי עֵילָא. וּבְשִׁית גְּוָונִין תַּתָּאִין פָּרַח לְגַבֵּי תַּתָּא. חסר כאן

107.

וְרָזָא דְמִלָּה, (ישעיה ו) בִּשְׁתַּיִם יְכַסֶּה פָנָיו וּבִשְׁתַּיִם יְכַסֶּה רַגְלָיו וּבִשְׁתַּיִם יְעוֹפֵף, אִלֵּין אִינוּן דְּיוֹקְנִין, דְּאִתְלַבַּשׁ בְּהוֹן א' עִלָּיאָה, דְּאִיהוּ תִּפְאֶרֶת. אָדָם, יו''ד ה''א וא''ו ה''א. אִלֵּין אִינוּן נְתִיבִין דְּחָכְמָה, נָתִיב לֹא יְדָעוֹ עָיִט, א', דְּאִיהוּ אָדָם, עֲלֵיהּ אִתְּמָר בְּמוּפְלָא מִמְּךָ אַל תִּדְרשׁ וּבִמְכוּסֶה מִמְּךָ אַל תַּחְקֹר. דְּאִיהוּ דְּאִתְעַטַר בִּגְוָונִין דְּאִינוּן ו''ו, וְאִיהוּ לָא אִתְגַּלְּיָיא, עֲלֵיהּ אִיתְּמָר (דברים ד) כִּי לֹא רְאִיתֶם כָּל תְּמוּנָה. חסר כאן

108.

וְאִית לְתַתָּא דְּמוּת אָדָם, וְלֹא אָדָם. עֲלָה אִתְּמָר (במדבר יב) וּתְמוּנַת ה' יַבִּיט וְדָא נֶפֶשׁ הַשִּׂכְלִית, מִסִּטְרָא דְּמַלְכוּת, דִּרְשִׁים כָּל גְּוָונִין אִלֵּין, וְאִיהִי אִתְקְרִיאַת יו''ד ה''א וא''ו ה''א, וְדָא אִיהוּ מַ''ה לְּמַטָה. חסר כאן

109.

רוּחַ רְשִׁים רְשִׁימִין בְּמַלְאָכַיָיא, דְּאִינוּן ד', מִיכָאֵ''ל גַּבְרִיאֵ''ל נוּרִיאֵ''ל רְפָאֵ''ל. וְסָלֵיק לְעֶשֶׂר, דְּאִינוּן: אֶרְאֶלִי''ם. שְׂרָפִים. חַשְׁמַלִּים. שִׁנְאֲנִים. תַּרְשִׁישִׁים. אוֹפַנִּים. אֱלֹהִים. אִישִׁים. חַיּוֹת. בְּנֵי אֱלֹהִים. חסר כאן

110.

וְכָלְהוֹ מִתְלַבְּשִׁין וְנָהֲרִין בִּגְוָונִין דְּאַנְפִּין. דִּגְוָונִין אִינוּן לְבוּשִׁין לְאִינוּן מַלְאָכִין, כְּגוּפָּא דְּמִתְלַבֵּשׁ בִּלְבוּשִׁין. וְאִינוּן אַחְזְיָין דְּיוֹקְנִין בִּלְבוּשִׁין, לִנְבִיאָה. וְרוּחָא דְאִיהוּ תִּפְאֶרֶת, רְכִיב בְּמַלְאָכַיָיא, בְּרוּחָא דְאִיהוּ רְכִיב בְּגוּפָא, וְרָזָא דְמִלָּה, (חבקוק ג) כִּי תִרְכַּב עַל סוּסֶיךָ מַרְכְּבוֹתֶיךָ יְשׁוּעָה. חסר כאן

111.

נִשְׁמָתָא אִיהִי מִסִּטְרָא דְבִינָה, וַעֲלָהּ שַׁרְיָיא מַחֲשָׁבָה דְּלֵית לָהּ סוֹף. וּבָהּ, לֵית דִּמְיוֹן, וְלֵית צוּרָה, וְלֵית דִּיוּקְנָא. בְּגִין דְּאִיהִי עָלְמָא דְּאָתֵי. וְלֵית בָּהּ לָא גוּפָא, וְלָא דִּיוּקְנָא, כְּמָה דְּאוֹקְמוּהָ מִכָּל מָקוֹם, הָעוֹלָם הַבָּא אֵין בּוֹ לֹא גּוּף וְלֹא גְּוִיָּה. וְנִשְׁמָתָא אִתְלְבַּשׁ בְּכוּרְסְיָא, דְּאִיהוּ אָדָם דִּבְרִיאָה, וּבְאַרְבַּע סִטְרִין דִּילְּהוֹן. תַּמָּן אִיתְּמָר, (דברים ד) כִּי לֹא רְאִיתֶם כָּל תְּמוּנָה, דַּעֲלָה אִיתְּמָר (ישעיה סד) עַיִן לֹא רָאָתָה אֱלֹהִים זוּלָתֶךָ. חסר כאן

112.

וּבְהַאי מַחֲשָׁבָה, הֲווֹ מְצַיְירִין כָּל נְבִיאַיָא, כָּל דִּמְיוֹנִין וְכָל צִיּוּרִין לְתַתָּא מִינָהּ. וּלְעֵילָא מִינָהּ לָא תָפְסִין צִיּוּר כְּלַל. בָּהּ לֹא הֲווֹ יָכְלִין לְמִתְפַּס צִיּוּר וְלָאו גַּוָּון כְּלָל. כָּל שֶׁכֵּן לְעֵילָא מִינָהּ. חסר כאן

113.

וְצָרִיךָ לְאַחְזָרָא לְמִלָּה קַדְמָאָה. עַיְינִין יְרוֹקִין דְּסִטְרָא דְּדַכְיָיא, רַחֲמִים אִינוּן מִסִּטְרָא דְּת''ת, וִירוֹקָא דִילְּהוֹן מִסִּטְרֵיהּ. אִיהוּ נְהֵיר בִּנְהוֹרָא דְּאֶבֶן מַרְגָּלִית. חסר כאן

114.

דִּבְּגִין דָּא אִתְקְרִיאוּ סְפִירָן סְפִירוֹת, דְּנָהֲרִין גְּוָונִין דִּילְּהוֹן כְּסַפִּירִים יַקִּירִין, וְלָא כְּסַפִּירִים דְּאִינוּן פְּסוֹלוֹת דְּעָלְמָא שְׁפָלָה, אֶלָּא כְּאַבְנִין יַקִּירִין וּמַרְגְּלָאן דְּגִנְתָּא דְעֵדֶן, דִּנְהוֹרָא דִּלְהוֹן מִסּוֹף הָעוֹלָם וְעַד סוֹפוֹ. וְאִלֵּין אִינוּן סְפִירָן דְּנָהֲרִין לְבַר נָשׁ בְּאוֹרַיְיתָא כּוֹלָּא, עַד דְּלֵית שִׁיעוּרָא. חסר כאן

115.

דְּאִית מַרְגְּלָאן וְאַבְנִין יַקִּירִין, דְּאִינוּן מִנִּשְׁמָתָא וְרוּחָא וְנַפְשָׁא, דְּכָרְסְיָיא יְקָרָא, וּמַלְאָכַיָא, וְד' סִטְרֵי עָלְמָא. נְהוֹרָא דְּאִלֵּין מַרְגְּלָאן אִית לֵיהּ שִׁיעוּרָא, וְאִית לֵיהּ רֵישָׁא וְסוֹפָא. אֲבָל לִנְהוֹרָא דְּנִשְׁמָתָא וְרוּחָא וְנַפְשָׁא דְּאִינוּן בְּאוֹרַח אֲצִילוּת, מִבִּינָה וְתִפְאֶרֶת וּמַלְכוּת, לֵית לֵיהּ שִׁיעוּרָא. חסר כאן

116.

וְאִלֵּין אִינוּן בְּאוֹרַח אֲצִילוּת, אֲבָל אָחֳרָנִין, אִיתְּמָר בְּהוֹן סַפִּיר גִּיזְרָתָם, כְּמָה דְאוֹקְמוּהָ קַדְמָאֵי, כָּל הַנְּשָׁמוֹת גְּזוּרוֹת מִכִּסֵּא הַכָּבוֹד. חסר כאן

117.

וְכָל אִלֵּין גְּוָונִין נְהִירִין בְּעַיְינִין דְּגוּפָא דְּגַּן עֵדֶן. וּבְהוֹן שַׁבָּחַת אוֹרַיְיתָא לִשְׁכִינְתָּא. וּמשֶׁה בְּגִין דְּאִתְלַבַּשׁ בְּהַהוּא גּוּפָא דְּגִנְתָּא דְעֵדֶן דִּלְתַתָּא, אִיתְּמָר בֵּיהּ (שמות לד) וַיִּירְאוּ מִגֶּשֶׁת אֵלָיו. חסר כאן

118.

וּבְגַּן עֵדֶן דִּלְעֵילָא אִיתְּמָר בֵּיהּ, (שם לג) וּפָנַי לֹא יֵרָאוּ, דְּאַף עַל גַּב דִּבְכָל אֲתַר אִיהוּ קוּדְשָׁא בְּרִיךְ הוּא. אִית אֲתַר דְּאִתְגַּלְּיָיא בֵּיהּ, וַאֲתַר דְּלָא אִתְגַּלְיָיא בֵּיהּ כָּל כַּךְ. וְדָא אִיהוּ רָזָא דְּאַסְפַּקְלַרְיָא הַמְאִירָה, וְאַסְפַּקְלַרְיָא שֶׁאֵינָהּ מְאִירָה. חסר כאן

119.

כְגַוְונָא דָא אִית בְּאוֹרַיְיתָא כַּמָּה לְבוּשִׁין, כַּמָּה אַנְפִּין, דְּאִתְקְרִיאוּ פָּנִים הַנִּרְאִים, וּפָנִים דְּאֵינָם נִרְאִים. וְקוּדְשָׁא בְּרִיךְ הוּא לָא אִתְגְּלֵי בְּאוֹרַיְיתָא, אֶלָא לְכָל חָדָא כְּפוּם עוֹבָדוֹי, וּכְפוּם נִשְׁמָתֵיהּ וְרוּחֵיהּ וְנַפְשֵׁיהּ מֵאֲתַר דְּאִתְגְּזָרוּ. חסר כאן

120.

עַיְינִין אִינוּן כְּגַוְונָא דְּגַלְגַּל, דִּמְגַלְגַּל עִיגּוּלִין מִסִּטְרָא דְמַיִם. וְדָא אִיהוּ רָזָא דְּגַלְגַּלִּים. וְאָזְלִין בְּקַו הַמִּדָּה, בַּאֲרִיכוּ דִּילְּהוֹן, בַּעֲמִיקוּ דִּילְּהוֹן. חסר כאן

121.

וְרָזָא דְמִלָּה (ישעיה מ) מִי מָדַד בְּשָׁעֳלוֹ מָיִם. וְאִינוּן ה' מְדוּדִים מָדַד בָּהּ, כְּגוֹן זֶה:: וְאִינוּן אָ אֵ אֹ ו אִ אֻ כֵיצַד, מִי מָדַד חסר כאן

122.

בְּשָׁעֲלוֹ מַיִם ז אָ. וְשָׁמַיִם בַּזֶּרֶת תִּכֵּן אֵ. וְכָל בַּשָּׁלִישׁ עֲפַר הָאָרֶץ אֹ. וְשָׁקַל בַּפֶּלֶס הָרִים אִ. וּגְבָעוֹת בְּמֹאזְנַיִם אֻ. חסר כאן

123.

וְאִינוּן ו', קַו דְנָפֵיק מִן הַמִּדָּה דְּאִיהִי י', וּמָדֵיד ה' מְדוֹדִין בָּהֶם, בְּחָמֵשׁ סְפִירָאן דִּכְלִילָן בְּה' תַּתָּאָה. וַדַּאי י' דִּילָהּ, אִיהִי מִדָּה דִּילָהּ. חסר כאן

124.

וְאִינוּן ד' גְּוָונִין דְּעֵינָא, מָדַד בְּהוֹן לְד' סִטְרִין. וְקַו אִיהוּ ו', גַּלְגַּל דְּאִיהוּ י' עִם ו' אִתְעֲבֵיד גִּלְגּוּ''ל. דְּסָלִיק לְחוּשְׁבַּן ע''ב. חסר כאן

125.

כַד גַּלְגַּל דְּעֵינָא אִתְהַפַּךְ בְּקַו דְּאִיהוּ ו', וּמִתְהַפֵּךְ עֵינָא בֵּיהּ לְחִוָּורָא, אִתְגַּלְּיָיא בֵּיהּ דְּאִיהוּ גִּלְגּוּל דִּילֵיהּ, מִזִּמְנָא קַדְמָאָה מִסִּטְרָא דְּחֶסֶד. וְאִם יִתְעַסֵּק בְּאוֹרַיְיתָא, חַכִּים יְהֵא, מִסִּטְרָא דְּיָמִינָא, בְּגִין דְּתַמָּן אִתְּמָר בָּהּ, הָרוֹצֶה לְהַחְכִּים יַדְרִים. חסר כאן

126.

וְאִי לָא יִתְעַסַּק בְּאוֹרַיְיתָא, יְהֵא חַכִּים בְּמִלִּין, לְצַיֵּיר בִּידֵיהּ כַּמָּה צִיּוּרִין, דְּכַמָּה מְלָאכוֹת, אַף עַל גַּב דְּלָא אוֹלִיפוּ לֵיהּ בְּהַאי עָלְמָא. דְּמַאן דְּלָא עָבִיד מִלּוֹי מִלִּבּוֹי וּמִמַּחֲשַׁבְתֵּיהּ עַד דְּאוֹלִיפוּ לֵיהּ, הַאי לָאו אִיהוּ בְּגִלְגּוּלָא דָּא כְּלַל. חסר כאן

127.

וְכַד גַּלְגַּל דְּעֵינָא אִתְהַפַּךְ לִשְׂמָאלָא בַּאֲדִימוּ, דְּשַׁלִּיט עַל גְּוָונִין אָחֳרָנִין, אִיהוּ מִזִּמְנָא תִּנְיָינָא גִּלְגּוּלָא דִילֵיהּ. וְהַאי יְהֵא עָתִיר בְּלָא טוֹרַח וּבְלָא מַזָּל וַעֲלֵיהּ אִיתְּמָר הָרוֹצֶה לְהַעֲשִׁיר יַצְפִּין. וְיִתְקָרֵב בַּר נָשׁ לְגַבֵּיהּ, דְּוַותְּרָן יְהֵא בְּמָמוֹנֵיהּ, בְּגִין דְלָא טָרַח בֵּיהּ, דְּהַהוּא דְּטָרַח בְּמָמוֹנֵיהּ לָא תִתְקְרֵיב לְגַבֵּיהּ, דְּקַמְצָן יְהֵא. חסר כאן

128.

וְכַד גַּלְגַּל דְּעֵינָא אִתְהַפַּךְ לְיָרוֹקָא, דְּשַׁלִּיט עַל כָּל גְּוָונִין. דָּא אִיהוּ בְּגִלְגּוּלָא תְּלִיתָאָה. וִיהֵא חַכִּים בְּאוֹרַיְיתָא, וְעָתִיר בְּמָמוֹנָא דְּלָא טָרַח בֵּיהּ. דָּא אִיהוּ שְׁלִים מִכֹּלָא, מִסִּטְרָא דְיַעֲקֹב, דְּאִיתְּמָר בֵּיהּ (בראשית כה) וְיַעֲקֹב אִישׁ תָּם. (איוב לג) הֵן כָּל אֵלֶּה יִפְעַל אֵל פַּעֲמַיִם שָׁלשׁ עִם גָּבֶר. חסר כאן

129.

וּכְעָן צָרִיךְ לְפָרְשָׁא, מָאן אִיהוּ עַיִן דְּאִתְגַּלְגֵּל בְּגִלְגּוּלָא דִּתְלַת גְּוָונִין, אִלֵּין אָדָם קַדְמָאָה דְּסִטְרָא דַּכְיָיא, דְּאִית אָדָם אוֹחֲרָא מִסִּטְרָא דִּמְסָאֲבוּ. וְלָא עוֹד, אֶלָּא תְּלַת אָדָם אִינוּן: אָדָם דִּבְרִיאָה, אָדָם דִּיצִירָה, אָדָם דַּעֲשִׂיָּה, מִסִּטְרָא דְּדַכְיוּ. וְאִית אָחֳרָא מִסִּטְרָא דִּמְסָאֲבוּ, דְּאִיהוּ אָדָם בְּלִיַּעַל, אִישׁ אָוֶן, יֵצֶר הָרָע. אָדָם טוֹב, יֵצֶר הַטוֹב. דְּהָכֵי אוֹקְמוּהָ קַדְמָאִין, (קהלת ז) גַּם אֶת זֶה לְעֻמַּת זֶה עָשָׂה הָאֱלֹהִים. חסר כאן

130.

וּכְעָן צָרִיךְ לְפָרֵשׁ אָדָם דְּסִטְרָא דַּכְיָא. תָּא חֲזֵי, כַּד אִתְלַבַּשׁ אָדָם דְּדַכְיוּ, בְּאַבְרָהָם, אִתְלַבֵּן בֵּיהּ. וּבְיִצְחָק אִצְטָרֵיף. הֲדָא הוּא דִכְתִיב, (זכריה יג) וּצְרַפְתִּים כִּצְרֹף אֶת הַכֶּסֶף וּבְחַנְתִּים כִּבְחֹן אֶת הַזָּהָב. בְּיַעֲקֹב, אַחֲזֵי דְיוֹקְנֵיהּ, וְעָבִיד תּוֹלָדִין. חסר כאן

131.

וְהַאי אַמַּאי. אֶלָּא לְיֵצֶר הַטוֹב וּלְיֵצֶר הָרָע, דְּאִינוּן אָדָם טוֹב אָדָם רָע, מַנֵּי קוּדְשָׁא בְּרִיךְ הוּא תְּלַת פִּקּוּדִין. עֲבוֹדָה זָרָה. גִּלּוּי עֲרָיוֹת. וּשְׁפִיכוּת דָּמִים. עֲבוֹדָה זָרָה, הֲדָא הוּא דִכְתִיב, (בראשית ב) וַיְצַו ה' אֱלֹהִים עַל הָאָדָם לֵאמֹר. וְאָמְרוּ מָארֵי מַתְנִיתִין, לֵית צַו אֶלָּא עֲבוֹדָה זָרָה. עַל הָאָדָם, זֶה שְׁפִיכוּת דָּמִים. לֵאמֹר, זֶה גִּלּוּי עֲרָיוֹת. חסר כאן

132.

וּבְצִוּוּי דָּא הֲווֹ כַּחֲדָא יֵצֶר הַטוֹב וְיֵצֶר הָרָע. לְבָתַר דַּעֲבַר יֵצֶר הָרָע עַל צִוּוּי דְקוּדְשָׁא בְּרִיךְ הוּא, גָּזַר עֲלֵיהּ מִיתָה. אֲמַר, מָה אַעֲבֵד, אִם אֲנָא אֵימוּת אִיהוּ נָטֵיל עֶבֶד אָחֳרָא. דְּיֵצֶר הָרָע אִיהוּ עֶבֶד, וּבַת זוּגֵיהּ שִׁפְחָה, וְאַתְרֵיהּ יָרֵית לֵיהּ הַהוּא עֶבֶד. חסר כאן

133.

מָה עֲבַד, אָזַל אִיהוּ וְאִתְּתֵיהּ, לְפַתָּאָה לְאָדָם וּלְאִתְּתֵיהּ דְּסִטְרָא טָבָא. בַּת זוּגֵיהּ דְּיֵצֶר הָרָע לִילִית, פַּתֵּי לְאָדָם דְּאִיהוּ יֵצֶר הַטוֹב, וּבְגִינָהּ אִיתְּמָר (שם ג) הָאִשָּׁה אֲשֶׁר נָתַתָּ עִמָּדִי הִיא נָתְנָה לִי מִן הָעֵץ. וְיֵצֶר הָרָע פַּתֵּי לְחַוָּה, וְגָרְמוּ לוֹן מָוֶת. חסר כאן

134.

בְּגִין דָּא, קוּדְשָׁא בְּרִיךְ הוּא אַפְשֵׁיט לְאָדָם דְּאִיהוּ יֵצֶר הַטוֹב מִגּוּפֵיהּ בְּגַן עֵדֶן וּמִמַּלְבּוּשׁוֹי, לֵיהּ וּלְאִתְּתֵיהּ, הֲדָא הוּא דִכְתִיב, (שם) וַיֵּדְעוּ כִּי עֵרוּמִים הֵם. וְגֵירַשׁ לוֹן מִגַּן עֵדֶן, הֲדָא הוּא דִכְתִיב, (שם) וַיְגָרֶשׁ אֶת הָאָדָם. אֶת, בַּת זוּגֵיהּ עִמֵּיהּ. חסר כאן

135.

וְנָחֵית לוֹן לְשֶׁבַע אַרְעִין, דְּאִינוּן: גֵּיא. נְשִׁיָה. צִיָּה. אַרְקָא. אֶרֶץ. אֲדָמָה. תֵּבֵל. עֲבַד תְּיוּבְתָּא, הֲוָה מְצַפְצֵף וְעוֹלֶה. וְעִם כָּל דָּא הֲוָה עָרוֹם בְּלֹא לְבוּשׁ הוּא וְאִתְּתֵיהּ. חסר כאן

136.

מָה עֲבַד קוּדְשָׁא בְּרִיךְ הוּא. אַיְיתֵי לֵיהּ בְּגִלְגּוּלָא בְּאַבְרָהָם, וּלְאִנְתְּתֵיהּ בְּשָׂרָה. וְקוּדְשָׁא בְּרִיךְ הוּא הֲוָה מְלַבֵּן לֵיהּ בְּכוּרָא דְּכַסְפָּא, דְּאִיהוּ מְעוֹרָב בַּאֲבָרָא, דְּאִיהוּ עוֹפֶרֶת, מִיָּד דְּאַרְמֵי לֵיהּ בְּנוּרָא, אִתְלַבְּנָא כַּסְפָּא, וַאֲפֵיקַת זוּהֲמָא, דְּאִיהוּ עוֹפֶרֶת לְבַר, וּכְגַוְונָא דָא אִתְלַבֵּן אָדָם בְּאַבְרָהָם. וְאַפֵּיק מִנֵּיהּ זוּהֲמָא לְבַר, וְדָא יִשְׁמָעֵאל, דְּאִיהוּ זוּהֲמָא דְּהִטִיל חִיוָיָא בְּחַוָּה. חסר כאן

137.

לְבָתַר אִתְגַּלְגַּל בְּיִצְחָק, בַּת זוּגֵיהּ דְּאָדָם, וְאִסְתַּמַּק בְּנוּרָא, וְאַפֵּיק זוּהֲמָא לְבַר, וְדָא עֵשָׂו. וְסוּמְקָא דִילֵיהּ כְּדָמָא דִשְׁחִיטָה. וּבְגִין דְּאִתְגַּלְגַּל נוּקְבָא בְּיִצְחָק, אִתְקְרֵי שְׂמֹאל נוּקְבָא. חסר כאן

138.

לְבָתַר עָאלוּ תַּרְוַויְיהוּ בְּיַעֲקֹב וּבַת זוּגֵיהּ, וַאֲפִיקוּ מִנֵּיהּ זַרְעָא. וְגווָֹנָא דִילֵיהּ הוּא יְרוֹקָא דִילֵיהּ דְּסַחֲרָא. וְדָא אִיהוּ (איוב לג) הֵן כָּל אֵלֶּה יִפְעַל אֵל פַּעֲמַיִם שָׁלשׁ עִם גָּבֶר. חסר כאן

139.

עַיְינִין אוּכְמִין חֲשׁוֹכִין, תַּמָּן לִילִית, דְּאִיהִי חֲשׁוֹכָא אֲפֵילָה, פְּתַיָא אוּכְמָא. וְעַיְינִין אוּכְמִין עֲקִימִין, וַדַּאי תַּמָּן שַׁבְּתָאי, דַּעֲלֵיהּ אִתְּמָר (משלי ג) מְאֵרַת ה' בְּבֵית רָשָׁע. דְּהַהוּא גַּוָּון חָשׁוּךְ, שַׁלִּיט עַל גּווָֹנֵי אָחֳרָנִין. חסר כאן

140.

וּלְמַאן דְּאִסְתַּכַּל בֵּיהּ לִילִית אוֹ שַׁבְּתָאי בְּאִילֵין עַיְינִין, מְאֵרָה וַעֲנִיּוּתָא וְכַפְנָא וּמוֹתָנָא יֵיתֵי. אִסְתַּמַּר מִנֵּיהּ, (שם ה) דְּרַגְלֶיהָ יֹרְדוֹת מָוֶת שְׁאוֹל צְעָדֶיהָ יִתְמֹכוּ. וְכָל מַשָּׂא וּמַתָּן דְּעָבִיד בַּר נָשׁ קָדָם מָארֵי דְּעַיְינִין אִלֵּין, אִתְאֲבֵיד. חסר כאן

141.

וְצָרִיךָ בַּר נָשׁ דְּלָא יִשְׁתְּכַח בְּשָׂבְעָה קֳדָמֵיהּ בְּיוֹמִין דְּחוֹל, אֶלָּא בְּשַׁבָּת, דְּלֵית לֵיהּ שָׁלְטָנוּתָא עֲלֵיהּ וְאִם אִשְׁתְּכַח בְּיוֹמִין דְּחוֹל בְּשָׂבְעָה קֳדָמֵיהּ, וְאִסְתַּכַּל בֵּיהּ בְּעֵינָא בִּישָׁא, לָא אִשְׁתְּזֵיב מִנֵּיהּ מִמִּיתָה אוֹ מֵעוֹנִי. וְחוֹטְמָא וּפוּמָא וְאַנְפּוֹי דְּהַאי בַּר נָשׁ לָאו אִינוּן עַל קַו הַיּוֹשֶׁר. חסר כאן

142.

עַיְינִין אוּכְמִין שַׁפִּירָן, עַל קַו הַיּוֹשֶׁר, אִיהוּ מִסִּטְרָא דְּשַׁבָּת, דְּאִיהִי בַּת עַיִן שַׁפִּירָא. עֲלָה אִיתְּמָר, (שה''ש א) שְׁחוֹרָה אֲנִי וְנָאוָה. הַאי אִיהוּ בִּדְיוֹקְנָא דְּשַׁבָּת, דְּאִיהוּ שָׁקוּל לְאוֹרַיְיתָא כּוּלָהּ. חסר כאן

143.

וּבְשַׁבָּת צָרִיךְ לְאַחֲזָאָה שׂוֹבְעָה, בְּהִפּוּכָא דְּשִׁפְחָה לִילִית. וְצָרִיךְ בַּאֲתַר דַּעֲצִיבוּ דְּשַׁבְּתָאי, לְאַחֲזָאָה חֶדְוָה, בַּאֲתַר דַּחֲשׁוֹכָא. שְׁרַגָּא. בַּאֲתַר דְּעִינּוּי, עֹנֶג. לְמֶעְבַּד תַּמָּן שִׁינּוּי בְּכֹלָּא. חסר כאן

144.

דְּלִילִית מָרָה אוּכְמָא, צִמָּאוֹן דְּלֵית בֵּיהּ מַיִם, דְּאִיהוּ (בראשית לז) הַבּוֹר רֵק אֵין בּוֹ מַיִם, אֲבָל נְחָשִׁים וְעַקְרַבִּים יֵשׁ בּוֹ. וּנְחָשִׁין וְעַקְרַבִּין דִּילָהּ אִינוּן עֵרַב רַב. יוֹסֵף דְּאִיהוּ בְּגוֹבָא, דָּא יִשְׂרָאֵל דְּאִינוּן בְּגָלוּתָא דִּילָהּ, בְּהַהוּא בּוֹר. חסר כאן

145.

וּמַאן דְּאוֹקִיר שַׁבָּת, יִמָּלֵט מִמֶּנָּהּ. (קהלת ז) וְחוֹטֵא יִלָּכֶד בָּהּ. חוֹטֵא דִּמְחַלֵּל שַׁבָּת, יִלָּכֶד בָּהּ, דְּאִיהִי חִילּוּל שַׁבָּת וַדַּאי, חֲלָלָה זוֹנָה. דְּמַאן דְּנָטִיר אוֹת שַׁבָּת אוֹ אוֹת בְּרִית, מִלְּחַלֵּל לֵיהּ, בֵּיהּ אִתְקְרֵי צַדִּיק, וְאִשְׁתְּזֵיב מִינָהּ. וְלֹא עוֹד אֶלָּא דְּסָלֵיק לְמַלְכוּת, דְּאִיהִי שַׁבָּת וַדַּאי. חסר כאן

146.

וְיוֹסֵף בְּגִין דְּנָטִיר בְּרִית, אִשְׁתְּזֵיב מִן גּוּבָא, וּמִן נְחָשִׁים וְעַקְרַבִּים דִּילֵיהּ. וְלֹא עוֹד אֶלָּא דְּזָכָה לְמַלְכוּת. וְיִשְׂרָאֵל דְּנָטְרִין שַׁבָּת וְאוֹת בְּרִית מִילָה, אִיתְּמָר בְּהוֹן כָּל יִשְׂרָאֵל בְּנֵי מְלָכִים, וְאִלְמָלֵא נָטְרִין יִשְׂרָאֵל שַׁבָּת אֶחָד כְּהִלְכָתָהּ מִיָּד נִגְאָלִין. חסר כאן

147.

וְכָל בַּר נָשׁ דְּאִיהוּ עַיְינִין אוּכְמִין עַל קַו הַיּוֹשֶׁר, דְּאִיהִי קַו הַמִּדָּה, עֹנֶג אִיהוּ וְחֶדְוָה וְשָׂבְעָא, וְוַתְּרָן, וְעַיְינָא טָבָא. וּבָעֵי לְאִתְפָּאֲרָא בִּלְבוּשִׁין שַׁפִּירִין. בְּגִין דְּאִיהוּ בֶּן דְּשַׁבָּת, בֶּן מַטְרוֹנִיתָא וַדַּאי. וּבְהִיפּוּכָא בֶּן לִילִית. עַד הָכָא רָזָא דְּעַיְינִין. וַדַּאי אִיהוּ רָזָא דְּאַנְשֵׁי חַיִל. חסר כאן

148.

יִרְאֵי אֱלֹהִים בִּשְׁמִיעָה, דְּתַלְיָיא בְּאוּדְנִין, דְּתַמָּן יִרְאָה. הֲדָא הוּא דִכְתִיב, (חבקוק ג) ה' שָׁמַעְתִּי שִׁמְעֲךָ יָרֵאתִי. חסר כאן

149.

פּוּתְלַת צְלוֹתִין אִינוּן, חַד תַּלְיָיא בִּרְאִיָה. וְתִנְיָינָא בְּרֵיחָא. וּתְלִיתָאָה בִּשְׁמִיעָה. פֶּה, אִיהוּ שַׁבָּת, כְּלוּלָה מִכָּלְהוֹ. אִיהִי תְּפִלָּה לֶעָנִי, דְּאִיהוּ צַדִּיק, וְאִיהוּ יוֹם הַשַּׁבָּת. וּצְלוֹתָא דְפֶסַח, אִיהִי כּוּרְסְיָיא דְרַחֲמֵי. וּצְלוֹתָא דְרֹאשׁ הַשָּׁנָה, כּוּרְסְיָיא דְּדִין. וְתַמָּן קוּדְשָׁא בְּרִיךְ הוּא אִיהוּ דַיָין, וְכָל צְבָא הַשָּׁמַיִם קָיְימִין עֲלֵיהּ, מִיָּמִינָא וּמִשְׂמָאלָא. כְּגַוְונָא דְּשַׂעֲרָא, דְּתַלְיָיא בָּתַר אוּדְנִין, מִיָּמִינָא וּמִשְׂמָאלָא. חסר כאן

150.

וְהָא אוֹקִימְנָא לְעֵיל, דְּצָרִיךְ לְבַעֲרָא לוֹן, אִם אִינוּן תְּחוֹת אוּדְנִין, לְאִתְגְּלָאָה אוּדְנִין, דְּאִינוּן תַּרְעִין דִּצְלוֹתָא. דְּכַמָּה מָארֵי דְדִינִין סָתְמִין תַּרְעִין, בְּחוֹבִין דְּיִשְׂרָאֵל. וּצְלוֹתָא לְבַר, דְּלָא מַנִּיחִין לָהּ לְאַעֲלָאָה בְּהֵיכָלָא דִילֵיהּ, דְּאִיהוּ אדני. וְאִיהִי קָרְאָה לְתַרְעִין דְּהֵיכָלָא דְּיִפְתְּחִין לָהּ. וּבְנָהָא לְתַתָּא קָרָאן בְּיִחוּדָא שְׁמַע יִשְׂרָאֵל, לְקָלָא דִּצְלוֹתָא דִילָךְ, דְּאִיהִי לְתַרְעָא דִילָךְ. חסר כאן

151.

וְאִם מְבַעֲרִין שַׂעֲרִין דִּתְחוֹת אוּדְנִין, דְּאִינוּן מָארֵי דְדִינִין, מִיָּד קוּדְשָׁא בְּרִיךְ הוּא דְּאִיהוּ יִשְׂרָאֵל, דַּיָּין אֱמֶת, אַפְתַּח הֵיכָלָא דְּתֵיעוֹל צְלוֹתֵיהּ. וְדָא אִיהוּ אֲדֹנָי שְׂפָתַי תִּפְתָּח, פֶּתַח הֵיכָ''ל דְּאִיהוּ אדנ''י בְּחוּשְׁבַּן, וְיֵיעוֹל צְלוֹתָא. חסר כאן

152.

וּצְלוֹתָא דְּיִשְׂרָאֵל לְעֵילָא, אִיהִי מַלְכוּת, וְאִיהוּ תִּפְאֶרֶת. וּצְרִיכִין יִשְׂרָאֵל דְּלָא יְסַלְקִין לְהוֹ לְעֵילָא, עַד דְּיִתְבַּעֲרוּן דִּינִין מִתַּרְעָא, וִיהוֹן צָוְוחִין בָּהּ לְגַבֵּיהּ, בַּעֲשָׂרָה מַלְכֻיּוֹת, וּבַעֲשָׂרָה זִכְרוֹנוֹת, וּבַעֲשָׂרָה שׁוֹפָרוֹת. חסר כאן

153.

דִּצְלוֹתָא דְמִנְחָה, אִיהִי דִינָא דְרֹאשׁ הַשָּׁנָה. וּבְגִין דָּא תְּקִינוּ עֲשָׂרָה שׁוֹפָרוֹת, דְּאִינוּן: קשר''ק, קש''ק, קר''ק. לְסַלְקָא לָהּ בַּעֲשָׂרָה, דְּלֵית שְׁכִינְתָּא שַׁרְיָיא בְּפָחוֹת מֵעֲשָׂרָה. וּבְגִינַיְיהוּ אִיתְּמָר (בראשית יח) לֹא אַשְׁחִית בַּעֲבוּר הָעֲשָׂרָה. חסר כאן

154.

בִּשְׁבָרִים, (שמות כג) שַׁבֵּר תְּשַׁבֵּר מַצֵּבוֹתֵיהֶם, דְּקָיְימִין קֳדָם תַּרְעִין, דְּלָא מַנִּיחִין לַאֲעָלָא צְלוֹתָא. בִּתְרוּעָה, תָּפְסִין לוֹן בְּשַׁלְשְׁלָאִין. בִּתְקִיעָה, (במדבר כה) וְהוֹקַע אוֹתָם לַה' נֶגֶד הַשָּׁמֶשׁ. בְּגִין דְּלָא יָהֲבוּ יְקָרָא לְמַטְרוֹנִיתָא, לַאֲעָלָא בְּתַרְעִין דִּילָהּ. חסר כאן

155.

וּבְשַׁעֲתָא דְּדִינִין פְּנוּיִן מִתַּרְעִין דְּהֵיכָלָא דְמַלְכָּא, סָלְקָא צְלוֹתָא בְּכַמָּה שִׁירִין וְתוּשְׁבָּחוֹת וְהוֹדָאוֹת דִּצְלוֹתָא. וְחֵיוָן כָּלְהוֹ פָּתְחִין גַּדְפַיְיהוּ, לְקַבְּלָא לָהּ בְּחֶדְוָה, הֲדָא הוּא דִכְתִיב, (יחזקאל א) וּפְנֵיהֶם וְכַנְפֵיהֶם פְּרוּדוֹת. כָּלְהוֹ פְּרוּדוֹת לְעֵילָא לְקַבְּלָא לָהּ. חסר כאן

156.

וְאֶשְׁמַע אֶת קוֹל כַּנְפֵיהֶם, בְּגִין דְּיִשְׁמַע מַלְכָּא, דְּמַטְרוֹנִיתָא קָא אַתְיָא, וְיִפְתַּח הֵיכָלָא לְגַבָּה. הֲדָא הוּא דִכְתִיב, (תהלים נא) אֲדֹנָי שְׂפָתַי תִּפְתָּח. מִיָּד אַפְתַּח מַלְכָּא הֵיכָלָא, וְקַבֵּיל לָהּ בְּחֶדְוָה, וְיֵיעוֹל עִמָּהּ בְּהֵיכָלֵיהּ. אֵימָתַי בִּצְלוֹתָא דַעֲמִידָה. מִיָּד אִיתְּמָר בְּחֵיוָן, בְּעָמְדָם תְּרַפֶּינָה כַּנְפֵיהֶם. חסר כאן

157.

בְּהַהוּא זִמְנָא, אִיהוּ יהו''ה בְּהֵיכָלֵיהּ, כְּגַוְונָא דָא יאהדונה''י. בְּהַהוּא זִמְנָא, מַאן דְּבָעֵי לְמִישְׁאַל שְׁאֵלְתֵּיהּ, יִשְׁאַל. הֲדָא הוּא דִכְתִיב, (דברים לב) שְׁאַל אָבִיךָ וְיַגֵּדְךָ. (תהלים ב) שְׁאַל מִמֶּנִּי וְאֶתְּנָה גוֹיִם נַחֲלָתֶךָ. וְהַבֵּן שׁוֹאֵל מֵאָבִיו, בְּאֶמְצָעִיּוֹת דִּצְלוֹתָא. בְּהַהוּא זִימְנָא דְּאִיהוּ יהו''ה בְּהֵיכָלֵיהּ, אָז תִּקְרָא וַה' יַעֲנֶה. חסר כאן

158.

וְאִית נִימִין דְּשַׂעֲרָא, דְּהַהוּא דְּאִיתְּמָר בֵּיהּ (דניאל ז) וְעַתִּיק יוֹמִין יְתִיב לְבוּשֵׁיהּ כִּתְלַג חִיוָּר וּשְׂעַר רֵישֵׁיהּ כַּעֲמַר נְקֵי. וְכָלְהוֹ רַחֲמֵי. לֵית נִימָא דְּלָא אִית לֵיהּ מַבּוּעָא, וְדָא י'. נִימָא אֲרִיכָא דָא ו'. קְמִיטָא ה' זְעֵירָא. אֲרִיכָא וּקְמִיטָא לְתַתָּא, דָּא ה' עִילָּאָה, דְּאִית בָּהּ דִּינָא וְרַחֲמֵי. דִּקְמִיטָא וְלָא אֲרִיכָא, דָּא ה' תַּתָּאָה, דְּאִיהוּ כֹּלָּא דִּינָא. חסר כאן

159.

וְכָל נִימָא וְנִימָא, אִיהוּ עָלְמָא שְׁלֵימָא, וַעֲלַיְיהוּ אִיתְּמָר (שה''ש ו) וַעֲלָמוֹת אֵין מִסְפָּר. בְּגִין דָּא אָמְרוּ מָארֵי מַתְנִיתִין כָּל צַדִּיק וְצַדִיק יֵשׁ לוֹ עוֹלָם בִּפְנֵי עַצְמוֹ. וְאִיהוּ נִימָא חָדָא דְקוּדְשָׁא בְּרִיךְ הוּא, עָלְמָא שְׁלֵימָא. וּבְגִינָהּ אִתְּמָר, דְּקוּדְשָׁא בְּרִיךְ הוּא מְדַקְדֵּק עִם הַצַּדִּיקִים אֲפִילּוּ כְּחוּט הַשַּׂעֲרָה. חסר כאן

160.

וּצְלוֹתָא דְשַׁחֲרִית, כַּד סָלְקָא כָּל אִלֵּין מָארֵי דְדִינָא, כָּלְהוֹ רַחֲמֵי, וְלָא מְעַכְּבִין לָהּ לְאַעֳלָא. שַׂעֲרָא יְרוֹקָּא, לֵית תַּמָּן דִּינָא כְּלָל. נִימִין יְרוֹקִין שַׁפִּירִין, כְּלִילִין מֵחִוָּור וְסוּמָק, אִינוּן כָּלְהוֹ רַחֲמֵי. וְכַד סָלְקָא צְלוֹתָא בְּהוֹן, כָּלְהוֹ חַיָּילִין דְּנִימִין מְקַבְּלִין לָהּ בְּחֶדְוָה וּרְחִימוּ. חסר כאן

161.

שַׂעֲרָא אוּכְמָא שַׁפִּירָא, כָּל נִימִין דִּילֵיהּ, אִתְקְרִיאוּ עוֹלָמוֹת דִּילֵיהּ. הֲדָא הוּא דִכְתִיב, וַעֲלָמוֹת אֵין מִסְפָּר, וְאִינוּן חַיָּילִין דְּשַׁבָּת. וּצְלוֹתָא דְשַׁבָּת, אִיהִי שְׁקִילָא לְאוֹרַיְיתָא. וְכַמָּה תִּלֵּי תִּלִּים דְּתַלְיָין מִינָהּ אִתְקְרִיאוּ קְוֻצּוֹתָיו תַּלְתַּלִּים. חסר כאן

162.

שַׂעֲרָא חִוָּרָא מִסִּטְרָא דְּחֶסֶד. סוּמְקָא, מִסִּטְרָא דִּגְבוּרָה. שַׂעֲרָא יְרוֹקָא, מִסִּטְרָא דְּתִפְאֶרֶת. אוּכְמָא, מִסִּטְרָא דְּמַלְכוּת. דְּאִיתְּמָר בֵּהּ (שה''ש א) שְׁחוֹרָה אֲנִי וְנָאוָה. הֲרֵי אַרְבַּע תִּקּוּנִין דְּשַׂעֲרָא, דְּשַׁרְיָיא עֲלַיְיהוּ יהו''ה. חסר כאן

163.

י''ג תִּיקּוּנִין אִינוּן דְּתַלְיָין מִשַּׂעֲרָא, ג' לְכָל סְטַר, לְד' סִטְרִין, וְאִינוּן וא''ו. עֲלַיְיהוּ אִיתְּמָר (שם ה) קְוֻצּוֹתָיו תַּלְתַּלִּים. לְעֵילָא בְּרֵישָׁא, בְּפַלְגוּ דְרֵישָׁא, מִתְפַּלְּגִין אוֹרְחִין בְּשַׂעֲרָא, לִתְלָתִין וּתְרֵין שְׁבִילִין, בְּחוּשְׁבַּן יו''ד ה''א ה''א. וְכָלְהוֹ שְׁבִילִין אִינוּן בְּיַמָּא, דְּאִיהוּ מוֹחָא. וְאִלֵּין תִּיקּוּנִין אִינוּן בְּרֵישָׁא דְּהַהוּא גוּפָא דְּגַּן עֵדֶן, וְכָלְהוֹ תִּיקוּנִין אִית בֵּיהּ, עַד הָכָא יִרְאֵי אֱלֹהִים. חסר כאן

164.

אַנְשֵׁי אֱמֶת, בִּדְיוֹקְנָא דְּאַנְפִּין, בְּחוֹטְמָא, בְּשִׁרְטוּטִין דְּמִצְחָא, בְּדִיקְנָא דְּאַנְפִּין, בִּקְרִיצִין דְּעַל עַיְינִין. חסר כאן

165.

תָּא חֲזֵי, תְּלַת שׁוּתָּפִין אִינוּן, אָדָם דִּבְרִיאָה, אָדָם דִּיצִירָה, אָדָם דַעֲשִׂיָּה. אָדָם דִּבְרִיאָה, אִיהִי נִשְׁמָתָא, בָּהּ חָשִׁיב בַּר נָשׁ, וְדָא עוֹלָם הַמַּחְשָׁבָה וַדַּאי אִתְקְרִיאַת. רוּחַ, אָדָם דִּיצִירָה, עוֹלָם הַדִּיבּוּר, כַּד אִתְלַבַּשׁ בֵּיהּ מַחְשָׁבָה, בָּהּ חָשִׁיב, וְצַיָּיר צִיּוּרִין דְּשִׁרְטוּטִין וּדְיוֹקְנִין. וְאַף עַל גַּב דְּחָשֵׁיב לוֹן, לֵית רְשׁוּ לַאֲפָקָא לוֹן מֵהַהוּא חֵילָא דְּאִיתְּמָר בֵּיהּ מֵהַכֹּחַ אֶל הַפּוֹעַל, עַד דְּאִתְלַבְּשׁוּ נִשְׁמָתָא וְרוּחָא בְּנַפְשָׁא, וּבָהּ אַפִּיקוּ כֹּלָּא לַפּוֹעַל. בְּגִין דְּנַפְשָׁא אִיהוּ עוֹלָם הַמַּעֲשֶׂה. וּבָהּ רוּחָא בָּטַשׁ בְּמִצְחָא וְעָבִיד שִׁרְטוּטִין. בָּטַשׁ בְּעַיְינִין, וְעָבִיד קְרִיצִין. בָּטַשׁ בְּעַיְינִין, וְעָבִיד גּווָֹנִין. בָּטַשׁ בְּאַנְפּוֹי, וְעָבִיד גּווָֹנִין וְתִיקּוּנִין. נָחֵית לְתַתָּא, בָּטַשׁ בִּידִין, וְעָבִיד שִׁרְטוּטִין. בָּטַשׁ בָּאֵבָרִים כָּלְהוֹ דְּגוּפָא, וְעָבִיד דְּיוֹקְנִין. וְלֵית חֵילָא לְמַחְשָׁבָה וְלָאו לְרוּחָא לַאֲפָקָא חֵילָא לְעוֹבָדָא, בְּלָא נַפְשָׁא. חסר כאן

166.

וְעִם כָּל דָּא דִּתְלַת שׁוּתָּפִין אִלֵּין בְּבַּר נָשׁ, לֵית מַחְשָׁבָה דְּאִית לָהּ חֵילָא לַחֲשׁוֹב בְּלָא שְׁכִינְתָּא עִילָּאָה, דְּתַמָּן חָכְמָה. וְלָא רוּחָא דְּאִית לֵיהּ רְשׁוּ לְצַיָּירָא בְּלָא תִפְאֶרֶת, דְּאִיהוּ כָּלֵיל שִׁית סְפִירָן. וְנַפְשָׁא לֵית לָהּ חֵילָא לְמֵיעֱבַד עוֹבָדָא בְּלָא מַלְכוּת, דְּאִיהוּ מַעֲשֵׂה בְרֵאשִׁית, עֲלָה אִיתְּמָר (בראשית א) תּוֹצֵא הָאָרֶץ נֶפֶשׁ חַיָּה. חסר כאן

167.

אֲבָל בְּרִיאָה בֵּאלֹהִים דְּאִיהִי בִינָה, הֲדָא הוּא דִכְתִיב (בראשית א) בְּרֵאשִׁית בָּרָא אֱלֹהִים. וַיִּבְרָא אֱלֹהִים אֶת שְׁנֵי הַמְאוֹרוֹת הַגְּדוֹלִים. (בראשית א) וַיִּבְרָא אֱלֹהִים אֶת הָאָדָם בְּצַלְמוֹ. הוי''ה אִיהוּ בִּיצִירָה, הֲדָא הוּא דִכְתִיב, (שם) יְהִי אוֹר וַיְהִי אוֹר. יְהִי רָקִיעַ. בְּכָל אֲתַר וַיְהִי כֵן, אִיהוּ תִּפְאֶרֶת כָּלֵיל שִׁית סִטְרִין, הוּא טוֹב דְּכָל יוֹמֵי בְרֵאשִׁית, וְהוּא צַיָּיר יֵצֶר הַטוֹב, דְּאִיתְּמָר בֵּיהּ (שם) וַיִּיצֶר ה' אֱלֹהִים. בִּיצִירָה תִּשְׁכַּח יהו''ה. חסר כאן

168.

מַאן דְּבָעֵי לְמִיפְעַל עֲשִׂיָּה, מֵאִלֵּין מַלְאָכִין דִּמְמַנָּן עַל צְלוֹתִין, לֵית לֵיהּ רְשׁוּ לְמֵיעֱבַד עוֹבָדָא בִּצְלוֹתָא, אֶלָּא בְּעוֹבָדִין טָבִין דְּתַלְיָין בְּמַעֲשֶׂה, דִּבְהוֹן נָחֵית שְׁכִינְתָּא עֲלֵיהּ, דְּאִיהִי עוֹלָם הַמַּעֲשֶׂה, דְּאִיהוּ מַעֲשֵׂה בְרֵאשִׁית, דְּאִיהוּ פוֹעַל. חסר כאן

169.

וּבִינָה כֹּחַ, כ''ח אַתְוָון דִּקְרָא קַדְמָאָה דִבְרֵאשִׁית, כ''ח מָ''ה, דְּאִיהוּ חָכְמָה, מַחְשָׁבָה. יהו''ה אֱלֹהֵינוּ יהו''ה כוז''ו במוכס''ז כוז''ו. פְּעוּלָה דְהַאי כֹּחַ לָאו אִיהִי, אֶלָּא בְּמַעֲשֶׂה, דְּאִיהִי פוֹעַל אדנ''י וְדָא אִיהוּ מֵהַכֹּחַ אֶל הַפוֹעַל. וְהַפוֹעַל לֵית לֵיהּ חֵילָא לְמִיפְעַל בְּלָא דִיבּוּר, דְּאִיהוּ יהו''ה תִּפְאֶרֶת, דְּכָלֵיל כֹּלָּא. חסר כאן

170.

הָכָא לֵית קִיצוּץ וּפֵירוּד בְּמַחְשָׁבָה וְדִבּוּר וּמַעֲשֶׂה. תִּפְאֶרֶת כָּלֵיל כֹּלָּא, וְהָכֵי אִתְכְּלֵיל כֹּלָּא בְּבִינָה. וְהָכֵי אִתְכְּלֵיל כֹּלָּא בְּמַלְכוּת. חסר כאן

171.

מַחְשָׁבָה מִבִּינָה וּלְעֵילָא עַד אֵין סוֹף, וּמִינָהּ לְתַתָּאָה עַד אֵין תַּכְלִית. דִּבּוּר בְּתִפְאֶרֶת, מֵעֵילָא לְתַתָּא וּמִתַּתָּא לְעֵילָא. עֲשִׂיָּיה בְּמַלְכוּת, מִתַּתָּא לְעֵילָא וּמֵעֵילָא לְתַתָּא. חסר כאן

172.

מַחְשָׁבָה לְמֶהֱוֵי בָּהּ בַּר נָשׁ חָשִׁיב בְּבוֹרֵא עָלְמִין, לְיַחֲדָא שְׁמֵיהּ עַד אֵין סוֹף וְעַד אֵין תַּכְלִית, וְאִיהוּ בָּרָא בְּבִינָה. הֲדָא הוּא דִכְתִיב, (ישעיה מ) וּרְאוּ מִי בָרָא אֵלֶּה. מִי וַדַּאי. חסר כאן

173.

דִּבּוּר לְאִתְעַסְּקָא בֵּיהּ בְּאוֹרַיְיתָא, וּלְמִנְדַע מִנֵּיהּ יוֹצֵר הַכֹּל, דַּעֲלֵיהּ אִיתְּמָר יוֹצֵר אוֹר. וְלֵית אוֹר אֶלָּא תּוֹרָה. הֲדָא הוּא דִכְתִיב, (משלי ו) כִּי נֵר מִצְוָה וְתוֹרָה אוֹר. וְדָא אִיהוּ יוֹצֵר, דְּצַיָּיר בֵּיהּ בְּבַּר נָשׁ אַנְפִּין וְעַיְינִין וְאוּדְנִין וְחוֹטְמָא וּפוּמָא, לְאִתְעַסְּקָא בְּאוֹרַיְיתָא, וּלְמִנְדַע לֵיהּ מִינָהּ. חסר כאן

174.

כְגַוְּונָא דָא צַיָּיר פּוּמָא, לְמַלָּלָא בְּאוֹרַיְיתָא. צַיָּיר עַיְינִין, לְאִסְתַּכָּלָא בִּנְהוֹרָא דְּאוֹרַיְיתָא. צַיָּיר בֵּיהּ אוּדְנִין, לְמִשְׁמַע בְּהוֹן פִּתְגָּמֵי אוֹרַיְיתָא. אִלֵּין אִינוּן שִׁית סִטְרִין דְּכָלֵיל תִּפְאֶרֶת, תְּרֵין עַיְינִין, תְּרֵין אוּדְנִין, פּוּמָא וְלָשׁוֹן. חסר כאן

175.

צַיָּיר חוֹטְמָא, וּבָהּ (בראשית א) וַיִּפַּח בְּאַפָּיו נִשְׁמַת חַיִּים, לְמֶהֱוֵי חָשִׁיב בָּהּ בְּיִיחוּדָא, כְּמָה דְאִיתְּמָר, (ישעיה מד) אָנֹכִי ה' עֹשֶׂה כֹּל, דָּא שְׁכִינְתָּא תַּתָּאָה. מִנֵּיהּ יְהֵיב בְּבַּר נָשׁ נֶפֶשׁ הַשִּׂכְלִית, לְמִנְדַע מִינָּהּ בְּכָל עוֹבָדִין דְּאוֹרַיְיתָא, דְּאִינוּן פִּיקּוּדִין דְּאוֹרַיְיתָא, לְהַהוּא דְּאִתְקְרֵי עוֹֹשֶׂה כֹּל. חסר כאן

176.

וְאִינוּן תְּלַת קְטִירִין, דִּיהֵיב בְּבַּר נָשׁ. נְשָׁמָה הַשִּׂכְלִית, לְמִנְדַע בָּהּ לְעוֹשֶׂה כָּל עָלְמִין, דְּאִיהוּ אוֹמֵר וְעוֹשֶׂה, מְדַבֵּר וּמְקַיִּים, וְאִיהוּ בּוֹרֵא יוֹצֵר וְעוֹשֶׂה. כֹּלָּא חַד. אִיהוּ מִלְּגָיו, אִיהוּ אַפֵּיק כֹּלָּא מִכֹּחַ לַפּוֹעַל. וְאִיהוּ מְשַׁנֶּה עוֹבָדוֹי, וּבֵיהּ לֵית שִׁנּוּי. חסר כאן

177.

וְאִיהוּ הוּא דִּמְסַדֵּר כָּל סְפִירָאן, וְאִית בִּסְפִירָן, מִנַּיְיהוּ, רַב וּבֵינוֹנִי וּזְעֵיר, כָּל חַד עַל סִדּוּרָא, וּבֵיהּ לֵית סֵדֶר. וְאִיהוּ בָּרָא כֹּלָּא בְּבִינָה, וְלֵית מַאן דְּבָרָא לֵיהּ. אִיהוּ צַיָּיר וְיָצַר כֹּלָּא בְּתִפְאֶרֶת, וְלֵיהּ, לֵית צִיּוּר וְצַיָּיר. אִיהוּ עָבִיד כֹּלָּא בְּמַלְכוּת, וְלֵית מַאן דַּעֲבֵיד לֵיהּ. חסר כאן

178.

וּבְגִין דְּאִיהוּ בְּאִלֵּין עֶשֶׂר סְפִירָן מִלְּגַו, דִּבְהוֹן בְּרָא וְצַיָּיר וַעֲבַד כֹּלָּא, שַׁוֵּי תַּמָּן יִחוּדֵיהּ, לְאִשְׁתְּמוֹדְעָא לֵיהּ תַּמָּן. וְכָל מַאן דְּאַפְרִיד בְּשׁוּם סְפִירָה מֵחֲבֶרְתָּהּ מֵאִלֵּין עֶשֶׂר סְפִירָן, דְּאִתְקְרִיאוּ יו''ד ה''א וא''ו ה''א, כְּאִלּוּ אַפְרִיד בֵּיהּ. חסר כאן

179.

וְאִיהוּ דִּמְיַיחֵד י' בְּה' ו' בְּה', וְלָא אִתְקְרִיאוּ יהו''ה, אֶלָּא בֵּיהּ. וְכֵן אדנ''י. וְכֵן אהי''ה. וְכֵן אֱלֹהִי''ם. וּמִיָּד דְּאִסְתַּלַּק מִתַּמָּן, לֵית לֵיהּ שֵׁם יְדִיעַ. וְאִיהוּ דְּקָשֵׁיר כָּל מֶרְכָּבוֹת דְּמַלְאָכַיָיא, וְקָשֵׁיר לוֹן כַּחֲדָא. וְסָבִיל עִילָּאִין וְתַתָּאִין. וְאִם הוּא אִסְתַּלַּק מִנַּיְיהוּ, לֵית לוֹן קִיּוּמָא, וְלָא יְדִיעָה, וְלָא חַיִּים. לֵית אֲתַר דְּלָאו אִיהוּ תַּמָּן, לְעֵילָא עַד אֵין סוֹף, וּלְתַתָּא עַד אֵין תַּכְלִית, וּלְכָל סִטְרָא לֵית אֱלוֹהַּ בַּר מִנֵּיהּ. חסר כאן

180.

אֲבָל עִם כָּל דָּא דְּאִיהוּ בְּכָל אֲתַר, בְּרִיאָה יְצִירָה וַעֲשִׂיָּה דִילֵיהּ לָא שָׁוֵי, לָא בְּכוּרְסְיָיא, וְלָא בְּמַלְאָכַיָא, וְלָא בִּשְׁמַיָא, וְלָא בְּאַרְעָא וּבְיַמָּא, וְלָא בְּשׁוּם בְּרִיָּה בְּעָלְמָא. בְּגִין לְאִשְׁתְּמוֹדְעָא לֵיהּ כָּל בְּרִיָּין, אֶלָּא בִּסְפִירָן. חסר כאן

181.

וְלֹא עוֹד, אֶלָּא כָּל בְּרִיָּין אִינוּן, מִנַּיְיהוּ עַל יְדֵי בְּרִיאָה, וּמִנַּיְיהוּ עַל יְדֵי יְצִירָה, וּמִנַּיְיהוּ עַל יְדֵי עֲשִׂיָּה. וּסְפִירָאן, אַף עַל גַּב דְּכֹלָּא בְּרָא וְיָצַר וַעֲבַד בְּהוֹן, לָא אִתְקְרֵי בְּהוּ בְּרִיאָה וִיצִירָה וַעֲשִׂיָּה כְּתַתָּאי, אֶלָּא אִינוּן בְּאוֹרַח אֲצִילוּת. וּבְגִין דָּא, כֶּתֶר וְחָכְמָה וּבִינָה וְדַעַת דִּשְׁאָר בְּרִיָּין, לָא דָמֵי לוֹן, הֲדָא הוּא דִכְתִיב, (שם מ) וְאֶל מִי תְדַמְּיוּנִי וְאֶשְׁוֶה יֹאמַר קָדוֹשׁ. כְּגַוְונָא דְאוֹרַיְיתָא דְּאִתְּמָר בָּהּ (משלי ג) יְקָרָה הִיא מִפְּנִינִים וְכָל חֲפָצֶיךָ לֹא יִשְׁווּ בָהּ, וּבוֹרֵא וְיוֹצֵר וְעוֹשֶׂה כֹּלָּא. אַף עַל גַּב דְּאִשְׁתְּמוֹדְעָא לִבְנֵי נָשָׁא בְּעֶשֶׂר סְפִירָאן, דְּאִינוּן כֶּתֶר עֶלְיוֹן חָכְמָה וּבִינָה וכו', אִתְּמָר בֵּיהּ, דְּאִיהוּ חַכִּים, וְלָא בְחָכְמָה יְדִיעָא. מֵבִין, וְלָא בְּבִינָה יְדִיעָא. חָסִיד, וְלָא בְּחֶסֶד יְדִיעָא. גִּבּוֹר, וְלָא בִּגְבוּרָה יְדִיעָא. אִיהוּ פְּאֵר בְּכָל אֲתַר, וְלָא בַּאֲתַר יְדִיעָא. אִיהוּ הוֹד וְהָדָר בְּכָל אֲתַר, וְלָא בַּאֲתַר יְדִיעָא. אִיהוּ צַדִּיק, וְלָאו בַּאֲתַר יְדִיעָא. אִיהוּ מֶלֶךְ, וְלָאו בְּמַלְכוּתָא יְדִיעָא. חסר כאן

182.

אִיהוּ אֶחָד, וְלָא בְּחוּשְׁבָּן. כְּגוֹן אֶחָד, דְּסָלֵיק תְּלַת עֲשַׂר מְכִילָן. וְאַף עַל גַּב דְּלָאו אִיהוּ לְבַר מִכֹּלָּא, אִיהוּ סָבֵיל עִילָּאִין וְתַתָּאִין, וְסָבֵיל כָּל עָלְמִין, עַד דְּלֵית סוֹף וְלֵית תַּכְלִית, וְלֵית מַאן דְּסָבֵיל לֵיהּ. חסר כאן

183.

כָל מַחְשַׁבְתִּין לָאָן לְמֶחֱשַׁב בֵּיהּ, וְלֵית חַד מִנַּיְיהוּ דְּיָדַע לְאַשָּׂגָא לֵיהּ. וַאֲפִילּוּ שְׁלֹמֹה דְּאִתְּמָר בֵּיהּ (מלכים א ה) וַיֶּחְכַּם מִכָּל הָאָדָם, בָּעָא לְאַשָּׂגָא לֵיהּ בְּמַחְשַׁבְתֵּיהּ, וְלָא יָכֵיל. וּבְגִין דָּא אֲמַר, (קהלת ז) אָמַרְתִּי אֶחְכְּמָה וְהִיא רְחוֹקָה מִמֶּנִּי. חסר כאן

184.

לְמַאן דְּאִיהוּ מְחַיֶּה בְּיהו''ה, לֵית מַאן דְּקָטֵיל לֵיהּ, וּלְמַאן דְּאִיהוּ מֵמִית בְּאדנ''י, לֵית מַאן דִּמְחַיֶּה לֵיה. וְאִלֵּין אַתְוָון לֵית בְּהוּ חַיֵּי וּמִיתָה. בַּר מִנֵּיהּ. וְאַף עַל גַּב דִּבְהוֹן מִיתָה וְחַיֵּי, וְלֵית בְּהוֹן קְרִיבוּ וְיִיחוּדָא, בַּר מִינֵיהּ. שְׁמָא לָא אִתְקְרֵי שְׁלִים, אֶלָּא בֵּיהּ. וְלָא אַפֵּיק פְּעוּלָה לַפּוֹעַל אֶלָּא בֵּיהּ. חסר כאן

185.

וְסִטְרִין אָחֳרָנִין דְּאִינוּן מִסִּטְרָא אָחֳרָא, כָּלְהוֹ בִּרְשׁוּתֵיהּ, לְמֶעְבַּד בְּהוֹן רְעוּתֵיהּ. וַעֲלַיְיהוּ אִתְּמָר, (דניאל ד) וְכָל דָּיְרֵי אַרְעָא כְּלָה חֲשִׁיבִין וּכְמִצְבְּיֵהּ עָבֵד בְּחֵיל שְׁמַיָא. וְלָא אִיתַי דִּי יְמַחֵא בִידֵהּ וְיֵאמַר לֵהּ מָה עֲבַדְתְּ. הוּא תָּפֵיס בְּכָל מַחֲשַׁבְתִּין, וְלֵית מַחֲשָׁבָה יְדִיעָא בֵיהּ. חסר כאן

186.

וְלָא צָרִיךְ לְרָשְׁמָא אֲתַר לְמֶחֱשַׁב בֵּיהּ, וְלָא לְמִנְדַע בֵּיהּ. אֲבָל לְבְּרִיָין, בְּגִין דְּלָא יָכֵיל מַחֲשַׁבְתָּא דִּילְהוֹן לַאֲשָׂגָא לֵיהּ בְּכָל אֲתַר, בְּגִין דְּאִית לֵיהּ עָלְמִין אֲפִילּוּ לְעֵילָא מִן סְפִירָן. כְּנִימִין דְּשַׂעֲרָא דְּלֵית לוֹן חוּשְׁבְּנָא. וּבְגִין דְּיִנְדְעִין לְמִקְרֵי לֵיהּ בַּאֲתַר יְדִיעַ, רְשִׁים לוֹן סְפִירָן לְאִשְׁתְּמוֹדְעָא לֵיהּ בְּהוֹן, בְּגִין דְּאִינוּן קְשִׁירָן בְּעִילָּאִין וְתַתָּאִין, וּבְרָא בְהוֹן כָּל בְּרִיָין, לְאִשְׁתְּמוֹדְעָא לֵיהּ בְּהוֹן. חסר כאן

187.

וְאִיהוּ דְּצַיָּיר שִׁרְטוּטִין, וְהַכָּרַת אַנְפִּין. בְּעַמּוּדָא דְּאֶמְצָעִיתָא צַּיָּיר תְּרֵי אַפִּין, בִּתְרֵין יוּדִין מִן וַיִּיצֶר. חוֹטְמָא בְּאוֹת ו' מִן וַיִּיצֶר, וְסָלֵיק בְּהוֹן חוּשְׁבַּן יהו''ה. צַיָּיר לוֹן בְּהַאי שְׁמָא לְאִשְׁתְּמוֹדְעָא מִנֵּיהּ לְיוֹצֵר עָלְמִין. חסר כאן

188.

יהו''ה אִיהוּ תִּפְאֶרֶת, אִיהוּ נָהֵיר בְּאַנְפִּין. תְּרֵין גְּוָונִין דְּאַנְפִּין עָבֵד לֵיהּ, דְּאִינוּן חִוַּור וְסוּמָק, דְּאִינוּן חֶסֶד וּגְבוּרָה, דְּאִינוּן רָזָא ק (שמות לד) דְּוַיַּעֲבֹר ה' עַל פָּנָיו וַיִּקְרָא. וַעֲלַיְיהוּ אִתְּמָר לְגַבֵּי עֵילָא, (שם לג) וְדִבֶּר ה' אֶל משֶׁה פָּנִים אֶל פָּנִים. פּוּמָא דִּילֵיהּ מַלְכוּת. תְּרֵין שִׂפְוָון, נֶצַח וָהוֹד. יְסוֹד, לְשׁוֹן לִמּוּדִים, עֲלָה אִתְּמָר (במדבר יב) פֶּה אֶל פֶּה אֲדַבֶּר בּוֹ. חסר כאן

189.

שִׁרְטוּטִין דְּמִצְחָא, אִינוּן כְּגַוְונָא דָא, = - = מִינַּיְיהוּ חָמֵשׁ בְּפוּתְיָיא. בְּרָזָא דְּהַאי כּוֹכָבָא כְּגַוְונָא דָא;:: מִנַּיְּיהוּ כְּגַוְונָא דָא ו''ו ו''ו אַרְבָּעָה. בְּרָזָא דְּהַאי כּוֹכָבָא כְּגַוְונָא דָא;. וְאִינוּן בְּרָזָא דְאָת ד'. מִינַּיְיהוּ שִׁית כְּגַוָונָא דָא מַאן דְּרָשֵׁים כֹּלָּא י''ו, דְּאִינוּן קַו הַמִּדָּה דִּלְהוֹן. וּבְהוֹן סָלְקִין לִתְלָתִין וּתְרֵין. וְכֹלָּא ד' כּוֹכְבַיָא. וְאִית בְּהוֹן תְּלָתִין פִּיקּוּדִין, בְּחוּשְׁבַּן תְּלַת יוּדִין, דְּאִינוּן י י י, וְאִלֵּין תְּלַת יוּדִין, אִינוּן תְּלַת יְרָחִין דְּסִיהֲרָא. וּבְהוֹן (שמות ב) וַתַּהַר הָאִשָּׁה וַתֵּלֶד בֵּן וַתֵּרֶא אֹתוֹ כִּי טוֹב הוּא וַתִּצְפְּנֵהוּ שְׁלשָׁה יְרָחִים. וְאִינוּן תְּלַת יְרָחִין דְּסִיהֲרָא קַדִּישָׁא, תְּלַת אֲבָהָן אִינוּן. חסר כאן

190.

יַעֲקֹב, עֲלֵיהּ אִתְּמָר (שם יט) בַּחֹדֶשׁ הַשְּׁלִישִׁי. בֵּיהּ הַהוּא טוֹב גָּנֵיז, וְהוּא אוֹרַיְיתָא, דְּאִתְּמָר בֵּיהּ, (תהלים קיט) טוֹב לִי תוֹרַת פִּיךָ. (מלאכי ג) זִכְרוּ תּוֹרַת משֶׁה עַבְדִּי. חסר כאן

191.

וְעַל הַהוּא טוֹב, אִיתְּמָר לְגַבֵּי יַעֲקֹב, (בראשית לב) וַיִּזְרַח לוֹ הַשֶּׁמֶשׁ. וַעֲלֵיהּ אִתְּמָר, (שמות יט) וַיְהִי בַּיּוֹם הַשְּׁלִישִׁי בִּהְיוֹת הַבֹּקֶר וַיְהִי קוֹלוֹת וּבְרָקִים. חסר כאן

192.

וּבְזִמְנָא דְיֵיתֵי מַלְכָּא מְשִׁיחָא, בְּסוֹף גָּלוּתָא בַּתְרָאָה, דְּאִתְּמָר בֵּיהּ (בראשית כט) הֵן עוֹד הַיּוֹם גָּדוֹל, (שמות ב) וְלֹא יָכְלָה עוֹד הַצְּפִינוֹ וַתִּקַּח לוֹ תֵּבַת גֹּמֶא. כְּגַוְונָא דְּאָרוֹן דְסֵפֶר תּוֹרָה. אוֹרַיְיתָא וַדַּאי יְהֵא גְּנִיזוּ דִילֵיהּ, בְּדָרָא בַתְרָאָה. וּבָהּ אִתְטַמַּר, כְּגַוְונָא דְּנֹחַ בַּתֵּיבָה, דְּהֲוָה אָזֵיל עַל מַיָיא. הָכֵי הַאי אָזֵיל בֵּין עֵרֶב רַב, דְּאִינוּן מַיִם הַזֵּדוֹנִים. חסר כאן

193.

וּבְסוֹף גָּלוּתָא שַׁוֵּי קוּדְשָׁא בְּרִיךְ הוּא לְמשֶׁה בְּהַהִיא תֵּיבָה, וְאַיְיתֵי לֵיהּ בְּגָלוּתָא. וּמְנָא לָן דִּבְסוֹף גָּלוּתָא אַיְיתֵי לֵיהּ. הֲדָא הוּא דִכְתִיב, (שם) וַתָּשֶׂם בַּסּוּף. וְעַד הַהוּא סוֹף, כְּתִיב (דברים ד) וְהָיָה בְּאַחֲרִית הַיָּמִים וְשַׁבְתָּ עַד ה' אֱלֹהֶיךָ. וְעוֹד, וַתָּשֶׂם בַּסּוּף, דָּא אִיהוּ רָזָא (קהלת יב) דְּסוֹף דָּבָר הַכֹּל נִשְׁמָע. חסר כאן

194.

וַתַּחְמְרָה בַחֵמָר וּבַזָּפֶת, חֵמָר מִבִּפְנִים חִוָּור, וְזֶפֶת מִבַּחוּץ אוּכָם. הָכֵי אוֹרַיְיתָא, חִוָּורָא מִלְּגָיו, וְאוּכְמָא מִלְּבַר. חִוָּורָא מִסִּטְרָא דְאוֹר, דְּאִיהוּ אוֹר דְאַבְרָהָם, דְּדַרְגֵּיהּ חֶסֶד. וְהַאי אִיהוּ אוֹר דְּאִתְּמָר בֵּיהּ, (בראשית א) וַיַּרְא אֱלֹהִים אֶת הָאוֹר כִּי טוֹב. וְאִתְּמָר בֵּיהּ וַתֵּרֶא אֹתוֹ כִּי טוֹב הוּא. וְאֵין אוֹר אֶלָּא תּוֹרָה, דִּכְתִיב (משלי ו) וְתוֹרָה אוֹר. וְדָא אוֹר דְּאִתְיְיהֵיב מִיָמִינָא. אוּכְמָא מִלְּבַר, בְּהַהוּא חשֶׁךְ דְּיִצְחָק, דְּאִתְּמָר בֵּיהּ (בראשית כז) וַתִּכְהֶיןָ עֵינָיו מֵרְאוֹת, וְאִתְּמָר (שם א) וְלַחשֶׁךְ קָרָא לָיְלָה. חסר כאן

195.

וַתָּשֶׂם בַּסּוּף, דָּא יַעֲקֹב. דְּאִתְּמָר בֵּיהּ, (שם מט) וַיֶּאֱסֹף רַגְלָיו אֶל הַמִּטָה. עַל שְׂפַת הַיְאוֹר, דָּא אוֹרַיְיתָא דִּבְעַל פֶּה, בְּגִין דְּאִיהִי הֲלָכָה לְמשֶׁה מִסִּינַי, קַבָּלָה לְמשֶׁה. חסר כאן

196.

כַד אָזְלָא לְגַבֵּיהּ, אִתְקְרִיאַת הֲלָכָה לְמשֶׁה. כַּד קַבֵּיל לָהּ בִּדְרוֹעוֹי, אִתְקְרִיאַת קַבָּלָה לְמשֶׁה. כַּד שַׁרְיָיא בְּפוּמֵיהּ, (במדבר יב) פֶּה אֶל פֶּה אֲדַבֵּר בּוֹ. וַעֲתִידָא לְמֵיזַל לְגַבֵּיהּ בְּסוֹף יוֹמַיָיא, וִיקַבֵּל לָהּ בִּדְרוֹעוֹי. וּבָהּ בּוֹקֵעַ מַיָּא דְאוֹרַיְיתָא. חסר כאן

197.

וְעוֹד וַתַּחְמְרָה, בְּקַלִּין וַחֲמוּרִין דְּאוֹרַיְיתָא. בַּחֵמָר וּבַזָּפֶת, בְּחוּמְרָא דְּפִיקּוּדִין דַּעֲשֵׂה, דְּאִינוּן מִצַּד אוֹר. וּמִפִּיקּוּדִין דְּלֹא תַעֲשֶׂה, דְּאִינוּן חשֶׁךְ. חסר כאן

198.

וְרָזָא דְמִלָּה, (תהלים מב) יוֹמָם יְצַוֶּה ה' חַסְדּוֹ וּבַלַּיְלָה שִׁירֹה עִמִּי. בְּהַהוּא דְּאִתְּמָר בֵּיהּ וְלַחשֶׁךְ קָרָא לָיְלָה. וַיִּקְרָא אֱלֹהִים לָאוֹר יוֹם, לְקִבְלֵיהּ אָמַר, יוֹמָם יְצַוֶּה ה' חַסְדּוֹ. וְלַחשֶׁךְ קָרָא לַיְלָה, לְקִבְלֵיהּ אָמַר, וּבַלַּיְלָה שִׁירֹה עִמִּי. חסר כאן

199.

וַתָּשֶׂם בַּסּוּף, בְּסוֹף מ' שְׁנִין בַּתְרָאִין דְּגָלוּתָא. לְקִבְלַיְיהוּ עָלוּ יִשְׂרָאֵל לְסוֹף מ' שְׁנִין דְּאָזְלוּ בַּמִּדְבָּר, לְאַרְעָא דְיִשְׂרָאֵל. בְּהַהוּא זִמְנָא, (תהלים מב) כִּי רָם ה' וְשָׁפָל יִרְאֶה. חסר כאן

200.

וַתֵּתַצַּב אֲחֹתוֹ מֵרָחֹק, דָּא חָכְמָה דִילֵיהּ. הֲדָא הוּא דִכְתִיב, (משלי ז) אֱמֹר לַחָכְמָה אֲחֹתִי אָתְּ. וַתֵּתַצַּב, בֵּיהּ (שמואל א ג) וַיָּבֹא ה' וַיִּתְיַצֵּב. מֵרָחוֹק, (משלי לא) מִמֶּרְחָק תָּבִיא לַחְמָהּ. חסר כאן

201.

וְעוֹד וַתֵּתַצַּב אֲחֹתוֹ, דָּא חָכְמָה. מֵרָחֹק בְּהַהוּא זִמְנָא דְּמִתְרַחֲקִין יִשְׂרָאֵל מֵחָכְמַת קַבָּלַת משֶׁה, וְאִתְרַחֲקָא אִיהִי מִנַּיְיהוּ. בְּהַהוּא זִמְנָא, (שמות ב) וַתֵּרֶד בַּת פַּרְעֹה לִרְחֹץ עַל הַיְאֹר, נָחֲתָא מִדַּת הַדִּין לְקַטְרְגָא עֲלֵייהוֹן, וּלְאִתְרַחֲצָא מִדָּמָא דְיִשְׂרָאֵל, דְּאִינוּן דָּמִים דִּלְהוֹן, דְּאִינוּן חַיֵּיהוֹן. וְכֹלָּא עַל דְּהַהוּא אוֹר דְּאִתְּמָר בֵּיהּ (בראשית א) וַיַּרְא אֱלֹהִים אֶת הָאוֹר כִּי טוֹב, עַל אוֹר דְאוֹרַיְיתָא, דַּהֲווֹ מִתְרַחֲקִין מִינָהּ, אוֹר דְּמשֶׁה וַדַּאי. חסר כאן

202.

וְנַעֲרֹתֶיהָ הֹלְכֹת עַל יַד הַיְאֹר. אִלֵּין הָאוּמוֹת, דְּאִינוּן עֵרֶב רַב. וְכֵן כָּל אוּמִין דְּעָלְמָא, אִתְיָיעֲטִין עֲלַיְיהוּ דְיִשְׂרָאֵל, לְאַעֲקָרָא לוֹן מִן עָלְמָא, וְכוֹלָּא עַל סִיבָּה דְּהַהוּא אוֹר, וְזֶהוּ עַל יַד הַאי אוֹ''ר. חסר כאן

203.

סִתְרֵי תוֹרָה וּתְלַת דְּלָא עָבְרוֹן, הַאי אִיהוּ בְּאָת פ' וְאָת א', וְכֹלָּא פ''א בְּאַשְׁלָמוּתֵיהּ. אָת ר' לֵית בֵּיהּ כְּלָל. חסר כאן

204.

שַׂעֲרוֹי אוּכְמִין, תַּלְיָין וְלָא שְׁעִיעָן. דָּא אִיהוּ בַּר נָשׁ דְּשָׁתֵיק תָּדִיר. אֲבָל פְּקִיחָא אִיהוּ, מָארֵי דְלִישְׁנָא בִּישָׁא, מִלּוֹי בְּרוּגְזָא, פּוּם מְמַלֵּל רַבְרְבָן, אַצְלַח וְלָא אַצְלַח, מָארֵי קְטָטָא בְּבֵיתֵיהּ, לָא חַיֵּישׁ לִיקָרָא דְּבַּר נָשׁ, חַד בְּפוּמֵיהּ וְחַד בְּלִבֵּיהּ, הֲפַכְפָּךְ בְּלִישָׁנֵיהּ, גְּבִינִין דִּילֵיהּ סוּמְקִין זְעֵיר. חסר כאן

205.

וְאִי קְמִיטָא תְּחוֹת עֵינֵיהּ רַב, וְאָזֵיל עַד חוֹטְמָא מִסְטַר יָמִינָא, וּתְרֵין תְּחוֹתֵיהּ, וְחַד מִנַּיְיהוּ זְעֵיר מֵאוֹחֲרָא, דָּא שָׁכֵיב בְּנִדָּה מִיּוֹמִין זְעִירִין, וְחוֹבֵיהּ רְשִׁים בֵּיהּ רְשִׁימִין אִלֵּין. חסר כאן

206.

בֵּין כְּתֵפוֹי אִית לֵיהּ רוֹשֶׁם חַד, וְד' שַׂעֲרִין בֵּיהּ, חַד מִנַּיְהוּ בְּאֶמְצָעִיתָא רַב וְתָלֵי, וְג' אָחֳרָנִין זְעִירִין. וְעַד לָא הֲוָה עֲבֵירָה דָא, הֲווֹ תְּלַת זְעִירִין, וְחַד דְּאִתְרְשֵׁם בֵּיהּ דַּקִּיק וּזְעֵיר מִכָּלְהוֹ. הַהוּא רוֹשֶׁם הֲוָה בֵּיהּ מִקַּדְמַת דְּנָא אוּכָם, וְאִינוּן שַׂעֲרִין חִוְּורִין כָּלְהוֹ. הַשְׁתָּא לָאו הָכֵי, אֶלָּא רוֹשֶׁם אוּכָם, וְחַד סוּמְקָא כִּרְשִׁימוּ דְּטוּלְפְחָא בְּאֶמְצָעִיתָא. וְהוּא שַׂעֲרָא דְּאִתְרַבֵּי בֵּין אָחֳרָנִין, רֵישֵׁיהּ סוּמָק, וּדְאִשְׁתָּאַר חִיוָּר. אִי תָּב בִּתְיוּבְתָּא, תִּשְׁכַּח בְּעֵינֵיהּ יָמִינָא חַד חִיוָּרָא, חִיוָּר גּוֹ הַהוּא אוּכְמָא. חסר כאן

207.

בְּמִצְחֵיהּ תְּלַת שִׁרְטוּטִין עָבְרִין, וּתְרֵין דְּלָא עָבְרִין. הַהוּא רוֹשֶׁם אוּכָם, וְסַחֲרָנֵיהּ חוּטָא סוּמְקָא, וּבְגוֹ הַהוּא חוּטָא, חַד שַׂעֲרָא דַקִּיק זְעֵיר, וּתְלַת שַׂעֲרִין בְּאִמְצָעִיתָא, כָּלְהוֹ כַּחֲדָא. זְעֵירָא יֶחְכַּם בְּאוֹרַיְיתָא, אִי יוֹלִיף, וְלָא יִצְלַח בְּעוֹבָדוֹי. חסר כאן

208.

וְאִי יָרוֹקָא דְעֵינָא לָא אִצְטַבַּע כָּל כָּךְ, וְעֵינוֹי אֻכְמִין, וְחַד חוּטָא סוּמָק זְעֵיר, אַעֲבַר בֵּין אִינוּן גְּוָונִין. כְּדֵין אִיהוּ בְּאָת פ' בִּשְׁלִימוּ, וּבְאָת ר' בִּלְחוֹדוֹי. חסר כאן

209.

בְּמִצְחֵיהּ תִּשְׁכַּח שִׁית שִׁרְטוּטִין, תְּלַת עָבְרִין, וּתְלַת לָא עָבְרִין. שַׂעֲרֵיהּ תַּקִּיף וְלָא כָּל כַּךְ, תָּלֵי וְלָא תָלֵי. הַאי אִיהוּ בִּשְׁלִימוּ לְכָל בַּר נָשׁ. קַמְצָן אִיהוּ, לֵית בֵּיהּ חֵידוּ, וַאֲפִילּוּ בְּחֶדְוָה לָא אִתְחַדֵּי. בִּדְווֹנָא אִתְחֲזֵי. חסר כאן

210.

אָטִים אוּדְנֵיהּ שְׂמָאלֵיהּ. בְּשִׁינּוֹי אִית תְּלַת רַבְרְבִין מִלְּעֵילָא, וְיַהֲבוּן לוֹן דּוּכְתָּא אִינוּן דִּלְתַתָּא, מְהֵימְנָא אִיהוּ וְלָא כָּל כָּךְ. חסר כאן

211.

אַנְפּוֹי אֲרִיכִין, וְלָא שַׁפִּירִין, קָלֵיהּ כְּאִיתְּתָא, וּמִלּוֹי כְּאִיתְּתָא, מְקַנַּח פּוּמֵיהּ בְּמִלּוֹי, אַפְתַּח אֶצְבְּעָאן דִּידוֹי בְּמִילּוּלֵיהּ. כַּד אָזַל, אַקְדִּים לֵיהּ בְּלִיתָא דְפַרְסָאי, דְּלָא יָחוֹב בַּר נָשׁ לְגַבֵּיהּ, עֲלֵיהּ כְּתִיב, (דברים כד) כִּי תוֹעֵבָה הִיא לִפְנֵי ה'. חסר כאן

212.

עַיְינִין יָרוֹקִין, וְאִלֵּין סִימָנִין בֵּיהּ, וְאַנְפּוֹי אֲרִיכִין שַׁפִּירָן, שַׂעֲרוֹי אוּכְמִין וּמְרִיטִין מִלְּעֵילָא בְּרֵישֵׁיהּ. רֵישֵׁיהּ רַב, כַּד אָזֵיל כָּפֵיף רֵישֵׁיהּ, קְרִיצִין דְּעֵינוֹי כְּקַדְמָאָה, עֲלֵיהּ כְּתִיב (משלי א) מְנַע רַגְלְךָ מִנְּתִיבָתָם. חסר כאן

213.

עַיְינִין רַבְרְבִין וִירוֹקִין, דָּא אִיהוּ בִּתְרֵין אַתְוָון, ר' פ''א, חַד יְחִידָא, וְחַד בִּשְׁלִימוּ. בְּמִצְחוֹי שִׁרְטוּטָא חָדָא, דְּאָזֵיל וְעָבַר מִסְּטַר לִסְטַר, וּתְלַת אָחֳרָנִין אִית דְּלָא עָבְרִין. מִצְחֵיהּ רַב. קְרִיצִין דְּעַל עֵינוֹי לָאו רַבְרְבִין. בְּדִיקֵנֵיהּ שַׂעֲרָא טְפֵי. וְאַנְפּוֹי שַׁפִּירָן סוּמָק, שַׂעֲרֵיהּ שְׁעִיעַ וְלָא כָּל כָךְ. חסר כאן

214.

דָּחִיל חַטָאָה אִיהוּ, רְחִים אוֹרַיְיתָא אִיהוּ, רְחִים לְאִינוּן דְּמִשְׁתַּדְּלִין בָּהּ, חָדֵי בְּכֹלָּא, עָבִיד טִיבוּ לְכֹלָּא, כְּדִיבָא לְתוֹעַלְתֵּיהּ, מְהֵימְנָא אִיהוּ לְרָזִין דְּאוֹרַיְיתָא, טַב אִיהוּ לְמִלִּין דְּעָלְמָא, מַאן דְּאִשְׁתַּתֵּף בַּהֲדֵיהּ לָא אַצְלַח, לֹא אִיהוּ, וְלָא אָחֳרָא. אַצְלַח אִיהוּ בִּלְחוֹדוֹהִי, דְּהָא אָת ר' גָּרִים. חסר כאן

215.

פָּגִים אִיהוּ בְּרֵישֵׁיהּ לְעֵילָא, רְשִׁימָא דְחַד מַכְתְּשָׁא דְּהֲוָה לֵיהּ תַּמָּן, דְּעָבַד לֵיהּ חַד רַבְיָיא בְּאַבְנָא, בְּלָא רְעוּ וְכַוָּונָה, וְאִיכְסֵי בְּשַׂעֲרָא. וְהַהוּא רִישּׁוּמָא דְּמַכְתְּשָׁא, כְּגַוְונָא דְגִימְל יְוָנִי''ת. מְהֵימְנָא אִיהוּ לְגַבֵּי בְּנֵי נְשָׁא, וְסָלֵיק לְמֶהֱוֵי רֵישָׁא דְעַמָּא, עַד הָכָא רָזָא דְעַיְינִין. חסר כאן

216.

וְאִית רָזִין אָחֳרָנִין בְּעַיְינִין, דְּמִתְפָּרְשָׁן מִינַּיְיהוּ. עַיְינָן דִּמְעַמְקָן וְחָיְיכָן, דָּא אִיהוּ בִּשְׁלִימוּ דְּאַתְוָון, בַּר דְּקַדְמָאָה ר', וּלְבָתַר פ'. דָּא אִיהוּ בַּר נָשׁ דְּאַצְלַח בְּעוֹבָדוֹי. חסר כאן

217.

תְּלַת שִׁרְטוּטִין בְּמִצְחֵיהּ, מִצְחֵיהּ עָגֵיל, עֵינוֹי נְהִירִין, מְרַקְמָן עוֹבַד צִיּוּר, דַּכְיָין, קַיְימִין עַל שְׁלִימוּ. שַׂנְאוֹי יִפְּלוּן תְּחוֹתֵיהּ, פְּקִיחָא אִיהוּ, אַצְלַח בְּכוֹלָּא, בָּהִיל בְּעוֹבָדוֹי, טַב אִיהוּ עִם בְּנֵי נְשָׁא, מִלּוֹי בְּקַשְׁיוּ בְּלָא דְחִילוּ, וַותְּרָן אִיהוּ, עָבִיד טִיבוּ, וְלֹא לִשְׁמָהּ. חסר כאן

218.

שַׂעֲרֵיהּ שְׁעִיעַ וְתַלְיָא. וְלִישָׁנֵיהּ כְּחַרְבָּא. תְּחוֹת עֵינוֹי קְמִיטִין, תְּלַת רַבְרְבִין וּתְלַת זְעִירָן, וְאִי אִית ד' זְעִירִין וּתְלַת רַבְרְבִין, כְּדֵין תִּשְׁכַּח תְּרֵין שִׁרְטוּטִין בְּמִצְחֵיהּ, עָבְרִין מִסְטַר לִסְטַר, וּתְלַת דְּמָטוֹ וְלָא מָטוֹ. חסר כאן

219.

תְּחוֹת טַבּוּרֵיהּ קָיְימָא רִישׁוּמָא חַד, צִיּוּרָא דְּרֵישָׁא דְּבַּר נָשׁ, אוּכָם וְחִיוָּור תְּרֵין שַׂעֲרִין תַּלְיָין בֵּיהּ. הַהוּא בַּר נָשׁ אִתְכְּשַׁל בְּאִיתַּת גְּבַר מִיּוֹמִין רְחִיקִין, וְלָא תָּב מֵהַהוּא חוֹבָא. מַרְעִין רָדְפִין אֲבַתְרֵיהּ. וְעַל דָּא חַד מֵאִינוּן מַרְעִין, דִּצְרִיךְ לְאוֹשְׁדָא שֶׁתֶּן וְלָא יָכִיל. דְּעַד כְּעָן הַהוּא חוֹבָא תַּלְיָיא בְּקַדְלֵיהּ דְּנָחָשׁ עֲקִימָא, וְשַׁלִּיט עֲלֵיהּ בְּדָא. וְדָא לְסוֹף יוֹמִין דְּסִיבוּ. חסר כאן

220.

וְאִי תָּב בִּתְיוּבְתָּא, בְּזִמְנָא דְּאִיהוּ בְּחֵילֵיהּ, הַהוּא רִשּׁוּמָא אַזְעֵירַת דְּיוּקְנָאָה, וְשַׂעֲרִין לָא תַּלְיָין בֵּיהּ כְּלָל. וְאִי תָּב בִּתְיוּבְתָּא בְּסוֹף יוֹמוֹי, כַּד מַרְעִין רָדְפִין אֲבַתְרֵיהּ, כְּדֵין הַהוּא רְשִׁימָא קָמִיט, וְשַׂעֲרִין תַּלְיָין בֵּיהּ, וְהַהוּא מַרְעָא לָא אַעֲדֵי מִנֵּיהּ, מִגּוֹ דְּתַלְיָיא בְּקַדְלֵיהּ דְּנָחָשׁ. חסר כאן

221.

בְּגִין דְהַהוּא נָחָשׁ, כֵּיוָן דְּאָחִיד הַהוּא חוֹבָא עַל קַדְלֵיהּ, לֵית מַאן דְּיַתִּיר קִשְׁרָא מִקַּדְלֵיהּ. בְּגִין דְּהַהוּא נָחָשׁ לֵית לֵיהּ רְשׁוּת בְּיוֹמֵי דְּעוּלֵימוּ דְּבַּר נָשׁ לְקָשְׁרָא הַהוּא חוֹבָא עַל קַדְלֵיהּ. וְקָשְׁרֵי לֵיהּ בְּקִשְׁרִין תַּקִּיפִין. חסר כאן

222.

וְאִיהוּ רָדִיף אֲבַתְרֵיהּ דְּהַהוּא בַּר נָשׁ, וּמַלְקֵי לֵיהּ בְּהַהוּא בְּרִית דְּחָב בֵּיהּ. וְאַף עַל גַּב דְּתָב בִּתְיובְתָּא, יְצַוַּוח מִגּוֹ עָאקוּ דְּלָקוּתָא. הַהוּא חִוְּיָא דָּלִיג וְעָאל בְּהַהוּא קִשְׁרָא לְשִׁיפּוּלֵי דִּתְהוֹמָא רַבָּא, כְּדֵין רָוַוח לֵיהּ לְבַר נָשׁ, וְהַהוּא נָחָשׁ לְבָתַר יוֹמִין נָפִיק וְעָבִיד דָּא. חסר כאן

223.

וּבְזִמְנָא דְּמִית הַהוּא בַּר נָשׁ, תְּלַת מְאָה שׁוֹטְרִין רָדְפִין אֲבַתְרֵיהּ דְּהַהוּא בַּר נָשׁ, וְתָפְסִין לֵיהּ וְעָיְילִין לֵיהּ קַמֵּי מַלְכָּא. וּמַלְכָּא קַדִּישָׁא מְתַבַּר אִינוּן קִשְׁרִין, וְנָחִית הַהוּא חוֹבָה מֵעַל קַדְלֵיהּ. חסר כאן

224.

וְעַל רָזָא דָא כְּתִיב, (ישעיה כב) אִם יְכֻפַּר הֶעָוֹן הַזֶּה לָכֶם עַד תְּמֻתוּן. כְּדָּבָר אַחֵר (שם כח) וְכֻפַּר בְּרִיתְכֶם אֶת מָוֶת. תָּבַר הַהוּא קְיָימָא דִילְּכוֹן. אֶת מָוֶת, כְּמָה דְאַתְּ אָמֵר (בראשית לב) כִּי אָמַר אֲכַפְּרָה פָנָיו בַּמִּנְחָה, אֲבַטֵל רוּגְזֵיהּ. כְּדֵין הַהוּא בַּר נָשׁ אָזִיל לְהַהוּא עָלְמָא נָקִי מֵהַהוּא חוֹבָה, דְּהָא קַבֵּיל עָנְשֵׁיהּ בְּהַאי עָלְמָא. חסר כאן

225.

וְכִי תֵימָא, הֵיכֵי מַשְׁמַע דִּבְהַאי עֲוֹן אֵשֶׁת אִישׁ מִשְׁתָּעֵי קְרָא. דִּכְתִיב הָכָא אִם יְכֻפַּר הֶעָוֹן הַזֶּה, וּכְתִיב הָתָם בְּאִיסּוּר אֵשֶׁת אִישׁ שֶׁזִּינְתָה, (במדבר ה) וְנִקָּה הָאִישׁ מֵעָוֹן. וּכְתִיב גַּבֵּי אַבְנֵר וְאִישׁ בּשֶׁת, (שמואל ב ג) וַתִּפְקֹד עָלַי עֲוֹן הָאִשָּׁה הַיּוֹם הַזֶּה. אִי נָמֵי, (ישעיה כב) וְהִנֵּה שָׂשׂוֹן וְשִׂמְחָה הָרֹג בָּקָר וְשָׁחֹט צֹאן אָכוֹל וְשָׁתוֹ, וּכְתִיב (משלי ל) הָתָם אָכְלָה וּמָחֲתָה פִיהָ, וּכְתִיב (בראשית לט) כִּי אִם הַלֶּחֶם אֲשֶׁר הוּא אוֹכֵל. חסר כאן

226.

וּכְתִיב (משלי ט) מִי פֶתִי יָסֻר הֵנָּה וַחֲסַר לֵב וְאָמְרָה לוֹ. מַיִם גְּנוּבִים יִמְתָּקוּ וְלֶחֶם סְתָרִים יִנְעָם. וְלֹא יָדַע כִּי רְפָאִים שָׁם בְּעִמְקֵי שְׁאוֹל קְרֻאֶיהָ. זֶהוּ כַּד לָא קַבֵּיל עָנְשֵׁיהּ בְּהַאי עָלְמָא. חסר כאן

227.

וְאִי אִשְׁתְּכַח בֵּיהּ זְכוּת אָבוֹת, עוֹנְשֵׁיהּ בְּהַאי עָלְמָא בְּהַהוּא עָוֹן, כְּמָה דְאַתְּ אָמֵר (תהלים פט) וּפָקַדְתִּי בְּשֵׁבֶט פִּשְׁעָם וּבִנְגָעִים עֲוֹנָם. וּפָקַדְתִּי זְעֵיר זְעֵיר, ק (איוב ל) אִם בְּפִידוֹ לָהֶן שׁוּעַ. (שמות כ) פּוֹקֵד עֲוֹן אָבוֹת עַל בָּנִים. מַזְעֵיר וְנוֹתֵן זְעֵיר עַל דָּא, וּזְעֵיר עַל דָּא, וְאִשְׁתְּזֵיב הוּא וַאֲבוֹי מֵעוֹנְשָׁא דְּהַהוּא עָלְמָא, דְּהָא בְּרָא מְזַכֵּי אַבָּא. חסר כאן

228.

עַיְינִין עֲקִימִין, דְּלָא מִסְתַּכְּלִין בְּאוֹרַח קְשׁוֹט, דָּא הוּא בְּלָא אָת כְּלַל, פָּרְחִין מִנֵּיהּ כָּל אַתְוָון, בְּגִין דְּאִיהוּ מָארֵי דְּעֵינָא בִישָׁא, חֵיזוּ דִּילֵיהּ בְּהִיפּוּכָא, הַהוּא רַע עַיִן שַׁלִּיט עֲלֵיהּ. חסר כאן

229.

וְאִי כָּשְׁרִין עוֹבָדוֹי דְּהַהוּא בַּר נָשׁ, לָא שַׁלִיט אֶלָּא עַל עֵינוֹי. וְאִיצְטְרִיךְ בַּר נָשׁ לְאִסְטַמְּרָא מֵעֵינוֹי. בְּגִין דְּסִטְרָא אָחֳרָא שָׁלְטָא עֲלַיְיהוּ. אִינוּן עַיְינִין חָמָאן כָּל בִּישׁ, וְאִתְעֲבִידִין סַרְסוּרִין לְגַבֵּיהּ, וְשַׁיְיפֵי גוּפָא נִצְחָן, אֲבָל שָׁלְטִין עֵינוֹי מִסְתַּכְּלִין. חסר כאן

230.

מַאן דְּבָעֵי לְאִסְתַּמְּרָא מִנֵּיהּ, לִכְתּוֹב בִּידֵיהּ יָמִינָא יו''ד, וּבִידֵיהּ שְׂמָאלָא זַי''ן, וְיִפְתַּח קַמֵּיהּ וְלֵימָא, יו''ד בַּאֲפָכָא בְּאַתְוֵוי, וְאִשְׁתְּזֵיב מִנַּיְיהוּ. חסר כאן

231.

דָּא אִיהוּ דְּפָגִים לְשִׁימּוּשָׁא דִּקְדוּשָּׁה, בְּגִין כָּךְ לָא שַׁרְיָין בֵּיהּ אַתְוָון, וְהָא אִסְתַּלְּקוּ מִנֵּיהּ. דְּהָא אִיהוּ בְּרָזָא דְּהַהוּא קַו יָרוֹק דְּנָפֵיק מִתּוֹהוּ בִּמְדִידוּ דְּבוּצִינָא. וְאִית לְאִסְתַּכְּלָא גּוֹ שִׁרְטוּטִין דִּידָא, בְּיָמִינָא וּבִשְׂמָאלָא, וּבְרָזָא דְּאִינוּן שִׁרְטוּטִין דְּיָדִין תִּשְׁכַּח דָּא. חסר כאן

232.

מַאן דְּעֵינָא חַד אָטִים וְלָא כָּל כַּךְ, וְעֵינָא אָחֳרָא פְּקִיחָא, מוּמָא חַד מֵאִינוּן מוּמִין אִית בֵּיהּ. דָּא אִיהוּ בְּאָת ר' בִּלְחוֹדוֹי בְּאַשְׁלָמוּתֵיהּ. וְאָת י' מָטֵי לְגַבֵּיהּ וְלָא מָטֵי. חסר כאן

233.

בְּמִצְחֵיהּ תְּלַת שִׁרְטוּטִין עָבְרִין, וְחַד זְעֵירָא דְּאַעֲבַר, אוּף הָכֵי רְשִׁימָא חָדָא סָלִיק מֵעֵינֵיהּ לָקֳבֵיל אוּדְנֵיהּ שַׂעֲרֵי תָּלֵי וְתַקִּיף. קְרִיצוֹי רַבְרְבִין. אִיהוּ מוּמָא מִסְטַר אוֹחֲרָא. אִימָּא דִילֵיהּ אָזְלַת בְּחָרְשִׁין כַּד הֲוָה בִּמְעָהָא. וְנָפְקַת לְפָרָשָׁא דְּאוֹרְחִין בְּלֵילְיָיא, כַּד דָּא אִתְיְילֵיד. בְּגוֹ תְּרֵין שְׁנִין דִּילֵיהּ אִתְחַלָּשׁ עַד דְּאַזְעַר דְּיוֹקְנֵיהּ וְאִמֵּיהּ אָזְלָא בְּלֵילָא בַּהֲדֵיהּ, וְקָא עָבְדַת חַרְשִׁין עֲלֵיהּ. חסר כאן

234.

הַאי חָדֵי בְּחֶדְוָא, לֵית בֵּיהּ מְהֵימְנוּתָא, מְשַׁבַּח גַּרְמֵיהּ בַּמֶּה דְלֵית בֵּיהּ, גַּס רוּחַ, מְמַלֵּל בִּישִׁין וַעֲתִיקִין. וַותְּרָן אִיהוּ, לֵית בֵּיהּ קַמְצָנוֹ כְּלָל. מָארֵי דְּגַיְיפָא הוּא. אַצְלַח וְלָא אַצְלַח, חֲדִידָא בְּלִישָׁנֵיהּ. חסר כאן

235.

וְאִי חַד שִׁרְטוּטָא בְּמִצְחֵיהּ רַב וּתְרֵין זְעִירִין, דָּא אָזַל גּוֹ חָרְשִׁין, וְהָא אִימֵּיהּ עָבְדַת לְהוֹ. וּמִתְחַלְּפִין שִׁרְטוּטִין דְּקָא סָלְקִין מֵעֵינָא יָמִינָא לְעֵינָא שְׂמָאלָא. גַּס רוּחַ אִיהוּ, אֲבָל לֵית בֵּיהּ בִּישָׁא כְּלָל. קַמְצָאן אִיהוּ, לֵית בֵּיהּ קְצַת גִּיּוּפָא. חֲדִידָא בְּלִישָׁנֵיהּ אִיהוּ. חסר כאן

236.

בְּשָׂפָה דִילֵיהּ אִית בֵּיהּ רוֹשֶׁם חַד סוּמָק טְפֵי, וְחַד שַׂעֲרָא בְּאֶמְצָעוּתָא. אֶצְבְּעָן דִּי בְרַגְלֵיהּ שְׂמָאלָא, קְמִיטִין זְקִיפִין מִתְפַּשְּׁטִין, עַיְינִין זְבַּלְגָנִין, יָרוֹקִין, נָחֲתִין דִּמְעִין תָּדִיר. הַאי אִתְדַּבַּק בְּאָת פ', וְאָת ר' לָא אִתְיְישַׁב בֵּיהּ, הַאי אִית לֵיהּ אַרְבַּע שִׁרְטוּטִין בְּמִצְחֵיהּ, וְעָבְרִין כָּלְהוֹ, וּתְרֵין זְעִירִין מֵעֵינֵיהּ וְעַד שַׂעֲרֵיהּ. תְּרֵין רְשִׁימִין, וּתְלַת זְעִירִין בֵּין קְרִיצֵי עֵינוֹי. חסר כאן

237.

הַאי אִיהוּ בַּר נָשׁ, דְּאָזַל כָּפִיף רֵישָׁא. זִינָא חַד, מִתְּלַת מָארֵי רְשׁוּמִין דְּתוֹלְדוֹת מָארֵי צָרַעַת, אִית בֵּיהּ בְּזִינֵיהּ. הַאי לָאו מְסָאֲבָא הֲוָה לְמִסְגַּר. חָדֵי אִיהוּ בְּכֹלָּא, וְחַיֵּיךְ תָּדִיר, כָּל מִלּוֹי חָיְיכִין בְּהוּ בְּנֵי נָשָׁא. קַמְצָן אִיהוּ בְּבֵיתֵיהּ, בְּאָחֳרָנִין לָאו הָכֵי. לֵית לֵיהּ כִּסּוּפָא בְּמִלּוֹי, בְּגִין דְּחָמֵי דְּכֹלָּא חָיְיכִין בֵּיהּ. גַּיְיפָא אִיהוּ, שַׂעֲרוֹי סוּמְקִין זְעֵיר, לָא שְׁעִיעִין וְלָא קְמִיטִין. חסר כאן

238.

וְאִי בְּמִצְחוֹי תְּלַת שִׁרְטוּטִין דְּעָבְרִין, וּתְלַת זְעִירִין דְּלָא עָבְרִין, וְכָל שְׁאָר סִימָנִין בֵּיהּ. הַאי אִית לֵיהּ פְּגִימוּ, וְרוֹשֶׁם חַד בְּעֵינָא. דְּבַּר נָשׁ דְּהֲוָה צָד צִפֳּרִין עָבַד לֵיהּ, בְּלָא כַּוָּונָה, בְּאָעָא דְּהֲוָה אוֹשִׁיט לַצִּפֳּרִין. וְאִיהוּ אִתְרְשֵׁים עַל עֵינֵיהּ שְׂמָאלָא, לְעֵילָא מִקַּרְצוֹי בְּאוֹרְכָּא. חסר כאן

239.

הַהוּא דְּהֲוָה צָד צִפֳּרִין, אַגְזִים לֵיהּ בְּהַהוּא אָעָא, בְּגִין דְּהֲוָה אַפְרַח צִפֳּרִים, וּמָחָא לֵיהּ בְּלָא כַוָּונָה. הַאי אַצְלַח לִמְזוֹנֵיהּ וּלְבֵיתֵיהּ, וְלָא לְמִכְנַשׁ מָמוֹנָא סַגֵּי. מְהֵימְנָא אִיהוּ, וְלָא כָּל כַּךְ. וְהַאי מְהֵימְנוּתָא בְּמִלִּין זְעִירִין, אֲבָל בְּרַבְרְבִין לָאו אִיהוּ מְהֵימְנָא. מָארֵי דְלִישְׁנָא בִּישָׁא. וְכֹלָּא חָיְיכִין בְּמִלּוֹי. חסר כאן

240.

פּוּמֵיהּ רַב, שִׂפְוָותֵיהּ רַבְרְבִין. מַאן דְּאִשְׁתַּתַּף בַּהֲדֵיהּ, אַצְלַח בְּכוֹלָּא. וְאִיהוּ אַצְלַח אוּף הָכֵי. טַב אִיהוּ לְכָל שִׁתּוּפָא. חסר כאן

241.

רְשִׁימָא דְּהַהוּא מַכְתְּשָׁא עִמֵּיהּ, עֵינוֹהִי זְבָלְגִין, יָרוֹקִין, וְחַד רְשִׁימוּ אוּכָם סַחֲרָא לוֹן. הַאי אִיהוּ בְּאָת פ''א בִּשְׁלִימוּ דִּתְרֵין אַתְוָון, וְאָת ר' בִּלְחוֹדוֹי. חסר כאן

242.

דָּא רֵישֵׁיהּ רַב, וְד' שִׁרְטוּטִין רַבְרְבִין בְּמִצְחֵיהּ. וּתְלַת זְעִירִין בֵּין קְרִיצוֹי. וְחַד לְעֵילָא קְרִיעָא זְעֵיר. עַל חוֹטְמֵיהּ שַׂעֲרוֹי רַבְרְבִין. רֵישֵׁיהּ עָגֵיל. הוּא גִּיבַּר חֵילָא, מָארֵי זְדוֹנָא בְּמִלִּין. חסר כאן

243.

שַׂעֲרֵיהּ קָמִיט, גַּיְיפָא אִיהוּ. וּבְלֵילְיָא אִשְׁתַּתַּף אִיהוּ לְגִיּוּפָא. לְזִמְנִין אִתְכְּשַׁל אִיהוּ בְּאִינְתּוּ אֲסוּרָה. דִּיקְנֵיהּ מַלְיָא בְּשַׂעֲרִין, הַאי אִית לֵיהּ בִּדְרוֹעָא שְׂמָאלָא חַד רְשִׁימוּ דְּחַרְבָּא, דְּמָחָא לֵיהּ חַד גְּבַר, אִטַר יָמִינָא, בְּיוֹמָא רְבִיעָאָה דְשַׁבַּתָּא, כַּד בָּעָא שִׁמְשָׁא לְאִתְכַּנְּשָׁא. דְּהָא בְּהַהוּא יוֹמָא אִיתְעַר עֲלֵיהּ חַד חוּטָא דְּמַאְדִּים. הַהוּא חוּטָא דְּבִסְטַר שְׂמָאלָא, וְהַהוּא רְשִׁימוּ עֲקִימָא בְּבִשְׂרֵיהּ בְּעִיגּוּלָא. חסר כאן

244.

כַד מָטָא לְיוֹמִין דְּסִיבוּ, נָפַל מֵאֲתַר דְּרָכִיב בֵּיהּ, אוֹ סוּסְיָיא, אוֹ חַמְרָא, אוֹ נָפִיל מִן כּוֹתְלָא, וּמִנֵּיהּ יִתְחַלַּשׁ וִימוּת. דְּהָא חוֹבָא דְּחָב בְּעוּלֵימוֹי בַּהֶבֶל רָדִיף אֲבַתְרֵיהּ. וְאִי הַהוּא גַבְרָא תָּב בִּתְיוּבְתָּא בְּאֶמְצַע יוֹמוֹי, נָפִיל מִגּוֹ חוּלְשָׁא דְּבֵיהּ, וִימוּת. חסר כאן

245.

וְאִי תָּב בְּעוּלֵימוֹי, כְּדֵין תִּשְׁכַּח שִׁרְטוּטִין דְּמִצְחֵיהּ, תְּלַת רַבְרְבִין וְאַרְבָּעָה זְעִירִין. וּתְרֵין תְּרֵין מִגּוֹ עֵינוֹי דְּסָלְקִין לְעֵילָא. הַאי בְּאוֹרַח כָּל אַרְעָא יְהֵא מַרְעֵיהּ. וְיִפּוֹל מֵעַרְסֵיהּ, וִימוּת. דְּהָא לְעָלְמִין אִית בֵּיהּ נְפִילָה לְבַסּוֹף. חסר כאן

246.

עַיְינִין זְעִירִין דַּקִּיקִין, דְּלָא אִתְחַזְיָין גְּוָונִין דִּילְהוֹן לְפוּם שַׁעֲתָא, וְכַד מִסְתַּכְּלִין בְּהוֹן, אִינוּן יָרוֹקִין וְאוּכְמִין. הַאי אִיהוּ שִׂפְוָון חַדִּין, וְאַפִּין אֲרִיכִין בַּחֲדִידוּ, כְּדֵין תִּשְׁכַּח בְּמִצְחֵיהּ תְּרֵין שִׁרְטוּטִין, וְחַד זְעֵירָא בֵּינַיְיהוּ, הַאי אִיהוּ בְּאָת פ' בִּלְחוֹדוֹי, וּבְאָת ר' בִּלְחוֹדוֹי. חסר כאן

247.

הַאי אִיהוּ, שַׂעֲרֵיהּ תַּלְיָא, וְלָא שְׁעִיעַ. אַצְלַח בְּעוֹבָדֵי יְדוֹי, וּבְאוֹרַיְיתָא אִי אִשְׁתַּדַּל. אוּף הָכֵי זְעִירָא אִיהוּ בְּשַׁיְיפוֹי, וְגַס בִּשְׂרָא לֵית בֵּיהּ. רוּחָא, מְמַלֵּל מִגּוֹ חוֹטְמוֹי, בְּגִין דִּנְקָבִין דִּלְהוֹן דְּחִיקִין, וּבְגִין כָּךְ נָפֵיק רוּחָא בִּדְחִיקוּ לִסְטַר שְׂמָאלָא. חסר כאן

248.

בְּיַרְכָא דִילֵיהּ לְעֵילָא מֵאַרְכּוּבָא, רְשִׁימָא חַד חַבּוּרָה, דְּעָבַד לֵיהּ רַבְיָיא חַד בְּסַכִּין, בְּיוֹמֵי עוּלֵימוֹי, וְאִסְתַּכֵּן בֵּיהּ. מְקַנֵּא הוּא לְאִתְּתֵיהּ, עַד דְּבַּר נָשׁ חָיְיכִין מִנֵּיהּ. בָּעֵי לְאִתְתַּקְּנָא בְּגוּבְרִין אָחֳרָנִין, וְלָא אִתְתַּקַּן, וְחָיְיכִין בֵּיהּ. הַאי לָא יִשְׁתַּתֵּף בַּר נָשׁ בַּהֲדֵיהּ, דְּלָא יִצְלַח. חַמְדָן אִיהוּ, אִשְׁתַּדַּל בַּמֶּה דְּלָא אִית לֵיהּ, חָשִׁיב גַּרְמֵיהּ דְּאִיהוּ גַּבְרָא רַבָּא, וְלָאו הָכֵי. זָכֵי לְבָנוֹת, וְלָא לְבָנִים. חסר כאן

249.

וְאִי מִתְחַלְּפָן שִׁרְטוּטִין, תְּרֵין זְעִירִין וְחַד רַבְרְבָא בְּמִצְחֵיהּ, וְאַנְפּוֹי סוּמְקִין. זָכֵי לִבְנִין, וְלִבְרַתָּא חָדָא, אוֹ דִּיְלֵדַת בַּר וְאִסְתַּלְּקַת מֵעָלְמָא. חסר כאן

250.

אָת חַד אִית לֵיהּ בָּתַר אוּדְנֵיהּ יָמִינָא, רוֹשֶׁם דְּטוּלְפְּחָא, וְחַד שַׂעֲרָא דְּתָלֵי בְּרֵישׁ אוּדְנֵיהּ. וְאֶצְבְּעָא זְעִירָא דִּי בִּידָא שְׂמָאלָא כָּפֵיף כְּדֵין תִּתְקַיֵּים וְתוֹלִיד בְּנִין וּבְנָן. אִי סִימָנִין אִלֵּין תֶּהֱוְיָן לָהּ. בֵּין רַגְלָהָא יִכְרַע וְיִפּוֹל חַד בְּרָא, בֵּין אִינוּן דִּיהֵא מַבּוּעָא דִּנְבִיעַ בְּאוֹרַיְיתָא. הוּא מְקָרֵב וּמַפִּיק מַבּוּעִין וְנַחֲלִין דְּאוֹרַיְיתָא, וּבִשְׁנִין זְעִירִין יִתְכְּנֵשׁ מֵעָלְמָא. חסר כאן

251.

הַאי אִיהוּ מֵאִינוּן אֶלֶף, דְּמִתְכַּנְשִׁין מֵעָלְמָא מֵרֵישׁ שַׁתָּא וְעַד רֵישׁ שַׁתָּא. בְּיוֹמִין קַדְמָאִין. מִדְּאִתְחְרַב בֵּי מַקְדְּשָׁא, לָא אַשְׁכַּח בַּר שִׁתִּין חָסֵר חַד, וְאִלֵּין אִינוּן דְּמִסְתַּלְּקֵי מֵעָלְמָא, כַּד יַהֲבֵי רֵיחָא, עַד לָא מָטָא זִמְנַיְיהוּ. חסר כאן

252.

בְּגִין דְּכַד קוּדְשָׁא בְּרִיךְ הוּא עָאל לְאוֹלִיף אוֹרַיְיתָא, לְאִינוּן יְנוּקִין דְּאִסְתַּלְּקוּ מֵעָלְמָא, כַּד יַהֲבוּ רֵיחָא, עַד לָא מָטָא זִמְנַיְיהוּ, אִינוּן קַדְמָאֵי בְּאִינוּן מִלִּין. וְקוּדְשָׁא בְּרִיךְ הוּא אָמַר לֵיהּ לְהַהוּא מְמָנָא יופיאָמַר לֵיהּ שְׁמֵיהּ, דְּקָאִים וְקָשִׁיר קִשְׁרִין דְּאוֹרַיְיתָא, מַאן הוּא דֵּין דְּאַקְדִים לִי, הֲדָא הוּא דִכְתִיב, (איוב מא) מִי הִקְדִּימַנִי וַאֲשַׁלֵּם, וַאֲשַׁלֵּם וַדַּאי. חסר כאן

253.

כְדֵין קָרָא קוּדְשָׁא בְּרִיךְ הוּא לְמטטרו''ן, דְּאִיהוּ קָיְימָא גוֹ פְּרוֹכְתָּא דְּפָרְסָא, וְשִׁשִּׁים אֶלֶף רִבּוֹא מָארֵי דְאוּלְפְנָא דְאוֹרַיְיתָא סוֹחֲרָנֵיהּ, וְאִיהוּ מְקַשֵּׁר קְשָׁרִים לְמָארֵיהּ. אָמַר לֵיהּ מַאן הַאי דְּאַקְדִּים לִי, מִי הִקְדִּימַנִי וַאֲשַׁלֵּם. אִיהוּ רְשִׁים גּוֹ מְתִיבְתָּךְ. אוֹ לֹא. אָמַר לֵיהּ מָארֵי דְעָלְמָא, לָאו אִיהוּ בִּמְתִיבְתָּא דִילִי, גּוֹ מְתִיבְתָּךְ אִיהוּ. וְכָל אִינוּן דְּקָדָמָי, תְּחוֹת כָּל שְׁמַיָא הוּא, הֲדָא הוּא דִכְתִיב, (שם) תַּחַת כָּל הַשָּׁמַיִם לִי הוּא. חסר כאן

254.

בְּגִין דִּתְרֵין מְתִיבְתִּין אִית לְעֵילָא. מְתִיבְתָּא דְּהַהוּא נַעַר מטטרו''ן. וּמְתִיבְתָּא עִילָּאָה דְּקוּדְשָׁא בְּרִיךְ הוּא. וּבְכָל אֲתַר דְּתָנִינָן מְתִיבְתָּא עִילָּאָה, דָּא הוּא דְקוּדְשָׁא בְּרִיךְ הוּא. מְתִיבְתָּא דִּרְקִיעַ, דָּא דְּמטטרו''ן. חסר כאן

255.

כְדֵין אָמַר לֵיהּ קוּדְשָׁא בְּרִיךְ הוּא, אִי הָכֵי, לְקוֹט לֵיהּ גַּבָּאי. לָקִיט לֵיהּ, וְאָרַח לֵיהּ, הֲדָא הוּא דִכְתִיב, (שה''ש ו) דּוֹדִי יָרַד לְגַנּוֹ לַעֲרוּגַת הַבֹּשֶׂם. דּוֹדִי, דָּא קוּדְשָׁא בְּרִיךְ הוּא, כְּמָה דְאַתְּ אָמֵר (שם ב) דּוֹדִי לִי וַאֲנִי לוֹ הָרוֹעֶה בַּשּׁוֹשַׁנִּים. יָרַד לְגַנּוֹ, דָּא גּוֹרֶן דְּרָקִיעַ, דְּקָיְימֵי כְּגוֹרֶן. לַעֲרוּגַת הַבּוֹשֶׂם, דָּא מְתִיבְתָּא דְּמטטרו''ן. לִרְעוֹת בַּגַּנִּים וְלִלְקֹט שׁוֹשַׁנִּים, לְעַיְינָא וּלְאִסְתַּכָּלָא בְּאִינוּן מְתִיבְתָּאן דִּילֵיהּ. מַאי וְלִלְקֹט שׁוֹשַׁנִּים, אַל תִּקְרֵי שׁוֹשַׁנִּים אֶלָּא שֶׁשּׁוֹנִים. אִלֵּין אִינוּן דִּמְקַדְּמֵי רֵיחָא בְּהַאי עָלְמָא, דְּמִתְלַקְּטֵי וּמִסְתַּלְּקֵי מֵהַאי עָלְמָא, עַד דְּלָא מָטָא זִמְנַיְיהוּ. חסר כאן

256.

כְדֵין קָארֵי הַהוּא נַעַר מטטרו''ן לְגַבְרִיאֵל, דִּי קֶסֶת הַסּוֹפֵר בְּחַרְצוֹי, וַאֲמַר לֵיהּ, כְּתוֹב פִּתְקָא וְהַב לְמַלְאַךְ הַמָּוֶת עַל פְּלוֹנִי, דְּיִלְקוֹט לֵיהּ מֵעָלְמָא. וְאִתְלְקֵיט מִיָּד. וְסָלְקִין לֵיהּ בְּקַדְמִיתָא לִמְתִיבְתָּא דְּמטטרו''ן, וְתַמָּן אֲמַר תַּלְמוּדֵיהּ דְּאַיְיתֵי בִּידֵיהּ. וְאוֹלִיף תַּמָּן מַה דְּאוֹלִיף. לְבָתַר סָלְקִין לֵיהּ לִמְתִיבְתָּא עִילָּאָה דְּקוּדְשָׁא בְּרִיךְ הוּא. וּזְמִינָא לִמְתִיבְתָּא דִילֵיהּ. וְתַמָּן אִשְׁתַּעֲשַׁע בְּהוּ, בְּאִינוּן דִּילֵיהּ, וּבְרָזִין עִילָּאִין, וְטַעֲמֵי דְאוֹרַיְיתָא, דַּהֲווֹ סְתִימִין מִנֵּיהּ בְּהַאי עָלְמָא. חסר כאן

257.

וְיופיאָמַר לֵיהּ רַב מְמַנָּא, אָזִיל מִגּוֹ מְתִיבְתָּא עִילָּאָה, וְחָתִים סִתְרִין וְרָזִין דְּאוֹרַיְיתָא, מִגּוֹ תְּרֵין מְתִיבְתִּין. כָּל מַה דְּאַקְשׁוּ בִּמְתִיבְתָּא דִּרְקִיעָא, אִינוּן דִּמְתִיבְתָּא עִילָּאָה מְתַרְצִין. בִּמְתִיבְתָּא עִילָּאָה, לֵית תַּמָּן פִּרְכֵי וְקוּשְׁיָין, אֶלָּא בִּמְתִיבְתָּא דִּרְקִיעָא. וְחָתִים מִתְּרֵי מְתִיבְתֵּי מִלִּין דְּאוֹרַיְיתָא כִּדְקָא יָאוֹת. וְעַל דָּא כְּתִיב, (תהלים פד) יֵלְכוּ מֵחַיִל אֶל חָיִל. חסר כאן

258.

וּלְזִמְנָא דְאָתֵי יִסְתַּלְּקוּן פִּרְכֵי וְקוּשְׁיָין מִגּוֹ מְתִיבְתָּא דִּרְקִיעָא. כְּמָא דְּאַתְּ אָמֵר, יֵלְכוּ מֵחַיִל אֶל חָיִל, וּכְתִיב (שם קכב) יְהִי שָׁלוֹם בְּחֵילֵךְ שַׁלְוָה בְּאַרְמְנוֹתָיִךְ. עַד הָכָא רָזִין דְּעַיְינִין, בְּגוֹ גְּוָונִין לְאִסְתַּכָּלָא. חסר כאן

259.

דְּיוֹקְנִין דְּחוֹטְמָא, חוֹטְמָא אִיהוּ חוֹתָמָא וּפַרְצוּפָא דְּבַּר נָשׁ לְאִשְׁתְּמוֹדְעָא. חוֹטְמָא זְעֵירָא עֲקִימָא, דְּלָא אִתְיַישְׁבַת כָּרָאוּי בְּאוֹרַח מֵישָׁר, דָּא אִיהוּ דְּאָבֵיד פַּרְצוּפָא דְּבַּר נָשׁ, וְדָא אִיהוּ בְּאָת ה' בִּלְחוֹדוֹי, בְּלָא שְׁלִימוּ. דָּא אִיהוּ דְּאוֹרַח עִנְוְתָנוּתָא וּשְׁלֵימָתָא אִתְעֲבַר מִינֵּיהּ, חֲצִיפָא אִיהוּ. שַׂעֲרֵיהּ בֵּין סוּמָק לְחִיוָּר. חסר כאן

260.

תְּלַת רְשִׁימִין רַבְרְבִין עַל מִצְחֵיהּ, וּתְלַת אָחֳרָנִין דְּלָא אִתְחַזְיָין כָּל כַּךְ. תְּלַת שִׁרְטוּטִין אָחֳרָנִין מִסִּטְרָא דָּא לְסִטְרָא דָא, שִׂפְוָון דִּילֵיהּ רַבְרְבָן. בַּחֲצִיפוּתֵיהּ מְמַלֵּל בְּקַשְׁיוּ כָּל מַה דְּבָעֵי. דְּאוֹרַח עִנְוְתָנוּתָא אִתְעֲבַר מֵחוֹטְמֵיהּ, וּמֵעַל אַנְפּוֹי, דְּהָא כִּיסּוּפָא וְעִנְוְתָנוּתָא מְיַישֵׁר חוֹטְמָא עַל אַנְפִּין. וְהַאי לֵית בֵּיהּ כְּלַל. וּבְגִין דְּאִיהוּ חֲצִיפָא, כָּדִיב וְחַיֵּיךְ בְּמִלּוֹי. חסר כאן

261.

וְאִי מִתְעַבְרִין שִׁרְטוּטִין מֵעַל מִצְחֵיהּ, וְאִינוּן ג' רַבְרְבָן וְג' זְעִירִין, וְשַׂעֲרֵיהּ אוּכָם, הָא אִיהוּ בֵּין תְּרֵין אַתְוָון בְּמַתְקְלָא. דָּא נָמִיךְ רֵישָׁא, וְחַיִּיךְ בְּמִלּוֹי. שַׂעֲרֵיהּ שְׁעִיעַ וְלָא כָּל כַּךְ, צַעֲרִין רַבְרְבִין מִתְעָרִין עֲלוֹי, וְאִשְׁתְּזֵיב מִכָּלְהוֹ. חסר כאן

262.

דָּא, זְכוּ זְעֵירָא מֵאֲבוֹי מֵגִין עֲלֵיהּ. וְהַהוּא זְכוּ אִתְרְשִׁים גּוֹ עַמּוּדָא דְּקָאִים בֵּיהּ הַהוּא נַעַר. וְאִיהוּ זָכֵי בְּחַד יַתְמָא. בְּגִין דְּכָל יְתָם וְאַרְמַלְתָּא, קָיְימִין בְּפִקְדוֹנֵיהּ דְּמטטרו''ן, דְּקָיְימָא לְדַיְינָא בְּאִינוּן שִׁבְעִין סַנְהֶדְּרִין. חסר כאן

263.

בְּהֵיכָלָא דִזְכוּתָא, דָּיְינִין כָּל דִּינִין דְּעָלְמָא, בַּר מִתְּלַת, בָּנֵי חַיֵּי וּמְזוֹנֵי. וְכָלְהוֹ בִּקְרָאֵי כְּתִיבֵי. בָּנֵי, דִּכְתִיב (שמואל א א) וַתִּתְפַּלֵּל עַל ה', עַל דַּיְיקָא, לְעֵילָא לְעֵילָא. אַתְרָא דְּמַזָּלָא עִילָּאָה. חַיֵּי, דִּכְתִיב (ישעיה לח) הִנְנִי יוֹסִיף עַל יָמֶיךָ חֲמֵשׁ עֶשְׂרֵה שָׁנָה, יוֹסִיף דַּיְיקָא. מְזוֹנֵי, דִּכְתִיב (תהלים נה) הַשְׁלֵךְ עַל ה' יְהָבְךָ וְהוּא יְכַלְכְּלֶךָ, עַל דַּיְיקָא. וְתַמָּן דָּיְינִין בְּנֵי עָלְמָא. חסר כאן

264.

וְיָהֲבִין פִּתְקָא לְמַלְאָךְ הַמָּוֶת לְקָטְלָא לוֹן, וּלְנַטְלָא רוּחֵיהוֹן, וְהוֹאִיל וּמַשְׁכּוֹנִין עִילָּאִין, וְטָבִין דִּבְנֵי נָשָׁא בִּידוֹי דְּקוּדְשָׁא בְּרִיךְ הוּא, פַּקֵּיד לְמטטרו''ן, דִּיהוֹן בְּנוֹי דְּהַהוּא בַּר נָשׁ וְאִתְּתֵיהּ בְּפִקְדוֹנָא דִּילֵיהּ. וּבְגִין דְּאָסוּר לְמַשְׁכְּנָא לוֹן, מַשְׁכּוֹנִין עַל מַשְׁכּוֹנִין, לָא יְמִיתוּן. חסר כאן

265.

וְעַל דָּא, מַאן יְשֵׁיזֵיב לוֹן מֵעִינּוּיָא, הַהוּא זְכוּ אַגֵּין עַל בְּנוֹי. וְהוּא, חַד מִנַּיְיהוּ דְּהַהוּא זְכוּ אַגֵּין עֲלֵיהּ, בְּעִידָן עַקְתֵיהּ. חסר כאן

266.

לְהָא אִית לֵיהּ רוֹשֶׁם בְּמִצְחֵיהּ. חַיָיבָא, אוֹ גַּיָּיפָא אִיהוּ. וְלָא אִתְחֲזֵי קַמֵּי בְּנֵי נָשָׁא, דְּלָא יָדְעִין בֵּיהּ. דָּא אַצְלַח. וּמַאן דְּאִתְחַבַּר בַּהֲדֵיהּ, יַצְלַח יַתִּיר מִנֵּיהּ. חסר כאן

267.

חוּטְמָא עֲקִימָא, וּתְרֵין נוּקְבִין דִּילֵיהּ רַבְרְבִין, וְסָלְקִין לְבַר אִינוּן פָּתְחִין דִּנְחִירוֹי, וְחוֹטְמָא לָא סָלֵיק. דָּא אִיהוּ בְּאָת ה' בִּשְׁלִימוּ. חסר כאן

268.

ה' שִׁרְטוּטִין בְּמִצְחֵיהּ רַבְרְבָן, וְשִׁית זְעִירִין. אוּדְנוֹי רַבְרְבָן. עֵינוֹי רַבְרְבָן. וּתְרֵין רְשִׁימִין אוּכְמִין דַּקִּיקִין בְּעֵינֵיהּ דְּיָמִינָא. שַׂעֲרֵיהּ, לָא אִתְתַּקַּן בְּמַזְיֵיהּ, בְּגִין דְּאִיהוּ רַב וְתַקִּיף. רוֹשֶׁם מַכְתְּשָׁא בְּמִצְחֵיהּ. חסר כאן

269.

דָּא שַׂרְפָא, בְּכָל יוֹמָא זַמִּין כַּד אִתְרְעֵם. בְּרוּגְזֵיהּ, קָרִיר חוּטְמֵיהּ, וְאִתְחֲזֵי חִוָּור. תָּב מֵרוּגְזֵיהּ לִזְמַן רַב. מְהֵימְנָא אִיהוּ בְּמִלִּין רַבְרְבִין. וּבִזְעִירִין לָאו הָכֵי. חַמְדָן אִיהוּ. גּוּפֵיהּ מָלֵי מַכְתְּשִׁין וַאֲבַעְבּוּעִין בְּכָל יוֹמֵי שַׁתָּא, וּבַר זִמְנָא חַד זְעֵיר בְּיוֹמֵי דְּסִתְוָוא, אִתְנַהֵיג בְּעִנְוְתָנוּתָא בְּבֵיתֵיהּ. תִּיאוּבְתֵּיא לְמֵיכַל בְּכָל אֲתַר, אַף עַל גַּב דְּלָא יְזַמְּנוּן לֵיהּ. אִי זָכֵי בְּאוֹרַיְיתָא, וְאוֹלִיף יְנוֹקִין, זָכֵי בְּהוּ בְּשי''ן תי''ו. חסר כאן

270.

בִּיהֵיהּ יָמִינָא, רוֹשֶׁם עֲמִיקָא מִתּוֹלָדָה דְּאִתְיַלֵּד בֵּיהּ. תַּרְתֵּי נָשִׁין אִזְדַּמְּנוּ לֵיהּ, קַדְמַיְיתָא תָּמִית עַל מַשְׁבְּרָא. תִּנְיָינָא תִּזְכֵּי לִתְרֵין בְּנִין, חַד יְמִית זְעֵיר בַּחֲלָבָא דְאִימֵּיהּ, וְחַד יְקוּם בְּעָלְמָא גְּיָיפָא, יַתִּיר מִבְּנֵי נָשָׁא אָחֳרָנִין, וְחַיִּין קָיְימִין בֵּיהּ, אֲבָל לֹא כָּל כָּךְ. חסר כאן

271.

חוֹטְמָא דְּאָזֵיל בְּאוֹרַח מֵישָׁר, וּמִתְתַּקְּנָא עַל גַּבֵּי אַנְפִּין. הַאי אִיהוּ בְּאָת ה' בִּשְׁלִימוּ. דָּא אִתְגְּלֵי בְּמִצְחֵיהּ תְּרֵין שִׁרְטוּטִין רַבְרְבִין, וְה' זְעִירִין, וּתְרֵין מִסִּטְרָא דְּיָמִינָא לְגַבֵּי שַׂעֲרֵיהּ. מֵישַׁר מִתַּתָּא לְעֵילָא. שַׂעֲרֵיהּ בֵּין אוּכָם לְסוּמָק, תַּלְיָא עַל אוּדְנוֹי. עֵינוֹי רַבְרְבִין יָרוֹקִין, וְחוּטָא סוּמְקָא סַחֲרָא לְגוֹ. אַנְפּוֹי אֲרִיכִין. חסר כאן

272.

דָּא, אִיקְרֵי אַנְפֵּי נֶשֶׁר. דָּא, מִבְּנוֹי דְּסִיהֲרָא בְּאַשְׁלָמוּתָא. כַּד בָּעֵי לְאַזְעָרָא גַרְמֵיהּ, טַב אִיהוּ לְגַבֵּי מָארֵיהּ. דָּחִיל חַטָאָה אִיהוּ. בִּימֵי עוּלֵימוֹי אִיהוּ בְּלָא מַרְעִין, אָזִיל בִּבְרִיאוּתֵיהּ, כְּגִיבָּר בְּלָא דְחִילוּ. בְּיוֹמִין דְּסִיבוּ נָחֵית כִּנְחִיתוּ דְּסִיהֲרָא, חֲלָשָׁא לֶהֱוֵי. מַרְעִין רָדְפִין אֲבַתְרֵיהּ, דָּא זַכָּאָה בְּמַרְעִין יִתְכַּפְּרוּן. חסר כאן

273.

וְאִי מִתְחַלְּפִין סִימָנִין, בְּיוֹמֵי עוּלֵימוֹי לֶהֱוֵי בְּמַרְעִין. בְּגִין דְּאִיהוּ כְּסִיהֲרָא דְּבַעְיָא לְאַנְהָרָא. וִיהֵא הַהוּא גַּבְרָא בְּמִסְכְּנוּ. וּבְיוֹמִין דְּסִיבוֹ, יֶהֱוֵי בְּלָא מַרְעִין, וּבְעוֹתְרָא וִיקָר סַגְיָא. דְּהָא כְּדֵין אַנְהֵירַת סִיהֲרָא וְקָיְימָא בְּאַשְׁלָמוּתָא. וְדָא אִיהוּ צַדִּיק וְטוֹב לוֹ. וְדָא עִנְוְתָנוּתָא בֵּיהּ, רְחִים הוּא לְמָארֵיהּ בְּכֹלָּא. חסר כאן

274.

חוֹטְמָא אֲרִיכָא וְחַד, חִדּוּדָא כְּרֵישָׁא דְּחוֹטְמָא דְּנִשְׁרָא. הַאי אִיהוּ בְּלָא אָת כְּלָל. שַׂעֲרֵיהּ קָמִיט. שִׁרְטוּטִין דְּמִצְחֵיהּ תְּלַת. אַנְפּוֹי חֲדִידָן. עֵינוֹי זְעִירִין. הָא אִיהוּ חַמְדָן בַּמֶּה דְּאִית לְהוֹ לְאַחֲרָנִין. כָּל עוֹבָדוֹי לָאו בִּדְחִילוּ דִּשְׁמַיָא. סָאנֵי אוֹרַיְיתָא, סָאנֵי לְמַאן דְּלָעָאן בָּהּ. רְחִים לְפוּם שַׁעֲתָא לְמִשְׁמַע מִלִּין דְּאוֹרַיְיתָא, וּלְפוּם שַׁעֲתָא פָּרְחִין מִנֵּיהּ. חסר כאן

275.

בְּרַגְלֵיהּ שְׂמָאלָא תְּרֵין אֶצְבְּעָן קְמִיטִין דְּלָא מִתְפַּשְּׁטִין וּבְרַגְלֵיהּ יָמִינָא חַד. הַאי אִיהוּ בְּחַטָאָה דְּגַנָּבָא, וְלָא יְתוּב מֵהַהוּא חוֹבָא לְעָלְמִין. חסר כאן

276.

בֵּין כְּתֵפוֹי תַּלְיָין תְּרֵין שַׂעֲרִין רַבְרְבִין. בְּחָדוֹי אִית תְּלַת שַׂעֲרִין דְּתַלְיָין. אוֹמֵי אוֹמָאָה בְּכָל רִגְעָא וְשַׁעֲתָא, וְלָא אִתְהַנֵּי. זִמְנִין תְּרֵין בְּשַׁתָּא יִשְׁתַּתֵּף בַּר נָשׁ בַּהֲדֵיהּ. וְלָא יַתִּיר, וְיַצְלַח, וְהוּא מֵאֲדָר עַד רֵישׁ נִיסָן. וּמֵאֱלוּל, עַד שִׁית יוֹמִין דְּמַרְחֶשְׁוָון, וְלָא יַתִּיר, וּבְיוֹמִין אִלֵּין, יִצְלַח מַאן דְּיִשְׁתַּתֵּף בַּהֲדֵיהּ, דְּהָא יוֹמִין אִלֵּין יוֹמִין דְּאַתְוָון אִינוּן, וּמַאן דְּלֵית לֵיהּ אַתְוָון, אִתְאֲחַד בְּהוּ. חסר כאן

277.

בְּיוֹמִין אִלֵּין נָפְקִין נִשְׁמָתִין עַרְטִלָאִין, וְאִינוּן מִתְהַדְּרָן כְּמִלְּקַדְמִין, וְלֵית לוֹן זִוּוּגִין. וּבְיוֹמִין אִלֵּין נָפְקִין אַתְוָון כ''ב וְשָׁרָאן בְּהוּ, וּמִתְעַטְרָן בְּהוּ, וּבְרַחֲמֵי יִשְׁתַּכְּחוּן זִוּוּגִין. וּבְיַרְחִין אָחֳרָנִין, וּבְיוֹמִין אָחֳרָנִין, לָאו. חסר כאן

278.

דְּהָא מִז' בַּאֲדַר בָּטַשׁ בּוּצִינָא, וְאַפֵּיק אַתְוָון זְעִירִין, וּבָקְעִין רְקִיעִין וְנָפְקִין לְעָלְמָא. בְּזִמְנָא דְּאִינוּן נָפְקִין, כָּל אִינוּן נִשְׁמָתִין עַרְטְלָאִין, דַּהֲווֹ זְמִינִין לְאִתְהַדְּרָא, נָפְקִין בַּהֲדַיְיהוּ, וְאִתְאַחֲדָן בְּאִינוּן אַתְוָון. חסר כאן

279.

וְנָפְקִין עַל יְדֵי דְּפַרְוַונְקָא. בְּגִין דְּכָל בְּנֵי עָלְמָא, כַּד אִתְבְּנִין לְאִתְצַיְירָא בְּהַאי עָלְמָא, כָּל צִיּוּרִין דְּאַתְוָון מִתְצַיְירִין בְּהוּ, עַל יְדָא דְּאִינוּן תְּלַת שׁוּתָּפִין, דְּקָא מִזְדַּוַּוג בִּנְיָינָא. וְהַשְׁתָּא אִלֵּין דְּקָא מִתְהַדְּרָן, כָּל אִינוּן אַתְוָון קָא אִתְצַיְירוּ בְּהוּ. אָחֳרָנִין לָא מִתְצַיְירֵי בְּהוּ. דְּהָא אִינוּן פַּרְוַונְקִין, לָא מְצַיְירִין לוֹן בְּאַתְוָון, כְּמָה דְּאִתְצַיְירוּ בְּקַדְמִיתָא, מִסִּטְרָא דְּאַבָּא וְאִימָּא. חסר כאן

280.

וְאִלֵּין אַתְוָון אָזְלִין וּמְשָׁטְטִין בְּעָלְמָא, וְאִתְאַחֲדָאן בְּהוּ כָּל אִינוּן דְּלֵית לְהוֹ אַתְוָון, עַד רֵישׁ יַרְחָא דְסִיוָן. דְּהָא כְּדֵין אִתְטַמְּרָן אִלֵּין, וְאַתְוָון עִילָּאִין בָּעְיָין לְאִתְגַּלָּאָה. חסר כאן

281.

וּמֵאֱלוּל אִתְטַמְּרוּ אִלֵּין עִילָּאִין. עַד ו' יוֹמִין בְּמַרְחֶשְׁוָון. עַד דִּיהַדְּרוּן בְּנֵי נָשָׁא מֵחוֹבַיְיהוּ, וְיִתְכַּפֶּר לוֹן, וּמִתְהַדְּרָן אַתְוָון כְּמִלְּקַדְּמִין. וּבֵין כָּךְ וּבֵין כָּךְ, אִינּוּן זְעִירִין נָפְקָן לְקָיְימָא עָלְמָא, וְאִלֵּין אִתְאַחֲדִין בְּהוּ, בְּגִין דְּלֵית לוֹן אַתְוָון כְּלָל. חסר כאן

282.

דְּהָא מֵאֱלוּל קָיְימָא תְּשׁוּבָה, וְאַתְוָון סָלְקִין לְגַבָּהּ, וּבְנֵי עָלְמָא מִתְהַדְּרָן מֵחוֹבַיְיהוּ, וּמִתְהַדְּרָן לְאַתְוָון, וְקָיְימִין עַל עָלְמָא תְּרֵין יְרָחִין, וּמִסְתַּלְּקִין טֵבֵת וּשְׁבָט. חסר כאן

283.

מֵז' בַּאֲדָר נָפְקִין אִלֵּין אָחֳרָנִין, כְּמָא דְּאִתְּמָר. וְאִלֵּין דְּמִתְאַחֲדָן בְּהוּ, מְקַדְּמֵי רַחֲמֵי בְּאִלֵּין יוֹמִין. וּתְרֵין יְרָחִין אָחֳרָנִין אִתְטַמְּרָן כָּלְהוֹ, וְאִלֵּין תַּמּוּז וְאָב. וְנָפְקִין יְמֵי הָרָעָה בְּאַתְוָותַיְיהוּ וְשָׁלְטִין אִלֵּין עַל עָלְמָא, וְאָחֳרָנִין אִתְטַמָּרוּ. וּבְגִין כָּךְ, בְּאִינוּן יוֹמִין, זַכָּאָה אִיהוּ מַאן דְּאִשְׁתְּזֵיב מִנַּיְיהוּ. חסר כאן

284.

וְכַד חוֹטְמָא אֲרִיכָא, רַב בְּפוּתְיָיא לְגַבֵּי רֵישָׁא. דָּא אִיהוּ בְּאָת ה', וּלְזִמְנִין אָת י' אִתְחַבַּר בַּהֲדֵיהּ. דָּא אִיהוּ בַּר נַשׁ דְּאַצְלַח. חסר כאן

285.

אַנְפּוֹי קְמִיטִין, בְּתוֹלְדוֹת דַּאֲבַעְבּוּעִין. עֵינוֹי סוּמְקִין. דָּא אִיהוּ בֵּין אִינוּן תּוֹלָדִין דִּסְגִירוּ. דְּעֵינוֹי לְזִמְנִין זָלְגִין דִּמְעִין. חסר כאן

286.

קְמִיטִין דְּמִצְחֵיהּ ד' וּב' עֲבָרִין רְשִׁימִין, כְּאָרִיחַ עַל גַּבֵּי לְבֵנָה. שַׂעֲרֵיהּ רַב. הַאי אַצְלַח, וּדְחִיל חַטָאָה, שֶׁבַח גַּרְמֵיהּ בְּכֹלָּא, יַתִּיר מִמַּה דְּאִית בֵּיהּ. וּבְזִמְנָא דְּאִתְנַעֲנַע, עֵינוֹי זָלְגִין דִּמְעִין. וּכְאֵבָא בְּחוּטְמֵיהּ, עַד דְאוֹשִׁיד לֵיחָה יָרוֹקָה. וְדָא קַשְׁיָא מֵאִינוּן זִינֵי דִסְגִּירוּ. מַאן דְּאִשְׁתַּתַּף בַּהֲדֵיהּ אַצְלַח. מְהֵימְנָא אִיהוּ בְּכֹלָּא. חסר כאן

287.

עַל כִּתְפֵיהּ שְׂמָאלָא, אִית תְּלַת רְשִׁימִין. ב' סוּמְקִין, וְחַד אוּכָם. בְּרַם אוּכָם אִית לֵיהּ תּוֹעַלְתָּא. הַאי מָשִׁיךְ לְאִתְקְרָבָא בִּבְנֵי נָשָׁא, וְאָחִיד בְּהוּ, דְּלָא יַחְשְׁבוּן לֵיהּ כִּסְגִירָא. חסר כאן

288.

מוּמָא אִתְיְילֵיד בֵּיהּ בְּלֵילָא, בְּחַד יוֹמָא דְסִתְוָוא, בְּיוֹמֵי דְּעוּלֵימוֹי, דְּאָכַל נוּנָא וְשָׁתָה מַיָא, וּנְפַק לְבַר. וּבְהַהוּא שַׁעֲתָא הֲוָה שַׁלִּיט כּוֹכָב שַׁבְּתָאי בְּעָלְמָא, וְחַד עֲנָפָא דִילֵיהּ הֲוָה מָשִׁיךְ לְאִתְפַּשְּׁטָא לְתַתָּא, וּנְפַק אִיהוּ בְּגִילוּיָיא דְּרֵישָׁא, וּמְחָה בֵיהּ עַל יְדָא דְּקורקפנ''י וְשׁמרירו''ן תְּרֵין רוּחִין דְּשָׁלְטִין בְּהַהוּא עֲנָפָא. וְכָךְ אִתְמְחֵי הַאי בַּר נָשׁ, רָשְׁמוּ בֵיהּ תְּרֵין רְשִׁימִין סוּמְקִין. וְהַהוּא עֲנָפָא רְשִׁים בֵּיהּ הַהוּא רְשִׁימוּ אוּכְמָא. דְּהָא מִילּוֹי דְּשַׁבְּתָאי בְּאוּכָם אִשְׁתַּמַּשׁ. חסר כאן

289.

וְרָזָא דָּא שַׁלִּיט בְּעַמָּא דְּשַׁבְּתָאי וְלָא בְּעַמָּא קַדִּישָׁא. בְּגִין דְּעַמָּא קַדִּישָׁא לֵית לוֹן חוּלָקָא וְאַחְסַנְתָּא בְּכוֹכָבַיְיא וּמַזָּלֵי, אֶלָּא בְּקוּדְשָׁא בְּרִיךְ הוּא בִּלְחוֹדוֹי. וְאִצְטְרִיךְ לוֹן לְאַחֲזָאָה חֶדְוָה, וּמֵיכְלָא וּמִשְׁתְּיָיא, וּלְבוּשִׁין חִיוָּרִין, אוֹ דִּגְוָונִין שַׁפִּירִין, וּלְתַקְנָא בֵּיתָא וּפְתוֹרָא בְּיוֹמָא דָא. חסר כאן

290.

דְּלָאו הָכֵי אִינוּן דַּאֲחִידָן בְּכוֹכָבַיָיא דְּשַׁבְּתָאי, דְּאִצְטְרִיךְ לוֹן לְאִתְעַנָּאָה, וּלְאַחֲזָאָה עֲצִיבוּ וּדְאָגָה, וּלְמִלְבַּשׁ שְׁחוֹרִין, וּלְכַסָּאָה שְׁחוֹרִין, וְלָא לְמֵיכַל בִּשְׂרָא וְחַמְרָא וּמִשְׁחָא. וְלָא לְאִתְעַנְּגָא בְּעִינּוּגִין דְּעָלְמָא. אֶלָּא לְמֵיתַב בְּדִיּוּרָא עֲצִיב, וּלְאִתְפְּרָשָׁא מִן בְּנֵי נָשָׁא. וּכְדֵין אִלֵּין רוּחִין קרקפונ''י וְשמרירו''ן אִתְמַשְׁכִין עֲלֵיהּ, וְאוֹדְעִין לֵיהּ מִלִּין דְּעָלְמָא בְּאַמְשָׁכוּתָא דְּשַׁבְּתָאי. חסר כאן

291.

חָזֵינָא בְּסִפְרָא דִּשְׁלֹמֹה מַלְכָּא, דְּאִית בַּר נָשׁ דְּאִתְיְילִידוּ כַּד שָׁלְטָא עֲנָפָא דָא, וְאִינוּן עֲצִיבִין תָּדִיר דְּלָא חָדָאן לְעָלְמִין. בַּר אִי לָעָאן בְּאוֹרַיְיתָא, וְקָא אִתְאַחֲדָאן בְּקוּדְשָׁא בְּרִיךְ הוּא. חסר כאן

292.

וְעִם כָּל דָּא, אִי אִית בֵּיהּ בְּהַהוּא בַּר נָשׁ יְסוֹדִין וְשָׁרָשִׁין מִזְּכוּ דַּאֲבָהָן, עֲנָפָא דָא דְּנָפֵיק מִשַּׁבְּתָאי, לְזִמְנִין נָצַח לֵיהּ, וְאָחִיד לֵיהּ, וְאִינוּן תְּרֵין רוּחִין מִתְפַּשְּׁטִין, וְאָזְלִין לְנוּקְבָא דְּטִינָרָא, דְּתַמָּן מִתְכַּנְּשִׁין כָּל רוּחִין עַרְטְלָאִין, דְּלָא עָאלָן לְגוֹ פַּרְגּוֹדָא דְּמַלְכָּא. חסר כאן

293.

וְאִינוּן עַרְטְלָאִין בְּהַאי עָלְמָא, וְכַד נָפְקֵי מֵהַאי עָלְמָא, מְשָׁטְטֵי לְאָעֳלָא בְּהַהוּא עָלְמָא, וְנָעֲלִין תַּרְעָא בְּאַנְפַּיְיהוּ, בְּכָל סִטְרִין דְּעָלְמָא. וְלָא אַשְׁכְּחוּ נַיְיחָא, עַד דְּאִינוּן נָפְקִין וּמְשָׁטְטֵי בְּעָלְמָא, וְאִלֵּין אִיקְרוּן בִּשְׁמָהָן שכנות. חסר כאן

294.

וּבְיוֹמָא דְשַׁבַּתָּא, כַּד אִתְקַדַּשׁ יוֹמָא, וְאִינוּן לְאָן עָאלִין. לְגוֹ נוּקְבָא דְּחַד טִינָרָא, דְּאִיהוּ לְבַר מֵחוֹמוֹת גִּנְתָּא, בְּטוּרִין דִּלְבַר, וּמִשְׁתַּכְּחֵי תַּמָּן כָּל יוֹמָא דְשַׁבַּתָּא. וּלְבָתַר נָפְקִין וּמְשָׁטְטִין בְּעָלְמָא, וּמוֹדִיעִין בְּחֵיזוּ דְלֵילְיָא, מִלִּין לִבְנֵי נָשָׁא. חסר כאן

295.

וְכָה נָצַח עֲנָפָא דָא לְהַהוּא בַּר נָשׁ. אִינוּן תְּרֵין רוּחִין אָזְלִין לְהַהוּא נוּקְבָא, וּמִתְעַכְּבִין תַּמָּן עַד דְּנָפֵיק שַׁבַּתָּא. כֵּיוָן דְּנָפֵיק שַׁבַּתָּא, נָפְקִין אִינוּן נִשְׁמָתִין וְאִינוּן רוּחִין בַּהֲדַיְיהוּ, וּמִתְחַבְּרָן כַּחֲדָא. חסר כאן

296.

וְאַתְיָין אִינוּן תְּרֵין רוּחִין, וְחַד נִשְׁמָתָא דְּגִזְעָא דְּהַהוּא בַּר נָשׁ, ע' דַּרְגִּין לַאֲחוֹרָא, וְשָׁארָן עַל הַהוּא בַּר נָשׁ, רוּחָא בָּתַר רוּחָא, וְאוֹדְעֵי לֵיהּ מִלִּין בְּעָלְמָא, מִנַּיְיהוּ קְשׁוֹט וּמִנַּיְיהוּ לָאו קְשׁוֹט. מִנַּיְיהוּ קְשׁוֹט, מִסִּטְרָא דְּנִשְׁמְתָא עַרְטִילָאָה. דְּהָא אַשְׁכְּחָא תַּמָּן נַיְיחָא. וּמִנַיְיהוּ לָאו קְשׁוֹט, מִסִּטְרָא דְּאִינוּן רוּחִין. וּלְזִמְנִין, אִינוּן רוּחִין אוֹדְעִין לֵיהּ מִילֵי קְשׁוֹט, לִזְמַן קָרִיב. חסר כאן

297.

וְהָא אִיהִי נִשְׁמָתָא דְּלָא אַשְׁכְּחַת פֵּירוּקָא, מֵע' דַּרְגִּין לַאֲחוֹרָא. כְּדֵין, כּוֹכָב שַׁבְּתָאי מָשִׁיךְ לְהַאי עָלְמָא, אִינוּן רוּחִין. וּבְגִינָהּ לָא דָּחִיל הַהוּא בַּר נָשׁ, כַּד שָׁרָאן עֲלוֹהִי, וְלָא אִזְדַּעְזַע. זַכָּאָה חוּלָקֵיהּ דְּמַאן דְּאִית לֵיהּ זְכוּ דַּאֲבָהָן, לְסַיְיעָא בְּכָל אִינוּן עוֹבָדִין. חסר כאן

298.

חוֹטְמָא עָקִים, וְהַהוּא עֲקִימוּ סָטָא לִסְטַר יָמִינָא. דָּא אִיהוּ בַּר נָשׁ דִּרְשִׁים בְּאָת ה' וּלְזִמְנִין בְּאָת ר'. וְלָא מִתְחַבְּרִין כַּחֲדָא. דָּא אִיהוּ בַּר נָשׁ מְמַלֵּל רְכִיכִין. חסר כאן

299.

בְּמִצְחֵיהּ שִׁרְטוּטָא חָדָא רַבְרְבָא, וְד' זְעִירִין, וְאִינוּן דְּקִיקִין וְלָא כָּל כַּךְ, וְאִינוּן מִתְהַפְּכָן לְסוּמְקָא. שַׂעֲרוֹי תַּלְיָין שְׁעִיעִין זְעֵיר, שַׁלְשְׁלָאָה רַבְרְבָא הֲוָה לֵיהּ, וְתַלְיָיא מִנֵּיהּ. סִיּוּעָא אִית לֵיהּ, מְהֵימְנָא אִיהוּ. אַצְלַח בְּעוֹבָדוֹי. דָּא אִית לֵיהּ פְּגִימוּ דְּמוּמָא, דְּאִיהוּ סְרִיס חַמָּה, אוֹ תַּלְיָיא בְּכִיסָא דְּבֵעוֹי חַד מִמֵּעוֹי, וְלָא אַפֵּיק זַרְעָא כִּדְקָא יָאוֹת. בִּידָא דִשְׂמָאלָא אִית לֵיהּ אֶצְבַּע זְעֵירָא, קָמִיט וְלָא אִתְפַּשַּׁט . חסר כאן

300.

אֲמַר אָדָם קַדְמָאָה, לֹא נִכְחַד עָצְמִי מִמֶּךָּ אֲשֶׁר עֻשֵּׂיתִי בַּסֵּתֶר רֻקַּמְתִּי (תהלים קלט) בְּתַחְתִּיּוֹת אָרֶץ. מִכָּאן דְּמִזִּוּוּגָא דִּדְכַר וְנוּקְבָא, אַתְיָא נִשְׁמָתָא קַדִּישָׁא. מִזִּיווּגָא דְּמַלְכָּא בְּמַטְרוֹנִיתָא. מַאי טַעְמָא. תַּחְתִּיּוֹת אָרֶץ. תְּרֵין תְּחוּמִין אִית לְהַהִיא דְּאִיתְקְרֵי אֶרֶץ חֵפֶץ. אַתְרָא דְּאִתְצַיְירָא נִשְׁמָתָא דִּדְכוּרָא לְיָמִינָא. וְאַתְרָא דְנִשְׁמָתָא דְּנוּקְבָא לִשְׂמָאלָא. חסר כאן

301.

וְעַל דָּא בָּעֵי אִתְעֲרוּתָא מִסִּטְרָא דְנוּקְבָא. הֲדָא הוּא דִכְתִיב, (ישעיה מא) הַעִירוֹתִי מִצָּפוֹן וַיַּאת. וּכְדֵין מִמִּזְרַח שֶׁמֶשׁ קוֹרֵא בִשְׁמִי. זִוּוגָא דְשִׁמְשָׁא בְּסִיהֲרָא, יַעֲקֹב בְּרָחֵל וְיָבֹא סְגָנִים כְּמוֹ חֹמֶר. אִלֵּין חַיָּילִין דְּעָלְמָא, דְּנָפְקוּ מֵאָדָ''ם קַדְמָאָה. חסר כאן

302.

בָּתַר הָכֵי, (תהלים קלט) גָּלְמִי רָאוּ עֵינֶיךָ, כְּשֶׁהָיִיתִי מוּטָל גּוֹלֶם בְּלֹא צוּרָה, מִמִּזְרָח לַמַּעֲרָב. רָאוּ עֵינֶיךָ, הַדּוֹרוֹת הָעֲתִידוֹת לָצֵאת מִמֶּנִּי. כִּי אַתָּה הוּא הַקּוֹרֵא הַדּוֹרוֹת מֵרֹאשׁ. חסר כאן

303.

וְעַל סִפְרְךָ כּוּלָּם יִכָּתֵבוּ. זֶה סֵפֶר תּוֹלְדוֹת אָדָם לִדְיוֹקְנִין. דִּבְהַאי סִפְרָן שֶׁל צַדִּיקִים, הֲווֹ אִתְחַקְּקָן כָּל דְּיוֹקְנִין בְּעָלְמָא. בְּצֵירוּפָא דְאַתְוָון, זר''ה פס''ץ. חסר כאן

304.

וְתַמָּן כֻּלָּם יִכָּתֵבוּ, בְּצִיּוּרִין דִּקְמָטִין, בְּמִשְׁכָא דְאָדָם, כְּגַוְּונָא דִּרְקִיעַ הַשָּׁמַיִם, דְּתַמָּן כּוֹכָבִים, (ישעיה מ) הַמּוֹצִיא בְמִסְפָּר צְבָאָם לְכֻלָּם בְּשֵׁם יִקְרָא. לְזַרְעָא דְּיִשְׂרָאֵל עַבְדִּי, יַעֲקֹב אֲשֶׁר בְּחַרְתִּיךָ. דְּאִינוּן אִיקְּרוּן אָדָם, דִּכְתִיב (יחזקאל לד) וְאַתֵּן צֹאנִי צֹאן מַרְעִיתִי אָדָם אַתֶּם. וּבְגִינֵהוֹן אִתְבְּרֵי עָלְמָא. הֲדָא הוּא דִכְתִיב, (ירמיה ב) קֹדֶשׁ יִשְׂרָאֵל לַה' רֵאשִׁית תְּבוּאָתֹה. דְּאִינוּן עָאלוּ בַּמַּחֲשָׁבָה, עַד לָא אִתְבְּרֵי עָלְמָא. וְכָלְהוֹ וְעַל סִפְרְךָ כֻּלָּם יִכָּתֵבוּ. חסר כאן

305.

יָמִים יוּצָרוּ, לְכָלְהוֹ יוֹמִין עִילָּאִין, כְּמִנְיַן מִשְׁכ''וּ וּקְחוּ לָכֶם. מִשְׁכוּ יוֹמִין עִילָּאִין, לְאַנְהָרָא לְיוֹמִין תַּתָּאִין. שס''ה וּרְבִיעַ יוֹם. וּמִקְצַת יוֹמָא כְּכוּלֵי יוֹמָא, לְחוּשְׁבַּן מִשְׁכוּ. וּמַאן דְּמָשִׁיךְ מִתַּמָּן מָשִׁיךְ נְהִירוּ לְסִיהֲרָא לְקַדְּשָׁא לָהּ. חסר כאן

306.

וְלֹא אֶחָד בָּהֶם, דָּא דָוִד מְשִׁיחָא. דְּלָא הֲווֹ לֵיהּ יוֹמִין לְאִתְנַהֲרָא, וְאִיהוּ מָשִׁיךְ לֵיהּ שִׁבְעִין שְׁנִין. כְּדָּבָר אַחֵר, (תהלים לט) הִנֵּה טְפָחוֹת נָתַתָּ יָמַי. מַאי טְפָחוֹת, ט' פָּחוֹת. טַב הָכָא דְּפָחֵית לוֹן מִיּוֹמוֹי דְּאָדָם, לְמֵיהַב לְדָוִד, דְּהֲוָה טוֹב רוֹאִי. טוֹב דִּילֵיהּ, מֵאָדָם קַדְמָאָה, דְּעָבַד עִמֵּיהּ צְדָקָה, בְּגִין דִּיהֵא מוּכָן דָּוִד, לַעֲשׂוֹת צְדָקָה לְיִשְׂרָאֵל. כְּגַוְונָא דְּקַבֵּיל דָּוִד דְּהֲוָה עָנִי וְאֶבְיוֹן, הָכֵי יָהֵיב לְמִסְכְּנֵי. וְכֹלָּא בְּמִשְׁפָּט, כְּמָה דְאַתְּ אָמֵר (שמואל ב ח) וַיְהִי דָוִד עוֹשֶׂה מִשְׁפָּט וּצְדָקָה לְכָל עַמּוֹ. חסר כאן

307.

וְאִתְעָרוּ, שׁוּפְרֵיהּ דְּיַעֲקֹב אָבִינוּ, מֵעֵין שׁוּפְרֵיהּ דְּאָדָם קַדְמָאָה. בְּגִין דְּיַעֲקֹב יוֹשֵׁב אוֹהָלִים, וְאוֹלִיף תַּמָּן, בְּבֵית שֵׁם וְעֵבֶר וְאַבְרָהָם וְיִצְחָק, לְמִפְלַח לְקוּדְשָׁא בְּרִיךְ הוּא. בְּגִין דְּאִיהוּ בְּכוֹר, דִּכְתִיב (שמות ד) בְּנִי בְּכוֹרִי יִשְׂרָאֵל, וַעֲבוֹדָה בִּבְכוֹרוֹת הֲוָה. חסר כאן

308.

וַדַּאי, סִפְרָא דְּאָדָם קַדְמָאָה, הֲוָה לֵיהּ לְיַעֲקֹב. וְסִפְרָא דַּחֲנוֹךְ. וְסֵפֶר יְצִירָה דְּאַבְרָהָם אָבִינוּ. וְהָא אִיתְרְעוּ, מַסֶּכֶת עֲבוֹדָה זָרָה דְּאַבְרָהָם אָבִינוּ, ד' מְאָה פִּרְקֵי הַוְיָין. וּמִכָּל אִינוּן סִפְרִין, אוֹלִיף יַעֲקֹב אָבִינוּ אִישׁ תַּם יוֹשֵׁב אֹהָלִים, חָכְמָתָא סַגִּיאָה, וַהֲוָה שׁוּפְרֵיהּ וְשִׁרְטוּטִין דְּיַעֲקֹב, כְּגַוְונָא דְּשִׁרְטוּטִין דְּאָדָם קַדְמָאָה. חסר כאן

309.

וְהוּא כְּגַוְונָא דְּאָדָם קַדְמָאָה, דְּאִיהוּ קֳדָם לִיצִירָה, יְצִיר כַּפָּיו שֶׁל הַקָּדוֹשׁ בָּרוּךְ הוּא. אוּף יַעֲקֹב רִאשׁוֹן. רִאשׁוֹן לִשְׁלִימוּ, קֹדֶשׁ יִשְׂרָאֵל לַה' רֵאשִׁית תְּבוּאָתֹה, דְּהֲוָה עַרְסֵיהּ שְׁלִים. חסר כאן

310.

מַה דְּלֵית הָכֵי בְּאַבְרָהָם, דְּנָפֵיק מִנֵּיהּ יִשְׁמָעֵאל וּבְנֵי קְטוּרָה, דְּאִינוּן סִיגֵי הַכֶּסֶף. וְאָדָם, דְּנָפַק מִנֵּיהּ קַיִן. וְנֹחַ, דְּנָפַק מִנֵּיהּ חָם. וְיִצְחָק, דְּנָפַק מִנֵּיהּ עֵשָׂו, סִיגֵי דַהֲבָא. אֲבָל יַעֲקֹב עַרְסֵיהּ שְׁלֵימָא אִיהוּ. וְעַל דָּא בֵּיהּ בָּחַר ה' מִכָּל הָעַמִּים. דִּכְתִיב, (תהלים קלה) כִּי יַעֲקֹב בָּחַר לוֹ יָהּ יִשְׂרָאֵל לִסְגֻלָּתוֹ, וּכְתִיב (דברים לב) כִּי חֵלֶק ה' עַמּוֹ יַעֲקֹב חֶבֶל נַחֲלָתוֹ. עַד כָּאן סִתְרֵי תּוֹרָה. חסר כאן

311.

(שמות כ) וַיְדַבֵּר אֱלֹהִים אֶת כָּל הַדְּבָרִים הָאֵלֶּה לֵאמֹר. רַבִּי שִׁמְעוֹן וְר' אֶלְעָזָר, וְר' אַבָּא, הֲווֹ יָתְבֵי. אָמַר רִבִּי אֶלְעָזָר, אִי נִיחָא לֵיהּ לְאַבָּא, לֵימָא חַד מִלָּה בְּמַעֲשֵׂה מֶרְכָּבָה. אָמַר לֵיהּ, וְהָא תְּנַן, וְלֹא בַּמֶּרְכָּבָה בְּיָחִיד. אָמַר לֵיהּ, דַּעְתֵּיהּ דְּאַבָּא דְּאֵימָא מִלָּה דְּאוֹלִיפְנָא מִנֵּיהּ. נָפַק ר' אַבָּא. אָמַר לֵיהּ רַבִּי שִׁמְעוֹן לְר' אַבָּא, אַנְתְּ בִּלְחוֹדָךְ תְּתַקֵּן פְּתוֹרָא, וְאֶלְעָזָר בַּהֲדָי. חסר כאן

312.

פָּתַח רַבִּי אֶלְעָזָר וְאָמַר, (יחזקאל א) וַיְהִי בִּשְׁלשִׁים שָׁנָה בָּרְבִיעִי בַּחֲמִשָּׁה לַחֹדֶשׁ וַאֲנִי בְּתוֹךְ הַגּוֹלָה עַל נְהַר כְּבָר נִפְתְּחוּ הַשָּׁמַיִם וָאֶרְאֶה מַרְאוֹת אֱלֹהִים. הַאי קְרָא לָא אִתְּמָר מַאן אֲמָרָהּ, אִי יְחֶזְקֵאל, הָא כְתִיב אֲבַתְרֵיהּ, (שם) הָיֹה הָיָה דְבַר ה' אֶל יְחֶזְקֵאל בֶּן בּוּזִי הַכֹּהֵן. וְהַאי קְרָא אִצְטְרִיךְ לְמִיכְתַּב בְּקַדְמִיתָא, דְּהָא בִּרְשׁוּתָא קָאֲמַר, וּלְבָתַר וַיְהִי בִּשְׁלשִׁים. חסר כאן

313.

אֶלָּא יְחֶזְקֵאל קָאֲמַר לֵיהּ, וּבִרְשׁוּתָא דְּקוּדְשָׁא בְּרִיךְ הוּא, קָאֲמַר כָּל מַה דְּקָאֲמַר, וְגַלֵּי כָּל מַה דְּגַלֵּי. וְהַאי קְרָא אוֹקְמוּהָ חַבְרַיָיא. אֲבָל נְבוּאָה דָא הֲוַות, בְּזִמְנָא דְּנָחֲתַת שְׁכִינְתָּא עִמְּהוֹן דְּיִשְׂרָאֵל בְּגָלוּתָא, וִיקָרָא עִילָּאָה מְנַצְצָא, סְתִימָא אִסְתַּכְּלוּתָא דְּהַהוּא דְּאִיקְּרֵי זֹהַר שְׁכִינְתָּא, דְּמֵהַהוּא זוֹהֲרָא אִתְּזָנַת, לָא אִזְדַּהֲרָא. וּשְׁכִינְתָּא עִילָּאָה אִסְתַּלְקַת מֵעַל בְּנִין, וְאִתְיְיהַב רְשׁוּ לְשִׁבְעִין שְׁנִין אָחֳרָנִין דְּמַלְכוּת בָּבֶל לְשַׁלְּטָאָה. חסר כאן

314.

אַהְהָכֵי, נָחֲתַת אֶשָּׁא מִלְּעֵילָא, וְסָחֲרָא לוֹן, וַהֲווּ שָׁמְעִין קָל מַשִּׁרְיָין עִילָּאִין, מִגּוֹ אֶשָּׁא. חָדֵי רַבִּי שִׁמְעוֹן, אֲמַר לֵיהּ פְּתַח פּוּמָךְ וִינַהֲרוּן מִלִּין. חסר כאן

315.

פְּתַח וַאֲמַר, בָּרְבִיעִי: דָּא דָּוִד מַלְכָּא דְּאִיהוּ סָמְכָא רְבִיעָאָה לְכוּרְסְיָיא עִילָּאָה, בַּהֲדֵי אִינוּן תְּלַת סַמְכִין עִילָּאִין, דְּאִינוּן רָזָא דִּשְׁלשִׁים שָׁנָה, וְהַאי סָמְכָא רְבִיעָאָה, אִיהוּ בְּחִיבּוּרָא חָדָא עִמְּהוֹן. וּבְגִין דְּאִיהוּ עִמְּהוֹן בְּלָא פֵּירוּדָא, אִתְּמָר בָּרְבִיעִי. בַּחֲמִשָּׁה לַחֹדֶשׁ, אִלֵּין דַּרְגִּין לְתַתָּא, דְאִינוּן תִּיקּוּנָא דְּסִיהֲרָא, לְאִתְחַבְּרָא בְּהוּ. חסר כאן

316.

וְלֵית לְכָלְהוֹ דַּרְגִּין בְּאִסְתַּלְּקוּת שְׁכִינְתָּא עִילָּאָה מֵעַל בְּנִין, נַיְיחָא וּנְהוֹרָא. וּכְדֵין לָבְשׁוּ שָׁמַיִם קַדְרוּת וְשַׂק הוּשַׂם כְּסוּתָם. וּכְדֵין כְּתִיב, וַאֲנִי בְּתוֹךְ הַגּוֹלָה, דְּהָא נָחֲתַת שְׁכִינְתָּא בְּגָלוּתָא, וְאִתְגַּלְּיָיא יְקָרָא עִילָּאָה, וְשִׁמְשָׁא אִתְחֲשַׁךְ. חסר כאן

317.

וּכְמָּה דִּבְזִמְנָא דָא, הַאי קְרָא דַּרְשִׁינָן לֵיהּ בְּצַעַר, הָכֵי בְּזִמְנָא אוֹחֲרָא, כָּל זִימְנָא דְּקַיְימָא הַהוּא נְהוֹרָא לְאַנְהָרָא, וְכָרְסְוָון אִשְׁתַּלִּימוּ בִּנְהוֹרָא, דָּא בְדָא. כּוּרְסְיָיא עִילָּאָה קַדִּישָׁא, אַנְהֵיר נְהִירוּ בַּאֲבָהָן בְּקַדְמִיתָא, וְכַד אִינוּן נָהֲרִין מִגּוֹ הַהוּא נְהוֹרָא עִילָּאָה, כֹּלָּא נָהֵיר. הֲדָא הוּא דִכְתִיב, וַיְהִי בִּשְׁלשִׁים וְגו' וַיְהִי מִקַּדְמַת דְּנָא. חסר כאן

318.

וְהָכֵי תַּנְיָא, וַיְהִי אוֹר, וְהָיָה אוֹר לֹא נֶאֱמַר, אֶלָּא וַיְהִי אוֹר, שֶׁכְּבָר הֲוָה. אוּף הָכָא וַיְהִי בִּשְׁלשִׁים שָׁנָה, וְהָיָה לֹא נֶאֱמַר, אֶלָּא וַיְהִי, דְּהָא כְּבָר הֲוָה. וְרָזָא דָא דִּכְתִיב, עַל נְהַר כְּבָר, עַל נְהוֹרָא דִּכְבָר הֲוָה. בָּרְבִיעִי: דָּא דָוִד מַלְכָּא, כְּמָא דְּאִתְּמָר. וְאִיהוּ קָיְימָא בְּאַרְבַּע סְרֵי, לְאַנְהָרָא. אִיהוּ רְבִיעָאָה וַדַּאי. בַּחֲמִשָּׁה: דָּא שְׁלֹמֹה מַלְכָּא, דְּאִיהוּ אַשְׁלֵים לְכוּרְסְיָיא, דִּכְתִיב (דברי הימים א כט) וַיֵּשֶׁב שְׁלֹמֹה עַל כִּסֵּא ה' לְמֶלֶךְ. חסר כאן

319.

עֲה כָּאן אִתְנְהֵיר נְהִירוּ בְּכֹלָּא, מִכָּאן וְאֵילָךְ, שָׁארֵי נְהִירוּ לְאִתְכַּסְיָיא, דִּכְתִיב וַאֲנִי בְּתוֹךְ הַגּוֹלָה. רָזָא וַאֲנִי, קְרִיבַת לְאִתְחַשְּׁכָא. דִּכְתִיב בְּתוֹךְ הַגּוֹלָה, וְלָא כְתִיב בַּגּוֹלָה, אֶלָּא דְּהֲוָה קָרֵיב לַגּוֹלָה, וְאִתְחַשְּׁכָא וְאָזֵיל עַד דְּאִתְחַשַּׁךְ, וְאִתְכַּסֵּי נְהוֹרָא. חסר כאן

320.

אַמַּאי אִתְכַּסֵּי נְהוֹרָא, אַהֲדַר וַאֲמַר עַל נְהַר כְּבָר. עַל נְהוֹרָא דִּכְבָר הֲוָה, דְּאִסְתְּלַק הַשְׁתָּא וְאִתְפְּרַשׁ מִינָּהּ, וּבְגִין דְּאִתְפְּרַשׁ מִינָּהּ הַהוּא נְהוֹרָא דִּכְבָר הֲוָה, דְּאִיהוּ נְהוֹרָא קַדְמָאָה, נִפְתְּחוּ הַשָּׁמַיִם, בְּגִין כָּךְ נִפְתְּחוּ וַדַּאי. חסר כאן

321.

דְּהָא בְּקַדְמִיתָא אִשְׁתְּכַח חִיבּוּרָא חָדָא בִּכְלָלָא חַד, דְּאִתְכְּלִילָא יָמִינָא בִּשְׂמָאלָא, וּשְׂמָאלָא בְּיָמִינָא, וְאִתְעֲבֵיד מִנֵּיהּ שָׁמַיִם דְּכָלֵיל תַּרְוַויְיהוּ. כֵּיוָן דְּיָמִינָא אִתְהַדַּר לַאֲחוֹרָא, כְּמָא דִכְתִיב, (איכה ב) הֵשִׁיב אָחוֹר יְמִינוֹ, כְּדֵין וַדַּאי נִפְתְּחוּ הַשָּׁמַיִם, נִפְתְּחוּ מֵהַהוּא שְׁלִימוּ דְּחִבּוּרָא דְּהֲוָה בְּקַדְמִיתָא, וְאִתְכַּסֵּי קַדְרוּתָא בְּהַהוּא אֲתַר, דִּכְתִיב (ישעיה נ) אַלְבִּישׁ שָׁמַיִם קַדְרוּת, דַּחֲסַר מִנַּיְיהוּ נְהַר כְּבָר, הַהוּא נְהוֹרָא אוֹר קַדְמָאָה, דִּכְבָר הֲוָה. כִּבְיָכוֹל אִשְׁתְּכַח פֵּירוּדָא. חסר כאן

322.

וְרָזָא (שם סג) כִּי אַבְרָהָם לֹא יְדָעָנוּ, וְכֵיוָן דְּאַבְרָהָם לֹא יְדָעָנוּ וְלָא נָהֵיר לָן, וּכְדֵין וְיִשְׂרָאֵל לֹא יַכִּירֶנוּ, דְּהָא נִפְתְּחוּ הַשָּׁמַיִם, וְחִבּוּרָא לָא אִשְׁתְּכַח, וּנְהוֹרָא אִתְאֲבַד. חסר כאן

323.

וָאֶרְאֶה מַרְאוֹת אֱלֹהִים, מַה דַּהֲווֹ מִתְכַּסְיָין בְּקַדְמִיתָא בְּגוֹ נְהִירוּ עִילָּאָה, וְלָא אִתְגַּלְיָין, הַשְׁתָּא חָמֵינָא לוֹן בְּקַדְרוּ, צָוְוחִין לְבַר. כְּמָה דְאַתְּ אָמֵר, (שם לג) הֵן אֶרְאֶלָם וְגו', חָמֵינָא לוֹן דְּיִצְעֲקוּ חוּצָה, וְנָחֲתוּ לְגָלוּתָא דְּאִיהוּ חוּצָה, לְבַר מֵאַרְעָא קַדִּישָׁא, לְבַר מִתְּחוּמָא דִּילְּהוֹן. חסר כאן

324.

וְצָוְוחִין תְּרֵין בְּכִיָּין, חַד, עַל דְּנָחֲתֵי בְגָלוּתָא, לְבַר מִתְּחוּמָא דִּילְּהוֹן. וְחַד, עַל דְּנִפְתְּחוּ הַשָּׁמַיִם, וְשָׁלוֹם לָא אִשְׁתְּכַח, וְאִינוּן תְּרֵין בְּכִיָּין, הֲדָא הוּא דִכְתִיב צָעֲקוּ חוּצָה, הָא בְּכִיָּיה חַד. מַלְאֲכֵי שָׁלוֹם, אִינוּן דַּהֲווֹ מִסִּטְרָא דְּשָׁלוֹם, יִבְכּוּ עַל הַהוּא שָׁלוֹם, בְּגִין דְּחַסְרֵי נְהַר כְּבָר. חסר כאן

325.

בַּחֲמִשָּׁה לַחֹדֶשׁ הִיא הַשָּׁנָה הַחֲמִישִׁית לְגָלוּת הַמֶּלֶךְ יְהוֹיָכִין, (יחזקאל א) בַּחֲמִשָּׁה לַחֹדֶשׁ, הָא אוֹקְמוּהָ. אֲבָל יוֹמָא דָּא, יוֹמֵי דְּשָׁבוּעוֹת, הַהוּא יוֹמָא דְּקַבִּילוּ יִשְׂרָאֵל אוֹרַיְיתָא עַל טוּרָא דְסִינַי, וְשָׁמְעוּ אָנֹכִי. וּכְדֵין אִתְקַיֵּים, (ישעיה מט) וְאָנֹכִי לֹא אֶשְׁכָּחֵךְ. וְאִדְכַּר לוֹן הַהוּא יוֹמָא, וְנָחֲתַת שְׁכִינְתָּא לְגָלוּתָא לְדָיְירָא עִמְּהוֹן דְּיִשְׂרָאֵל. חסר כאן

326.

בְּהַהוּא יוֹמָא דְּאִיהוּ חֲמִשָּׁ''ה לַחֹדֶשׁ, יוֹמָא דְּחַמְשִׁין תַּרְעִין, הֲוָה כַּד קַּבִּילוּ יִשְׂרָאֵל אוֹרַיְיתָא עַל טוּרָא דְסִינַי, וְנָחֲתֵי כַּמָּה רְתִיכִין, כַּמָּה מַשִּׁרְיָין דְּסָחֲרִין כּוֹרְסֵי יְקָרָא עִילָּאָה, וְקוּדְשָׁא בְּרִיךְ הוּא יָתִיב עַל כּוֹרְסְיָיא, גּוֹ יְקָרָא עִילָּאָה דְמַלְכָּא שַׁלִּיטָא בְּהִידּוּרָא. וְרָפֵיד שְׁמַיָא וּשְׁמֵי שְׁמַיָא עַל טוּרָא דְסִינַי, וִיהֵיב אוֹרַיְיתָא. חסר כאן

327.

וּכְדֵין אִשְׁתְּכַח חֶדְוָה קַמֵּיהּ, יוֹתֵר מִיּוֹמָא דְּאִתְבְּרוּן שְׁמַיָא וְאַרְעָא. דְּהָא שָׁמַיִם וָאָרֶץ עַל תְּנַאי אִתְבְּרִיאוּ, וְלָא אִתְקַיְימוּ בְּקִיּוּמַיְיהוּ, עַד הַהוּא יוֹמָא דְּאִתְיְהֵיב אוֹרַיְיתָא לְיִשְׂרָאֵל. כֵּיוָן דְּקַבִּילוּ יִשְׂרָאֵל אוֹרַיְיתָא עַל טוּרָא דְסִינַי, כְּדֵין אִתְבַּסָּם עָלְמָא, וְאִתְקַיְימוּ שְׁמַיָא וְאַרְעָא. חסר כאן

328.

וּכְמָא דְהַהוּא יוֹמָא הֲוָה חֶדְוָה קַמֵּי קוּדְשָׁא בְּרִיךְ הוּא, הָכִי נָמֵי הָכָא יוֹמָא דְּעִרְבּוּבְיָא וַעֲצִיבוּ הֲוָה, לְאִתְתָּרְכָא שְׁכִינְתָּא מִתְּחוּמָא קַדִּישָׁא, וְהוֹאִיל וְאִתְגַּלְּיָיא נְבוּאָה דָא, לָא אִתְגַלְּיָיא אֶלָּא בְּיוֹמָא דָא, יוֹמָא דְּאִדְכַּר קוּדְשָׁא בְּרִיךְ הוּא לְיִשְׂרָאֵל הַהִיא קִיּוּמָא דְּטוּרָא דְסִינַי, וְקַבִּילוּ אוֹרַיְיתָא. חסר כאן

329.

(יחזקאל א) הָיֹה הָיָה דְּבַר ה' אֶל יְחֶזְקֵאל בֶּן בּוּזִי הַכֹּהֵן בְּאֶרֶץ כַּשְׂדִים עַל נְהַר כְּבָר וַתְּהִי עָלָיו שָׁם יַד ה'. מִכָּאן, דְּבִרְשׁוּתָא גַּלֵּי יְחֶזְקֵאל, וְאִתְיְהֵיב לֵיהּ רְשׁוּ עִילָּאָה, לְגַלָּאָה כָּל מַה דְּגַלֵּי. חסר כאן

330.

הָיֹה הָיָה: קִיּוּם עַל קִיּוּם, הֲוָה בְּקִיּוּמָא דְּהַהוּא מִלָּה, וְהַהוּא נְבוּאָה. שְׁמָא דְּקוּדְשָׁא בְּרִיךְ הוּא דְּאִתְמְסַר לְמשֶׁה, הֲוֵי שְׁמָא קַדִּישָׁא עִילָּאָה, וּשְׁמָא דָא אִיהוּ לְאַגָּנָא עַל גָּלוּתָא, וְאִלְמָלֵי הֲוָה שְׁלָם בְּרָזָא דִּשְׁלִימוּ, לָא יִתְעַכְּבוּן כְּלַל בְּגָלוּתָא. אֲבָל אִסְתְּלַק מִשְׁמָא דָא א', וְאִשְׁתָּאַר הָיֹה. וּבְגִין דְּאִסְתְּלַק א'. אִתְכְּפַל הָיָה תְּרֵי זִמְנֵי, לְאַגָּנָא עֲלַיְיהוּ, וְאִיהוּ רָזָא חָדָא. דְּהָא בִּשְׁמָא דָא נָחֲתָא שְׁכִינְתָּא לְגָלוּתָא, אֲבָל בְּאִסְתַּלָּקוּת אוֹר אָת א'. חסר כאן

331.

וְאִתְגְּלֵי נְבוּאָה דָא לִיחֶזְקֵאל בְּאֶרֶץ כַּשְׂדִים, בְּחֶסְרוֹן אוֹת אָלֶ''ף מֵרָזָא דִשְׁמָא קַדִּישָׁא. לְאַחֲזָאָה, דְּלָא הֲוָה אֶלָּא עַל נְהַר כְּבָר, עַל נָהָר דִּכְבָר הֲוָה, דְּאִסְתְּלַק מִשְׁמָא דָא. חסר כאן

332.

וּבְגִין כָּךְ, וַתְּהִי עָלָיו שָׁם יַד ה'. בְּקַדְמִיתָא דְּבַר ה', וּלְבָתַר יַד ה', וְכֹלָּא חַד, וְרָזָא חַד. אֶלָּא בְּקַדְמִיתָא לָאו בְּדִינָא, דְּהָא לָאו אַתְרֵיהּ אִיהוּ לְאִתְגַּלָּאָה עֲלוֹי שְׁכִינְתָּא. וְהַאי קְרָא, רוּחַ קוּדְשָׁא אֲמָרָהּ. דְּאַסְהֵיד עֲלֵיהּ דִּיחֶזְקֵאל, דְּאִתְיְיהֵיב לֵיהּ רְשׁוּ, וּבְרוּחַ נְבוּאָה אֲמַר כָּל מַה דַּאֲמַר. עֲד כָּאן אִשְׁתָּעֵי קְרָא רָזָא דְּעוֹבָדָא, מִכָּאן וּלְהָלְאָה שֵׁירוּתָא דְּרָזִין עִילָּאִין. חסר כאן

333.

(שם) וָאֵרֶא וְהִנֵּה רוּחַ סְעָרָה בָּאָה מִן הַצָּפוֹן וְגו'. מִכָּאן שֵׁירוּתָא לְגַלָּאָה רָזִין, וְלָא אִצְטְרִיכוּ לְגַלָּאָה, בַּר לְחַכִּימֵי לִיבָּא, דְּיָדְעִין לְמִדְרַשׁ בְּהוּ. וָאֵרֶא, וְלָא כְתִיב וְאֶרְאֶה. אֶלָּא ה' עִילָּאָה אִסְתַּלַּק, וְלָא חָמָא, בַּמֶּה דְּלָא אִתְיְהֵיב לֵיהּ רְשׁוּ, וְלָא לְאֳחָרָא לְגַלָּאָה. חסר כאן

334.

וְהוּא אִסְתַּכֵּל לְתַתָּא, בְּאִינוּן מַרְאוֹת דְּאִתְגַּלְיָין יַתִּיר, וְתַמָּן כְּתִיב וָאֶרְאֶה. אֲבָל הָכָא, אַף עַל גַּב דְּקָא רָמִיז מִלִּין עִילָּאִין, כְּמַאן דְּאִסְתַּכֵּל בָּתַר כּוֹתְלָא הֲוָה, בְּגִין כָּךְ אִסְתַּלַּק ה' מִתֵּיבָה דָא. חסר כאן

335.

וְהִנֵּה רוּחַ סְעָרָה בָּאָה מִן הַצָּפוֹן, הַאי אִיהוּ רָזָא דְּקָאֲמָרָן, דְּאָתָא לְמִיתְבַּר קַמֵּי נְבוּכַדְנֶצַּר חַיָּיבָא, רֵישׁ מַלְכְּוָון. רוּחַ סְעָרָה, דְּקָא מַסְעַר כּוֹלָּא. חסר כאן

336.

וְהַיְינוּ רָזָא דְקָא גַּלֵּי קוּדְשָׁא בְּרִיךְ הוּא לְאֵלִיָּהוּ, דִּכְתִיב, (מלכים א יט) וְרוּחַ גְּדוֹלָה וְחָזָק מְפָרֵק הָרִים וּמְשַׁבֵּר סְלָעִים כו', לֹא בָּרוּחַ ה' וַדַּאי. וְאַחַר הָרוּחַ רַעַשׁ לֹא בָּרַעַשׁ ה'. וְהַיְינוּ עָנָן גָּדוֹל. דְּהַהוּא עֲנָנָא קָא מַרְעִישׁ וְאָזֵיל, דְּאִיהוּ גָדוֹל. וְאַחַר הָרַעַשׁ אֵשׁ לֹא בָאֵשׁ ה' וַדַּאי. וְהַיְינוּ אֵשׁ מִתְלַקַּחַת. חסר כאן

337.

וְכָל אִינוּן קְלִיפִּין לְמוֹחָא דְּסָחֲרָן, דָּא לְגוֹ מִן דָּא, וְדָא לְגוֹ מִן דָּא. וְהַהוּא אֵשׁ, אִיהוּ דְּקָא אָחֵיד בְּגַוֵּיהּ הַהוּא נֹגַהּ, דִּכְתִיב וְנֹגַהּ לוֹ סָבִיב. הַאי אִיהוּ לְגוֹ מִן כּוֹלָּא, וְדָא אִיהוּ דְקָא מִתְאַחֵד בְּמוֹחָא. חסר כאן

338.

הָכָא אִיהוּ רָזָא דְאַרְבַּע מַלְכְּוָון, דְּסָחֲרָן כּוֹלָּא. רוּחַ סְעָרָה, דָּא מַלְכוּת בָּבֶל. עָנָן גָּדוֹל, דָּא אִיהוּ מַלְכוּת מָדַי. וְאֵשׁ מִתְלַקַּחַת, דָּא אִיהוּ מַלְכוּת אֱדוֹם. וְנֹגַהּ לוֹ סָבִיב, דָּא אִיהוּ מַלְכוּת יָוָן, דְּסָחֲרָא לוֹן נֹגַהּ, וְלָא בְּהוּ נֹגַהּ, דִּכְתִיב בְּהוּ סָבִיב. בְּגִין דְּלֵית בְּכָל מַלְכְּוָון, דְּאִינוּן קְרֵבִין לְאוֹרַח מְהֵימְנוּתָא, כַּוָּותַיְיהוּ. אוּף הָכָא בְּאִינוּן קְלִיפִּין, לָאו מַאן דְּקָרֵיב לְמוֹחָא, כְּהַאי. וְהַאי סַחֲרָא לֵיהּ נוֹגַהּ, וְלָאו בֵּיהּ נֹגַהּ, אֶלָא נַפְקָא מִגּוֹ מוֹחָא, וְנָהֵיר סְחוֹר סְחוֹר. חסר כאן

339.

וְאִלֵּין ד' מַלְכְּוָון מִתְחַלְּפִין, כַּד שָׁלְטָא הַאי עַל אִינוּן אָחֳרָנִין, אִתְדַּחְיָין כָּל אִלֵין, וְעָאל הַהוּא דְּשָׁלְטָא לְקַבְּלָא מֵהַאי נוֹגַהּ, וּבֵיהּ שָׁלְטָא לְמֶהֱוֵי קָרֵיב. חסר כאן

340.

(יחזקאל א) וּמִתּוֹכָהּ כְּעֵין הַחַשְׁמַל, הָא אוֹקְמוּהָ, דְּאִינוּן חֵיוָן אֶשָׁא מְמַלְּלָן, וְאִינוּן זוֹהֲרָא דְּזָהֵיר, סָלְקָא וְנָחֲתָא, אֶשָׁא דְּלָהִיט, קָאִים וְלָא קָאִים, דְּלֵית מַאן דְּיָכוֹל לְמֵיקַם בֵּיהּ בְּדוּכְתָּא חָדָא. וְעַיְינִין וְחֶזְווֹהִי לָא יָכְלִין לְשַׁלְּטָאָה עֲלֵיהּ. הָא אִיהוּ, וְהָא לָא אִיהוּ. הָא בְּדוּכְתָּא חָדָא, וְהָא בְּדוּכְתָּא אָחֳרָא. הָא סָלֵיק, וְהָא נָחֵית. וּבְחֵיזוּ דָא, אִתְטַמַּר מַה דְּאִתְטַמַּר, וְאִתְגְּנֵיז מַה דְּאִתְגְּנִיז. חסר כאן

341.

וְהָא אִיהוּ רָזָא, דְּאִקְרֵי חַשְׁמַל. דִּנְבִיאָה לְמִגּוֹ מִן דָּא אִצְטְרִיךְ לְמֵיחֱזֵי וּלְמִנְדַע, וּלְאִסְתַּכָּלָא בְּצָחוּתָא דְלִיבָּא, וְעֵינָא אִיהוּ סְגִיר יַתִּיר מִכּוֹלָּא, וּלְוַאי דְּיָכֵיל לְקָיְימָא בֵּיהּ. חסר כאן

342.

וְכָל מַה דְּאִסְתַּכֵּל לְמֶחֱמֵי וּלְמִנְדַע, כָּל דָּא בְּאַסְפַּקְלַרְיָא דְּלָא נָהֲרָא. אֲבָל בְּאַסְפַּקְלַרְיָא דְּנָהֲרָא, לָא זָכָה נְבִיאָה לְאִסְתַּכָּלָא בַּר משֶׁה נְבִיאָה מְהֵימְנָא, דְּכָל מַפְתְּחָן דְּבֵיתָא בִּידֵיהּ. שְׁאָר נְבִיאִים, כַּד הֲווֹ מָטָאן לְהַאי חַשְׁמַל לְאִסְתַּכָּלָא לְגָיו רַעֲיוֹנִין אִתְבְּהִילוּ, וְלִבָּא לָא שָׁכֵיךְ, וְנָפְקוּ בֵּיהּ מִכָּל רַעֲיוֹנֵי גּוּפָא, כְּדֵין חָמוֹ לְגוֹ מַה דְּחָמוֹ בִּלְחִישׁוּ. חסר כאן

343.

הַאי חַשְׁמַל, גַּוָּון אֶשָׁא מְלַהֲטָא מְנַצְּצָא, סָלְקָא וְנָחֲתָא, נָצֵיץ וְלָהֵיט. מֵהַאי סִטְרָא, נָפְקָא נְצִיצוּ חַד, חֵיזוּ מְנַצְצָא מְלַהֲטָא, הֲוֵי וְלָא הֲוֵי, קָאִים וְלָא קָאִים. וְחַד כְּגַוְונָא דָּא מֵהַאי סִטְרָא, וְדָא מֵהַאי סִטְרָא, וְכֵן לד' סִטְרִין. חסר כאן

344.

מְמַלֵּל דָּא אֶל דָּא, וְדָא מְמַלֵּל אֶל דָּא, וְכֵן כָּלְהוֹ, עַד דְּאִינוּן חַד. כְּדֵין נָצְצָן נִיצִיצִין בִּנְצִיצוּ חַד. סָלְקָא וְנַחֲתָא, אָזְלָא וְקָיְימָא. אִתְחֲזֵי וְלָא אִתְחֲזֵי. הָא אִיהוּ, וְהָא לָאו אִיהוּ. לֵית מַאן דְּקָיְימָא בֵּיהּ. אִתְהַדְּרָן נְצִיצוּ בְּחֵיזוּ דְּחֵיוָן כְּמִלְּקַדְּמִין. מְמַלְּלָא. רַעֲיוֹנִין מִתְבַּהֲלִין בֵּיהּ, וְלִבָּא לָא שָׁכֵיךְ וְדָא אִיהוּ רָזָא דְּחַשְׁמַל. חסר כאן

345.

לְגוֹ מִן דָּא אִיהוּ רָזָא בִּלְחִישׁוּ, רָזָא דְּקָיְימִין לְגוֹ בְּמוֹחָא. וְדָא אִיהוּ דִּכְתִיב, (שם) וּמִתּוֹכָהּ דְּמוּת ד' חַיּוֹת וְזֶה מַרְאֵיהֶן, וּמִתּוֹכָהּ וְגו', הַאי אִיהוּ רָזָא פְּנִימָאָה, בְּמוֹחָא קָיְימָא, גּוֹ רָזִין עִילָּאִין, בִּדְיוֹקְנָא עִילָּאָה, מִגּוֹ כָּל אִינוּן קְלִיפִּין דְּסָחֲרִין לְמוֹחָא כִּדְקָאֲמָרָן. חסר כאן

346.

וּמִתּוֹכָהּ, מִתּוֹכָהּ דְּמַאן. מִתּוֹךְ הַהוּא דְּאִקְרֵי חַשְׁמַל. וְאִי תֵימָא, הָא כְתִיב חַשְׁמַל, וְהָא כְתִיב חַשְׁמְלָה, דְּמַשְׁמַע דְּחַשְׁמַל אִיהוּ דְּכַר, וְחַשְׁמְלָה אִיהִי נוּקְבָא, וְהָכָא כְּתִיב חַשְׁמַל, אַמַּאי כְּתִיב וּמִתּוֹכָהּ. חסר כאן

347.

אֶלָּא כָּלְהוֹ לְתַתָּא, נוּקְבֵי אִינוּן. וְכָל מַאן דְשַׁלִּיט דָא עַל דָּא, הַאי דְּאִיהוּ לְתַתָּא, אִיקְּרֵי נוּקְבָא, וְכָל אִינוּן דִּלְעֵילָא דּוּכְרִין אִינוּן, וְדָא לְגוֹ מִן דָּא. חסר כאן

348.

דְּמוּת ד' חַיּוֹת, דְּמוּת דְּמַאן. דְּמוּת דְּאִינוּן חֵיוָן עִילָּאִין, דְּהָא מֵאִלֵּין אִתְחַזּוּן אִינוּן גְּנִיזִין דְּלָא אִתְחַזּוּן. הָכָא אִיקְּרֵי דְּמוּת, וְאִיקְּרֵי צֶלֶם, דִּכְתִיב (בראשית א) בְּצַלְמֵנוּ כִּדְמוּתֵנוּ וּכְתִיב (שם ט) בְּצֶלֶם אֱלֹהִים עָשָׂה אֶת הָאָדָם, וּכְתִיב (שם ה) בִּדְמוּת אֱלֹהִים עָשָׂה אֹתוֹ. חסר כאן

349.

בְּגִין דְּהָכָא רָזָא עִילָּאָה אִיהוּ, דְּכַד הַהוּא נָהָר דְּנָפֵיק מֵעֵדֶן, פָּרְחִין מִנֵּיהּ כָּל אִינוּן נִשְׁמָתִין, דְּאִינוּן אִיבָּא דְּקוּדְשָׁא בְּרִיךְ הוּא, וְנָטְלָא לוֹן מַאן דְּנָטְלָא, בְּשַׁעֲתָא דְּנָפְקָא מִקַּמֵּי קוּדְשָׁא בְּרִיךְ הוּא. כָּלְהוֹ כָּל חַד עָאל בִּדְיוֹקְנָא לְאִצְטַיְירָא, בְּהַהוּא אֲתַר דְּאִיקְּרֵי דְּמוּת, וְאִינוּן ד' חֵיוָון. חסר כאן

350.

וְתַמָּן מִצְטַיְירָא כָּל חַד וְחַד, בְּהַהוּא דְּיוּקְנָא דְּאִתְחֲזֵי לֵיהּ. וּמִתַּמָּן נָפְקֵי כָּל אִינוּן דִּיוּקְנִין, מִצְטַיְירִין בִּדְיוּקְנַיְיהוּ כָּל חַד בִּדְיוּקְנֵיהּ, כְּמַאן דְּאָעֵיל בִּדְפוּס לְאִצְטַיְירָא. דְּמוּת דָּא, אַפֵּיק דְּמוּת. וְצֶלֶם, אַפֵּיק צֶלֶם. חַיּוֹת דְּנָפְקֵי מֵחֵילָא דְחַיָּה דְּאִיהוּ דְּכַר. חסר כאן

351.

וּבְגִין דְּאִינוּן נוּקְבֵי, אִיקְּרוּן חַיּוֹת ד', דְּאִינוּן בְּד' סִטְרִין דְּעָלְמָא, וּבְהוֹן כְּלִילָן כָּל אִינוּן חֵילִין וּמַשִּׁרְיָין. דְּמוּת בְּרָזָא דִלְעֵילָא בְּרָזָא דִלְתַתָּא, נָטְלֵי דִּיוּקְנִין לְעֵילָא, נָטְלֵי דִּיוּקְנִין לְתַתָּא, וְאִינוּן דְּיוּקְנָא מַמָּשׁ דְּכָל סִטְרִין. וַאֲפִיקוּ דִּיוּקְנִין דְּכָל סִטְרִין דִּלְעֵילָא וְתַתָּא. חסר כאן

352.

כֵיוָן דַּאֲמַר דְּמוּת, אַמַּאי לְבָתַר כְּתִיב וְזֶה מַרְאֵיהֶן. אֶלָּא דְּאָחֵית קַמֵּיהּ, וְאַחְזְיֵיהּ מִלָּה דְּלָא יְדִיעַ. כְּמָה דְאַתְּ אָמֵר, (במדבר ח) וְזֶה מַעֲשֵׂה הַמְנוֹרָה. (בראשית ו) וְזֶה אֲשֶׁר תַּעֲשֶׂה וְגו', אוּף הָכָא וְזֶה מַרְאֵיהֶן. חסר כאן

353.

וְאִי תֵימָא כָּל אִינוּן נְבִיאִים בַּר משֶׁה נְבִיאָה מְהֵימְנָא, כָּלְהוֹ מִתְעַרְבְּבֵי דַּעְתַּיְיהוּ כַּד מָטֵי לְגוֹ חַשְׁמַל, וְהוּא יָכֵיל לְמֵיקַם עַל דָּא. אֶלָּא בְּגִין רוּחַ נְבוּאָה הֲוָה קָאֲמַר מִלִּין, וּבְגִין רְחִימוּ דְיִשְׂרָאֵל אִיתְגְּלֵי כָּל חֶזְוָון דִּלְבַר. כָּלְהוֹ מִתְעַרְבְּבֵי, וְכָלְהוֹ בְּעִרְבּוּבְיָא. חסר כאן

354.

וְחֵיזוּ פְּנִימָאָה אִיהוּ חֵיזוּ בִּלְחִישׁוּ, כְּמָא דַּאֲמַר (מלכים א יט) וְאַחַר הָאֵשׁ קוֹל דְּמָמָה דַקָּה. וְדָא אִיהוּ רָזָא, דִּדְיוּקְנָא דְּכָלֵיל כָּל דִּיוּקְנִין בְּחֵיזוּ דִלְעֵילָא, קוֹל עִילָּאָה, בִּלְחִישׁוּ דִּלְעֵילָא, דְּמִנֵּיהּ נָפְקֵי כָּל דִּיוּקְנִין. קוֹל לְתַתָּא, כְּהַהוּא קוֹל עִילָּאָה דְּנָקֵיט בְּגַוֵּיהּ כָּל דְּיוֹקְנִין. וּבְגִין דְּדָא אִיהוּ בִּלְחִישׁוּ, כַּד נְבִיאָה מָטֵי לְגַבֵּיהּ, נָהֵיר בֵּיהּ עַיְינִין, וְנָהֲרִין רַעֲיוֹנִין. חסר כאן

355.

וְזֶה מַרְאֵיהֶן, דְּהָא לֵית לוֹן חֵיזוּ, אֶלָּא מִגּוֹ רָזָא דְּאַסְפַּקְלַרְיָא דְּנָהֲרָא לְעֵילָא, דְּאִיהוּ חֵיזוּ דִּילְהוֹן, וְחֶזְוָוא דְּכֹלָּא, וְכֹלָּא נָהֲרִין בְּהַהוּא נְהוֹרָא. חסר כאן

356.

חַשְׁמַל, אִינוּן אַרְבַּע נְצִיצִין, דְּלָהֲטִין וְנָצְצֵי וְעָאלִין דָּא בְּדָא, אִתְעֲבֵיד מִנַּיְיהוּ חַד גּוּפָא, וְאִיקְּרֵי חַשְׁמַל. אוּף הָכָא אִלֵּין ד' חַיּוֹת, כְּלִילָן דָּא בְּדָא. חסר כאן

357.

בְּגִין דְּאִינוּן לְד' סִטְרִין. הַהוּא דְּלִסְטַר מִזְרָח, אִתְכְּלֵיל בִּסְטַר מַעֲרָב. וְהַהוּא דְּלִסְטַר מַעֲרָב, אִתְכְּלֵיל בִּסְטַר מִזְרָח. וְהַהוּא דְּלִסְטַר צָפוֹן, אִתְכְּלֵיל בִּסְטַר דָּרוֹם, וְהַהוּא דְּלִסְטַר דָּרוֹם, אִתְכְּלֵיל בִּסְטַר צָפוֹן. וְכֵיוָן דְּאִתְכְּלִילוּ כּוּלְהוּ דָּא בְדָא, אִתְעֲבֵיד מִנַּיְיהוּ חַד גּוּפָא, וְאִיהוּ רָזָא דְאִקְרֵי אָדָם. וְאַף עַל גַּב דְּכָל אַנְפִּין מִשְׁתַּנִּין בְּסִטְרַיְיהוּ. חסר כאן

358.

וּמִגּוֹ אִלֵּין דְּאִינוּן רָזָא פְּנִימָאָה, לְגַבֵּי נְקוּדָה דְּקָיְימָא עֲלַיְיהוּ, נָפְקֵי כַּמָּה מַשִּׁרְיָין לְזִינַיְיהוּ. חסר כאן

359.

אָדָם דְּכַר וְנוּקְבָא. אָת דְּאִיהוּ רָזָא, דְּכַר אִיהוּ אָת ן'. רָזָא דְאָדָם בִּשְׁלִימוּ. וְאָת דָּא שָׁלְטָא בִּנְקוּדָה דָא דְּאִיהוּ ד', עַל ד' חֵיוָן. חסר כאן

360.

וּבְרָזָא דָא דְּאִיהוּ רָזָא פְּנִימָאָה דְּכֹלָּא, כָּל אִינוּן מַשִּׁרְיָין אָחֳרָנִין וְכָל אִינוּן חֵילִין אִקְרוּן בִּשְׁמָא דָא, דִּכְתִיב, (תהלים סח) אַלְפֵי שִׁנְאָן. וְאַף עַל גַּב דְּאוֹקְמוּהָ, אֲבָל רָזָא דָא, בְּגִין דְּנָפְקֵי מִגּוֹ רָזָא דְמוֹחָא פְּנִימָאָה, בִּכְלָלָא דְּכֹלָּא, שִׁנְאָ''ן, רָזָא דְּמוֹחָא, שׁוֹר נֶשֶׁר אַרְיֵה, אָדָם כָּלֵיל לוֹן, אַכְלֵיל עַלַיְיהוּ ן'. אִתְחַבֵּר מוֹחָא כֹּלָּא כַּחֲדָא, בְּרָזָא פְּנִימָאָה, וְאִינוּן רָזָא שִׁנְאָ''ן, וְעַל דָּא אִקְרוּן אַלְפֵי שִׁנְאָן. חסר כאן

361.

וְכַד לְפוּם שַׁעֲתָא מִסְתַּכְּלִין, כְּתִיב, וּדְמוּת פְּנֵיהֶם פְּנֵי אָדָם. וּלְבָתַר מִתְפַּרְשׁוֹ דִּיוּקְנִין, כָּל חַד וְחַד לְסִטְרֵיהּ. וְכַד אִתְחַפְיָין כָּלְהוֹ, דְּלָא מִסְתַּכְּלִין לְעֵילָא, לְגוֹ רָזָא דַּעֲלַיְיהוּ, לָא אִתְחֲזֵי דְּיוּקְנָא כְּלָל, בַּר דְּיוּקְנָא דְּאָדָם, דְּדָא אִיהוּ דְּיוּקְנָא דְּכָלֵיל כָּל דִּיוּקְנִין. וְכָלְהוֹ סְתִימִין קַמֵּי הַאי דְּיוּקְנָא. בְּגִין כָּךְ, כָּל דִּיוּקְנִין דְּעָלְמָא כַּד מִסְתַּכְּלָן לִדְיוּקְנָא דְּאָדָם, כָּלְהוּ דַּחֲלֵי וְזָעאִין מִקַּמֵּי הַאי דְיוּקְנָא. חסר כאן

362.

דְּיוּקְנָא עִילָּאָה דִּנְפַק מִגוֹ רָזָא עִילָּאָה, בְּגוֹ אַתְוָון רְשִׁימָן, אִיהִי רָזָא דְּאָדָם, וְכֹלָא כָּלֵיל בֵּיהּ. אָדָם כְּלָלָא דְכֹלָּא, בְּרָזָא דְּמִקְצֵה הַשָּׁמַיִם עַד קְצֵה הַשָּׁמַיִם, וְאִיהוּ אֶמְצָעִיתָא, וְתַתָּא, וְעֵילָא, כֹּלָּא בִּכְלָלָא חָדָא. ם סְתִימָא, לְעֵילָא, דְּכָלֵיל כֹּלָּא לְתַתָּא. ד' לְתַתָּא, דְּכָלֵיל כַּמָּה רְתִיכִין וּמַשִּׁרְיָין כַּחֲדָא. א רָזָא דְּכֹלָּא, בְּאֶמְצָעִיתָא, דְּנָטֵיל לְכָל סִטְרִין, בְּגִין כָּךְ, אָדָם, רָזָא דְּכֹלָּא, מִסִּטְרָא חָד לְסִטְרָא חָד. בַּר רָזָא עִילָּאָה, דְּקָיְימָא בְּמַחֲשָׁבָה וּרְעוּ, עַד דְּסָלְקָא לְאֵין סוֹף. חסר כאן

363.

(יחזקאל א) וְרַגְלֵיהֶם רֶגֶל יְשָׁרָה וְגו' דָּא אִיהוּ רָזָא, לְבָתַר דְּקָאֲמַר רָזִין דְּגוּפָא, אַהֲדַר וְנָחֵית לְתַתָּא בְּרַגְלִין, וּטְלָפִין. חסר כאן

364.

אִלֵּין מָטוֹ עַד נִיצוֹצֵי דְּחַשְׁמַל, הַאי אִיהוּ חַשְׁמַל דִּלְבַר. בְּגִין דִּמְהַאי חַשְׁמַל, נָפְקִין אָחֳרָנִין דְּאִיקְּרוּן עַל שְׁמָא דָא, וְכָלְהוֹ נָפְקֵי, בְּשַׁעֲתָא דְּחַיּוֹת מְכַוְּונֵי רַגְלַיְיהוּ. וּמָטוֹ לְאִינוּן נִיצוֹצִין דְּחַשְׁמַל, כְּדֵין מְלַהֲטִים אִינוּן נִיצוֹצִין, סָלְקֵי וְנַחֲתֵי וְנָפְקֵי כָּל אִינוּן דְּאִקְּרוּן עַל שְׁמָא דָא. חסר כאן

365.

חַשְׁמַל דָּא, מַקִּיף סְחוֹר סְחוֹר. נִצּוֹצִין דִּילֵיהּ נָחֲתִין לְתַתָּא, עַד הַהוּא אֲתַר דְּאִקְרֵי קַרְקַע זְעֵירָא. וְתַמָּן בְּהַהוּא קַרְקַע, רָהֲטֵי כָּל זִינֵי אַבְנִין דִּבְדוֹלְחָא, וּמַרְגְּלָאן נְצִיצִין, וְאַבְנִין דְּבָרֶקֶת. חסר כאן

366.

וְכַד נָצֵיץ וְלָהֵיט נְהִירוּ דְּחַשְׁמַל, וְסָלֵיק וְנָחֵית, וּמִתְגַּפְּפָן אִינוּן ד' סִטְרִין דָּא עִם דָּא, נָהֵיר הַהוּא קַרְקַע זְעֵירָא, וְרָהֲטֵי אַבְנִין, וּמַרְגְּלָאן סָלְקִין, עַד דְּמָטָן לְגַבֵּי תַּרְעָא דְדָרוֹם. וְתַמָּן אוֹצְרִין סְתִימִין, וּפִיתְחָאן ד' מְאָה וְשִׁבְעִין, כְּחוּשְׁבַּן קַרְקַ''ע. וּגְלִיצוּ''ר מְמוּנֶה בְּהוּ. חסר כאן

367.

בְּזִמְנָא דְהַאי חַשְׁמַל אַנְהֵיר נִצוֹצִין לְד' סִטְרִין, קָל חַד נָפֵיק מִלְּעֵילָא, וְאִיתְעַר מִבֵּין גַּדְפִין, כַּד אַקִישׁוּ דָּא עִם דָּא אִינוּן גַּדְפִין דְּאַשְׁמִיעוּ קָלָא, כְּמָה דְאַתְּ אָמֵר (שם) וָאֶשְׁמַע אֶת קוֹל כַּנְפֵיהֶם כְּקוֹל מַיִם רַבִּים. וּכְדֵין הַאי קָלָא כְּלִילָא בְּד' קָלִין, כַּד נָפַק פָּגַע בְּאִינוּן נִצוֹצִין, וְאִתְפְּלֵיג לְד' קָלִין. חסר כאן

368.

קָל חַד אָזְלָא לִגְלִיצוּ''ר, וְאִיתְעַר בְּהַהוּא קָלָא נְהִירוּ דְּחַשְׁמַל, וְאִתְעֲבֵיד מִנֵּיהּ דִּבּוּר חַד. וּבְהַהוּא דִּבּוּר אִיתְעַר דִּיבּוּרָא אָחֳרָא סְתִימוּ, בִּלְחִישׁוּ. וְכַד מָטֵי הַאי לִגְלִיצוּ''ר, כְּדֵין אִתְגַּלְּיָין לֵיהּ, מָאתָן וְאַרְבַּע סְרֵי רָזִין עִילָּאִין דְּאִתְגַּלְיָאן. חסר כאן

369.

קָלָא תִּנְיָנָא, אָזְלָא לַעֲנָאֵ''ל, רַב מְמַנָּא עַל תְּמַנְסְרֵי אֶלֶף רִבּוֹא מַשִּׁרְיָין, מְשַׁמְשִׁין גּוֹ קַרְקַע אָחֳרָא, דְּאִיהוּ בִּנְהִירוּ דְּכָל גְּוָונִין, הַאי אִקְרֵי קַרְקַע דְּאַרְגְּוָונָא, נָהֵיר בְּכָל זִינֵי נְהוֹרִין דְּנָפְקֵי מֵהַאי חַשְׁמַל. וְתַמָּן בְּהַהוּא קַרְקַע, שְׁקִיעָן תְּרֵיסַר אֶלֶף רִבּוֹא מַרְגְּלָאן עִילָּאִין. חסר כאן

370.

וְכַד סָלְקִין נְצִיצִין דְּחַשְׁמַל, וְעָאלִין דָּא בְּדָא, סָלְקִין כָּל אִינוּן מַרְגְּלָאן דְּאִינוּן שְׁקִיעָן בְּהַהוּא קַרְקַע, וּמָטוֹ לְגַבֵּי תַּרְעָא דְמִזְרָח. וְתַמָּן שִׁית אֶלֶף אַלְפִין תַּרְעִין פְּתִיחָן, וַעֲנָאֵ''ל רַב מְמַנָּא בְּהוּ. חסר כאן

371.

קָלָא כַּד אִיתְעַר מִלְּעֵילָא, בָּטַשׁ נְהִירוּ דְּהַאי חַשְׁמַל בֵּיהּ, וְאִתְעֲבֵיד מִנֵּיהּ דִּבּוּר, וּבְהַהוּא דִּבּוּר אִתְעַר דִּבּוּר אָחֳרָא סְתִימָא. חסר כאן

372.

וְכַד מָטֵי הַאי לַעֲנָאֵ''ל מְמַנָּא, כְּדֵין אִתְגַּלְּיָין תְּלַת מְאָה וְשִׁתִּין וְחָמֵשׁ רָזִין עִילָּאִין, דְּאִינוּן שְׁקִיעִים בְּגוּשְׁפַּנְקָא חוֹתָם אֱמֶת. כְּדֵין בְּאֵימְתָא בְּחִיל בְּרֶתֶת בְּזִיעַ, סָלְקִין שִׁירִין וְתוּשְׁבְּחָן לְמָארֵי כֹּלָּא. וּנְהִירוּ דְּרָשִׁים בְּשֵׁם הַמְּפוֹרָשׁ, בְּמ''ב אַתְוָון מְחַקְּקָן, נַפְקָא מֵהַהוּא רַב סְגָנִין עַל כָּל שְׁאָר מַשִּׁרְיָין, וְסַנְדַּלְפוֹ''ן אִקְרֵי, וְהַהוּא נְהִירוּ חַפְיָיא עַל אִינוּן ב' קַרְקָעֵי, מִקַּרְקַע זְעֵירָא וְעַד קַרְקַע דְּאַרְגְּוָונָא. חסר כאן

373.

וְרָזָא דָא (מלכים א ז) וְסָפוּן בָּאֶרֶז מֵהַקַּרְקַע וְעַד הַקַּרְקַע, סַנְדַּלְפוֹן אִקְרֵי הָכֵי, בְּגִין דְּתַמָּן עָאלִין כָּל רָזֵי פָּנִים עִילָּאִין, וְאַנְעִילוּ בֵיהּ, כְּהַאי סַנְדְלָא, דְּאִיהוּ אָעֵיל בְּגַוֵּיהּ כָּל יְסוֹדָא וְשָׁרְשָׁא דְגוּפָא. חסר כאן

374.

דָּא רַב מְמַנָּא, מְשַׁמְשָׁא לְאִינוּן פָּנִים לְגוֹ. בְּהַאי חֲקִיקִין רָזִין דְּאַתְוָון רְשִׁימִין גְּלִיפִין, בָּלְטִין בְּהַהוּא נְהִירוּ דְּחַפְיָיאן עַל אִינוּן קַרְקָעֵי. כַּד הַאי קָשִׁיר כִּתְרִין לְמָארֵיהּ, אִינוּן אַתְוָון סָלְקִין בְּהַהוּא נְהִירוּ, וּמִתְעַטְרָן בְּאִינוּן כִּתְרִין וְהַדְּרָא הַהוּא נְהוֹרָא חַפְיָיא בְּאַתְרֵיהּ, וְאַתְוָון סָלְקִין בְּאִינוּן כִּתְרִין, בְּרָזָא דִשְׁמָא קַדִּישָׁא. חסר כאן

375.

(יחזקאל א) וְרַגְלֵיהֶם רֶגֶל יְשָׁרָה, מִתְחַבְּרָאן כַּחֲדָא, דְּאִינוּן כַּחֲדָא, לְמֵהַךְ בְּאוֹרַח מֵישָׁר, בְּרִגְּשַׁת חֲבוּרָתָא בְּמֵישַׁר כַּחֲדָא, וְרַגְלֵיהֶן בְּמֵישַׁר. וְעַל דָּא, לְחֵיזוּ נְבִיאָה בְּדַרְגִּין יְדִיעָאן. חסר כאן

376.

וְכָלְהוֹ דַּרְגִין אִיקְּרוּן רַגְלֵי הַחַיּוֹת אַרַע מִנַּיְיהוּ. וּלְהוֹ כְּחֵיזוּ רַגְלִין בְּגוּפָא, בְּסִדְּרָא דְּקָא מְסַדְּרָא, וְאִיהוּ כֹּלָּא בְּשִׁיעוּרָא. חסר כאן

377.

וְכַף רַגְלֵיהֶם כְּכַף רֶגֶל עֵגֶל, בְּחִיבּוּרָא דְּהַאי סִטְרָא. וְלֵית לוֹן אֶצְבְּעָן לְתַתָּא, בְּגִין דְּאֶצְבְּעָן לְתַתָּא אַחְזְיָין חֵילִין אָחֳרָנִין, בִּדְיוּקְנָא אוֹחֲרָא. וְעַל דָּא בַּר נָשׁ אַחֲזֵי בְּאֶצְבְּעָן חֵילִין אָחֳרָנִין לְעֵילָא בְּיָדִין, וְחֵילִין אָחֳרָנִין לְתַתָּא בְּרַגְלִין. וְאִלֵּין לָא רְשִׁימִין בְּגַוַּיְיהוּ חֵילִין אָחֳרָנִין דִּסְטַר אָחֳרָא, וְעַל דָּא אִקְרוּ רֶגֶל יְשָׁרָה, דְּסָתִים לְסִטְרָא דָא, וְאִינוּן כַּף אַחַת. חסר כאן

378.

וְאַף עַל גַּב דְּלָא מִתְפָּרְשִׁין בִּפְרִישׁוּ דְּאֶצְבְּעָן בְּחֵילִין אָחֳרָנִין דִּסְטַר אוֹחֲרָא, אִית בְּהוּ רְשִׁימוּ חַד, לְמֵיהַב דּוּכְתָּא לִסְטַר אָחֳרָא, וְאִתְחַזְּיָין לְתַתָּא כְּכַף רֶגֶל עֵגֶל, אֲבָל לָא כַּף לְאַסְטָאָה, אַף עַל גַּב דְּאִינוּן רֶגֶל עֵגֶל, יְשָׁרָה אִיהוּ, דְּלָא אַסְטֵי לְעָלְמִין. חסר כאן

379.

בְּהַהוּא רִגְּשָׁא, נְפַק נְצִיצוּ וְשַׁלְהוֹבָא לְסִטְרָא דָא לִשְׂמָאלָא, וְאִינוּן נְצִיצוּ וְשַׁלְּהוֹבָא מִתְחַבְּרָן כַּחֲדָא, וְנָצְצִין לְכָל עִיבַר, וְאִתְעֲבֵיד מִנַּיְיהוּ חֵיילִין וּמַשִּׁרְיָין, וְכָלְהוֹ אִיקְּרוּן רַגְלֵי הַחַיּוֹת, בְּגִין דְּנָפְקֵי מֵאִינוּן רַגְלִין. וְכָלְהוֹ אָזְלִין וְשָׁאטָן בִּשְׁלִיחוּתָא בְּעָלְמָא, לְאִתְלַבְּשָׁא בְּגוּפָא לְתַתָּא. וְאִתְחֲזוּן כְּאִינוּן אָחֳרָנִין דְּאִיתְחֲזוּן וְעָבְדֵי שְׁלִיחוּתָא בְּעָלְמָא, וּמְהַדְּרָן בְּרַמְשָׁא וּבְפַנְיָא, וּמַקְדְּשֵׁי שְׁמָא דְּמָארֵיהוֹן. חסר כאן

380.

(שם) וּדְמוּת פְּנֵיהֶם פְּנֵי אָדָם, דְּמוּת הַהוּא דְּיוּקְנָא לְעֵילָא, לְאִצְטַיְירָא בְּצִיּוּרָא גְנִיזָא. פָּנִים קְלִיטִין בְּקוֹלְפִין דַּקִּיקִין. דְּמוּת אַנְפִּין דִּלְגוֹ צִיּוּרָא דְּיוּקְנָא דְּאָדָם, נָצֵיץ נְצִיצוּ דְּהַהוּא נְצִיצָא מְלַהֲטָא דִּלְגוֹ דְּחַשְׁמַל פְּנִימָאָה, דְּטָמִיר וְגָנִיז, הֲוֵי וְלָא הֲוֵי. חסר כאן

381.

אוֹר נָצִיץ, אֶשָׁא לָהִיט, מְלַהֲטָא בְּשַׁלְהוֹבֵי דְּנוּרָא. רוּחָא מְנַצְצָא אָחִיד בְּגווָֹנֵי, קוּלְפָא בְּסוּטְרָא, גּוֹ כְּלִילָא חָדָא. אָחִיד לְעֵילָא, אָחִיד לְתַתָּא. גְּוָונוֹי אֲחִידוּ לְכַמָּה סִטְרִין. חסר כאן

382.

גַּוָּון אוֹר גָּנִיז, אָחִיד נָהִיר וְנָצִיץ בִּנְצִיצוּ, וְהַאי אוֹר אָחִיד וְתָפִיס וְאָעֵיל לְגַבֵּיהּ נְהִירוּ דְּאֶשָׁא מְלַהֲטָא, וְשַׁלְהוֹבֵי נוּרָא, אִלֵּין תְּרֵין לָא מִתְיַשְּׁבָן כַּחֲדָא. וּמִגּוֹ מַרְגְּלָא דְּלָא אִתְגַּלְיָיא כְּלַל, נָפְקָא רוּחָא דְּבוּסְמָא, כְּלִילָא בִּתְרֵיסַר בּוּסְמִין עִילָּאִין, וּמִגּוֹ הַהוּא סְלִיקוּ דְּאִינוּן תְּרֵין דְּלָא מִתְיַשְּׁבָן כַּחֲדָא, אָחִיד בְּהוּ הַהוּא רוּחָא, וּמִתְיַשְּׁבָן בְּדוּכְתַּיְיהוּ. חסר כאן

383.

וּכְדֵין, אִצְטַבַּע הַהוּא רוּחָא, מִגּוֹ הַהוּא נְהִירוּ דְּאוֹר גָּנִיז, וּנְהִירוּ דְּאֶשָׁא מְלַהֲטָא, וְאִתְיַשְּׁבָן וְקָיְימָא בֵּיהּ, כְּדֵין אִצְטַיְירוּ בֵּיהּ, צִיּוּרָא דִּפְנֵי אָדָם, דְּכָלֵיל כָּל דִּיוּקְנִין, וְהַאי אִיהוּ גַּוָּון דְּכָלֵיל כָּל גְּוָונִין. אַנְפִּין דְּכָלֵיל כָּל אַנְפִּין. חסר כאן

384.

וְכַד אִינוּן מִתְתַּקְנָן כִּדְקָא יָאוֹת, לְגוֹ כָּרְסְיָיא, כָּלְהוֹ בִּדְיוּקְנָא חָדָא דְּאָדָם. וְרָזָא דָא, כַּד מִסְתַּכְּלִין לִסְטַר מִזְרָח, כָּלְהוֹ אִינוּן בִּדְיוּקְנָא חָדָא דְּאָדָם, בְּגִין דְּמִתַּמָּן אִיהוּ תְּקִיפוּ דְּרָזָא דְאָדָם. חסר כאן

385.

וְכַד מִסְתַּכְּלִין לִסְטַר דָּרוֹם, כָּל אַנְפִּין אִינוּן בִּדְיוּקְנָא חָדָא, דְּיוּקְנָא דְּאַרְיֵה, דְּתַמָּן אִיהוּ חֵילָא וְתוּקְפָא דְּכֹלָּא. וְכַד מִסְתַּכְּלִין לִסְטַר צָפוֹן, כָּל אַנְפִּין אִינוּן בִּדְיוּקְנָא חָדָא, דְּיוּקְנָא דְשׁוֹר, דְּתַמָּן אִיהוּ נְגִיחוּ דְּדִינָא תַּקִּיפָא. חסר כאן

386.

וְכַד מִסְתַּכְּלִין לִסְטַר מַעֲרָב, כָּל אַנְפִּין אִינוּן בִּדְיוּקְנָא חָדָא, בִּדְיוּקְנָא דְנֶשֶׁר. כְּמָה דְאַתְּ אָמֵר, (משלי ל) דֶּרֶךְ הַנֶּשֶׁר בַּשָּׁמַיִם. בְּגִין דְּתַמָּן (דברים לב) נֶשֶׁר יָעִיר קִנּוֹ עַל גּוֹזָלָיו יְרַחֵף. וְאוֹרַח דְּנֶשֶׁר, לְאִתְדַּבְּקָא תָּדִיר בַּשָּׁמַיִם, דְּתַמָּן אִיהוּ תֵּיאוֹבְתֵּיהּ לְאִסְתַּלָּקָא וּלְאִתְדַּבְּקָא. וּבְגִין כָּךְ אִיהוּ לִסְטַר מַעֲרָב. חסר כאן

387.

וּבְגִין דְּכָל אַנְפִּין מִשְׁתַּנִּין, כְּפוּם הַהוּא אֲתַר דְּהַהוּא סִטְרָא דְּמִסְתַּכְּלָאן בֵּיהּ, כְּתִיב בְּכָלְהוֹ בְּכָל דְּיוּקְנָא וּדְיוּקְנָא, לְאַרְבַּעְתָּם. פְּנֵי אָדָם וּפְנֵי אַרְיֵה לְאַרְבַּעְתָּם פְּנֵי שׁוֹר לְאַרְבַּעְתָּן וּפְנֵי נְשֶׁר לְאַרְבַּעְתָּן. חסר כאן

388.

הַאי כַּד מִתְתַּקְנָן בְּכָרְסְיָיא, כְּמָא דְּכָרְסְיָיא פָּנִי לְמֵיזַל, הָכֵי אִינוּן אִתְחַזְּיָין דְּיוּקְנַיְיהוּ, כְּפוּם הַהוּא סִטְרָא דְּאָזַל, כְּדִכְתִיב (יחזקאל א) אֶל אֲשֶׁר יִהְיֶה שָּׁמָּה הָרוּחַ לָלֶכֶת יֵלְכוּ. חסר כאן

389.

וְכַד לָא אָזְלִין וְלָא מִתְתַּקְנִין גּוֹ כָּרְסְיָיא, כְּדֵין כָּל חַד וְחַד אִתְפְּרַשׁ בִּדְיוּקְנֵיהּ דְּאִתְחֲזֵי לֵיהּ. וְעִם כָּל דָּא, כָּל חַד וְחַד אִתְדַּבַּק בִּדְיוּקְּנָא דְחַבְרֵיהּ, וְכָלְהוֹ אִתְחַזְּיָין דְּיוּקְנַיְיהוּ מִתְדַּבְּקוּ דָּא בְּדָא, וְדָא כָּלֵיל בְּדָא, כָּל חַד כָּלֵיל בְּחַבְרֵיהּ, וְחַבְרֵיהּ בֵּיהּ. חסר כאן

390.

סִטְרָא חַד אוֹמֵר קָדוֹשׁ, וְסִטְרָא חַד אוֹמֵר קָדוֹשׁ, וְסִטְרָא חַד אוֹמֵר קָדוֹשׁ, וְסִטְרָא אוֹחֲרָא אוֹמֵר ה' צְבָאוֹת מְלֹא כָל הָאָרֶץ כְּבוֹדוֹ. חסר כאן

391.

וִיהֵי אָדָם מִתַּחַת כַּנְפֵיהֶם, הַאי לְקַבְּלָא מָארֵיהוֹן דִּתְיוּבְתָּא לְגַבַּיְיהוּ, דְּהָא יָמִינָא דְקוּדְשָׁא בְּרִיךְ הוּא, פְּרִישָׂא לְקַבְּלָא כָּל אִינוּן דְּתָיְיבִין לְגַבֵּיהּ. מִתַּחַת כַּנְפֵיהֶם, אַמַּאי, בְּגִין צְנִיעוּ, דְּהָא מָארֵיהוֹן דִּתְיוּבְתָּא צְנִיעוּ אִצְטְרִיךְ, דְּלָא לְמִנְדַע בְּהוּ אַחֲרָא, כְּמָא דְאַתְּ אָמֵר (תהלים לב) כְּסוּי חֲטָאָה. חסר כאן

392.

רָזָא דָא, דְּלָא סָלְקִין יְדַיְיהוּ לְעֵילָא, כְּמָא דִּבְנֵי נְשָׁא דְּיָדַיְיהוּ סָלְקִין לְעֵילָא עַל רֵישַׁיְיהוּ, וְהַנֵּי לָאו הָכֵי, דְּהָא מִתְּחוֹת גַּדְפַיְיהוּ לָא נָפְקֵי לְבַר, דְּהָא גַּדְפַיְיהוּ וְאַנְפַּיְיהוּ פְּרִידָן אִינוּן לְעֵילָא. כְּמָא דְאָמַר (יחזקאל א) וּפְנֵיהֶם וְכַנְפֵיהֶם פְּרֻדוֹת מִלְמָעְלָה. דְּאִתְפָּרְשָׁן כַּד לָא מִתְתַּקְנָן גּוֹ כּוּרְסַיָיא כִּדְקָא אֲמָרָן. וְאִלֵּין יָדַיִן לָא אִתְחַזְּיָין כְּלַל לְסָלְקָא לְעֵילָא, מִגּוֹ דְּאִתְגַּלְּיָין, וְעַל דָּא מִתַּחַת כַּנְפֵיהֶם כְּתִיב. חסר כאן

393.

וְכַד אִלֵּין נָטְלִין, גַּדְפַיְיהוּ מִתְחַבְּרָן כַּחֲדָא, לְמֶהֱוֵי בְּאֹרַח מֵישָׁר, לְנַטְלָא דָּא עִם דָּא כַּחֲדָא, בְּשַׁעֲתָא חָדָא, בְּזִמְנָא חָדָא, וְכָלְהוֹ כַּחֲדָא סָלְקִין לְכָרְסְיָיא לְעֵילָא. חסר כאן

394.

וְאִינוּן דְּלָא יָדְעֵי לְאָן אֲתַר אָזְלִין וְלָא חָמָאן וְלָא מִסְתַּכְּלִין, זָעָאן, וּמֵהַהוּא זֵיעָא דִּלְהוֹן כַּד אִינוּן נָטְלִין, וְסָלְקִין לְכוּרְסְיָיא קַדִּישָׁא, אִתְעֲבֵיד מֵהַהוּא זֵיעָא נְהַר דִּינוּר, נָגִיד וְנָפֵיק. חסר כאן

395.

וְהַהוּא זֵיעָא כִּנְטִילוּ דְּנָטְלֵי אִיהוּ. טִפִּין מְנַטְפִין מִד' גְּוָונֵי אֶשִׁין. אֶשָׁא חִוָּורָא, מְנַטְפָא אֶשָׁא סוּמְקָא, אֶשָׁא יְרוּקָא. אֶשָׁא סוּמְקָא, מְנַטְפָא אֶשָׁא אוּכְמָא, אֶשָׁא יְרוּקָא. אֶשָׁא יְרוּקָא מְנַטְפָא אֶשָׁא סוּמְקָא, אֶשָׁא חִוָּורָא. אֶשָׁא אוּכְמָא, מְנַטְפָא הַהוּא אֶשָׁא סוּמְקָא. חסר כאן

396.

חִיוָּורָא תִּנְיָינָא, לָאו אִיהוּ הַהוּא חִיוָּורָא קַדְמָאָה. וְהַהִיא אֶשָׁא אוּכְמָא, לָאו אִיהִי הַהִיא אֶשָׁא אוּכְמָא קַדְמָאָה. וְכֵן כָּל גְּוָונִין, לָאו אִלֵּין כְּאִלֵּין, קַדְמָאָה, וְתִנְיָינָא, וּתְלִיתָאָה, וְכֵן כָּלְהוֹ. חסר כאן

397.

בְּשַׁעֲתָא דְּנָטְפִין אִלֵּין אֶשִׁין, וְאִתְכְּלִילוּ לְאִתְחַבְּרָא כַּחֲדָא, סָלְקִין שַׁלְהוֹבִין מְלַהֲטָן, וּבָטְשֵׁי דָּא בְּדָא, וּמֵהַהוּא בְּטִישׁוּ דְּבָטְשׁוּ כַּחֲדָא, אִתְעֲבִידוּ כָּל אִינוּן מַלְאֲכֵי חַבָּלָה, דְּטָרְדֵי חַיָּיבַיָא בַּגֵּיהִנֹּם. מֵאִינִין שַׁלְהוֹבִין אִתְעֲבֵיד נוּרָא דְּגֵיהִנֹּם לְתַתָּא, דְּאִינוּן שְׁלִיחָן דְּחַבָּלָה, אִתְמַנּוּן בְּאִינוּן שַׁלְהוֹבִין, לְאוֹקְדָא חַיָּיבַיָא תַּמָּן, דְּרָזָא דִילְהוֹן תַּמָּן. דִּכְתִיב, (יחזקאל טו) מֵהָאֵשׁ יָצָאוּ וְהָאֵשׁ תֹּאכְלֵם. חסר כאן

398.

כַד נָטְלִין, כָּלְהוֹן נָטְלִין לָקֳבֵל אַנְפּוֹי, דְּהַהוּא דְּאִתְמְנָא לְהַהוּא סִטְרָא. כַּד רוּחָא אִיתְעַר לְמֵיהַךְ לְסִטְרָא דְמִזְרָח, בָּטֵישׁ הַהוּא רוּחָא לְגַבֵּי אַנְפִּין דְּהַהוּא דְּקָיְימָא לְהַהוּא סִטְרָא, וְאִיהוּ נָטֵיל בְּקַדְמִיתָא, וְכָלְהוֹ עִמֵּיהּ כַּחֲדָא, דִּכְתִיב (שם א) וְאִישׁ אֶל עֵבֶר פָּנָיו יֵלֵכוּ אֶל אֲשֶׁר יִהְיֶה שָּׁמָּה הָרוּחַ לָלֶכֶת יֵלֵכוּ. חסר כאן

399.

הַאי רוּחַ, אִיהוּ רוּחַ מְמַלְּלָא. רוּחַ דְּכָלֵיל כָּל רוּחִין בְּגַוֵּיהּ. רוּחַ טָמִיר וְגָנִיז בְּגַוַּויְיהוּ. רוּחַ דָּא, אִיהוּ רוּחַ דְּכָלֵיל בְּרָזָא דִּלְתַתָּא, לָקֳבֵל תְּלַת קִידּוּשִׁין דְּאִתְקַדַּשׁ בְּהוֹן כַּחֲדָא. וְאִינוּן קָדוֹשׁ קָדוֹשׁ קָדוֹשׁ, לָקֳבֵל תְּלַת זִימְנִין רוּחַ דִּכְתִיב הָכָא. אֶל אֲשֶׁר יִהְיֶה שָׁמָּה הָרוּחַ, חַד. עַל אֲשֶׁר יִהְיֶה שָׁם הָרוּחַ, תְּרֵי. שָׁמָּה הָרוּחַ לָלֶכֶת, תְּלַת. בְּגִין, דְּרוּחַ דָּא כָּלֵיל מִתְּלַת רוּחִין, רָזָא דְּחַיּוֹת הַקֹּדֶשׁ עִילָּאִין, דְּאִינוּן רָזָא דִּתְלַת קְדוּשָׁאן, דְּנָחֲתָא מֵהַהוּא קֹדֶשׁ עִילָּאָה, רוּחַ סְתִימָא, דְּכָל קְדוּשָׁאן מִנֵּיהּ תַּלְיָין. חסר כאן

400.

(שם) וּדְמוּת הַחַיּוֹת מַרְאֵיהֶם כְּגַחֲלֵי אֵשׁ בֹּעֲרוֹת וְגו'. וּדְמוּת, דְּיוּקְנָא דְּמִתְלַבְּשָׁן בְּחַד מִנַּיְיהוּ, דְּאִתְלַבַּשׁ בְּנוּרָא. וְאִיהוּ לָא חָזָא, אֶלָּא דְּיוּקְנָא חֵיזוּ שַׁמָּשֵׁי דְּגַחֲלֵי דְנוּרָא. חסר כאן

401.

גַּחֲלֵי אֵשׁ, אִלֵּין אִינוּן דְּאִיקְּרוּן מַרְאֵיהֶם, חֵיזוּ דְּחֵיוָן, דִּבְהוֹ אִסְתַּכְּלָן לְמֶיחֱמֵי בְּחֵיזוּ. כְּמַרְאֵה דְּאַחֲזֵי כָּל גְּוָונִין, הָכֵי שְׂרָפִים, אִינוּן כְּמַרְאֵה לְאַחֲזָאָה בְּהוֹן דִּיוּקְנִין דְּחֵיוָן. בְּגִין דְּכוֹלָא אִתְלַבַּשׁ דָּא בְּדָא, וְדָא מַרְאֶה דְּדָא. חסר כאן

402.

אֲבָל וּדְמוּת הַחַיּוֹת, לֹא אָמַר דְּיוּקְנָא דִּילְּהוֹן, וְלָא אִיצְטְרִיךְ, דְּהָא בְּקַדְמִיתָא קָאָמַר כָּל דִּיוּקְנִין דִּילְּהוֹן. וְהָכָא אָמַר מֵאִינוּן דְּמוּת דִּלְּהוֹן דְּאִינוּן מַרְאוֹת דִּילְּהוֹן. חסר כאן

403.

כְגַחֲלֵי אֵשׁ, מַאן גַּחֲלֵי אֵשׁ. אִלֵּין שְׂרָפִים. מַרְאֵיהֶם, אִינוּן אוֹפַנִּים, דִּבְהוֹן אִתְלַבְּשָׁן, לְאַחֲזָאָה דִּיוּקְנִין, וְחֵיזוּ דִּילְּהוֹן. חסר כאן

404.

נְצִיצוּ דִּילְּהוֹן, בְּאִינוּן דְּאִיקְּרוּן לַפִּידִים. וּמַאן אִינוּן חַשְׁמַלִּים תַּתָּאִין, דְּנָפְקֵי מֵהַהוּא חַשְׁמַל תַּתָּאָה. רָזָא דָא, כְּרָזָא עִילָּאָה לְעֵילָא, בְּהַהוּא חַשְׁמַל פְּנִימָאָה, בְּגִין דְּכֹלָּא גּוָֹונָא חָדָא, מִתַּתָּא וְעֵילָא. עַד הָכָא רָזָא דְחַשְׁמַל, בִּגְוָונִין דְּלָא אִתְחַזּוֹן, אֶלָּא בְּחֵיזוּ. חֵיזוּ לְגוֹ מִן חֵיזוּ, חֵיזוּ דָּא לְגוֹ מִן דָּא. כְּמָא דִכְתִיב, מִמַּרְאֶה מָתְנָיו וּלְמַעְלָה וּמִמַּרְאֶה מָתְנָיו וּלְמַטָה. חסר כאן

405.

הִיא מִתְהַלֶּכֶת בֵּין הַחַיּוֹת, דְּאִתְיְיהִיבַת בֵּין תְּרֵין סִטְרִין, וְאִתְחֲקָקַת תַּמָּן בְּגִלּוּפָא וּדְיוּקְנָהָא. דִּכְתִיב (שה''ש ח) שִׂימֵנִי כַּחוֹתָם עַל לִבֶּךָ וְגו'. וּמִגּוֹ דְּהַאי אֶבֶן טָבָא מַרְגָּלִיתָא, אָזְלָא בֵּין תְּרֵין סִטְרִין, אִית לָהּ נְהִירוּ לְאַנְהָרָא, וּלְסַלְקָא נְהוֹרָא. עַל כָּל שְׁאָר אַבְנִין מְנַצְּצָן. חסר כאן

406.

וְנוֹגַהּ לָאֵשׁ, הַאי נוֹגַהּ אִיהוּ מִסִּטְרָא דְּיָמִינָא, וְאִתְכְּלֵיל בִּשְׂמָאלָא, וּשְׂמָאלָא בְּיָמִינָא, וְאֶשָׁא מְלַהֲטָא מְנַצְּצָא. מֵהַהוּא נוֹגַהּ נָהֵיר הַהוּא אַבְנָא, וְאִתְיְיהֵיב בָּהּ חֵיזוּ, לְאִסְתַּכְּלָא בְּשׁוּפְרָהָא. חסר כאן

407.

וְהַאי נוֹגַהּ אִיהוּ נְצִיצוּ דִּנְצִיצָן כְּאֶשָׁא, וְנָהֵיר סוּמְקָא דִילֵיהּ. וּמִגּוֹ דָּא, בְּשַׁעֲתָא דְּעָאל וְנָקֵיב גּוֹ הַהוּא אַבְנָא, אִיהִי שַׁפִּירָא בְּחֵיזוּ. חסר כאן

408.

בִּתְרֵין גְּוָונִין, אִתְחַזְּיָיא הַאי אַבְנָא וְאִצְטַבַּע, בְּגִין דְּאִיהוּ גַּוָּון חָשׁוּךְ בְּקַדְמִיתָא, כֵּיוָן דְּאִתְתַּקְנַת לְקַבְּלָא נְהוֹרָא, אִתְעַר נְהִירוּ מִסִּטְרָא דְיָמִינָא, וְאִתְנְהֵירַת בְּחִוָּורוֹ. כֵּיוָן דְאַנְהִירַת בְּחִוָּורוֹ כְּאַבְנָא בְּדוֹלְחָא, עַד כְּעָן לֵית לָהּ חֵיזוּ בְּשַׁפִּירוּ לְאִסְתַּכְּלָא, עַד דְּאָתָא סִטְרָא דִשְׂמָאלָא דְּהַהוּא נוֹגַהּ, דְּסוּמְקָא, וְעָאל בְּגַוֵּיהּ הַהוּא סוּמְקָא בְּהַהוּא נוֹגַהּ, כְּדֵין אִיהִי שַׁפִּירָא בְּחֵיזוּ, שַׁפִּירָא בְּרֵיוָא, לְאִסְתַּכָּלָא. חסר כאן

409.

אִיהִי אַבְנָא יַקִּירָא בִּשְׁלֵימוּ בִּגְוָונִין. כְּאִתְּתָא שַׁפִּירָא בְּחֵיזוּ, חִוָּור וְסוּמָק. וּכְדֵין אַתְוָון מְנַצְּצָן בְּגַוָּהּ, וְנָפֵיק בְּגוֹ הַהוּא נְצִיצוּ בָּרָק מִבָּרֶקֶת, נָהֵיר לְפוּם שַׁעֲתָא, חִיוָּר וְסוּמָק, סוּמָק וְחִיוָּר. חסר כאן

410.

רָזָא קַדִּישָׁא, לְאִצְטַבַּע שְׁאָר אַבְנִין מֵהַהוּא אַבְנָא טָבָא דְּאִקְרֵי בָּרֶקֶת. בְּגִין דְּאִצְטַבַּע מֵהַהוּא נְהִירוּ דְּבָרָק, אִיקְּרֵי עַל שְׁמֵיהּ בָּרֶקֶת. בְּגִין דְּהַאי אַבְנָא טָבָא, מַרְגָּלִיתָא עִילָּאָה, אִצְטַבַּע בִּתְרֵיסַר גְּוָונִין, מְנַהֲרִין גּוֹ אִינוּן תְּרֵין. מִגּוֹ נְצִיצוּ דְּנָצִיץ וְאַפֵּיק, אִצְטַבְּעָן תְּרֵיסַר אַבְנִין דִּילָהּ, וְאִינוּן תְּלַת סִדְרִין. וּכְפוּם דְּאִצְטַבְּעוּ מִינָהּ, הָכֵי אִקְּרוּן עַל הַהוּא שְׁמָא מַמָּשׁ. חסר כאן

411.

(יחזקאל א) וְהַחַיּוֹת רָצוֹא וָשׁוֹב, נְהִירִין גְּנִיזִין גַּלְיָין, וּסְתָרִין קָיְימִין וְלָא קָיְימִין, נָהֲרִין וְלָא נָהֲרִין. זִמְנִין נָהֲרִין בְּהַאי גָּוָון, וּלְפוּם שַׁעֲתָא גָּוָון אָחֳרָא. הַשְׁתָּא שְׁמָא דָא, וּלְפוּם שַׁעֲתָא שְׁמָא אָחֳרָא. לֵית מַאן דְּיָכֵיל לְקָיְימָא בְּאִלֵּין נְהוֹרִין. חסר כאן

412.

יהו''ה, נְהִירוּ דְּאִסְתַּלַּק בִּשְׁמָא דָא, דְּכָלֵיל כָּל נְהוֹרִין בִּשְׁלִימוּ. וּלְפוּם שַׁעֲתָא, נָחֵית וְאִתְהַדַּר נְהִירוּ בְּגָוָון אוֹחֲרָא, וְאִסְתַּלַּק בִּשְׁמָא אָחֳרָא, אֱלֹהִי''ם. וּלְפוּם שַׁעֲתָא, אֵ''ל. וּלְפוּם שַׁעֲתָא, צְבָאוֹ''ת. וּלְפוּם שַׁעֲתָא שַׁדַּ''י. וְהָכֵי בְּכָל אִינוּן שְׁמָהָן דְּאִיקְּרֵי בְּהוּ קוּדְשָׁא בְּרִיךְ הוּא. חסר כאן

413.

וּבְגִין דְּאִית אֲתַר גָּנִיז דְּנַפְקֵי מִנַּיְיהוּ, וּכְפוּם דְּאִיהוּ נְבִיעַ מִגּוֹ מַבּוּעָא גָּנִיז דְּאִתְגְּנִיז בֵּיהּ, הָכֵי אִתְחֲזֵי כָּל חַד. וְלֵית מַאן דְּיָקוּם בְּהוּ. וְרָזָא דָא מָנָא דְמַיָיא וְשִׁמְשָׁא, בְּכוֹתְלָא. חסר כאן

414.

וּכְמָא דְּאִינוּן רָצוֹא וָשׁוֹב, אוּף הָכֵי בְּלִבָּא וְדַעְתָּא. בַּר נְבִיאֵי מְהֵימְנֵי, דְּמִסְתַּכְּלֵי מִגּוֹ אִינוּן דִּלְתַתָּא, דְּאִינוּן בְּרָזָא דְּאַסְפַּקְלַרְיָא דְּלָא נָהֲרָא, וּמִגּוֹ אִלֵּין הֲווֹ מִסְתַּכְּלִין כְּבָתַר כּוֹתְלָא. עַד הָכָא דְּמוּת מֵאִינוּן רָזִין לְעֵילָא וְהַשְׁתָּא לְתַתָּא. חסר כאן

415.

כְתִיב (שם) וָאֵרֶא הַחַיּוֹת וְהִנֵּה אוֹפַן אֶחָד בָּאָרֶץ וְגו'. וָאֵרֶא הַחַיּוֹת, דָּא אִיהוּ אִסְתַּכְּלוּתָא בְּאַסְפַּקְלַרְיָא דְּלָא נָהֲרָא. וּמִגּוֹ דְּחָמָא אִלֵּין, אִסְתַּכֵּל בַּמֶּה דְּגָנִיז וְסָתִים. חסר כאן

416.

וְהִנֵּה אוֹפַן אֶחָד בָּאָרֶץ, דָּא מטטרו''ן, דְּאִיהוּ עִילָּאָה מִנַיְיהוּ ת''ק שְׁנִין. מטטרו''ן, מיטטרו''ן, זְבוּל, עבד, זבוְאָמַר לֵיהּ, הָא חָמֵשׁ. וּכְפוּם שְׁלִיחוּ דְּמָארֵיהּ, הָכֵי אַסְגִּיאוּ שְׁמוֹי לְד' סִטְרוֹי, כְּד' סִטְרִין דְּעָלְמָא. חסר כאן

417.

קָשִׁיר קְשָׁרִין לְמָארֵיהּ, שַׁלִּיט בְּרָזִין דְּאַרְבַּע אֶלֶף וַחֲמֵשׁ מְאָה נַהֲרֵי אֲפַרְסְמוֹנָא, דְּנָגְדִין וְנָפְקִין מִגּוֹ תְּלֵיסַר אָחֳרָנִין גְּנִיזִין. וְאַרְבָּעָה אֶלֶף וְת''ק רִבּוֹא הֵיכָלִין, דְּאִינוּן טְמִירִין בְּגוֹ אִינוּן נְהִירִין, קָיְימִין קַמֵּיהּ, וְאִיהוּ מְמַנָא עֲלַיְיהוּ. חסר כאן

418.

כָל זִמְנָא דְּעָאל וְנָפֵיק, אֶלֶף וְת''ק רְקִיעִין זָעאִין קַמֵּיהּ. תְּרֵיסַר אַלְפֵי רִבּוֹא מִיָּמִינֵיהּ, וּתְרֵיסַר אַלְפֵי רִבּוֹא מִשְׂמָאלֵיהּ. תְּרֵיסַר אַלְפֵי רִבּוֹא קַמֵּיהּ, תְּרֵיסַר אַלְפֵי רִבּוֹא מֵאֲחוֹרֵיהּ. כָּל הַנֵּי מַשִּׁרְיָין נָהֲרִין, מִגּוֹ שַׁלְּהוֹבָא חַד מְנַצְּצָא. דְּנָפְקָא מִנֵּיהּ. וּבְהַהוּא שַׁלְּהוֹבָא חֲקִיקָן אַתְוָון דְּשֵׁם הַמְפוֹרָשׁ, נְצִיצִין מְלַהֲטִין מִגּוֹ הַהוּא שַׁלְּהוֹבָא. וְכָלְהוֹ כַּד מִסְתַּכְּלָאן בִּנְהִירוּ דְּאַתְוָון מְחַקְּקָן גְּלִיפָן, כָּלְהוֹ זָעאִין וְדָחֲלִין, וְנָטְלִין לְגַבֵּי הַהוּא נְצִיצוּ דְּאַתְוָון. חסר כאן

419.

וּמִגּוֹ שַׁלְהוֹבָא דָא, נָהֲרִין אוֹפַנִּים אוֹחֲרָנִין, דְּנָטְלֵי בִּרְתִיכִין אָחֳרָנִין לְתַתָּא, גּוֹ אִינוּן הֵיכָלִין, דְּאִינוּן מְשַׁלְּבָן דָּא בְּדָא, כְּדָּבָר אַחֵר כַּאֲשֶׁר יִהְיֶה הָאוֹפָן בְּתוֹךְ הָאוֹפָן, כְּלֵיל דָּא בְּדָא, וְעָאל דָּא בְּדָא, רֵישִׁין בְּרֵישִׁין, אִלֵּין בְּאִלֵּין. וְאַנְפִּין פְּרִישָׂן בְּסִטְרַיְיהוּ. חסר כאן

420.

וְכָלְהוֹ נָטְלִין לְגַבֵּי אַנְפִּין, בְּגוֹ נְהִירוּ דְּמִסְתַּכְּלָאן לְגַבֵּי אִינוּן אַנְפִּין. כַּד מִסְתַּכְּלָאן לְמֵהַךְ, חָמָאן הַהוּא נְהִירוּ דְּנָהֵיר, לְהַהוּא אֲתַר דְּנָהֵיר, אָזְלִין וְנָטְלִין כָּלְהוֹ. וְאַתְוָון דִּשְׁמָא קַדִּישָׁא מְחַקְּקָא, נָהֵיר עַל כֹּלָּא. וְאִיהוּ נָטֵיל כָּלְהוֹ, גּוֹ הַהוּא רוּחָא עִילָּאָה, דְּנָטֵיל כָּל מַשִּׁרְיָין. חסר כאן

421.

וּמטטרו''ן רַב מְמַנָּא, קָאִים בְּקִיּוּמָא דְּהַהוּא שְׁמָא קַדִּישָׁא, וְנָטֵיל לְכָל מַשִּׁרְיָין בְּרָזָא דִילֵיהּ, לְד' פָּנָיו, בְּד' דִּיוּקְנִין, גּוֹ ד' סִטְרִין דְּעָלְמָא. וְאִיהוּ כָּלֵיל שְׁמָא דְאִקְרֵי שַׁדַּ''י. וְכָלְהוֹ קָרָאן שְׁמָא דָא, גַּבֵּי שְׁמָא עִילָּאָה קַדִּישָׁא. חסר כאן

422.

בִּיהָא דְּמטטרו''ן אִתְמַסְרוּ תְּרֵיסַר מַפְתְּחִין עִילָּאִין, בְּרָזָא דִּשְׁמָא קַדִּישָׁא. וְד' מַפְתְּחָן מִנַּיְיהוּ, אִינוּן ד' רָזִין נְהוֹרִין דְּמִתְפָּרְשָׁן. מַפְתְּחָא חָדָא, אִיקְּרֵי אוֹר נָצֵיץ, טָמִיר וְגָנִיז, לֵית לֵיהּ גָּוָון. וְהַהוּא נְצִיצוּ לָא קָיְימָא לְאִסְתַּכְּלָא, וְלָא אִתְחֲזֵי גָוָון, אֶלָּא נָצֵיץ נְצִיצוּ לְעַיְינִין, וְאִגְנִיז וְלָא אִתְיְידַע. מַפְתְּחָא תִּנְיָינָא, אוֹר נְהִירוּ חֵידוּ לְאִסְתַּכְּלָא. לְזִמְנִין אִיהוּ חִיוַּר, לְזִמְנִין יָרוֹק, לְזִמְנִין לָא דָא וְלָא דָא. חסר כאן

423.

מַפְתְּחָא תְּלִיתָאָה, אִיקְּרֵי אוֹר זוֹהֵר, דְּזָהֵיר וְנָהֵיר, אִיהוּ זוֹהַר דְּנָהֵיר לְכָל שְׁאָר נְהוֹרִין. הַאי מְרַקְמָא בְּכָל גְּוָונִין. הַאי אוֹר אִיהוּ מֵהַהוּא זוֹהַר דְּהוּא רָקִיעַ דְּעַל גַּבֵּי חֵיוָן, דִּכְתִיב (דניאל יב) כְּזֹהַר הָרָקִיעַ. כָּלֵיל גּוֹ עֶשֶׂר שְׁבִילִין, דְּנָפְקֵי מֵאִינוּן ל''ב שְׁבִילִין גְּנִיזִין. חסר כאן

424.

מַפְתְּחָא רְבִיעָאָה, אִיקְּרֵי אוֹר דְּסוּכְלְתָנוֹ, דִּיהַב סוּכְלְתָנוֹ בְּלִבָּא לְמִינְדַע וּלְאִסְתַּכָּלָא וּלְקָיְימָא עַל רָזִין עִילָּאִין. וְהַאי אוֹר דְּחָדֵי לִבָּא, יָהֵיב נְהִירוּ דְּחָכְמְתָא וְסוּכְלְתָנוֹ, לְמִינְדַּע וּלְאִסְתַּכְּלָא. חסר כאן

425.

וְאִלֵּין אִינוּן ד' מַפְתְּחָן עִילָּאִין, דְּכָל שְׁאָר מַפְתְּחָן כְּלִילָן בְּהוּ. וְכָלְהוֹ אִתְמָסְרוּ בִּידָא דְּהַאי רַב מְמַנָּא, מטטרו''ן. מָארֵי רַב כָּלְהוֹ רָזִין דְּמָארֵיהּ, בְּגִילּוּפִין דְּרָזִין דִּשְׁמָא קַדִּישָׁא מְפוֹרָשָׁא. חסר כאן

426.

עַל אַרְבַּעַת רִבְעֵיהֶן בְּלֶכְתָּם יֵלֵכוּ וְגו', עַל אַרְבַּעַת דְּאִינוּן ד' דִּתְחוֹתַיְיהוּ, וְאִינוּן דִּתְחוֹתַיְיהוּ, אִיקְּרוּן רִבְעֵיהֶן. כְּדָּבָר אַחֵר, רְבִיעַ תְּחוֹת טוֹעֲנֵיהּ, וְעַל אִינוּן דִּרְבִיעִין תְּחוֹתַיְיהוּ, כַּד אִינוּן בָּעָאן לְמֵיזַל אָזְלִין. דְּכָל חַד אִית לֵיהּ ד' גַּלְגַּלֵּי אוֹפַנִּים, רְבִיעִין תְּחוֹתַיְיהוּ. וְעַל אִלֵּין רִבְעֵיהֶן אָמַר, בְּלֶכְתָּם יֵלֵכוּ. חסר כאן

427.

וְהַיְינוּ דִכְתִיב, (יחזקאל א) וּבְלֶכֶת הַחַיּוֹת יֵלְכוּ הָאוֹפַנִּים אֶצְלָם, וּבְהִנָּשֵׂא הַחַיּוֹת כו' יִנָּשְׂאוּ הָאוֹפַנִּים. וְאִי אוֹפַנִּים רִבְעֵיהֶם דְּחַיּוֹת, אִצְטְרִיךְ לְמֵימַר וּבְלֶכֶת הָאוֹפַנִּים. אֶלָּא מִכָּאן דְּחַיּוֹת נָטְלִין לִדְנָטְלִין לוֹן, כְּגַוְונָא דָא אָרוֹן, נָטֵיל לְמַאן דְּנָטֵיל לֵיהּ. חסר כאן

428.

כָרְסְיָיא קַדִּישָׁא נְטָלַת לַחַיּוֹת. וְאִי אִיהִי נְטֵילַת לוֹן, זֵיעָא דְחַיּוֹת מִמָּה אִתְעֲבֵיד. אֶלָּא זֵיעָא דִילְּהוֹן, בְּאִסְתַּכְּלוּתָא לְמִינְדַע וּלְאִסְתַּכְּלָא וּלְאַדְבְּקָא, בַּמֶּה דְּטָמִיר וְגָנִיז, וְלָא יָכְלִין לְמֵיקַם בֵּיהּ. וְעַל דָּא אִיהוּ זֵיעָא דִּילְּהוֹן. אֲבָל כָּל אִינוּן דְּמִתְדַּבְּקָאן בִּקְדוּשָּׁה עִילָּאָה, אִינוּן נָטְלִין לְאִינוּן דְּנָטְלִין לוֹן. וְרָזָא דָא, עַל אַרְבַּעַת רִבְעֵיהֶן בְּלֶכְתָּם יֵלֵכוּ. חסר כאן

429.

(שם) וְגַבֵּיהֶן וְגֹבַהּ לָהֶם. וְגַבֵּיהֶם, רָזָא דִּגְוָונִין דְּגוּפָא, אִתְנְהֵיר וְסָלְקָא בְּשִׁיעוּרָא מֵרֵישָׁא דְּבוּצִינָא לְרֵישָׁא דְּבוּצִינָא כְּשִׁיעוּרָא דִלְתַתָּא. וְאִסְתַּחֲרָא בְּאַרְבַּע גְּוָונִין נְצִיצִין. גָּוָון נָהֵיר בִּנְהִירוּ, בְּרָזָא דְּחַשְׁמַל לְעֵילָא, כַּד נָהֵיר וְאִתְגְּנֵיז גוֹ גְּוָונוֹי. גָּוָון נָצֵיץ, דְּנָצֵיץ בִּנְצִיצֵי. גָּוָון זָהֵיר, בְּזָהֲרָא דִרְקִימוּ דִּרְקִיעָא דְּקָיְימָא עֲלַיְיהוּ. גָּוָון מְרַקְמָא מִכָּל גְּוָונִין, וְאִתְכְּלֵיל בְּכָלְהוֹ, וְדָא אִיהוּ גּוּפָא מְצַיְירָא בְּצִיּוּרָא, לְאִתְכַּלְּלָא בִּכְלָלָא חָדָא. חסר כאן

430.

וְגוֹבַהּ לָהֶם, מִסִּטְרָא דִלְעֵילָא. וְיִרְאָה לָהֶם, מִסִּטְרָא דִלְתַתָּא. וְגוֹבַהּ לָהֶם, גוֹבַהּ שָׁמַיִם. וְיִרְאָה לָהֶם, דְּחִילוּ דְּדָחֵיל וּמַבְעֵית וְאַרְעֵישׁ כּוֹלָּא. דְּחִילוּ דְּסָחֲרָא דְּלָא לְקָרְבָא לְקוּדְשָׁא. וְאִיהוּ דְּסָחֲרָא לוֹן מִסִּטְרָא דִלְתַתָּא. חסר כאן

431.

וְגוֹבַהּ לָהֶם, בִּסְלִיקוּ דְּחֵיזוּ דְּגַוְונֵי שָׁמַיִם. בְּגִין דְּגַוְונֵי שָׁמַיִם, הַהוּא רָזָא דִכְתִיב, גוֹבַהּ שָׁמַיִם. וּמַאן אִיהוּ. דְּנָטֵיל כָּל גְּוָונִין, מִיָּמִינָא וּמִשְׂמָאלָא, וְכַד נָטֵיל לוֹן לְגַבֵּיהּ, אִיקְּרֵי גּוֹבַהּ שָׁמַיִם. חסר כאן

432.

וְיִרְאָה לָהֶם, בְּחֵיזוּ דְּהַהוּא יִרְאָה לְתַתָּא, בְּסִדּוּרָא דְּאִינוּן גְּוָונִין לָהֲטִין וּמְהַפְּכִין חֵיזוּ דְּאֶשָׁא דְּלָא דַּקִּיק, כְּאֶשָׁא דַּקִּיק לְעֵילָא. וְהַאי אִיהוּ דְּקָא מַבְעִית לְכֹלָּא. וּבְגִין כָּךְ, וְגוֹבַהּ לָהֶם, מִלְּעֵילָא. וְיִרְאָה לָהֶם, מִתַּתָּא. חסר כאן

433.

וְגַבּוֹתָם מְלֵאוֹת עֵינַיִם, לְאִסְתַּכְּלָא בְּכָל סִטְרִין. וְאַף עַל גַּב דְּאִית מָארֵי דְעֵינַיִם בְּחֵיזוּ לְאִסְתַּכָּלָא אָחֳרָנִין לְתַתָּא, אִלֵּין בְּאִינוּן עַיְינִין לְאִסְתַּכָּלָא אִלֵּין בְּאִלֵּין בְּסַחֲרָנוֹ, לְקַמַּיְיהוּ וּבַאֲחוֹרָא, דְּעַיְינִין סָחֲרִין לְכָל סִטְרִין. חסר כאן

434.

וּבְּגִין כָּךְ חָמָאן הָכָא וְהָכָא, בְּסִטְרָא דָא וּבְסִטְרָא דָא, חָמָאן מַה דַּהֲוֵי, וּמַה דְּזַמִּין לְמֶהֱוֵי מִסִּטְרָא דַּאֲחוֹרָא. וְהַיְינוּ דִכְתִיב סָבִיב. וְחָמָאן מִיָּמִינָא וְחָמָאן מִשְׂמָאלָא. חָמָאן מִיָּמִינָא, בְּכָל אֹרַח זְכוּ וּקְשׁוֹט. חָמָאן מִשְּׂמָאלָא, בְּכָל אוֹרַח דְּלָא קְשׁוֹט וְלָא קָיְימָא בִּזְכוּ. וְעַל דָּא מִסְתַּכְּלָן בְּכָל סִטְרִין, וּבְדָא אִית לוֹן שׁוּלְטָנֵי וְסוּכְלְתָנוֹ עַל כּוֹלָּא, לְאִסְתַּכָּלָא בְּכָל הַנֵּי סִטְרִין, מַה דְּלָא מִסְתַּכְּלִין הָכֵי כָּל אִינוּן אָחֳרָנִין. חסר כאן

435.

וְעִם כָּל דָּא לָא יָכְלִין לְאִסְתַּכְּלָא לְעֵילָא, וְלָא אִתְיְיהֵיב לוֹן רְשׁוּ לְאִסְתַּכָּלָא. וְכַד בָּעָאן לְאִסְתַּכָּלָא, כָּלְהוֹ מְרַתְּתֵי בִּדְחִילוּ בְּאֵימְתָא בְּזִיעַ, וְכָלְהוֹ קָרָאן בִּדְחִילוּ סַגֵּי, בְּקָל רַב, (שם ג) בָּרוּךְ כְּבוֹד ה' מִמְּקוֹמוֹ. חסר כאן

436.

וְגַבֵּיהֶם, וְלָא כְתִיב מַהוּ, כְּמָא דִכְתִיב לְבָתַר, וְגַבֹּתָם מְלֵאֹת עֵינַיִם. אֶלָּא גּוּפָא דְסִטְרָא דְּמִסְתַּכְּלָא לְגוֹ, לְגַבֵּי נְקוּדָה סְתִימָא. מֵהַהִיא סִטְרָא אִית לוֹן גּוֹבַהּ. וְכָלְהוֹ מִסְתַּכְּלִין לְגוֹ, כְּדָּבָר אַחֵר (מלכים א ז) וְכָל אֲחֹרֵיהֶם בָּיְתָה. חסר כאן

437.

אַבְרָהָם אִתְקְרֵיב לְגַבֵּי רָזָא דְקָיְימָא, עַד דְּסָלֵיק בְּרָזָא עִילָּאָה לְעֵילָא. וְעִם כָּל דָּא לָא זָכָה כְּיַעֲקֹב, דְּיַעֲקֹב אִיקְּרֵי אִישׁ תָּם. מַהוּ אִישׁ תָּם, רָזָא דָא כְּמָא דְּאִתְּמָר, אִישׁ הָאֱלֹהִים, מָארֵיהּ דְּבֵיתָא. משֶׁה אִקְּרֵי אִישׁ הָאֱלֹהִים, יַעֲקֹב אִקְּרֵי אִישׁ תָּם, וְכֹלָּא רָזָא חָדָא. חסר כאן

438.

אוּף הָכֵי וְגַבּוֹתָם, הַהוּא דְּקָיְימָא לְגוֹ. כָּלְהוֹ מָלְיָין עַיְינִין לְאִסְתַּכָּלָא לְבַר. וְאַף עַל גַּב דְּלָא מִסְתַּכְּלָא לְגוֹ, גּוֹבַהּ לָהֶם, וְגַבּוֹתָם מְלֵאוֹת עֵינַיִם. חסר כאן

439.

(יחזקאל א) וּבְלֶכֶת הַחַיּוֹת יֵלְכוּ הָאוֹפַנִּים אֶצְלָם וּבְהִנָּשֵׂא הַחַיּוֹת מֵעַל הָאָרֶץ יִנָּשְׂאוּ הָאוֹפַנִּים, וְכָלְהוֹ כְּפוּם הַהוּא רוּחָא, דְּאָזִיל וְשָׁלֵיט עֲלַיְיהוּ. חסר כאן

440.

(שם) עַל אֲשֶׁר יִהְיֶה שָׁם הָרוּחַ לָלֶכֶת, כְּתִיב (שם) אֶל אֲשֶׁר, וּכְתִיב עַל אֲשֶׁר. אֶלָּא רוּחַ דָּא דְּנָפֵיק מִגּוֹ רוּחָא סְתִימָאָה, וְדָא אִיהוּ רוּחַ קַדִישָׁא, כַּד נָפֵיק מִגּוֹ הַהוּא טְמִירָא דְּכוּרְסְיָיא, וּבָטֵישׁ בְּהַהוּא דְּשָׁרֵי עֲלוֹי, כְּדֵין כָּלְהוֹ נָטְלִין כַּחֲדָא לְגַבֵּיהּ, וְהַיְינוּ עַל אֲשֶׁר. אֶל אֲשֶׁר, דְּבָטֵישׁ בֵּיהּ הַהוּא רוּחָא, וְלָא שָׁארֵי, אֶלָּא דְּנָטֵיל לְגַבֵּיהּ, וְנָטְלֵי כָּלְהוֹ לְגַבֵּי הַהוּא סִטְרָא. חסר כאן

441.

עַל אֲשֶׁר יִהְיֶה שָׁם הָרוּחַ לָלֶכֶת, עַל: הַהוּא אֲתַר טָמִיר וְגָנִיז. דְּהַהוּא רוּחָא עִילָּאָה שַׁרְיָא עֲלוֹי, כָּלְהוֹ מִסְתַּכְּלָן לְגַבֵּיהּ, לְאִתּוֹסְפָא זִיוָא. וּמֵהַהוּא זִיוָא, אִתּוֹסַף זִיוָא אִינוּן קַרְנֵי הַחַיּוֹת. וְאִינוּן זִיוָא דְּלָהֵיט וְנָצֵיץ, לְפוּם אִסְתַּכְּלוּתָא דִּיְקָרָא, דְּהַהוּא רוּחַ אָחֳרָא, דְּנָפֵיק מֵהַאי רוּחַ קַדְמָאָה, דְּאִיהוּ טָמִיר וְגָנִיז בִּגְנִיזוּ יְקָרָא. חסר כאן

442.

דָּא אִיהוּ בְּרָזָא דִשְׁמָא קַדִּישָׁא, דְּכָלֵיל בֵּיהּ שֵׁם אהי''ה, שְׁמָא רַבָּה וְשַׁלִּיטָא. מֵהַאי שְׁמָא, זָעאִין וְדָחֲלִין, וְנָטְלִין בְּאֵימְתָא בְּזִיעַ. וְדָא אִיהוּ שְׁמָא דְּשַׁלִּיט עַל רְתִיכָא דָּא, בִּרְשִׁימוּ דִּתְלַת שְׁמָהָן דִּכְלִילָן בֵּיהּ. בְּרָזָא דָא אִית שִׁבְעִין שְׁמָהָן מְפוֹרָשִׁין, שַׁלִּיטִין עַל כָּל רָזִין וּגְנִיזִין עִילָּאִין, דִּי כָּל חֵילִין וּמַשִּׁרְיָין זָעָאן מִנַּיְיהוּ, וְנָטְלֵי בְּגִינַיְיהוּ. בְּרָזָא דָא, כְּלִילָן כ''ב אַתְוָון, וְכָלְהוֹ שְׁבִילִין. חסר כאן

443.

רוּחַ אָחֳרָא דְּנָפֵיק מֵהַאי רוּחָא קַדְמָאָה, אִיהוּ דְּמִתַּמָּן רָזָא דִּמְהֵימְנוּתָא בְּכָל סִטְרִין. וְדָא אִיהוּ בְּרָזָא דִּשְׁמָא קַדִּישָׁא, דְּכָלִיל וְרָשִׁים עֲלֵיהּ, שְׁמָא דְּאִקְרֵי יהו''ה, דְּנָפֵיק וְאִתְרְשֵׁים מִגּוֹ שֵׁם אהי''ה. וְאַף עַל גַּב דְּכֹלָּא בְּרָזָא חָדָא, אֲבָל שֵׁם יהו''ה בִּנְיַן אָב, דְּאִתְבְּנֵי מִשְּׁמָא טְמִירָא אהי''ה. וְדָא אִיהוּ רָזָא, דְּנָפֵיק מֵרוּחָא קַדְמָאָה. חסר כאן

444.

רוּחָא אָחֳרָא תַּתָּאָה, דְּנָפֵיק מִגּוֹ רוּחָא דָא, דָּא אִיהוּ בְּרָזָא דִשְׁמָא קַדִּישָׁא כָּלִיל בֵּיהּ שֵׁם אדנ''י. שְׁמָא דָא שַׁלִּיט, עַל חַיּוֹת וְאוֹפַנִּים לְתַתָּא. חסר כאן

445.

וְהָכֵי אִיהוּ רָזָא עִילָּאָה וְתַתָּאָה. עִילָּאָה שֵׁם אהי''ה, שַׁלִּיט עַל אִינוּן חֵיוָון עִילָּאִין, בְּרָזָא דִשְׁמָא קַדִּישָׁא דְּקָאֲמָרָן. תַּתָּאָה שֵׁם אדנ''י, שַׁלִּיט עַל אִלֵּין חֵיוָון תַּתָּאִין לְתַתָּא. חסר כאן

446.

וְאִינוּן חַיּוֹת עִילָּאִין וְאוֹפַנִּים עִילָּאִין, וְחַיּוֹת תַּתָּאִין וְאוֹפַנִּים תַּתָּאִין. חַיּוֹת עִילָּאִין, דְּקָאֲמָרָן. אוֹפַנִּים עִילָּאִין, אִינוּן רָזָא דִּכְתִיב (שה''ש ה) שׁוֹקָיו עַמּוּדֵי שֵׁשׁ, וְאוֹפַנִּים תַּתָּאִין בְּרָזָא דִלְתַתָּא, כְּמָה דְּחַיּוֹת בְּרָזָא דִלְתַתָּא. חסר כאן

447.

חַיּוֹת עִילָּאִין ד'. אוֹפַנִּים ד'. כַּד מִתְחַבְּרָא חַד בְּאִינוּן רָזָא דְחַיּוֹת, כְּדֵין אִינוּן וְאוֹפַנִּים בְּחִיבּוּרָא דְּהַהוּא חַד, אִינוּן ד'. וְכֵן כְּגַוְונָא דָא לְתַתָּא, כָּלְהוֹ בְּרָזָא דָּא דְּד'. חַיּוֹת ד'. אוֹפַנִּים ד'. וְאִתְפָּרְשָׁן לְתַתָּא בְּרָזָא דָא. וְהָכָא בְּכָלְהוֹ מִתְפָּרְשָׁאן רָזִין עֵילָא וְתַתָּא, וְעַל דָּא אִיקְּרֵי מֶרְכָּבָה. וְאַף עַל גַּב דְּלָא חָמָא יְחֶזְקֵאל, אֶלָּא מִגּוֹ רָזָא דִּלְתַתָּא אִסְתְּכֵי בְּרָזָא עִילָּאָה. חסר כאן

448.

עַל אֲשֶׁר יִהְיֶה שָׁם הָרוּחַ לָלֶכֶת יֵלֵכוּ, רָזָא אהי''ה, כְּלָלָא דְּכֹלָּא, שַׁלִּיט עַל חַיּוֹת עִילָּאִין סְתִימִין. וּבְגִין כָּךְ אֶל אֲשֶׁר יִהְיֶה שָׁמָּה הָרוּחַ לָלֶכֶת, רָזָא הוי''ה בִּנְיַן אָב. כִּי רוּחַ הַחַיָּה רָזָא אדנ''י, לְמֶהֱוֵי סְתִימִין רָזִין גּוֹ סְתִימִין דִּרְתִיכָא דָא, לְמֶהֱוֵי כֹּלָּא כַּחֲדָא בְּרָזָא חָדָא. חסר כאן

449.

(יחזקאל א) בְּלֶכְתָּם יֵלֵכוּ, בְּלֶכְתָּם דְּמַאן. אִי תֵימָא דְחַיּוֹת, לָאו. אֶלָּא בְּרָזָא דְּאִלֵּין תְּלַת רוּחִין, תְּלַת שְׁמָהָן, כַּד נָצְצֵי, נָהֲרִין וְנָפְקִין אָזְלִין חֵיוָן עִילָּאִין וְתַתָּאִין. וּבְעָמְדָם יַעֲמוֹדוּ, כַּד אִינוּן בְּחִבּוּרָא חַד, בִּלְחִישׁוּ כָּלְהוֹ קָיְימִין. כְּדֵין אִתְעֲבִידוּ תְּלַת רוּחִין חַד, תְּלַת שְׁמָהָן חַד, וְקוּדְשָׁא בְּרִיךְ הוּא אִיתְגָּאֵי בְּגֵיאוּתָא עַל כֹּלָּא. חסר כאן

450.

וּבְהִנָּשְּׂאָם מֵעַל הָאָרֶץ יִנָּשְׂאוּ הָאוֹפַנִּים, בְּהִסְתַּלְּקוּת חַיּוֹת, בְּרָזָא דְּרוּחִין עִילָּאִין, מֵעַל הָאָרֶץ, מִלְּשַׁמָּשָׁא עַל רוּחָא תַּתָּאָה, אִינוּן אוֹפַנִּים מִסְתַּלְּקִין עִמְּהוֹן, לְאַחֲזָאָה, דְּכָלְהוֹ גּוּפָא חָדָא, וְרָזָא חָדָא, בְּלָא פֵּירוּדָא מֵעִמְּהוֹן. חסר כאן

451.

כִי רוּחַ הַחַיָּה בָּאוֹפַנִּים, רְעוּתָא דְהַהִיא חַיָּה בָּאוֹפַנִּים. דְּאַף עַל גַּב דִּרְעוּתָא בְּאִינוּן חַיּוֹת עִילָּאִין, רְעוּתָא יַתִּיר בְּאִינוּן אוֹפַנִּים. תְּלָתָא, תְּרֵין גַּלְיָין. וְחַד גָּנִיז. וְאִלֵּין עָבְדִין עוֹבָדָא דִּרְעוּ בְּהַהִיא חַיָּה. וְהַיְינוּ דִּכְתִיב וּמַעֲשֵׂיהֶם כְּעֵין תַּרְשִׁישׁ, כְּעֵין תְּרֵי שֵׁשׁ דָּא יָמִינָא וּשְׂמָאלָא, דְּאִלֵּין תְּרֵין מֵאִינוּן שִׁית. וְעַל דָּא כְּעֵין: כְּגַוְונָא דִּילְהוֹן. חסר כאן

452.

עַד הָכָא רָזָא דְחַיּוֹת בְּרָזָא עִילָּאָה, כְּגַוְונָא דָא לְתַתָּא, וּדְמוּת עַל רָאשֵׁי הַחַיָּה רָקִיעַ. וּדְמוּת, דְּיוּקְנָא לְתַתָּא, כְּגַוְּונָא דִּלְעֵילָא. דְּעַד הָכָא אִית רְשׁוּ לְפָרְשָׁא, מִכָּאן וּלְהָלְאָה, מַאן דְּחָמֵי חָמֵי, דְּלָא אִית רְשׁוּ לְאִסְתַּכָּלָא. מֵהַאי רָקִיעַ וּלְתַתָּא, אִית רְשׁוּ לְמֵיחֱמָא, וּמֵהַאי רָקִיעַ וּלְתַתָּא, אִית רְשׁוּ לְאִסְתַּכָּלָא. מֵאֲתַר דְּאִסְתַּכְּלוּתָא וּלְעֵילָא, אִתְכַּסְיָין שְׁבִילִין וְאוֹרְחִין, לֵית עֵינָא דְּאִסְתַּכַּל בֵּיהּ, דְּכוֹלָּא אִתְכַּסְּיָיא. חסר כאן

453.

רָאשֵׁי הַחַיָּה, אִינוּן רְתִיכִין. ד' רֵישֵׁי נְהוֹרִין לְד' זִיוְויָן. וְאִינוּן תְּרֵיסַר יַרְחִין. וְאִינוּן תְּרֵיסַר מְכִילָן, וְחַד דְּשָׁלְטָא עֲלַיְיהוּ, לְמֶהֱוֵי תְּלֵיסַר. וְאִלֵּין אִיקְּרוּן רָאשֵׁי שִׁלְטוֹנִין, שַׁלִּיטִין נְהִירִין לְכָלְהוֹ. חסר כאן

454.

ב' רְקִיעִין בְּחַד, אִית רָזָא דִּדְיוּקְנִין דְּלָא אִתְחַזּוֹן. וּבְחַד, לֵית בֵּיהּ דִּיוּקְנִין, וְלָא גְוָונִין, וְלָא לְמִנְדַע, וְלָא לְאִסְתַּכָּלָא, וְלֵית מַאן דְּיָקוּם בֵּיהּ. דָּא אִיהוּ רָקִיעַ עִילָּאָה טְמִירָא, דְּגָנִיז מַה דְּגָנִיז, וִיהַב חֵידוּ וּקְיָימָא לְכֹלָּא. חסר כאן

455.

בְּרָזָא דְּשֵׁם אהי''ה, שְׁלִימוּ דְּכָל שְׁמָהָן. רָזָא דִרְתִיכָא קַדִּישָׁא, בְּרָזָא דְּד' זִיוָון דְּעָלְמָא עִילָּאָה. רָזָא דְד' שְׁמָהָן דִּכְלִילָן בְּחַד. תְּלַת שְׁמָהָן עִילָּאִין, וְחַד דְּאִתְחַבַּר עִמְּהוֹן בִּכְלָלָא חַד. חסר כאן

456.

י''ה, רָזָא טְמִירָא עִילָּאָה. כְּלָלָא דְּכֹלָּא, רָקִיעַ עִילָּאָה טָמִיר דְּקָיְימָא בִּגְנִיזוּ. וְחַד סְפִירָא גְּנִיזָא טְמִירָא דְּכֹלָּא עֲלֵיהּ. הַאי אִיתְאֲחַד וְלָא אִתְאֲחַד בַּמֶּה דְלָא אִתְיְידַע, וְלָא קָיְימָא בְּסוּכְלְתָנוּ. רָזָא דִּכְלָלָא. כְּלָלָא דְּכֹלָּא. בְּרִיךְ הוּא וּבְרִיךְ שְׁמֵיהּ לְעָלַם וּלְעָלְמֵי עָלְמִין. לְתַתָּא כַּד אִתְפַּשַּׁט שְׁמָא דָא, אִיהוּ ו' בְּאַתְרֵיהּ דְּאַלְפָא, בְּרָזָא חָדָא. כְּדֵין אִיהוּ רָקִיעַ לְתַתָּא, כְּגַוְונָא דִלְעֵילָא, וְחַד אֶבֶן סַפִּירָא לְעֵילָא עַל גַּבֵּי הַהוּא רְקִיעָא וְדָא אִיהוּ רָזָא ה' דְּאִתְפָּרְשָׁא שְׁמָא לְתַתָּא, בְּרָזָא יהו''ה. חסר כאן

457.

וּלְזִמְנִין דְּאִתְחַבַּר בִּשְׁמָא דָא אָת ו'. וְאִיהוּ כְּלָלָא חָדָא, הוּא וּבֵית דִּינוֹ וְכֹלָּא חַד, רָזָא דְרָזִין גּוֹ שְׁמָהָן קַדִּישִׁין. חסר כאן

458.

(שם) נָטוּי עַל רָאשֵׁיהֶם מִלְּמָעְלָה, רָקִיעַ פָּרִישׂ לְעֵילָא, דְּלָא יְכִילִין חַיּוֹת לְמִנְדַע וּלְאִסְתַּכָּלָא, דְּכֹלָּא אָחִיד דָּא בְּדָא, רָזָא דָא סִימָנָא בְּעָלְמָא, בַּר נָשׁ לָא יָכֵיל לְמֶחֱמֵי לְרֵאשֵׁיהּ, וְאַף עַל גַּב דְּאִיהוּ הוּא, כָּל שֶׁכֵּן מַאן דְּסָתִים בֵּיהּ. חסר כאן

459.

הַאי רְקִיעָא עִילָּאָה, לֵית בֵּיהּ דְּיוּקְנָא כְּלַל. לֵית מַאן דְּאִסְתַּכַּל מִתַּמָּן וּלְהָלְאָה, כּוֹלָּא סָתִים וְחָתִים בְּגוּשְׁפַּנְקָא. רָקִיעַ פָּרֵישׂ עַל גַּבֵּי רֵישֵׁי דְחֵיוָן לְעֵילָא, מְזוֹנָא דִילְּהוֹן נָטֵיף מֵהַהוּא רְקִיעָא. וּלְתַתָּא כָּלְהוֹ קָיְימִין בְּקִיּוּמָא, מִתְּחוֹת הַאי רָקִיעַ. חסר כאן

460.

רָקִיעַ דָּא תַּלְיָין בֵּיהּ תְּלַת שְׁמָהָן לְעֵילָא, כְּמָא דְּמִתְפָּרְשָׁא לְתַתָּא, קָדוֹשׁ, רַחוּם, חַנּוּן, כִּנּוּי שְׁמָהָן קַדִּישִׁין. סְתִימִין לְעֵילָא בְּרָזָא דִלְתַתָּא, כֹּלָּא כְּגַוְּונָא דָּא מִן דָּא. חסר כאן

461.

אִלֵּין שְׁמָהָן, גּוֹ רָזֵי מְהֵימְנוּתָא רָזָא דִילְּהוֹן. כָּל אִינוּן כִּנּוּי שְׁמָהָן, תַּלְיָין בְּרָזָא דִשְׁמָהָן קַדִּישִׁין אִלֵּין, דְּאִיקְּרוֹן חֵיוָן ו טְמִירִין, מְחַפְיָין עַל שְׁמָהָן דִּלְגָאו, וּמְעַפְפָן בְּאִלֵּין, וְאִתְחַפְיָין בְּאִלֵּין. קוּדְשָׁא בְּרִיךְ הוּא אִיקְּרֵי בְּהוּ. וְדָא אִיהוּ דִכְתִיב, (שה''ש ה) פָּשַׁטְתִּי אֶת כֻּתָּנְתִּי, לְאִתְתַּקְנָא לְגַבָּה. חסר כאן

462.

מֵהַאי רָקִיעַ וּלְתַתָּא, תַּלְיָין אִינוּן כִּינּוּיִין, לְאִתְחַפְיָא בְּהוּ רָזָא דִּשְׁמָא קַדִּישָׁא. מֵהַאי רָקִיעַ וּלְעֵילָא, לָא תַּלְיָין כִּינּוּיִין. הֲדָא הוּא דִכְתִיב, (יחזקאל א) וְתַחַת הָרָקִיעַ כַּנְפֵיהֶם יְשָׁרוֹת אִשָּׁה אֶל אֲחוֹתָהּ. בְּגִין לְאִתְחַפְיָיא בְּהוּ אִינוּן טְמִירִין עִילָּאִין בְּרָזֵי שְׁמָהָן קַדִּישִׁין. חסר כאן

463.

כְנָפַיִם, כִּסּוּיִין לְאִתְכַּסָּאָה שְׁמָהָן בִּטְמִירוּ. וּלְזִמְנָא דְאָתֵי, לָא יִתְכַּסֶּה רָזָא דִשְׁמָא קַדִּישָׁא, דְּכָלְהוֹ זַכָּאָה קְשׁוֹט יִנְדְּעוּן בְּאִתְגַּלְּיָיא, וְלָא מִגּוֹ כִּינּוּיִין. וְרָזָא דָא כְּתִיב (ישעיה ל) וְלֹא יִכָּנֵף עוֹד מוֹרֶיךָ וְהָיוּ עֵינֶיךָ רֹאוֹת אֶת מוֹרֶיךָ. חסר כאן

464.

לְאִישׁ שְׁתַּיִם מְכַסּוֹת לָהֵנָּה. תְּרֵין אִינוּן לְכָל חַד וְחַד לְאִתְכַּסְּיָא בְּהוּ. הַהוּא דְּיָמִינָא, אִית לֵיהּ חַד דְּיָמִינָא וְחַד דִּשְׂמָאלָא. וְהַאי דִשְׂמָאלָא אִית לֵיהּ חַד דִּשְׂמָאלָא. וְחַד דְּיָמִינָא. וְכֵן כָּלְהוֹ כְּלִילָן אִלֵּין בְּאִלֵּין לְאִתְחַפְיָא בְּהוּ. חסר כאן

465.

גְּוִיֹּתֵיהֶם, רָזִין דִּלְגָאו, בִּשְׁמָהָן קַדִּישִׁין. דְּמִנַּיְיהוּ רָזָא דְגוּפָא דִילְּהוֹן. וְעִם כָּל דָּא, אִלֵּין כְּגַוְּונָא דְּאִלֵּין. הֲדָא הוּא דִכְתִיב, (יחזקאל א) וָאֶשְׁמַע אֶת קוֹל כַּנְפֵיהֶם כְּקוֹל: אֵל, אֱלֹהִים, ה'. דְּכַנְפֵיהֶם: גָּדוֹל, גִּבּוֹר, וְנוֹרָא. הַאי בְּרָזָא דְרָזִין לְעֵילָא, לְאִטַמְרָא כֹּלָּא בִּגְנִיזוּ. לְתַתָּא קָיְימִין בְּחֵיזוּ גַדְפִין, גּוֹ שִׁעוּרָא, בְּת''ק פַּרְסֵי דְשִׁיעוּרָא. וְאִינוּן גַּדְפִין בְּחֵיזְוָוא. חסר כאן

466.

הָכָא אִית חָמֵשׁ קוֹלוֹת, לָקֳבֵל חָמֵשׁ עִילָּאִין סְתִימִין. דִּכְתִיב, (שם) וָאֶשְׁמַע אֶת קוֹל כַּנְפֵיהֶם כְּקוֹל מַיִם רַבִּים כְּקוֹל שַׁדַּי בְּלֶכְתָּם קוֹל הֲמֻלָּה כְּקוֹל מַחֲנֶה. קוֹל כַּנְפֵיהֶם, דְּהָא בְּאִינוּן כִּינּוּיִין אִית שְׁמָא חַד, מֵהַהוּא שְׁמָא דְּאִיהוּ מֵאִינוּן שְׁמָהָן דִּלְגוֹ. וּמַאן אִיהוּ. אָמַר לֵיהּ. דְּהָא שְׁמָא דָא אָזַל בְּאִינוּן כִּינּוּיִין וְדָא אִיהוּ שְׁמָא, כִּשְׁמָא דְמַיִם רַבִּים. וּמֵהָכָא אִתְפְּרַשׁ שְׁמָא דָא לְתַתָּאי. חסר כאן

467.

כְקוֹל שַׁדַּי, אֱלֹהִים. דִּשְׁמָא אִתְכַּנֵּי בְּתַתָּאי, וְאִתְחַתֵּים בְּתַתָּאי, אלק''י. קוֹל הֲמֻלָּ''ה, דָּא שְׁמָא דְּאִקְרֵי אלו''ה, וּשְׁמָא דָא אִתְבְּנֵי בְּבֵי דִינָא לְתַתָּא, בַּאֲתַר דִּזְכוּתָא שַׁרְיָא. כְּקוֹל מַחֲנֶה, דָּא שְׁמָא דְיַעֲקֹב שַׁרְיָא בֵּיהּ. דִּכְתִיב, (בראשית לב) מַחֲנֵה אֱלֹהִים זֶה. חסר כאן

468.

תּוּ, קוֹל דָּא, מְחַפְיָין חַד גּוּפָא, לְאַפְרָשָׁא דָא מִן דָּא, לְאִשְׁתְּמוֹדְעָא, וּלְאִתְחַבְּרָא גּוּפָא חַד הָכָא, וְגוּפָא חַד הָכָא. כְּמָה דְאַתְּ אָמֵר (יחזקאל א) לְאִישׁ שְׁתַּיִם חוֹבְרוֹת אִישׁ. מְחַבְּרָן אִישׁ, לְאִשְׁתְּמוֹדְעָא וּלְאַפְרָשָׁא דָּא מִן דָּא. חסר כאן

469.

וּתְרֵין אָחֳרָנִין מְחַפְיָין לַגּוּף, וּשְׁתַּיִם מְכַסּוֹת אֶת גְּוִיּוֹתֵיהֶנָה. וְכָלְהוֹ גְּלִיפִין מְחַקְּקָן, בְּאַתְוָון דְּרָזָא דִשְׁמָא קַדִּישָׁא, בְּאַרְבְּעִין וּתְרֵין אַתְוָון. תְּחוֹת תְּרֵין אַבְנִין עֵילָא וְתַתָּא, לְאִשְׁתְּמוֹדְעָא קוּדְשָׁא בְּרִיךְ הוּא בִּשְׁמֵיהּ בִּיקָרֵיהּ לְמֶהֱוֵי חַד. חסר כאן

470.

אַרְבָּעִין וּתְמַנְיָיא רְתִיכִין טְמִירִין בְּגַרְמַיְיהוּ, טְמִירִין בְּסִטְרָא דְּהַהוּא אָדָם דְּשָׁרְיָיא עַל כָּרְסְיָיא, בְּרָזָא דְּאַרְבְּעִין וּתְמַנְיָא אַתְוָון. וּמָאתָן אָחֳרָנִין גְּלִיפָן בְּגַרְמַיְיהוּ, לָקֳבֵל שַׁיְיפִין דְּגוּפָּא, וְכוֹלְהוֹן שָׁלְטִין עַל כּוּרְסְיָיא לְתַתָּא, כְּחוּשְׁבַּן פִּקּוּדֵי אוֹרַיְיתָא, בְּרָזָא דְּזָכוֹר. חסר כאן

471.

הַהוּא אָדָם נָטֵיל לְכָל הַנֵּי פִּקּוּדֵי, וּלְכָל הַנֵּי רָזִין דְּשַׁיְיפִין דְּגוּפָא, וְאוֹתִיב בְּרָזָא דִילְּהוֹן לְגוֹ כָּרְסְיָיא קַדִּישָׁא. וּבְהוֹ אִסְתַּלְקַת כָּרְסְיָיא, בִּתְלַת מְאָה וְשִׁתִּין וְה' פְּקוּדִין אָחֳרָנִין בְּרָזָא דְשָׁמוֹר. חסר כאן

472.

כָרְסְיָיא עִילָּאָה, אַפֵּיק כָּל אִינוּן, מִגּוֹ חַד מַבּוּעָא טְמִירָא גְּנִיזָא דְּאִתְגְּנִיז דְּשָׁלְטָא עֲלֵיהּ. הַהוּא מַבּוּעָא לֵית מַאן דְּיָדַע לֵיהּ וְלֵית מַאן דְּאִסְתַּכַּל בֵּיהּ. עֲלֵיהּ כְּתִיב (איוב כח) וְנֶעֶלְמָה מֵעֵינֵי כָל חָי וּמֵעוֹף הַשָּׁמַיִם נִסְתָּרָה. חסר כאן

473.

וּכְתִיב שֵׁשׁ מַעֲלוֹת לַכִּסֵּא, אִלֵּין שִׁית סִיטְרִין לְתַתָּא, כְּגַוְּונָא דְּשִׁית סִטְרִין לְעֵילָא. שֵׁשׁ מַעֲלוֹת לְכָרְסְיָיא עִילָּאָה. שֵׁשׁ מַעֲלוֹת לְכוּרְסְיָיא תַּתָּאָה. אִלֵּין וְאִלֵּין, לָא יָכְלִין לְאִסְתַּכָּלָא וּלְמִנְדַע, לִיקָרָא דְּכָרְסְיָיא דַּעֲלַיְיהוּ. כָּל שֶׁכֵּן לְמַאן דְּשָׁרֵי עַל כָּרְסְיָיא. כָּלְהוֹ בְּאֵימְתָא בִּדְחִילוּ, תְּחוֹת כָּרְסְיָיא קָיְימִין. נָטְלִין כָּרְסְיָיא עֲלַיְיהוּ, וְלָא יָדְעוּ, לְאָן אֲתַר מִתְחַבְּרָאן גּוּפִין, כְּדָּבָר אַחֵר, (יחזקאל א) חוֹבְרוֹת אִשָּׁה אֶל אֲחוֹתָהּ כַּנְפֵיהֶם, בְּגִין לְסָלְקָא לָהּ. וּכְדֵין כָּל אִינוּן כִּינּוּיִין דִּמְכַסְיָין לִשְׁמָהָן קַדִּישִׁין, שָׁלְטִין בִּשְׁמַיְיהוּ, וְאִקְרֵי קוּדְשָׁא בְּרִיךְ הוּא בְּכִנּוּיָיא. חסר כאן

474.

וְכַד קָיְימָא כָּרְסְיָיא בְּכִינּוּיָיא דְּחֶדְוָה, בַּאֲתַר דְּאִצְטְרִיךְ, כְּדֵין אִינוּן חֵיוָן תְּרַפֶּינָה כַּנְפֵיהֶם, וְלָא שָׁלְטִין בְּאִינוּן כִּינּוּיִין, וְחֶדְוָה דִילְּהוֹן בְּהַהוּא זִמְנָא, דְּאִינוּן כִּינּוּיִין תְּרַפֶּינָה כַּנְפֵיהֶם. דְּהָא כְּדֵין קוּדְשָׁא בְּרִיךְ הוּא אִקְּרֵי בְּהוֹן בִּשְׁמָהָן אָחֳרָנִין קַדִּישִׁין עִילָּאִין. חסר כאן

475.

הֲדָא הוּא דִכְתִיב, בְּעָמְדָם, עַל קִיּוּמַיְיהוּ. בְּעָמְדָם, דְּלָא נָטְלִין. אֶלָּא דְּחָדָאן מֵחֶדְוָה דְּקִדּוּשָׁא. וְנָהֲרִין, מִגּוֹ נְהִירוּ דְּנָטְלִין מִכּוּרְסְיָא. וְעַל דָּא כְּתִיב, (שם) תְּרַפֶּינָה כַּנְפֵיהֶן. וְשָׁלְטִין שְׁמָהָן אָחֳרָנִין עִילָּאִין קַדִּישִׁין, דְּקוּדְשָׁא בְּרִיךְ הוּא אִיקְּרֵי בְּהוּ. חסר כאן

476.

(שם) וָאֵרֶא כְּעֵין חַשְׁמַל כְּמַרְאֵה אֵשׁ בֵּית לָהּ סָבִיב וְגו'. וָאֵרֶא, דְּהָא אִסְתַּלַּק מִנֵּיהּ הַהוּא חֵיזוּ, דְּחָמֵי לְפוּם שַׁעֲתָא. בְּגִין כָּךְ אָמַר וָאֵרֶא, וְלֹא כְתִיב וָאֶרְאֶה. חסר כאן

477.

כְעֵין חַשְׁמַל, וְלָא חַשְׁמַל. כְּעֵין: כְּגַוָּון מְלַהֲטָא מְנַצְּצָא, סָלְקָא בִּגְוָונוֹי. כְּעֵין: כְּגווָֹנָא דְּעֵינָא דְּלָא יָכֵיל לְאִסְתַּכְּלָא בְּאִסְתַּכְּלוּתָא, אֶלָּא סְתִים וּפְקִיחָא פְּקִיחָא וּסְתִים, הָכֵי אִיהוּ חַשְׁמַל. חסר כאן

478.

וְאִית חַשְׁמַל סָתִים, דְּלָא אִתְחֲזֵי כְּלַל, אֶלָּא מִגּוֹ מַרְאֶה סְתִימָא, דְּלֵית מַאן דְּיָכֵיל לְקָיְימָא בֵּיהּ, וּלְאִשְׁתְּמוֹדְעָא בֵּיהּ כְּלַל. וְאִית חַשְׁמַל דְּקָיְימָא בִּגְוָונִין, גּוֹ נְצִיצוּ לְאַנְהָרָא וּלְאִסְתַּכָּלָא לְפוּם שַׁעֲתָא. וְדָא אִיהוּ לְתַתָּא, דְּהָא לְעֵילָא לָא כְתִיב וָאֵרֶא, אֶלָּא וָאֶרְאֶה. וְדָא חַשְׁמַל דְּאִתְחֲזֵי בִּגְוָונִין, גָּוַון אַרְגְּוָונָא, יָרוֹק, אָדֹם, לָבָן. סָלְקָא דָא, וְנָחֲתָא דָא. נָצֵיץ וְלָהֵיט, סָלְקָא וְנָחֲתָא. חסר כאן

479.

וּבְגִין כָּךְ כְּתִיב, כְּעֵין חַשְׁמַל, וְלָא כְתִיב וָאֵרֶא חַשְׁמַל, וְלָא וָאֵרֶא הַחַשְׁמַל, דְּלָאו אִיהוּ חַשְׁמַל, אֶלָּא כְּגווָֹנָא דִילֵיהּ. כְּגַוָון דְּאִתְחֲזֵי, הָכֵי גְּוָונוֹי. חַשְׁמַל דָּא אִיהוּ נְהִירוּ, דְּנָקִיט נְהִירוּ בְּגַוֵּיהּ, הַהוּא נְהִירוּ דְּאִתְחֲזֵי בְּאִינוּן נְצִיצִין, נְהִירוּ אָחֳרָא דַּקִּיק, זָהֵיר וְנָצֵיץ יַתִּיר אִית בְּגַוֵּיהּ, וְהַאי דְּקָאֲמַר הָכָא, לָאו אִיהוּ חַשְׁמַל, אֶלָּא כְּעֵין חַשְׁמַל. חסר כאן

480.

בְּחֵיזוּ דְּקַדְמָאָה מַה כְּתִיב. וְאֵשׁ מִתְלַקַּחַת וְנוֹגַהּ לוֹ סָבִיב, וּלְבָתַר, וּמִתּוֹכָהּ כְּעֵין הַחַשְׁמַל. וְהָכָא בְּקַדְמִיתָא כְּעֵין חַשְׁמַל, וּלְבָתַר כְּמַרְאֵה אֵשׁ בֵּית לָהּ סָבִיב, מֵאֶמְצָעִיתָא דְגוּפָא לְעֵילָא, וּמֵאֶמְצָעִיתָא דְגוּפָא לְתַתָּא. חסר כאן

481.

וּתְלַת גְּוָונִין הָכָא, חַשְׁמַל בְּקַדְמִיתָא. וּלְבָתַר אֵשׁ לְגוֹ מִינָּהּ. וּלְבָתַר נוֹגַּהּ. וְאִינִין רָזִין גְּלִיפִין גּוֹ שְׁמָא קַדִּישָׁא. אדנ''י בְּקַדְמִיתָא, כְּעֵין חַשְׁמַל. אֱלֹהִים לְבָתַר, כְּמַרְאֵה אֵשׁ בַּיִת לָהּ. ידו''ד לְגוֹ מִכּוֹלָּא, וְנוֹגַּהּ לוֹ. וְכוֹלְהוֹ תְּלַת גְּלִיפָאן, גּוֹ הַאי רָזָא, כְּלִילָן בְּחַד, לְמֶהֱוֵי כּוֹלָּא חַד דָּא בְּדָא. וְעַל דָּא יְחֶזְקֵאל אִסְתַּכַּל לְעֵילָא, וְאִסְתַּכַּל לְתַתָּא, גּוֹ מְהֵימְנוּתָא, בְּרָזִין עִילָּאִין. מִמַּרְאֵה מָתְנָיו כו'. חסר כאן

482.

(שמות כ) וַיְדַבֵּר אֱלֹהִים אֵת כָּל הַדְּבָרִים הָאֵלֶּה לֵאמֹר. אִיהוּ בִּלְחוֹדוֹי בְּדִיבּוּרָא חָדָא וְהָא אוֹקִימְנָא, אָנֹכִי וְלֹא יִהְיֶה לְךָ בְּדִיבּוּרָא חָדָא אִתְאֲמָרוֹ. חסר כאן

483.

וְכִי הַנִּי, וְתוּ לָא, אֶלָּא הַנֵּי כְּלָלָא דְּכֹלָּא, הַנֵּי כְּלָלָא דְּכָל אוֹרַיְיתָא וְהָכֵי נָמֵי זָכוֹר וְשָׁמוֹר. וּבְגִין דְּזָכוֹר וְשָׁמוֹר אִינוּן כְּלָלָא דְּכֹלָּא, נָקַט הַנֵּי דְּאִינוּן כְּלָלָא. זָכוֹר וְשָׁמוֹר. אָנֹכִי, זָכוֹר. לֹא יִהְיֶה לְךָ, שָׁמוֹר. וְכֹלָּא בְּדִיבּוּרָא חָדָא. חסר כאן

484.

מַאי בְּדִבּוּרָא חָדָא. הָכֵי הוּא וַדַּאי, בְּדִיבּוּרָא חָדָא וְלָא בִּתְרֵין. בְּגִין דְּהַאי דִבּוּר, אִיהוּ אִתְכְּלֵיל מִכָּלְהוֹ קָלֵי. וְאִיהוּ דַהֲוָה אֲמַר בְּתוֹקְפָא וְחֵילָא דְּכָלְהוֹ, דְּכָל חַד וְחַד הוּא בָּטַשׁ בֵּיהּ בִּלְחִישׁוּ, וְאִיהוּ הֲוָה אֲמַר. חסר כאן

485.

וּבְגִין דְּכָלְהוֹ הֲווֹ בִּלְחִישׁוּ וְלָא אִשְׁתְּמָעוּ, כְּתִיב (שם) וְכָל הָעָם רוֹאִים, וְלָא כְתִיב וְכָל הָעָם שׁוֹמְעִים, בְּגִין דְּלָא אִשְׁתְּמָעוּ כְּלָל, אֶלָּא כָּלְהוֹ הֲווֹ אַתְיָין, וְכָל חַד וְחַד נָשִׁיק לְהַאי דִבּוּר בִּלְחִישׁוּ, כְּמַאן דְּנָשִׁיק בַּחֲבִיבוּ דִּרְחִימוּתָא, וּלְבָתַר הַאי דִּבּוּר פָּרֵישׁ, וַאֲמַר מִלָּה, וְאַכְרֵיז לָהּ. חסר כאן

486.

וְעַל דָּא כְּתִיב וַיְדַבֵּר אֱלֹהִים אֵת כָּל הַדְּבָרִים הָאֵלֶּה, דְּאִינוּן כְּלָלָא דְּזָכוֹר וְשָׁמוֹר אָנֹכִי וְלֹא יִהְיֶה לְךָ. אָנֹכִי כְּלָלָא דְּכָל פִּיקּוּדֵי אוֹרַיְיתָא, דְּאִינוּן בִּכְלַל זָכוֹר, וְאִיקְּרוּן מִצְוֹת עֲשֵׂה. אָנֹכִי כְּלָלָא דִּדְכַר וְנוּקְבָא כַּחֲדָא. חסר כאן

487.

וּמַאן דַּאֲמַר דְּאִיהוּ רָזָא דְּכוּרְסְיָא, לָאו אִיהוּ כּוּרְסְיָא בִּלְחוֹדוֹהִי, וְלָאו הָכֵי, דְּהָא רָזָא דְּזָכוֹר אִיהוּ, וְאִיהוּ דְּכוּרָא. אֲבָל אַף עַל גַּב דְּאִיהוּ דְכוּרָא, כְּלָלָא דִּדְכַר וְנוּקְבָא כַּחֲדָא אִיהוּ. חסר כאן

488.

וְאַף עַל גַּב דְּכֹלָּא שַׁפִּיר, אֲבָל אֲנִי, דָּא רָזָא דִּבְרִית קַדִּישָׁא, יְסוֹדָא דְּעָלְמָא. כ' אִתְכְּלֵיל בְּגַוֵּיהּ, דָּא אִיהוּ רָזָא דְנוּקְבָא. וּבְכָל אֲתַר כ', דָּא אִיהִי נוּקְבָא דְאִקְרֵי כֶּתֶר. חסר כאן

489.

וּבְגִין כָּךְ כֹּלָּא אִיהוּ כַּחֲדָא, רָזָא דִדְכַר וְנוּקְבָא כַּחֲדָא, וְכֹלָּא אִקְרֵי זָכוֹר, דְּהָא דְּכַר לָאו אִיהוּ בִּלְחוֹדוֹי, וְנוּקְבָא אוּף הָכֵי לָאו אִיהִי בִּלְחוֹדָהָא, וּלְעָלְמִין לָא אִתְפַּרְשָׁן דָּא מִן דָּא. זָכוֹר אַתְיָא בְּנוּקְבֵיהּ, שָׁמוֹר אַתְיָא אוּף הָכֵי בְּרָזָא דְּוא''ו, דְּאִיהוּ דְּכוּרִבִּי אֶלְעָזָר. בְּגִין דְּלָא מִתְפָּרְשָׁן דָּא מִן דָּא. חסר כאן

490.

אָנֹכִי כְּלָלָא דִּדְכַר וְנוּקְבָא כַּחֲדָא, וְכֹלָּא אִיקְרֵי זָכוֹר. מַאי טַעְמָא, בְּגִין דְּאִיהוּ נָטֵיל לְנוּקְבָא, וְאַכְלֵיל לָהּ בְּגַוֵּויהּ. וְעַל דָּא לָא אִידְכַּר אֶלָּא אִיהוּ בִּלְחוֹדוֹי. וְכַד אִיהִי אַמְשִׁיכַת לְבַעֲלָהּ בַּהֲדָהּ, וְאָתֵי אִיהוּ לְגַבָּה, כְּדָּבָר אַחֵר (שיר השירים ג) עַד שֶׁהֲבֵאתִיו אֶל בֵּית אִמִּי, כְּדֵין אִיהִי נָטְלָא שְׁמָא, וְכֹלָּא אִיקְּרֵי שָׁמוֹר. מַאי טַעְמָא. בְּגִין דְּאִיהִי אַמְשִׁיכַת לֵיהּ לְגַבָּהּ, וְנָטְלַת לֵיהּ. כְּדֵין כָּל בֵּיתָא קָיְימָא בִּרְשׁוּתָהָא, וְלָא אִדְכַּר אֶלָּא אִיהִי בִּלְחוֹדָהָא, וּלְעָלְמִין לָא מִתְפָּרְשִׁין דָּא מִן דָּא. חסר כאן

491.

אָנֹכִי, רָזָא דְרָזִין לְיָדְעֵי חָכְמְתָא. בְּהַהוּא שַׁעֲתָא דְּאִלֵּין אַתְוָון נָפְקוּ בְּרָזָא דְּכָלֵיל כַּחֲדָא, נָפְקָא בּוּצִינָא לְגָלְפָא מִשְׁחָתָא. מָדֵיד בְּסִטְרָא דָּא עֶשֶׂר אַמִּין, וּנְפָקוֹ זִיקִין, בְּזִיקִין שִׁבְעִין וּתְרֵין. וְאִתְלַהֲטָן שְׁבִיבִין, נְצִיצִין סָלְקִין וְנָחֲתִין. לְבָתַר, אִשְׁתְּכָכוּ, וְקָאִימוּ בִּסְלִיקוּ לְעֵילָא לְעֵילָא. מָדִיד בְּסִטְרָא אָחֳרָא עֶשֶׂר אַמִין, וּנְפָקוּ אוּף הָכֵי זִיקִין, בְּהַהוּא גּווָֹנָא קַדְמָאָה, וְכֵן לְכָל סִטְרִין. חסר כאן

492.

אִתְפַּשְׁטָא בּוּצִינָא וְסָחֲרָא סְחוֹר סְחוֹר, וְאִתְלְהִיטוּ שְׁבִיבִין נְצִיצִין, וּסְלִיקוּ לְעֵילָא לְעֵילָא, וְאִתְלְהִיטוּ שְׁמַיָא. וְכָל חֵיְילִין עִילָּאִין כָּלְהוֹ, אִתְלְהִיטוּ וְאִתְנְצִיצוּ כַּחֲדָא. חסר כאן

493.

סַחֲרָא בּוּצִינָא לְבָתַר מִסִּטְרָא דְדָרוֹם וּמָדִיד וְסָחֲרָא מִתַּמָּן לְמִזְרָח, וּמִמִּזְרָח לְצָפוֹן, עַד דְּאַסְחַר וְתָב לְסִטְרָא דְדָרוֹם כִּדְבְקַדְמֵיתָא. חסר כאן

494.

לְבָתַר מִתְגַּלְגְּלָא בּוּצִינָא לְאִסְתַּלָּקָא, וְזִיקִין וּשְׁבִיבִין אִשְׁתַּכָּכוּ, וּכְדֵין נָפְקוֹ אִלֵּין אַתְוָון מְחָקְקָן מִתְלַהֲטָן נָצְצִין, כְּדַהֲבָא כַּד אִתְלַהֵיט בִּנְצִיצוֹ. כְּהַאי אוּמָנָא כַּד מְצָרֵף כַּסְפָּא וְדַהֲבָא, וְאַפֵּיק לוֹן מִגּוֹ אֶשָׁא מְלַהֲטָא, בָּרֵיר וְצָרֵיף כּוֹלָּא. הָכֵי נָמֵי נָפְקֵי אַתְוָון, צְרִיפָן בְּרִירָן מִגּוֹ מִשְׁחָתָא דְּבוּצִינָא. וְעַל דָּא כְּתִיב (תהלים יח) אִמְרַת ה' צְרוּפָה. כְּמַאן דִּמְצָרֵף כַּסְפָּא וְדַהֲבָא. חסר כאן

495.

כַד נָפְקוֹ אִלֵּין אַתְוָון, נָפְקוֹ כָּלְהוֹ צְרִיפִין, מְחַקְּקָן, בְּרִירָן, נְצִיצִין, מְלַהֲטָן. וְיִשְׂרָאֵל כָּלְהוֹ הֲווֹ חָמָאן לוֹן דַּהֲווֹ פָּרְחֵי בַּאֲוִירָא, וְאָזְלִין לְכָל סִטְרִין, וְאָתוֹ וּמִתְחַקְּקָן עַל לוּחֵי אַבְנַיָיא. חסר כאן

496.

וְתָּא חֲזֵי כַּד הֲווֹ נָפְקֵי אִלֵּין אַתְוָון בְּרָזָא דִּכְלָלָא דִּדְכַר וְנוּקְבָא, בְּרִירָן מְחַקְּקָן. חַד אָת הֲוָה סָלֵיק עֲלַיְיהוּ, דְּהֲוָה רָשֵׁים וְגָלֵיף לְהַנֵּי אַתְוָון, וּמְעַטֵר לוֹן, וְהַהוּא אָת אָזֵיל בְּכוּלְּהוּ, מֵרָזָא דְּבוּצִינָא אִתְגְּלֵיף. וְהַהוּא אָת אִיהוּ אוֹת ו', דְּהוּא סָלֵיק עַל כָּל אַתְוָון אָחֳרָנִין, וְגָלֵיף לוֹן עַל כֹּלָּא. חסר כאן

497.

וְרָזָא דָא, (שמות כ) וְכָל הָעָם רוֹאִים אֶ''ת הַ''קּוֹלוֹת וְאֶ''ת הַ''לַּפִּידִים וְאֵת קוֹל הַשּׁוֹפָר. אֶת הַקּוֹלוֹת, אִלֵּין אִינוּן אַתְוָון אָחֳרָנִין, דַּהֲווֹ נָפְקִין מֵאִינוּן קוֹלוֹת כִּדְקָאֲמָרָן, וְאִתְחַזּוֹן בַּאֲוִירָא לְעֵינֵיהוֹן דְּכֹלָּא. חסר כאן

498.

דִּכְתִיב אֶת הַקּוֹלוֹת, וְלָא כְתִיב וְכָל הָעָם רוֹאִים הַקּוֹלוֹת, אֶלָּא אֶת הַקּוֹלוֹת, אִלֵּין אִינוּן אַתְוָון דַּהֲווֹ נָפְקֵי מִנַּיְיהוּ. וְאֶת קוֹל הַשּׁוֹפָר, דָּא אָת ו', דְּהֲוָה סָלֵיק עַל כָּל אַתְוָון, וְגָלֵיף לוֹן, כְּמָא דְּאִיתְּמָר. בְּגִין דְּרָזָא דְאָת ו' אִיקְּרֵי קוֹל הַשּׁוֹפָר, וּבְגִין כָּךְ כְּתִיב רוֹאִים. וְכַד שְׁמָעוֹ לָא שְׁמָעוֹ אֶלָּא קוֹל מִילּוּלָא חָדָא, דִּכְתִיב (דברים ד) קוֹל דְּבָרִים אַתֶּם שׁוֹמְעִים, הַהוּא קוֹל דְּאִיקְּרֵי דְּבָרִים, דְּהוּא הֲוָה אָמַר מִלָּה בִּלְחוֹדוֹי. חסר כאן

499.

וְאַף עַל גַּב דְּכָל יִשְׂרָאֵל חָמוֹ יְקָרֵיהּ דְּקוּדְשָׁא בְּרִיךְ הוּא, לָא הֲווֹ חָמָאן, אֶלָּא כְּמַאן דְּחָמֵי מִגּוֹ עֲשָׁשִׁיתָא, וַהֲווּ מִסְתַּכְּלָן לְמִנְדַע חָכְמְתָא בְּאִינוּן אַתְוָון דַּהֲווֹ נָפְקֵי. וַהֲווּ חָמָאן נְהִירוּ דְּנָהֵיר מִגּוֹ נְהִירוּ אָחֳרָא. וְעַל דָּא כְּתִיב, (שם) כִּי לֹא רְאִיתֶם כָּל תְּמוּנָה. חסר כאן

500.

אָנֹכִי רָזָא דְזָכוֹר, רָזָא דִּדְכוּרָא, דְּבָטַשׁ וְאַנְהֵיר לְדִבּוּר, וְנָפְקֵי אִלֵּין אַתְוָון לְאִתְעַטְרָא, וּבְאִלֵּין אַתְוָון הֲווֹ חָמָאן, וַהֲווּ שָׁמְעִין מִלָּה דְּאִקְּרֵי אָנֹכִי, דְּאִיהוּ אִסְתַּכְּלוּתָא הֲווֹ חָמָאן מִנַּיְיהוּ. שְׁמִיעָה דְּתֵיבוּתָא דִילְּהוֹן, הֲווֹ שָׁמְעִין. חסר כאן

501.

דִּכְתִיב קוֹל דְּבָרִים אַתֶּם שׁוֹמְעִים. הוּא שְׁמִיעָה, לְמֶעְבַּד דְּבָרִים, מֵאִינוּן אַתְוָון דַּהֲווֹ חָמָאן. וְאַף עַל גַּב דְּקוֹל דְּבָרִים אִיהוּ, וְאִיהוּ הֲוָה מְמַלֵּל, וְלָא הֲוָה מְמַלֵּל אֶלָּא מִלָּה, דְּאִינוּן אַתְוָון, כְּמָא דְּאִיתְּמָר. חסר כאן

502.

אָנֹכִי הָכָא אִיהוּ רָזָא כְּלַל. וּפְרַט, יהו''ה אֱלֹהֶיךָ. ה', רָזָא דְזָכוֹר. אֱלֹהֶיךָ, רָזָא דְשָׁמוֹר. וְעַל דָּא הָכָא כְּלַל וּפְרַט, וְאוֹרַיְיתָא בְּרָזָא דָא מִתְעַטְרָא. בִּכְלַל וּפְרַט, כְּלָלָא דְכָל אוֹרַיְיתָא. וְכָל פִּקּוּדֵי אוֹרַיְיתָא. בְּגִין דְּאִיהוּ כְּלָלָא דְּזָכוֹר וְשָׁמוֹר כַּחֲדָא. חסר כאן

503.

כְמָא דְּאוֹקִימְנָא בְּסִפְרָא דִשְׁלֹמֹה, בְּגִילּוּפָא דְּעִיטוּרָא דְּאַתְוָון. אָנֹכִי: א''י דְּכַר. נ''כ נוּקְבָא. וְשַׁפִּיר אִיהוּ, וְהָכֵי קָאָמַר, אֲנִי דְּכַר וְנוּקְבָא כַּחֲדָא, דְּהָא נוּ''ן כְּפוּפָה אִיהוּ נוּקְבָא בְּכָל אֲתַר. אוּף הָכָא אָנֹכִי כֹּלָּא כַּחֲדָא. חסר כאן

504.

אַמַּאי נָקַט אָנֹכִי, וְלֹא אֲנִי. אֶלָּא נ''כ תְּרֵי נוּקְבֵי אִינוּן, וּתְנִינָן, כְּגַוְונָא דִּשְׁכִינָה לְתַתָּא, אוּף הָכֵי שְׁכִינָה לְעֵילָא. וְכֹלָּא אִשְׁתְּכַח בְּמִלַּת אָנֹכִי, בְּחִיבּוּרָא חָדָא. אָנֹכִי כְּלָלָא דְּזָכוֹר, רָזָא דְּכָל מְהֵימְנוּתָא, כְּלָלָא דְּעֵילָא וְתַתָּא. יוּ''ד: לְעֵילָא לְעֵילָא, רֵאשִׁיתָא דְּכָל מְהֵימְנוּתָא. נ''כ: תְּרֵין נוּקְבֵי, עִילָּאָה וְתַתָּאָה, תְּרֵין עָלְמִין עֵילָא וְתַתָּא. א: רָזָא דְּקַו אֶמְצָעִיתָא, דְּנָטֵיל מִכָּל סִטְרִין, מֵעֵילָא וּמִסִּטְרוֹי. וְעַל דָּא הָכָא אִשְׁתְּכַח כָּל רָזָא דִּמְהֵימְנוּתָא. חסר כאן

505.

וּבְגִין דְּהָכָא תַּלְיָא כֹּלָּא, בְּחִיבּוּרָא חָדָא, בִּכְלָלָא חָדָא, שָׁארֵי בְּהַאי מִלָּה, לְאַעֲטָרָא רָזָא דְאוֹרַיְיתָא בְּמִלָּה דָא אָנֹכִי, כְּלָלָא דְּכֹלָּא. ה' אֱלֹהֶיךָ, פְּרָטָא דְּכֹלָּא, שְׁמָא שְׁלִים, דְּאִתְגְּלֵיף עֲלַיְיהוּ דְּיִשְׂרָאֵל תָּדִיר. חסר כאן

506.

תָּא חֲזֵי (בראשית ב) ה' אֱלֹהִים, שֵׁם מָלֵא, עַל עוֹלָם מָלֵא. דְּקָיְימָא אִיהוּ בִּלְחוֹדוֹי, וְאִתְעַטֵיר בְּגַוֵּיהּ. בְּגִין דְּלָא אִשְׁתְּכַח בְּהַהוּא זִימְנָא עַמָּא וְלִישָׁן, עַל מַה דְּאִתְעַטַר. וּבְגִין כָּךְ הֲוָה מִתְעַטֵר בְּגַוֵּיהּ, וְאִקְּרֵי ה' אֱלֹהִים. חסר כאן

507.

כֵיוָן דְּאָתוֹ יִשְׂרָאֵל, וְקָיְימוּ עַל טוּרָא דְסִינַי, וְקַבִּילוּ אוֹרַיְיתָא, כְּדֵין אִתְעַטַר שְׁמָא שְׁלִים עֲלַיְיהוּ דְּיִשְׂרָאֵל, וְאִיקְּרֵי אֱלֹהֶיךָ. וְכַד אֲמַר משֶׁה ה' אֱלֹהֵינוּ, בְּגִין דְּאִיהוּ שִׁבְחָא דְיִשְׂרָאֵל, וְעִמֵּיהּ אַהֲרֹן כַּהֲנָא רַבָּא, וּבְנוֹי דְמשֶׁה מִסִּטְרָא אוֹחֲרָא. בֵּיהּ הֲוָה מִתְעַטַר שְׁמָא שְׁלִים יַתִּיר מִיִּשְׂרָאֵל, וְעַל דָּא הֲוָה אֲמַר ה' אֱלֹהֵינוּ. חסר כאן

508.

וְעִם כָּל דָּא אַכְלֵיל עִמֵּיהּ לְכָל יִשְׂרָאֵל, דְּלָא כְּתִיב ה' אֱלֹהִים, אֶלָּא ה' אֱלֹהֵינוּ, כֹּלָּא כַּחֲדָא, לְאִתְעַטְרָא עֲלַיְיהוּ. וְעַל דָּא אִתְעַטְרָן יִשְׂרָאֵל עַל טוּרָא דְסִינַי, לְמֶהֱוֵי שְׁמָא שְׁלִים מִתְעַטְרָא עֲלַיְיהוּ כַּחֲדָא, דְּהָא מִקַּדְמַת דְּנָא לָא אִקְּרֵי ה' אֱלֹהֶיךָ, אֶלָּא ה' אֱלֹהִים. חסר כאן

509.

כֵיוָן דְּקַבִּילוּ יִשְׂרָאֵל אוֹרַיְיתָא, ם סְתִימָא דְּהֲוָה אַסְתֵּים בְּגַוֵּיהּ, בְּהַהִיא שַׁעֲתָא אִתְפַּתַּח, וְאִתְמַשַּׁךְ לְאַנְהָרָא לְתַתָּא, וּלְאִתְעַטְרָא עֲלַיְיהוּ דְיִשְׂרָאֵל. וּמִן אוֹת ם אִתְפַּתַּח וְאִתְמַשַּׁךְ לְאַנְהָרָא לְתַתָּא, וְאִתְעֲבֵיד ך. חסר כאן

510.

וְעַל דָּא תָּנִינָן בְּרָזָא דְּאַתְוָון, שִׁיעוּרָא דְּאָת ך, כְּשִׁיעוּרָא דִּסְתִימוּ דְּם' סְתִימָא. וּמְשִׁיכוּ דְּאָת נו''ן לְתַתָּא, כְּשִׁיעוּרָא דְּכָפֵלְתָּא דְּנוּ''ן כְּפוּפָה. דְּהָא כֹּלָּא בְּרָזָא חָדָא. וְכֹלָּא הֲוָה נָפֵיק מֵהַהוּא קוֹל דְּבָרִים דְּקָאֲמָרָן, דִּכְתִיב וַיְדַבֵּר אֱלֹהִים אֶת כָּל הַדְּבָרִים הָאֵלֶּה לֵאמֹר. חסר כאן

זוהר חדש-יתרו